ଅର୍ଗସ ବ୍ୟୁରୋ: ଶ୍ରୀମନ୍ଦିର ପ୍ରଶାସନର ମୁଖ୍ୟ ପ୍ରଶାସକ ଭାବେ ଦାୟିତ୍ୱ ନେଲେ ଅରବିନ୍ଦ ପାଢୀ। ମୁଖ୍ୟ ପ୍ରଶାସକ ବୀର ବିକ୍ରମ ଯାଦବ ଛୁଟିରେ ଯାଇଥିବାରୁ ତାଙ୍କ ଜାଗାରେ ଦାୟିତ୍ୱ ନେଇଛନ୍ତି ଅରବିନ୍ଦ ପାଢୀ। ତେବେ ଅରବିନ୍ଦ ପାଢୀ ପୁରୀ ଆସି ଶ୍ରୀଜଗନ୍ନାଥଙ୍କୁ ଦର୍ଶନ କରିବା ପରେ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟକୁ ଆସି ଦାୟିତ୍ୱ ନେବାସହ ଶ୍ରୀମନ୍ଦିର ପ୍ରଶାସନର ଅଧିକାରୀ ମାନଙ୍କ ସହ ଆଲୋଚନା କରିଥିଲେ।
ବିଶେଷକରି 1971ମସିହାରେ ଯେଉଁଭଳି ଭାବେ ନବଯୌବନ ଦର୍ଶନ, ନେତ୍ରଉତ୍ସବ ଓ ରଥଯାତ୍ରା ନୀତିକାନ୍ତି ସମ୍ପାଦନ ହୋଇଥିଲା ଚଳିତବର୍ଷ କିଭଳି ନୀତିକାନ୍ତି ସମ୍ପନ୍ନ ହେବ ସେ ସମ୍ପର୍କରେ ମଧ୍ୟ ଅଧିକାରୀଙ୍କ ସହ ଆଲୋଚନା କରିଥିଲେ। ରଥଖଳା ଯାଇ ରଥନିର୍ମାଣ କାର୍ଯ୍ୟକୁ ମଧ୍ୟ ଦୃଷ୍ଟି ଦେଇଥିଲେ ଅରବିନ୍ଦ। କିନ୍ତୁ ନିର୍ବାଚନ ଚାଲିଥିବାରୁ କୌଣସି ପ୍ରତିକ୍ରିୟା ଦେଇନଥିଲେ।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ଆଜିକାଲି ବ୍ୟସ୍ତବହୁଳ ଜୀବନରେ ଲୋକେ ଖର୍ଚ୍ଚ ଅଧିକ ସଞ୍ଚୟ କମ କରୁଛନ୍ତି। ଚାହିଁଲେ ବି ସଞ୍ଚୟ କରିପାରୁ ନାହାନ୍ତି। ସେହି ଲୋକମାନଙ୍କ ପାଇଁ ପୋଷ୍ଟ ଅଫିସ ଆଣିଦେଇଛି ଏକ ସୁନ୍ଦର ସ୍କିମ। ଯାହାକି ଆପଣଙ୍କ ଟଙ୍କା ସୁରକ୍ଷିତ ରଖିବା ସହ କିଛି ସୁଧ ଆକାରରେ ଆପଣଙ୍କୁ ଲାଭ ମିଳିପାରିବ। ଏବେ ଡାକଘର ଦ୍ୱାରା ପରିଚାଳିତ ସଞ୍ଚୟ ଯୋଜନା ଲୋକମାନଙ୍କ ମଧ୍ୟରେ ବହୁତ ଲୋକପ୍ରିୟ ହେଉଛି। ଏହା ଭିତରୁ ଗୋଟିଏ ସ୍କିମ୍ ଏମିତି ଅଛି ଏପରି ଯେଉଁଥିରେ ଆପଣ ଦୈନିକ ମାତ୍ର ୩୩୩ ଟଙ୍କା ଜମା କରି ଆପଣ ୧୭ ଲକ୍ଷରୁ ଅଧିକ ଟଙ୍କା ଜମା କରିପାରିବେ। ଆମେ କହୁଛୁ ARD ସ୍କିମ (RD)ବିଷୟରେ ଯାହା ନିବେଶକ ମାନଙ୍କୁ ବିପୁଳ ମାତ୍ରାରେ ରିଟର୍ଣ୍ଣ ଦେଇଥାଏ।
ପୋଷ୍ଟ ଅଫିସର ଅନ୍ୟ ସମସ୍ତ ସଞ୍ଚୟ ଯୋଜନାଗୁଡିକ ଭଳି RD ବିନିଯୋଗରେ ମଧ୍ୟ କୌଣସି ବିପଦ ନଥାଏ। ଏଥିରେ ସରକାର ନିଜେ ବିନିଯୋଗ ଉପରେ ସୁରକ୍ଷା ନିଶ୍ଚିତ କରିଥାନ୍ତି। କିନ୍ତୁ ଏହି ଛୋଟ ସଞ୍ଚୟ ଆରଡି ଯୋଜନାରେ ବିପୁଳ ସୁବିଧା ସହିତ, ଆପଣଙ୍କୁ ପ୍ରତି ମାସରେ ସଠିକ୍ ସମୟରେ ବିନିଯୋଗ କରିବାକୁ ପଡିବ, କାରଣ ଯଦି ଆପଣ କୌଣସି ମାସରେ କିସ୍ତି ଦେବାକୁ ଭୁଲିଯାଆନ୍ତି, ତେବେ ଆପଣଙ୍କୁ ପ୍ରତି ମାସରେ ୧% ଜରିମାନା ଦେବାକୁ ପଡିବ। ଏବଂ ଯଦି ଆପଣ ଲଗାତାର ୪ ମାସ କିସ୍ତି ଦେଇ ନ ପାରନ୍ତି। ତେବେ ଏହି ଆକାଉଣ୍ଟ ସ୍ୱୟଂଚାଳିତ ଭାବେ ବନ୍ଦ ହୋଇଯାଏ। ଏହି ଯୋଜନାର ମାଚ୍ୟୁରିଟି ଅବଧି ୫ ବର୍ଷ ଅଟେ।
ପୋଷ୍ଟ ଅଫିସର ସର୍ବୋତ୍ତମ ଛୋଟ ସଞ୍ଚୟ ଯୋଜନାରେ ସାମିଲ ଥିବା ଏହି RD ସେଭିଂ ଖାତାରେ ଆପଣ ମାସକୁ ୧୦୦ ଟଙ୍କା ବିନିଯୋଗ କରି ଆକାଉଣ୍ଟ ଖୋଲି ପାରିବେ। ଏଥିରେ ସିଙ୍ଗଲ କିମ୍ବା ଜଏଣ୍ଟ ଆକାଉଣ୍ଟ ଖୋଲିବାର ସୁବିଧା ମଧ୍ୟ ଦିଆଯାଇଛି | ଯଦି ଆମେ ସୁଧ ବିଷୟରେ କଥା ହେବା ତେବେ, ବର୍ତ୍ତମାନ ଏହି ଯୋଜନାରେ ୬.୮ ପ୍ରତିଶତ ସୁଧ ଦିଆଯାଉଛି।
ବର୍ତ୍ତମାନ, ଯଦି ପୋଷ୍ଟ ଅଫିସ୍ ରିକ୍ୟୁରିଙ୍ଗ୍ ଡିପୋଜିଟର ମାଚ୍ୟୁରିଟି ଅବଧି ସମାପ୍ତ ହେବା ପରେ, ତୁମେ ତୁମର ବିନିଯୋଗକୁ ୫ ବର୍ଷରୁ ଆଗକୁ ଯଦି ବଢାଇବ, ତାହେଲେ ଆପଣ ଏହି ସ୍କିମର ଲାଭ ୧୦ ବର୍ଷ ପର୍ଯ୍ୟନ୍ତ ଲାଭ କରିପାରିବେ। ବର୍ତ୍ତମାନ ୧୦ ବର୍ଷରେ ଆପଣଙ୍କ ଦ୍ୱାରା ଜମା ହୋଇଥିବା ପରିମାଣ ୧୨ ଲକ୍ଷ ଟଙ୍କା ହେବ। ତେବେ ଆପଣ ପୋଷ୍ଟ ଅଫିସ ଯାଇ ଏହି ସ୍କିମ ବିଷୟରେ ବୁଝିଦିଅନ୍ତୁ ଏବଂ ସଞ୍ଚୟ କରନ୍ତୁ।
ଅଧିକ ପଢ଼ନ୍ତୁ ଭାରତ ଖବର
ଅର୍ଗସ ବ୍ୟୁରୋ: ଗୁଜୁରାଟରେ ଦେଶର ଏକ ଅନନ୍ୟ ଗ୍ରାମ ଅଛି, କୌଣସି ଘରେ ଖାଦ୍ୟ ରନ୍ଧାଯାଏ ନାହିଁ । ଶୁଣିଲେ ଆପଣଙ୍କୁ ନିଶ୍ଚିତ ଆଶ୍ଚର୍ଯ୍ୟ ଲାଗୁଥିବ କିନ୍ତୁ କଥାଟା ଏକଦମ ସତ। କାରଣ ଏହି ଗାଁଟି ବୟସ୍କଙ୍କ ଗାଁ। ବିଶେଷ କଥା ହେଉଛି ଏହି ଗାଁରେ ବହୁ ସଂଖ୍ୟକ ବୃଦ୍ଧ ବା ବୟୋଜ୍ୟେଷ୍ଠ ବ୍ୟକ୍ତି ବାସକରନ୍ତି । ପୂର୍ବରୁ ଏହି ଗାଁର ଜନସଂଖ୍ୟା ୧୧୦୦ ଥିଲା । କିନ୍ତୁ ଲୋକମାନେ ଚାକିରି କରି ଏବେ ଗାଁ ବାହାରେ ବା ଦେଶ ବାହାରେ ରହୁଛନ୍ତି । ବର୍ତ୍ତମାନ ଏଠାରେ କେବଳ ୫୦୦ ଲୋକ ବାସ କରନ୍ତି।
କିନ୍ତୁ ଏହି ଗାଁ ସମଗ୍ର ଦେଶରେ ଏକ ଚମତ୍କାର ଉଦାହରଣ ପାଲଟିଛି । ଆସନ୍ତୁ ଗୁଜୁରାଟର ଏହି ଗାଁର କାହାଣୀ ଜାଣିବା । ଗୁଜୁରାଟର ମେହସାନା ଜିଲାରେ ରହିଛି ଏହି ଅନନ୍ୟ ଗ୍ରାମ, ଯାହାର ନାଁ ଚନ୍ଦାଙ୍କି । ଗାଁର କୌଣସି ଘରେ ଖାଦ୍ୟ ରନ୍ଧାଯାଏ ନାହିଁ । ଗାଁରେ ଏକ କମ୍ୟୁନିଟି ରୋଷେଇ ଘର ଅଛି । ଏହିଠାରେ ସମଗ୍ର ଗାଁ ପାଇଁ ଖାଦ୍ୟ ରନ୍ଧାଯାଏ । ଆଉ ଗାଁର ଲୋକମାନେ ଖାଇବା ବାହାନାରେ ଏଠାରେ ଏକାଠି ହୁଅନ୍ତି । ପରସ୍ପର ସହିତ ଭେଟଘାଟ ହୁଏ, ଭଲମନ୍ଦ ବୁଝନ୍ତି, ଦୁଃଖ-ସୁଖ ଜାଣିପାରନ୍ତି । ଏହି କମ୍ୟୁନିଟି ରୋଷେଇ ବୃଦ୍ଧମାନଙ୍କ ମଧ୍ୟରେ ଥିବା ନିଃସଙ୍ଗତା ଦୂର କରିବାରେ ବହୁତ ସାହାଯ୍ୟ କରିଛି ।
