ସୂଚନା ମୁତାବକ ଦୁନିଆର ସବୁଠୁ ଶକ୍ତିଶାଳୀ ନେତାଙ୍କ ଚୟନ ପାଇଁ କେବଳ ଭୋଟିଂ କରାଯାଇନଥିଲା, ବ୍ରିଟିଶ ହେରାଲ୍ଡର ପାଠକଙ୍କୁ ଭୋଟ୍ କରିବା ପାଇଁ ଓ୍ଵାନ ଟାଇମ୍ ପାସ୍ଓ୍ଵାର୍ଡ ମଧ୍ୟ ଦିଆଯାଇଥିଲା । ଏହାର ଉଦ୍ଦେଶ୍ୟ ଥିଲା ଯେ, କୌଣସି ବ୍ୟକ୍ତି ଜଣେରୁ ଅଧିକ ଲୋକଙ୍କୁ ଭୋଟ୍ ଦେଇ ପାରିବ ନାହିଁ । ଆଶ୍ଚର୍ଯ୍ୟର କଥା ଭୋଟିଂ ସମୟରେ ସାଇଟ୍ କ୍ରାସ ମଧ୍ୟ ହୋଇଯାଇଥିଲା । କାରଣ ଭୋଟ୍ କରିବା ପାଇଁ ଅଧିକରୁ ଅଧିକ ଲୋକ ଏଥିରେ ସାମିଲ ହୋଇଥିଲେ ।
ବ୍ରିଟିଶ୍ ହେରାଲ୍ଡର ପାଠକଙ୍କ ମଧ୍ୟରେ ପିଏମ୍ ମୋଦିଙ୍କୁ ସର୍ବାଧିକ ୩୦.୯ ପ୍ରତିଶତ ଅଧିକ ଭୋଟ୍ ମିଳିଛି । ସେ ନିଜର ପ୍ରତିଦ୍ଵନ୍ଦ୍ୱୀ ନେତା ରୁଷ୍ର ରାଷ୍ଟ୍ରପତି ଭ୍ଲାଦିମିର ପୁତିନ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଚୀନର ରାଷ୍ଟ୍ରପତି ସି ଜିନ୍ପିଙ୍ଗ୍ଙ୍କଠୁ ଆଗରେ ରହିଛନ୍ତି । ଏହି ପୋଲରେ ପୁତିନଙ୍କୁ ୨୯.୯ ପ୍ରତିଶତ ଭୋଟ୍ ମିଳିଥିବା ବେଳେ ଟ୍ରମ୍ପଙ୍କୁ ୨୧.୯ ପ୍ରତିଶତ ଭୋଟ୍ ମିଳିଛି । ଚୀନ୍ର ରାଷ୍ଟ୍ରପତି ସି ଜିନ୍ପିଙ୍ଗ୍ଙ୍କୁ ୧୮.୧ ପ୍ରତିଶତ ଭୋଟ୍ ମିଳିଛି । ପ୍ରଧାନମନ୍ତ୍ରୀଙ୍କ ଫଟୋ ବ୍ରିଟିଶ୍ ମ୍ୟାଗଜିନ୍ର ଜୁଲାଇ ସଂସ୍କରଣର କଭର ପେଜ୍ରେ ମଧ୍ୟ ପ୍ରକାଶିତ ହୋଇଛି । ଏହି ଏଡିସନ୍ ଜୁଲାଇ ୧୫ରେ ରିଲିଜ୍ ହେବ ।British Herald Magazine has evaluated Prime Minster @narendramodi as World's most powerful person.#BritishHerald pic.twitter.com/D3lmlLVCbX
— IndSamachar (@Indsamachar) June 20, 2019
