The Jammu and Kashmir administration has suspended the Amarnath pilgrimage

ଅମରନାଥ ଯାତ୍ରୀଙ୍କ ଉପରେ ଆକ୍ରମଣ ଆଶଙ୍କା, ଯାତ୍ରା ସ୍ଥଗିତ

by Manini Pattanayak

The Jammu and Kashmir administration has suspended the Amarnath pilgrimage

ନୂଆଦିଲ୍ଲୀ:ପ୍ରସିଦ୍ଧ ଅମରନାଥ ଯାତ୍ରାକୁ ସ୍ଥଗିତ କଲେ ଜମ୍ମୁ-କାଶ୍ମୀର ପ୍ରଶାସନ । ଅମରନାଥ ଯାତ୍ରା କରୁଥିବା ପର୍ଯ୍ୟଟକଙ୍କୁ ସତର୍କସୂଚନା ଜାରୀ କରିଛି ଜାମ୍ମୁ କାଶ୍ମୀର ପ୍ରଶାସନ । ରାଜ୍ୟରେ ଆତଙ୍କବାଦୀଙ୍କ ତରଫରୁ ବଡଧରଣ ଆକ୍ରମଣ ହେବା ନେଇ ସମସ୍ତ ଯାତ୍ରୀଙ୍କୁ ଯାତ୍ରା ସାରି ଶିଘ୍ର ଫେରିଯିବାକୁ ପରାମର୍ଶ ଦେଇଛି ପ୍ରଶାସନ । ଏଥିସହିତ ଯାତ୍ରାକୁ ବନ୍ଦ କରିଦିଆଯାଇଛି । ଅମରନାଥ ଯାତ୍ରୀଙ୍କ ଉପରେ ଆକ୍ରମଣ କରିବାକୁ ପାକ୍ ର ଯୋଜନା ବୋଲି ଭାରତୀୟ ସେନା ପକ୍ଷରୁ ସୂଚନା ମିଳିଛି । ଆତଙ୍କବାଦୀମାନେ ଏଭଳି ଆକ୍ରମଣ କରିବାକୁ ଭାରତରେ ପ୍ରବେଶ କରିଥିବା ଗୁଇନ୍ଦା ବିଭାଗ ସେନାକୁ ସୂଚନା ଦେଇଥିଲା। ଅମରନାଥ ଯାତ୍ରା ମାର୍ଗରେ ସର୍ଚ୍ଚ ଅପରେସନ କରିବା ବେଳେ ପାକିସ୍ତାନରେ ନିର୍ମିତ ସ୍ନାଇପର ରାଇଫଲ ଓ ଲ୍ୟାଣ୍ଡମାଇନ୍କୁ ଭାରତୀୟ ସେନା ଠାବ କରିଛି ।

ଚିନାର୍ କର୍ପସ କମାଣ୍ଡର ଲେଫ୍ଟନାଣ୍ଟ ଜେନେରାଲ କେଜେଏସ୍ ଢୀଲୋନ ଏ ନେଇ ସୂଚନା ଦେଇଛନ୍ତି । ଗତ ୩ ରୁ ୪ ଦିନ ହେଲା ଗୁଇନ୍ଦା ବିଭାଗ ନିୟମିତ ସୂଚନା ଦେଇଆସୁଛି ଯେ ପାକିସ୍ତାନ ସରକାର ଓ ସେନା ସହାୟତାରେ ଆତଙ୍କବାଦୀମାନେ ଅମରନାଥ ଯାତ୍ରୀଙ୍କ ଉପରେ ଆକ୍ରମଣ କରିବାକୁ ଯୋଜନା କରୁଛନ୍ତି । ଏହି ସୂଚନା ପରେ ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା । ସର୍ଚ୍ଚ ଅପରେସନ ବେଳେ ଲ୍ୟାଣ୍ଡମାଇନ୍ ଓ ସ୍ନାଇପର ରାଇଫଲ ମିଳିଛି। ଲ୍ୟାଣ୍ଡମାଇନ୍ ରେ ଏକ ପାକିସ୍ତାନ କମ୍ପାନୀରେ ଏହା ନିର୍ମିତ ହୋଇଥିବାର ଚିହ୍ନ ରହିଛି। ସେହିପରି ଏମ୍-୨୪ ଆମେରିକୀୟ ସ୍ନାଇପର ରାଇଫଲରେ ଏକ ଟେଲିସ୍ପୋପ ସଂଯୁକ୍ତ ରହିଛି। ତେବେ ଅମରନାଥ ଯାତ୍ରାକୁ ଏବେ ସମ୍ପୂର୍ଣ୍ଣ ସ୍ଥଗିତ ରଖାଯାଇଛି।