ସଂଘର୍ଷମୟ ଥିଲା ତାଙ୍କର ଜୀବନ କାହାଣୀ
ପଶ୍ଚିମବଙ୍ଗ ଆଲିପୁରଦ୍ୱାର ସାଂସଦ ଜନ୍ ବାର୍ଲା । ତାଙ୍କ ଜୀବନ କାହାଣୀ ଅଦ୍ଭୁତ ଓ ଅସାଧାରଣ । ଜଲପାଇଗୁଡ଼ି ଜିଲ୍ଲାର ବନାରହାଟ ଲକ୍ଷ୍ମୀପାରା ବାସିନ୍ଦା ଜନ୍ ବାର୍ଲା । ମହାବୀର ହିନ୍ଦି ହାଇସ୍କୁଲରେ ଅଷ୍ଟମ ଯାଏ ପଢ଼ିଥିଲେ । ଗରିବର କୁଠାରଘାତ ଯୋଗୁ ପାଠପଢ଼ାରେ ଡୋରି ବନ୍ଧା ହୋଇଥିଲା । ଚା ବଗିଚାର କାମ ଆରମ୍ଭ କରିଥିଲେ ଜନ୍ ବାର୍ଲା ।
୨୦୦୭ରେ ଚା ବଗିଚାରେ ଅସ୍ଥାୟୀ ଡ୍ରାଇଭର ଭାବରେ କାମ ଆରମ୍ଭ କରିଥିଲେ । ସବୁବେଳେ ରାଜନୀତି ପ୍ରତି ତାଙ୍କର ରୁଚି ରହିଥିଲା । ପରେ ଗୋରଖଲାଣ୍ଡ ବିରୋଧୀ ଆନ୍ଦୋଳନରେ ସାମିଲ ହୋଇଥିଲେ ଜନ୍ ବାର୍ଲା । ଧିରେ ଧିରେ ଆଦିବାସୀ ସମାଜର ଜଣେ ଉଦୀୟମାନ ଚେହେରା ଭାବରେ ଉଭା ହୋଇଥିଲେ । ୨୦୧୪ରେ ସାମିଲ ହୋଇଥିଲେ ଓ ୨୦୧୯ରେ ତାଙ୍କୁ ଦଳ ଦେଇଥିଲା ଟିକେଟ୍ । ଅଲିଦ୍ୱାରପୁର ଆସନରୁ ବିଜୟୀ ହୋଇ ଲୋକସଭା ଆସିଥିଲେ ଜନ୍ ବାର୍ଲା ।
ନିକଟରେ ଜନ୍ ବାର୍ଲା କିଛି ଦିନ ପୂର୍ବରୁ ଖୁବ୍ ଚର୍ଚ୍ଚାକୁ ଆସିଥିଲେ ଯେତେବେଳେ ସେ ଉତ୍ତର ବଙ୍ଗଳାକୁ ପଶ୍ଚିମବଙ୍ଗଠାରୁ ଅଲଗା ରାଜ୍ୟ କିମ୍ବା କେନ୍ଦ୍ରଶାସିତ ଅ୍ଞ୍ଚଳ ଭାବେ ଅଲଗା କରିବା ପାଇଁ ପ୍ରସ୍ତାବ ଦେଇଥିଲେ ।
