ଅର୍ଗସ ବ୍ୟୁରୋ : ଅଭିନେତା ମିଥୁନ ଚକ୍ରବର୍ତ୍ତୀଙ୍କୁ ବ୍ରେନ୍ ଷ୍ଟୋକ୍ । ଅସୁସ୍ଥତାକୁ ନେଇ ସେ ଶନିବାର ଡାକ୍ତରଖାନାରେ ଭର୍ତ୍ତି ହୋଇଥିବା ବେଳେ ଏବେ ତାଙ୍କୁ ନେଇ ବଡ଼ ଖବର ସାମ୍ନାକୁ ଆସିଛି । ତାଙ୍କର ମେଡିକାଲ ରିପୋର୍ଟ ଆସିଛି । ଏଥିରୁ ତାଙ୍କୁ ଷ୍ଟ୍ରୋକ୍ ହୋଇଥିବା ସ୍ପଷ୍ଟ ହେବା ପରେ ଚିକିତ୍ସା ଜାରି ରହିଛି । ପ୍ରଶଂସକମାନେ ତାଙ୍କର ଆଶୁ ଆରୋଗ୍ୟ କାମନା କରୁଛନ୍ତି ।
ଅଧିକ ପଢନ୍ତୁ ଭାରତ ଖବର
ମିଥୁନ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ କୋଲକାତାର ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିବା ପ୍ରଥମେ ରିପୋର୍ଟ ଆସିଥିଲା । ହେଲେ କିଛି ସମୟ ପୂର୍ବରୁ ତାଙ୍କ ପୁଅ ମହାକ୍ଷୟ ଚକ୍ରବର୍ତ୍ତୀ ସବୁକିଛି ଗୁଜବ ବୋଲି କହିଥିଲେ । ହେଲେ ଏବେ ଡାକ୍ତରଖାନା ତରଫରୁ ଜାରି କରାଯାଇଥିବା ସୂଚନାରେ ଅଭିନେତାଙ୍କୁ ବ୍ରେନ୍ ଷ୍ଟ୍ରୋକ୍ ହୋଇଥିବା ଜଣାପଡ଼ିଛି ।
ଅର୍ଗସ ବ୍ୟୁରୋ: ଆଜିକାଲି ଖରାପ ଜୀବନଶୌଳୀ ହେତୁ ଲୋକମାନେ ଅନେକ ପ୍ରକାରର ରୋଗର ଶିକାର ହେଉଛନ୍ତି। ଯେଉଁଥିରେ ହୃଦଘାତ ଏବଂ ଷ୍ଟ୍ରୋକ୍ ଭଳି ସାଂଘାତିକ ରୋଗ ମଧ୍ୟ ହୋଇଥାଏ । ଶରୀରରେ କୋଲେଷ୍ଟ୍ରଲ ବୃଦ୍ଧି ହେତୁ ହୃଦଘାତ ଏବଂ ଷ୍ଟ୍ରୋକ୍ ହେବାର ଆଶଙ୍କା ଅଧିକ ଥାଏ । ଏହାକୁ ଏଡାଇବା ପାଇଁ ଏହିପରି ଅନେକ ଜିନିଷ ଖାଦ୍ୟରେ ଅନ୍ତର୍ଭୂକ୍ତ କରାଯାଇପାରେ ଯାହା କୋଲେଷ୍ଟ୍ରଲ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । କୋଲେଷ୍ଟ୍ରଲ ହ୍ରାସ ପାଇଁ ଅଦା ମଧ୍ୟ ଏକ ପ୍ରଭାବଶାଳୀ ଆୟୁର୍ବେଦିକ ପ୍ରତିକାର ।ଆପଣ ଚାହିଁଲେ ଦୁଇଟି ଉପାୟରେ ଅଦା ଖାଇବା ଦ୍ୱାରା ଖରାପ କୋଲେଷ୍ଟ୍ରଲ କମିଯାଏ । ଏହା ମଧ୍ୟ ଟ୍ରାଇଗ୍ଲାଇସରାଇଡ୍ ହ୍ରାସ କରେ । କୋଲେଷ୍ଟ୍ରଲ କମାଇବା ପାଇଁ ଅଦାକୁ କିପରି ବ୍ୟବହାର କରିବେ ଜାଣନ୍ତି?
