ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମିଶନ ପୂର୍ବୋଦୟକୁ ତ୍ବରିତ ବିକାଶ ପଥରେ ନେବାକୁ ମିଳିଲା ନୂଆ ସମ୍ଭାବନା । ପାରାଦୀପରେ ପାରାଦୀପ ପେଟ୍ରୋକେମିକାଲ୍ କମ୍ପ୍ଲେକ୍ସ ପ୍ରତିଷ୍ଠା ପାଇଁ ଇଣ୍ଡିଆନ୍ ଅଏଲ୍ ବୋର୍ଡ ପ୍ରଥମ ପର୍ଯ୍ୟାୟ ଅନୁମୋଦନ ପ୍ରଦାନ କରିଛି। ଏହି ପ୍ରକଳ୍ପର ମୂଲ୍ୟ 61 ହଜାର 77 କୋଟି ଟଙ୍କା। ଏହା ଦେଶରେ ଇଣ୍ଡିଆନ ଅଏଲ୍ ଦ୍ଵାରା କୌଣସି ଗୋଟିଏ ସ୍ଥାନରେ ସର୍ବବୃହତ ପୁଞ୍ଜି ବିନିଯୋଗ ହେବ |
ଦେଖନ୍ତୁ ଭିଡିଓ :ପ୍ରେଟ୍ରୋକେମିକାଲ୍ସ କ୍ଷେତ୍ରରେ ଆତ୍ମନିର୍ଭର ହେବ ଭାରତ !
ଏହି କମ୍ପ୍ଲେକ୍ସରେ ବହୁ ପରିମାଣର ପେଟ୍ରୋକେମିକାଲ୍ ଉତ୍ପାଦ ଉତ୍ପାଦନ ପାଇଁ ଡାଉନଷ୍ଟ୍ରିମ୍ ପ୍ରୋସେସ୍ ୟୁନିଟ୍ ସହିତ ଏକ ବିଶ୍ବ ସ୍ତରର କ୍ରାକର ୟୁନିଟ୍ ଅନ୍ତର୍ଭୂକ୍ତ ହେବ। ଏହି କମ୍ପ୍ଲେକ୍ସ ପଲି ପ୍ରୋପିଲିନ୍, ହାଇ ଡେନସିଟି ପଲିଥାଇଲନ୍, ଲାଇନ୍ ଲୋ-ଡେନସିଟି ପଲିଥାଇଲନ୍, ପଲି ଭିନିଲ୍ କ୍ଲୋରାଇଡ୍ ଇତ୍ୟାଦି ସହିତ ଫେନୋଲ୍ ଏବଂ ଆଇସୋ ପ୍ରପିଲ୍ ଆଲକୋହଲ୍ ସହିତ ବିଶେଷ ରାସାୟନିକ ପଦାର୍ଥ / ପେଟ୍ରୋକେମିକାଲ୍ସ ଉତ୍ପାଦ ପ୍ରସ୍ତୁତ ହେବ |
ଏହି ମେଗା ପ୍ରକଳ୍ପ ପୂର୍ବ ଭାରତର ତ୍ଵରିତ ବିକାଶ ପାଇଁ ପ୍ରଧାନମନ୍ତ୍ରୀଙ୍କ “ମିଶନ୍ ପୂର୍ବୋଦୟ” ସହିତ ସମାନ ହୋଇଛି। ଏହି ବୃହତ ପ୍ରକଳ୍ପ ପେଟ୍ରୋକେମିକାଲ୍ କ୍ଷେତ୍ରରେ ଭାରତକୁ ଆତ୍ମନିର୍ଭର କରିବ | ଏହି ପ୍ରକଳ୍ପରୁ ଉତ୍ପାଦିତ ପେଟ୍ରୋକେମିକାଲ୍ ଉତ୍ପାଦଗୁଡିକ ମୁଖ୍ୟତଃ ଘରୋଇ ଚାହିଦା ପୂରଣ କରିବା ସହ ଆମଦାନୀ ନିର୍ଭରଶୀଳତା ହ୍ରାସ କରିବ। ଏହି ପ୍ରକଳ୍ପର କାର୍ଯ୍ୟକାରିତା ଉପରେ, ଘରୋଇ ଭାବରେ ଉପଲବ୍ଧ ପେଟ୍ରୋକେମିକାଲ୍ସ ଡାଉନଷ୍ଟ୍ରିମ ଶିଳ୍ପର ଅଭିବୃଦ୍ଧିକୁ ତ୍ବରାନ୍ବିତ କରିବ। ଏବଂ ଭାରତର ପୂର୍ବ ଭାଗରେ ଏବଂ ବିଶେଷ କରି ଓଡ଼ିଶାରେ ବ୍ୟାପକ ନିଯୁକ୍ତି ସୁଯୋଗ ସୃଷ୍ଟି କରିବ ।
