ଜେନେଭା: ପାକିସ୍ତାନ ଜେନେଭାର ସଂଯୁକ୍ତ ରାଷ୍ଟ୍ର ମାନବାଧିକାର ପରିଷଦ (UNHRC)ରେ କାଶ୍ମୀର ପ୍ରସଙ୍ଗକୁ ଉଠାଇଛି । ଅନ୍ୟପଟେ ପାକ୍ ମନ୍ତ୍ରୀ କହୁ କହୁ କାଶ୍ମୀର ଭାରତର ବୋଲି କହିଦେଇଛନ୍ତି । ଅଜାଣତରେ ହେଉ ମଧ୍ୟ ଠିକ୍ କଥା କହିଦେଲେ ପାକ୍ ବୈଦେଶିକ ମନ୍ତ୍ରୀ ମହମ୍ମଦ କୁରେଶି । କୁରେଶି ମିଡିଆକୁ ପ୍ରତିକ୍ରିୟା ଦେବା ସମୟରେ କାଶ୍ମୀର ଭାରତର ରାଜ୍ୟ ବୋଲି କହିଛନ୍ତି । ଧାରା 370 ଉଚ୍ଛେଦ ପରେ ବାଉଳା ପାକିସ୍ତାନ ସତ୍ୟକୁ ଗ୍ରହଣ କରିବାକୁ ଆରମ୍ଭ କରିଥିବା ଦେଖିବାକୁ ମିଳିଛି । ଜାତିସଂଘ ସହ ବିଭିନ୍ନ ମୁସଲିମ ଦେଶରେ କାଶ୍ମୀର ପ୍ରସଙ୍ଗ ଉଠାଇ ଭାରତକୁ ଘେରିବା ପାଇ ଚେଷ୍ଟା କରୁଥିବା ପାକିସ୍ତାନ ସବୁଆଡ଼ୁ ନିରାଶ ହେଉଛି । ଅନ୍ୟପଟେ ପାକ୍ ମନ୍ତ୍ରୀ କଥାରେ କଥାରେ ସତ୍ୟକୁ ପ୍ରକାଶ କରୁଛନ୍ତି ।
କୁରେଶି ମିଡିଆକୁ କହିଲେ, ‘ବିଶ୍ୱ ସମୁଦାୟକୁ କାଶ୍ମୀର ସ୍ଥିତି ସାମାନ୍ୟ ଥିବା କହୁଛି ଭାରତ । ଯଦି ଏହା ଠିକ୍ ତେବେ ସେମାନେ (ଭାରତ) କାହିଁକି ଅନ୍ତର୍ଜାତୀୟ ମିଡିଆ, ଏନ୍ଜିଓ ଏବଂ ସିଭିଲ ସୋସାଇଟ୍କୁ ଭାରତର ରାଜ୍ୟ କାଶ୍ମୀରକୁ ଯିବାକୁ ଦେଉନାହାନ୍ତି ।’
#WATCH: Pakistan Foreign Minister Shah Mehmood Qureshi mentions Kashmir as “Indian State of Jammu and Kashmir” in Geneva pic.twitter.com/kCc3VDzVuN
— ANI (@ANI) September 10, 2019
ପାକିସ୍ତାନ କାଶ୍ମୀର ପ୍ରସଙ୍ଗ UNHRCରେ ଉଠାଇବା ସହ ବହୁ ସଜ୍ଞାହୀନ ଯୁକ୍ତି ବାଢ଼ିଥିବା ଦେଖିବାକୁ ମିଳିଛି । କାଶ୍ମୀରରେ ସଂଯୁକ୍ତ ରାଷ୍ଟ୍ର ଦ୍ୱାରା ଦିଆଯାଇଥିବା ପ୍ରସ୍ତାବର ଉଲ୍ଲଂଘନ ହେଉଛି । ଏହାସହ ସେଠାରେ ଏକ ମିଳିତ ଯାଞ୍ଚ ସମିତି ଗଠନ ପାଇଁ ଦାବି କରିଛି ପାକିସ୍ତାନ ।
ପାକିସ୍ତାନ UNHRCରେ କହିଛି କାଶ୍ମୀର ପ୍ରସଙ୍ଗରେ ଚୁପ ରହିବା ଠିକ୍ ନୁହେଁ । ଭାରତ କାଶ୍ମୀରର ବିଶେଷ ମାନ୍ୟତାକୁ ନଷ୍ଟ କରିଦେଇଛି । କାଶ୍ମୀରକୁ ବିଶ୍ୱର ସବୁଠୁ ବଡ଼ ଜେଲ କହିବା ସହ ସେଠାରେ ମାନବାଧିକାରର ମଶାଣି ବୋଲି କହିଛି ପାକିସ୍ତାନ । ଅନ୍ୟପଟେ ଧାରା 370 ଉଚ୍ଛେଦ ପରେ କାଶ୍ମୀରରେ ପାକ୍ ଇଶାରାରେ କୌଣସି ଅଶାନ୍ତି ସୃଷ୍ଟି ନହେଉ ବୋଲି ସେଠାରେ କିଛିଟା ପ୍ରତିବନ୍ଧ ଲଗାଯାଇଛି । ତେବେ ଧିରେଧରେ ଏହିସବୁ ପ୍ରତିବନ୍ଧ ଉଠାଇ ନିଆଯିବ ବୋଲି ଭାରତ ସରକାର ପୂର୍ବରୁ କହିସାରିଛନ୍ତି ।
