ନବରଙ୍ଗପୁର: ଉତ୍କଳ ଗ୍ରାମ୍ୟ ବ୍ୟାଙ୍କରେ ନିଆଁ ଲାଗି ପୋଡି ଗଲା କମ୍ପ୍ୟୁଟର ଓ ଜରୁରୀ ବ୍ୟାଙ୍କ ସମ୍ବନ୍ଧୀୟ କାଗଜ ପତ୍ର । ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଅନ୍ତର୍ଗତ ଡଙ୍ଗରଭେଜା ଉତ୍କଳ ଗ୍ରାମ୍ୟ ବ୍ୟାଙ୍କ ନନ୍ଦାହାଣ୍ଡି ଶାଖା ଭିତରେ ନିଆ ଲାଗି ବ୍ୟାଙ୍କ ଭିତରେ ଥିବା କମ୍ପ୍ୟୁଟର ଓ ବ୍ୟାଙ୍କ ସମ୍ବନ୍ଧୀୟ ଅନେକ ଜରୁରୀ କାଗଜ ପୋଡି ଯାଇଛି । ଆଜି ସକାଳେ ବ୍ୟାଙ୍କ କର୍ମଚାରୀ ମାନେ ବ୍ୟାଙ୍କ ଖୋଲିବା ସମୟରେ ବ୍ୟାଙ୍କ ଭିତରେ ନିଆ ଲାଗିଯାଇଥିବା ଦେଖିବାକୁ ପାଇ ମ୍ୟାନେଜର କୁ ଜଣାଇବା ସହ ନନ୍ଦାହାଣ୍ଡି ଅଗ୍ନିଶମ ବାହିନୀକୁ ଜଣାଇଥିଲେ ।
ତୁରନ୍ତ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁ ଆୟତ୍ତ କରିଥିଲେ । ପ୍ରାଥମିକ ତଦନ୍ତ ରୁ ଗତକାଲି ରାତିରେ ଏହା ସଟସର୍କିଟ ରୁ ନିଆ ଲାଗିଥିବା ଅନୁମାନ କରାଯାଉଛି । ତେବେ ନିଆଁ ଲାଗି ବ୍ୟାଙ୍କ ରେ ଥିବା କମ୍ପ୍ୟୁଟର, ବ୍ୟାଙ୍କ ର ଅନେକ ଜରୁରୀ ତଥ୍ୟ ସହ ଗ୍ରାହକଙ୍କ ସମ୍ୱନ୍ଧିତ ଅନେକ ଜରୁରୀ କାଗଜ ପତ୍ର ପୋଡି ଯାଇଥିବା ସୂଚନା ମିଳିଛି । କେମିତି ନିଆଁ ଲାଗିଲା ଏହାସହ ନିଆଁ ଲାଗି ବ୍ୟାଙ୍କ ରେ କେଉଁ କେଉଁ ଜିନିଷ ପୋଡିଛି ସେନେଇ ତଦନ୍ତ କରୁଛନ୍ତି ବ୍ୟାଙ୍କ କର୍ମଚାରୀ ।
ଓଡ଼ିଶା ଖବର ଆହୁରି ପଢ଼ନ୍ତୁ ।
