ଅର୍ଗସ ବ୍ୟୁରୋ: ଉତ୍ତରପ୍ରଦେଶ କାସଜଞ୍ଜ ଜିଲ୍ଲାରେ ଅଘଟଣ । ଦ୍ରୁତଗତିରେ ଆସୁଥିବା ଏକ ଟ୍ରାକ୍ଟର ନିୟନ୍ତ୍ରଣ ହରାଇ ଏକ ପୋଖରୀ ଭିତରକୁ ଖସିପଡିବାରୁ ୧୫ରୁ ଅଧିକ ଜଣଙ୍କ ମୃତ୍ୟୁ ହୋଇଥିବାବେଳେ ପାଖାପାଖି ଅନେକ ଶ୍ରଦ୍ଧାଳୁ ଆହତ ହୋଇଥିବା ଜଣାପଡିଛି ।
ସୂଚନା ଅନୁସାରେ, ଜେଥରାରୁ ଗଙ୍ଗା ସ୍ନାନ କରିବାକୁ କିଛି ଶ୍ରଦ୍ଧାଳୁ ଟ୍ରାକ୍ଟରରେ ଆସୁଥିଲେ । ଟ୍ରାକ୍ଟରଟି ଦ୍ରୁତଗତିରେ ଯାଉଥିବାବେଳ ଏକ ବଙ୍କାଣିରେ ନିୟନ୍ତ୍ରଣ ରକ୍ଷା କରିପାରିନଥିଲା । ଫଳରେ ରାସ୍ତା କଡ ଏକ ପୋଖରୀ ଭିତରେ ଖସିପଡିଥିଲା । ଫଳରେ ଏଭଳି ଅଘଟଣ ଘଟିଥିଲା।
୧୫ଜଣ ମୃତକଙ୍କ ମଧ୍ୟରେ ୭ଜଣ ଶିଶୁ ଓ ୮ଜଣ ମହିଳା ଥିବା ଜଣାପଡିଛି । ରିପୋର୍ଟ ଅନୁସାରେ, ଟ୍ରକ୍ଟରରେ ମୋଟ ୩୫ ଜଣ ଶ୍ରଦ୍ଧାଳୁ ଯାଉଥିଲେ । ସମସ୍ତ ଶ୍ରଦ୍ଧାଳୁ ଏଟା ଜିଲ୍ଲାର କହା ଗାଁର ବାସିନ୍ଦା ବୋଲି ଜଣାପଡିଛି ।
ଅଧିକ ପଢ଼ନ୍ତୁ ଭାରତ ଖବର
ଅର୍ଗସ ବ୍ୟୁରୋ: ହୀରାକୁଦ ଜଳଭଣ୍ଡାରର ହେବ ନିରାପତ୍ତା ଯାଞ୍ଚ । ଜୟପୁରର MNIT ସଂସ୍ଥା କରିବ ନିରାପତ୍ତା ଯାଞ୍ଚ । ଆସନ୍ତା 21 ରୁ 23 ତାରିଖ ପର୍ଯ୍ୟନ୍ତ ଚାଲିବ ଯାଞ୍ଚ । ଏନେଇ ମହାନଦୀ ବେସିନ୍ର ମୁଖ୍ୟ ଯନ୍ତ୍ରୀଙ୍କୁ ତଥ୍ୟ ମଗାଯାଇଛି । ବନ୍ୟା ସମୟର ପୂର୍ବ ଓ ପରବର୍ତ୍ତୀ ଜଳସ୍ଥିତି ସଂପର୍କିତ ତଥ୍ୟ ମାଗିଛନ୍ତି । ଜଳଭଣ୍ଡାରର ଡିଜାଇନ୍, ଡ୍ରଇଁ, କାର୍ଯ୍ୟଧାରା ସଂପର୍କିତ ତଥ୍ୟ ମାଗିଲେ । 