ଭଦ୍ରକ: ବାହାନଗା ଟ୍ରେନ ଟ୍ରାଜେଡିର ତନାଘନା କରୁଛି ସିବିଆଇ। ଗତକାଲି ଦିନ ୧୧ଟାରୁ ସିବିଆଇ ଟିମ୍ ଦୁର୍ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ। ଦୁର୍ଘଟଣାସ୍ଥଳରୁ ସିଗନାଲ ରୁମ ଯାଏ ସବୁ ଘଟଣାର ଖୋଳତାଡ କରିଥିଲା ଟିମ୍।
ଷ୍ଟେସନରେ ଥିବା ପ୍ୟାନେଲ ବୋର୍ଡ ଟ୍ୟାମ୍ପରିଂ ହୋଇଛି କି ନାହିଁ ସେ ଦିଗରେ ତଦନ୍ତ କରିଛି ଟିମ୍। ରାତିରେ ପୁଣି ସିବିଆଇର ଟେକ୍ନିକାଲ ଏକ୍ସପଟ ଟିମ ଆସି ଷ୍ଟେସନ ମ୍ୟାନେଜରଙ୍କ କାର୍ଯ୍ୟାଳୟରେ ଥିବା ପ୍ୟାନେଲ ବୋର୍ଡ ଏବଂ ଅପ ଲାଇନରୁ ଲୁପ ଲାଇନର ଟ୍ରାକକୁ ଦେଖିଥିଲେ। ଆଜି ବି ସିବିଆଇ ଟିମ୍ ତନାଘନା କରିପାରେ ବୋଲି ସୂଚନା ମିଳିଛି।
ଅଧିକ ପଢନ୍ତୁ ଓଡ଼ିଶା ଖବର
ବଲାଙ୍ଗୀର : ବଲାଙ୍ଗୀର ଜିଲ୍ଲା ଆଗଲପୁର ବ୍ଲକରେ ଆଜି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ବାର୍ଦ୍ଧକ୍ୟ ଭତ୍ତା ନମିଳିବାରୁ ୧୮ କିଲୋମିଟର ଚାଲି ଚାଲି ବ୍ଲକ କାର୍ଯ୍ୟାଳୟକୁ ଆସିଲେ ଦୃଷ୍ଟିହୀନ ଯୁବକ । ସୂଚନା ଅନୁସାରେ ଏହି ଯୁବକ ହେଉଛନ୍ତି ଆଗଲପୁର ବ୍ଲକ ଫାସଡ଼ ପଞ୍ଚାୟତ ବାବୁପାଲି ଗାଁର ହାଡୁ ଖମରି ।
ଅଧିକ ପଢନ୍ତୁ : ନିଜ ହକ୍ ମାଗିବା ପାଇଁ ଚୌକି ସାହାଯ୍ୟରେ କୋଷ କୋଷ ଦୂର ଚାଲି ଚର୍ଚ୍ଚାକୁ ଆସିଥିଲେ
ଲଗାତାର ଭାବରେ ଚାରିମାସର ଭତ୍ତା ଟଙ୍କା ନପାଇବା ଯୋଗୁଁ ବହୁ ଅସୁବିଧାର ସମ୍ମୁଖୀନ ହେଉଥିଲେ । ଭତ୍ତା ପାଇବା ଆଶାରେ ଆଜି ତାଙ୍କ ଗାଁର ଆଗଲପୁରରେ ୧୮ କିଲୋମିଟର ପର୍ଯ୍ୟନ୍ତ ଚାଲି ଚାଲି ଆସି ବିଡ଼ିଓ ଙ୍କୁ ଗୁହାରି କରିଥିଲେ ସୁଦ୍ଧା କୌଣସି ସୁଫଳ ମିଳିପାରି ନାହିଁ ।
ସମ୍ବଲପୁର: ସମ୍ବଲପୁରରେ ଗୋରୁ ବୋଝେଇ କଣ୍ଟେନର ଜବତ । ଧନୁପାଲି ଥାନା ଅନ୍ତର୍ଗତ ୫୫ ନମ୍ବର ଜାତୀୟ ରାଜପଥ ନକ୍ସାପାଲିରେ ଗୋରୁ ବୋଝେଇ କଣ୍ଟେନର ଜବତ ହୋଇଛି । କଣ୍ଟେନର ରୁ ୭୦ ଟି ଗୋରୁ ଉଦ୍ଧାର କରାଯାଇଛି। ନକ୍ସାପାଲି ଗାଁ ଲୋକେ କଣ୍ଟେନର କୁ ସନ୍ଦେହ କରି ଅଟକାଇଥିଲେ ।
ଆଗରେ ଆଉ ୨ ଟି ଗୋରୁ ବୋଝେଇ ଗାଡି ଯାଉଥିବା ବେଳେ ଫେରାର ମାରିଥିଲେ । ଘଟଣା ସ୍ଥଳରୁ ଡ୍ରାଇଭର ଓ ଜଣେ ସହଯୋଗୀ ଫେରାର ବେଳେ ୨ ଜଣକୁ କାବୁ କରିଛନ୍ତି । ଧନୁପାଲି ପୋଲିସ ଘଟଣା ସ୍ଥଳକୁ ପହଚି ଗାଡି ଜବତ ସହ ୨ ଜଣକ ଗିରଫ କରିଛି । କେଉଠୁ କେଉ ସ୍ଥାନକୁ ଗୋରୁ ଚାଲାଣ ହେଉଥିଲା ତାହା ଜଣାପଡିନି ।
ଆହୁରି ପଢନ୍ତୁ ଓଡିଶା ଖବର...