ବାସ୍ତବରେ ଶରୀରରେ କୋଲେଷ୍ଟ୍ରଲ ହେଉଛି ମହମ ପରି ଷ୍ଟିକି ପଦାର୍ଥ ଯାହା ଦୁଇଟି ରୂପରେ ମିଳିଥାଏ । ଗୋଟିଏ ଭଲ କୋଲେଷ୍ଟ୍ରଲ ଏବଂ ଅନ୍ୟଟି ଖରାପ କୋଲେଷ୍ଟ୍ରଲ । ଯେତେବେଳେ ଶରୀରରେ ଖରାପ କୋଲେଷ୍ଟ୍ରଲ୍ର ପରିମାଣ ବଢିବା ଆରମ୍ଭ କରେ ଏହା ଶିରାରେ ଜମା ହୋଇଯାଏ । ଏହି କାରଣରୁ ଧମନୀ ଅବରୋଧ ହେବା ଆରମ୍ଭ କରେ ଏବଂ ରକ୍ତ ଯୋଗାଣରେ ପ୍ରଭାବିତ ହୁଏ । ସ୍ନାୟୁ ରୋକିବା ଦ୍ୱାରା ହୃଦଘାତ ଏବଂ ଷ୍ଟ୍ରୋକ୍ ଭଳି ସାଂଘାତିକ ରୋଗର ଆଶଙ୍କା ବଢିଯାଏ । ତେଣୁ ଯଦି ଆପଣ ଶରୀରକୁ ସୁସ୍ଥ ରଖିବାକୁ ଚାହାଁନ୍ତି, ତେବେ କୋଲେଷ୍ଟ୍ରଲ ନିୟନ୍ତ୍ରଣ କରିବା ଜରୁରୀ ଅଟେ ।
ଖରାପ କୋଲେଷ୍ଟ୍ରଲ କମାଇବା ପାଇଁ ଅଦା
ଅଦା ରେ ଜିଞ୍ଜରଲ୍ ନାମକ ଏକ ଉପାଦାନ ଥାଏ ଯାହା ଖରାପ କୋଲେଷ୍ଟ୍ରଲ୍କୁ ହ୍ରାସ କରିଥାଏ । ଅଦାରେ ହାଇପୋଲିପିଡେମିକ୍ ଏଜେଣ୍ଟ ଥାଏ ଯାହା କୋଲେଷ୍ଟ୍ରଲ୍ ହ୍ରାସ କରି ଲିପିଡ ପ୍ରୋଫାଇଲକୁ ଉନ୍ନତ କରିଥାଏ । ଅଦା ଖାଇବା ଶରୀରରେ ଭଲ କୋଲେଷ୍ଟ୍ରଲ୍ର ସ୍ତରକୁ ବଢାଇଥାଏ । ଅଦା ଖାଉଥିବା ଲୋକଙ୍କଠାରେ କମ୍ ଟ୍ରାଇଗ୍ଲେସିରାଇଡ୍ ଏବଂ LDL କୋଲେଷ୍ଟ୍ରଲ ସ୍ତର ଥାଏ ।
କୋଲେଷ୍ଟ୍ରଲ କମାଇବା ପାଇଁ ଅଦା ପାଣି
ଅଦା ପାଣି ଖରାପ କୋଲେଷ୍ଟ୍ରଲ ହ୍ରାସ କରିବାରେ ସାହାଯ୍ୟ କରିଥାଏ । ଏଥିପାଇଁ ରାତିରେ ଶୋଇବା ପୂର୍ବରୁ ଏକ ଖଣ୍ଡକୁ ପାଣିରେ ଭିଜାଇ ଦିଅନ୍ତୁ ଏବଂ ସକାଳୁ ଖାଲି ପେଟରେ ପାଣି ପିଅନ୍ତୁ ପ୍ରତିଦିନ ଏହି ପରି ଅଦା ପାଣି ପିଇଲେ ଖରାପ କୋଲେଷ୍ଟ୍ରଲ କମିଯାଏ । ଏହା ମଧ୍ୟ ମେଦବହୁଳତାକୁ ହ୍ରାସ କରିଥାଏ ।
କୋଲେଷ୍ଟ୍ରଲ ପାଇଁ ଅଦା ଏବଂ ଲେମ୍ବୁ ଚା
ଖରାପ କୋଲେଷ୍ଟ୍ରଲ କମାଇବା ପାଇଁ ଆପଣ ଅଦା ଏବଂ ଲେମ୍ବୁ ଚା ମଧ୍ୟ ପିଇପାରିବେ । ଏଥିପାଇଁ ପ୍ୟାନରେ ୧ କପ୍ ପାଣି ମିଶାଇ ଫୁଟାନ୍ତୁ । ଏବେ ସେଥିରେ କିଛି ଗ୍ରେଟେଡ୍ ଅଦା ପକାନ୍ତୁ । ୧୦ ମିନିଟ୍ ପାଇଁ ପାଣି ଫୁଟାନ୍ତୁ ଏବଂ ପରେ ଫିଲ୍ଟର୍ କରନ୍ତୁ । ବର୍ତ୍ତମାନ ଏଥିରେ ଅଧା ଲେମ୍ବୁ ରସ ମିଶାନ୍ତୁ ଏବଂ ଯଦି ଆପଣ ଚାହାଁନ୍ତି, ୧ ଚାମଚ ମହୁ ମିଶାନ୍ତୁ ଏହି ଚା ପିଅନ୍ତୁ । ଚା ଟିକେ ଥଣ୍ଡା ହେବା ପରେ ହିଁ ମହୁ ମିଶାନ୍ତୁ ।
ଅଧିକ ପଢ଼ନ୍ତୁ ଜୀବନ ଶୈଳୀ ଖବର...
ଅର୍ଗସ ବ୍ୟୁରୋ: ହରମନପ୍ରୀତ ସିଂହଙ୍କ ନେତୃତ୍ୱାଧୀନ ଭାରତୀୟ ହକି ଟିମ୍ ଚାଇନା ମାଟିରେ ଚାଇନାକୁ ପରାସ୍ତ କରି ପଞ୍ଚମ ଥର ଲାଗି ଏସିଆ ଚାମ୍ପିୟନ ହୋଇଛି। ଫାଇନାଲ ମୁକାବିଲାରେ ଚାଇନା ଭାରତୀୟ ଦଳ ସହିତ କଡ଼ା ମୁକାବିଲା କରିଥିଲା। ତୃତୀୟ କ୍ୱାର୍ଟର ସୁଦ୍ଧା ଉଭୟ ପକ୍ଷ କୌଣସି ଗୋଲ୍ କରିପାରି ନଥିଲେ। ତେବେ ଚତୁର୍ଥ କ୍ୱାର୍ଟରର ୧୦ ମିନିଟରେ ଭାରତ ପାଇଁ ଯୁଗରଜ ସିଂହ ଏକମାତ୍ର ଗୋଲ କରିଥିଲେ, ଯାହା ବିଜୟ ସୂଚକ ଥିଲା।
ଏହାପୂର୍ବରୁ ଭାରତ ସେମିଫାଇନାଲରେ ଦକ୍ଷିଣ କୋରିଆକୁ ୪-୧ ରେ ପରାସ୍ତ କରି ଫାଇନାଲରେ ପ୍ରବେଶ କରିଥିଲା। ଅନ୍ୟପଟେ ଚାଇନା ହକି ଟିମ୍ ପ୍ରଥମ ଥର ଲାଗି ଫାଇନାଲରେ ପ୍ରବେଶ କରିଥିଲା। କିନ୍ତୁ ଫାଇନାଲରେ ଅଲିମ୍ପିକ୍ସ ବ୍ରୋଞ୍ଜ ବିଜୟୀ ଭାରତ ଠାରୁ ପରାଜୟ ବରଣ କରି ରନର୍ସ ଅପରେ ସନ୍ତୁଷ୍ଟ ହେବାକୁ ପଡିଛି।