15 ତାରିଖ ସୁଦ୍ଧା ତଥ୍ୟ ଦେବାକୁ ନିର୍ଦ୍ଦେଶ ଦେଲେ ସର୍ବୋଚ୍ଚ ଯନ୍ତ୍ରୀ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ରାୟଗଡ଼ା ଜିଲ୍ଲା ବିଷମକଟକ କ୍ଷୁଦ୍ର ଜଳସେଚନ ବିଭାଗ ଦ୍ବାରା ସାହାଡା ପଞ୍ଚାୟତ ମେରଡି ଝୋଲା ଗାଁ ନିକଟର ଚେକଡ୍ୟାମ୍ର ଏ ଦୃଶ୍ୟ । ୪୦ ଲକ୍ଷ ଟଙ୍କା ବ୍ୟୟରେ ନିର୍ମାଣ ହୋଇଥିଲା ଏ ଡ୍ୟାମ୍ । ଉପରକୁ ଏହା ଚକାଚକ୍ ହେଲେ ଭିତରେ ଫମ୍ପା । ଫଳରେ କାମ ସରିବାର ୩ ମାସ ଗଲା ନାହିଁ । ୪୦ରୁ ୫୦ ଏକର ଚାଷ ଜମିକୁ ପାଣି ମଡ଼ାଇବା ଲକ୍ଷ୍ୟରେ ଏ ଡ୍ୟାମ ନିର୍ମାଣ ହୋଇଥିଲା । ହେଲେ ସବୁ କିଛି ଭାଙ୍ଗି ଚୁରମାର୍ ହୋଇଯାଇଛି । ଅଞ୍ଚଳବାସୀଙ୍କ ଅଭିଯୋଗ, କଂକ୍ରିଟ ବଦଳରେ ବଡ଼ ବଡ଼ ପଥର ଓ ଡଷ୍ଟ ଗୁଣ୍ଡ ଜେଇଙ୍କ ଉପସ୍ଥିତିରେ ଠିକାଦାର ବ୍ୟବହାର କରିଛନ୍ତି । ଫଳରେ ଚେକଡ୍ୟାମ୍ର ଏ ଅବସ୍ଥା ।
ଚେକଡ୍ୟାମ୍ ଭାଙ୍ଗିବା ଘଟଣାକୁ ନେଇ ସୂଚନା ଅଧିକାରରେ ମଧ୍ୟ ଖୁଲାସା ହୋଇଛି । ସୂଚନା ଅଧିକାର ତଥ୍ୟରେ ସ୍ପଷ୍ଟ ହୋଇଛି ଯେ- ଫାଇନାଲ ବିଲ୍ ନ ହେବା ପୂର୍ବରୁ ଠିକାଦାର ଟେଣ୍ଡର ସମୟରେ ଦେଇଥିବା ୧୫ ପ୍ରତିଶତ ଲେସ୍ ଆମାଉଣ୍ଟ ମଧ୍ୟ ତାଙ୍କୁ ବିଭାଗ ପକ୍ଷରୁ ଦିଆଯାଇଛି । ଚେକଡ୍ୟାମର ଛାତରୁ ସେଣ୍ଟ୍ରିନ୍ ଖସିନି କି, ମୁଖ୍ୟଗେଟ୍ରେ କବାଟ ମଧ୍ୟ ଲାଗିନି । କିନ୍ତୁ ଠିକାଦାରଙ୍କୁ ଦିଆଯାଇଛି ଲକ୍ଷ ଲକ୍ଷ ଟଙ୍କାର ବିଲ୍ ସହ ଟେଣ୍ଡର ସମୟରେ ଦେଇଥିବା ପନ୍ଦର ପର୍ସେଣ୍ଟ ଲେସ୍ ଆମାଉଣ୍ଟ । ଯେଉଁ ଟଙ୍କା ଫାଇନାଲ ବିଲ୍ ପରେ ଦିଆଯିବା ନିୟମ ରହିଥିବା ବେଳେ କ୍ଷୁଦ୍ର ଜଳସେଚନ ବିଭାଗ ତରଫରୁ ଠିକାଦାରଙ୍କୁ ଦଶହରା ଭେଟି ଦେଉଛନ୍ତି ବିଭାଗୀୟ ଅଧିକାରୀ । ଘଟଣାର ଉଚ୍ଚସ୍ତରୀୟ ତଦନ୍ତ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ହୋଇଛି ଦାବି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: କୋଟପାଡ଼ ବ୍ଲକ ଭାଜିଗୁଡା ଠାରୁ କୁନ୍ଦୁରା ବ୍ଲକ ବାଗଦେରିକୁ ସଂଯୋଗ କରୁଥିବା ରାସ୍ତା। ରାଣୀଗୁଡା ଠାରୁ ବାଗଦେରି ଗ୍ରାମକୁ ସଂଯୋଗ କରୁଥିବା ପ୍ରାୟ ତିନି କିଲୋମିଟର ରାସ୍ତାର ଅବସ୍ଥା ଅତି ସୋଚନିୟ। ବର୍ଷର ଅନ୍ୟ ଦିନ ମାନଙ୍କରେ ଯୋନତେନ କରି ଏହି ରାସ୍ତାରେ ଲୋକେ ଆତଯାତ କରୁଥିବା ବେଳେ ବର୍ଷା ଦିନେ ବିଗିଡି ଯାଏ ରାସ୍ତାର ଅବସ୍ଥା। ରାସ୍ତାର ବିଭିନ୍ନ ସ୍ଥାନରେ ଖାଲଖମା ଭରି ରହିଥିବା ବେଳେ ଅସରାଏ ବର୍ଷା ହେଲେ ଏଥିରେ ପାଣି ଜମି ରହୁଛି ଫଳରେ ଯିବା ଆସିବାରେ ଅସୁବିଧାର ସମ୍ମୁଖିନ ହେଉଛନ୍ତି ଅଞ୍ଚଳବାସୀ।
କିଛି ଦିନ ପୂର୍ବେ ଏହି ରାସ୍ତାକୁ ପ୍ରଶସ୍ତିକରଣ କରିବା ନିମନ୍ତେ କାର୍ଯ୍ୟ ଆରମ୍ଭ ହୋଇଥିଲା। ମାତ୍ର କିଛି ବାଟ କାମ ହେବା ପରେ ବର୍ତ୍ତମାନ ରାସ୍ତା ନିର୍ମାଣ କାର୍ଯ୍ୟ ବନ୍ଦ ରହିଛି। ଅର୍ଧ ନିର୍ମିତ ରାସ୍ତାରେ ବଡବଡ ଗାଡି ଚାଲିବା ଦ୍ବାରା ରାସ୍ତାର ଅବସ୍ଥା ଅଧିକ ଖରାପ ହେଉଛି। ଏନେଇ ବାରମ୍ବାର ପ୍ରଶାସନ ପାଖରେ ଅଭିଯୋଗ ହେଇ ଆସୁଥିଲେ ଶୁଦ୍ଧା ପ୍ରଶାସନ କିଛି ସୁଣୁ ନଥିବା ଅଭିଯୋଗ ହୋଇଛି। ତିନଟି ବ୍ଲକକୁ ସଂଯୋଗ କରୁଛି ଏହି ରାସ୍ତା , ମାତ୍ର ମରାମତି ଅଭାବରୁ ରାସ୍ତାର ହୋଇଛି ଦୁର୍ଦ୍ଦଶା। ଏହାର ରକ୍ଷଣାବେକ୍ଷଣ ପାଇଁ ପ୍ରଶାସନର ଉଦାସିନତା ସ୍ଥାନୀୟ ବାସିନ୍ଦାଙ୍କ ପାଇଁ ପାଲଟିଛି ଚିନ୍ତାର କାରଣ।
ଅଧିକ ପଢ଼ନ୍ତୁ ଓଡିଶା ଖବର:
