7 people were arrested in Bharatpur police station incident

ଅର୍ଗସ ବ୍ୟୁରୋ:  କୁଜଙ୍ଗରେ  ପ୍ରତିବାଦ ସଭା କରୁଥିଲା ବିଜେଡି.. ମଂଚରେ ଦେବାଶିଷ ସାମନ୍ତରାୟଙ୍କ ସହ ଥିଲେ ଅନେକ ଆଗଧାଡିର ନେତା...  କର୍ମୀଙ୍କୁ ବିରୋଧୀ ଦଳର ଭୂମିକା କଥା ବୁଝାଇବା ବେଳେ ନିଜ ଦଳର ନେତାଙ୍କ ଭିତରେ ଥିବା ବିରୋଧାଭାସର କଥା ବି କହିଲେ..ତେବେ କଂଗ୍ରେସ ସହ ମିଶି ସରକାର ଗଢିବାର ପ୍ଲାନ ବି କହୁ କହୁ କହିଦେଲେ...  ପାଣ୍ଡିଆନଙ୍କ ଉପସ୍ଥିତିରେ ନବୀନଙ୍କୁ ଭେଟି  ଏକଥା ଜଣାଇଛନ୍ତି ଦେବାଶିଷ। ବିଜେଡିର ସରକାର କରିବା ପ୍ଲାନକୁ ନେଇ ବିଜେପି କହିଛି ଦିନରେ ଦିବା ସ୍ବପ୍ନ ଦେଖୁଛନ୍ତି ଦେବାଶିଷ ।

ଅର୍ଗସ ବ୍ୟୁରୋ:ମାଲକାନଗିରି:ଘଞ୍ଚ ଜଙ୍ଗଲ ଓ ପାହାଡି ପଥୁରିଆ ରାସ୍ତା ଯୋଗୁଁ ଗାଁରେ ପହଞ୍ଚି ପାରୁନି ବିକାଶ,ଦେଖିବାକୁ ଗଲେ ଅଧା ରାସ୍ତାରେ ଅଟକିଯାଇଛି। ଆଉ ତାସାଙ୍ଗକୁ ଅଞ୍ଚଳବାସୀଙ୍କ ପାଇଁ ଅଭିଶାପ ପାଲଟିଛି ମାଲକାନଗିରି କାଲିମେଳା ଭେଜାଙ୍ଗୀୱାର୍ଡl ପଞ୍ଚାୟତର ଏମ୍. ପି. ଭି ୧୬ ଗାଁ ଦେଇ ବହିଯାଇଥିବା ତାଟିଗୁଡା-କଙ୍ଗାରୁ କୋଣ୍ଡା ନାଳ,ବର୍ଷାଦିନ ଆସିଲେ ଏହି ନାଳର ପାଣି ଗାଁ ଭିତରକୁ ପସିଆସୁଛି  ଫଳରେ ଲୋକଙ୍କ ଜୀବନ ବିପଦରେ ପଡୁଛି, ଗାଁର ୩୫ ପରିବାରରର ଦୁଃଖ ଶୁଣିବାକୁ କେହିନାହିଁ,ରାସ୍ତାଘାଟ, ଶିକ୍ଷା,ପାନୀୟ ଜଳ ପରି ମୌଳିକ ସୁବିଧାର ବଞ୍ଚିତ ହୋଇଛନ୍ତି ଗ୍ରାମବାସୀ,ପୂର୍ବ ବିଜେଡି ସରକାରର ବିକାଶ ଯେମିତି ପ୍ରତିଶ୍ରୁତିରେ ଅଟକିଯାଇଛି।ଜୀବନ ଜୀବିକା ଲାଗି କୃଷି ସହ ଜଙ୍ଗଲ ଜାତ ଦ୍ରବ୍ୟ ସଂଗ୍ରହ କରି ଚଳନ୍ତି ଗ୍ରାମବୀସୀ । ପିଲାମାନେ ଏହି ବିପଦପୁର୍ଣ୍ଣ ରାସ୍ତାରେ  ୩ କିଲୋମିଟର ଅନ୍ୟ ଏକ ଗାଁର ବିଦ୍ୟାଳୟକୁ ଯିବାକୁ ପଡୁଛି।  ଏନେଇ ସଂସାଦ ବଳଭଦ୍ର ମାଝୀଙ୍କୁ ଗ୍ରାମର ସମସ୍ୟାକୁ ଅବଗତ କରାଇଛନ୍ତି ଗ୍ରାମବାସୀ, ପ୍ରଶାସନ ସହିତ ଆଲୋଚନା କରି ସମସ୍ୟା ସମାଧାନ କରିବେ ବୋଲି ପ୍ରତିଶ୍ରୁତି ଦେଇଛନ୍ତି  ସଂସାଦ। ମୋହନ ସରକାର ଉପରେ ଭରଷା ରଖିଛନ୍ତି ଗ୍ରାମବାସୀ,ସମସ୍ୟାର ସମାଧାନ ହେବ ବୋଲି ବାନ୍ଧିଛନ୍ତି ଆଶା।

ଅର୍ଗସ ବ୍ୟୁରୋ: ଭିତର ରତ୍ନଭଣ୍ଡାରେ ରହିଛି କି କିଛି ଗୁପ୍ତ ଅଳଙ୍କାର ? ବନ୍ଦ ଝରକା ପଛରେ କି ରହସ୍ୟ ଲୁଚିଛି ? ଏ ସବୁ ପ୍ରଶ୍ନ ଉପରୁ ଖୁବଶୀଘ୍ର ଉଠିବାକୁ ଯାଉଛି ପରଦା। ଭିତର ରତ୍ନ ଭଣ୍ଡାରର ଗ୍ରାଉଣ୍ଡ ପେନିଟ୍ରେଟିଂ ରାଡାର୍ ସର୍ଭେ ଆରମ୍ଭ ହୋଇଛି। ଆଜି ଶ୍ରୀମନ୍ଦିର ଭିତରକୁ ଯାଇ ଉଭୟ ଭିତର ଓ ବାହାର ରତ୍ନ ଭଣ୍ଡାରର ଗ୍ରାଉଣ୍ଡ ପେନିଟ୍ରେଟିଂ ସର୍ଭେ କରିଛନ୍ତି ବୈଷୟିକ ଟିମ୍। ଯଦିଓ ଆଜି ଏହି ସର୍ଭେ ଅସମ୍ପୂର୍ଣ୍ଣ ରହିଛି ହେଲେ ଆସନ୍ତାକାଲି ମଧ୍ୟ ସର୍ଭେ କରାଯିବା ନେଇ ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ। ଆଜି ଅପରାହ୍ନରେ ଏନ୍ ଜି ଆର୍ ଆଇ ମୁଖ୍ୟ, ଶ୍ରୀମନ୍ଦିର ମୁଖ୍ୟ ପ୍ରଶାସକ ଓ ଜଷ୍ଟିସ ବିଶ୍ୱନାଥ ରଥ ଙ୍କ ସମେତ ୨୨ ଜଣିଆ ଟିମ୍ ଶ୍ରୀମନ୍ଦିର ଭିତରକୁ ଯାଇ ରତ୍ନଭଣ୍ଡାରର ସର୍ଭେ କରିଥିଲେ। ଏହି ଟିମରେ ଏନ୍ ଜି ଆର ଆଇ ର ୩ଜଣଙ୍କ ବୈଜ୍ଞାନିକଙ୍କ ସମେତ ସାମିଲ ହୋଇଥିଲେ ASIର ୩ ଜଣ ବିଶେଷଜ୍ଞ। ଦୁଇଟି କଣ୍ଟ୍ରୋଲ ୟୁନିଟ, ୩ଟି ରାଡର ୟୁନିଟ ବା ଆଣ୍ଟିନା ଓ ଗୋଟିଏ କାର୍ଟ, ଦକ୍ଷିଣ ଦ୍ଵାର ଦେଇ ଶ୍ରୀମନ୍ଦିର ଭିତରକୁ ନିଆଯାଇଥିଲା।