ଅଧିକ ପଢ଼ନ୍ତୁ କ୍ରୀଡ଼ା ଖବର
ବଲାଙ୍ଗୀର: ହାଇସ୍ପିଡ୍ ସେମିକଣ୍ଡକଟର୍ ଏକ୍ସପ୍ରେସ ଟ୍ରେନ ବନ୍ଦେ ଭାରତ । ଯାତ୍ରୀଙ୍କୁ ଅତ୍ୟାଧୁନିକ ଗମନାଗମନର ଅନୂଭୁତି ଦେବ ଭାରତର ଏହି ହାଇସ୍ପିଡ୍ ବନ୍ଦେ ଭାରତ ଏକ୍ସପ୍ରେସ ଟ୍ରେନ । ଆଜି ବଲାଙ୍ଗୀର ଜିଲ୍ଲାର କଣ୍ଟାବାଞ୍ଜି ଓ ଟିଟିଲାଗଡରୁ ବନ୍ଦେ ଭାରତ ଏକ୍ସପ୍ରେସ ଟ୍ରେନର ଶୁଭାରମ୍ଭ ହୋଇଛି ।
ରାୟପୁର ଦୂର୍ଗ ବିଶାଖାପାଟଣମ୍ ବନ୍ଦେ ଭାରତ ଏକ୍ସପ୍ରେସ ଟ୍ରେନକୁ ଭିଡିଓ କନଫରେନ୍ସ ମାଧ୍ୟମରେ ଶୁଭାରମ୍ଭ କରିଛନ୍ତି ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଛତିଶଗଡ, ଓଡିଶା ଓ ଆନ୍ଧ୍ରପ୍ରଦେଶକୁ କଭର କରିବ ଏହି ଟ୍ରେନ । ୮ ଘଣ୍ଟାରେ ୫୬୫ କିଲୋମିଟର ଅତିକ୍ରମ କରିବ ଦୂର୍ଗ- ବିଶାଖାପାଟଣମ୍ ବନ୍ଦେ ଭାରତ ଟ୍ରେନ । ଯାହା ସପ୍ତାହକୁ ୬ ଦିନ ଚାଲିବ । ଏନେଇ ଗତକାଲି ଟିଟିଲାଗଡରେ ଟ୍ରେନ ଶୁଭାରମ୍ଭ କାର୍ଯ୍ୟକ୍ରମରେ ଟିଟିଲାଗଡ ବିଧାୟକ ନବୀନ ଜୈନ,ପୌରପରିଷଦ ଅଧ୍ୟକ୍ଷା ମମତା ଦେବୀ ଜୈନ,ରାଜ୍ୟସଭା ସାଂସଦ ନିରଞ୍ଜନ ବିଶି,ବଲାଙ୍ଗିର ସାଂସଦ ସଂଗିତା ସିଂହଦେଓଙ୍କ ସହ ରେଳ ବିଭାଗ ପଦାଧିକାରୀ ସବୁଜ ପତାକା ଦେଖାଇ ବନ୍ଦେଭାରତକୁ ସ୍ବାଗତ କରିଥିଲେ ।
ବନ୍ଦେ ଭାରତ ଯୋଗୁଁ ଟିଟିଲାଗଡ ଓ କଣ୍ଟାବାଞ୍ଜିବାସୀ ବହୁତ ଖୁସି । ବନ୍ଦେ ଭାରତକୁ ସ୍ବାଗତ ଓ ଦେଖିବାକୁ ଟିଟିଲାଗଡ ରେଳଷ୍ଟେସନରେ ଲୋକଙ୍କ ଭିଡ ଦେଖିବାକୁ ମିଳିଛି ।
ଆହୁରି ପଢନ୍ତୁ ଓଡିଶା ଖବର...