ଏହି କମ୍ୟୁନିଟି ରୋଷେଇଶାଳରେ ନିୟୋଜିତ ରୋଷେୟାମାନେ ଗ୍ରାମବାସୀଙ୍କ ପାଇଁ ଖାଦ୍ୟ ପ୍ରସ୍ତୁତ କରନ୍ତି । ସେମାନଙ୍କୁ ପ୍ରତି ମାସରେ ୧୧ହଜାର ଟଙ୍କା ଦରମା ଦିଆଯାଏ । ପ୍ରତି ଗ୍ରାମବାସୀଙ୍କୁ ଖାଦ୍ୟ ପାଇଁ ମାସିକ ଦୁଇ ହଜାର ଟଙ୍କା ଦେବାକୁ ପଡ଼ିଥାଏ। ଏକ AC ହଲରେ ଗ୍ରାମବାସୀଙ୍କୁ ଖାଦ୍ୟ ପରଷା ଯାଏ। ଗ୍ରାମ ସରପଞ୍ଚ ପୁନମଭାଇ ପଟେଲଙ୍କ ଉଦ୍ୟମରେ ଏମିତି ଏକ ସାମୂହିକ ରୋଷେଇ ଘର ନିର୍ମାଣ କରାଯାଇଛି ।
ଏହି ଗାଁର କମ୍ୟୁନିଟି ରୋଷେଇ ଘର ଦେଖିବା ପାଇଁ ଦୂରଦୂରାନ୍ତରୁ ଲୋକେ ଆସିଥାନ୍ତି । କମ୍ୟୁନିଟି ରୋଷେଇ ଘରର ଏସି ହଲରେ ୩୫-୪୦ ଲୋକଙ୍କ ପାଇଁ ଏକାଠି ଖାଦ୍ୟ ଖାଇବା ପାଇଁ ଏକ ବ୍ୟବସ୍ଥା ଅଛି । ମଧ୍ୟାହ୍ନ ଭୋଜନରେ ଭାତ,ଡାଲି, ଚପାତି, ରୁଟି, ପନିପରିବା ତରକାରି ଏବଂ ମିଠା ଦିଆଯାଏ । ରାତିରେ ଖିଚିଡି-କଡି, ଭାକ୍ରି-ରୋଟି-ପନିପରିବା ତରକାରି, ମେଥୀ ଗୋଟା, ଢୋକଲା ଏବଂ ଇଡଲି-ସମ୍ବର ପାଇଁ ବ୍ୟବସ୍ଥା କରାଯାଇଛି ।
ଗାଁଟି ବୃଦ୍ଧ, ବୃଦ୍ଧାଙ୍କୁ ନେଇ ଏଥିପାଇଁ ଭରାପଡିଛି, କାରଣ ଗାଁର ସବୁ ଯୁବକ, ବିବାହ ପରେ ବା ପୂର୍ବରୁ ଆମେରିକା, କାନାଡା, ଅଷ୍ଟ୍ରେଲିଆ ପରି ଦେଶକୁ ବାପା ମା'ଙ୍କୁ ଛାଡ଼ି ପଳାଇଥାନ୍ତି। ପ୍ରାୟ ୩୦୦ ପରିବାରର ପିଲା ବିଦେଶରେ ରହିଛନ୍ତି । ତେଣୁ ଗାଁରେ ରହୁଥିବା ନିଜ ବୃଦ୍ଧ ବାପା ଓ ମାଆଙ୍କ ପାଇଁ ଏମାନେ ସରପଞ୍ଚଙ୍କ ସାହାଯ୍ୟରେ ଏପରି ବ୍ୟବସ୍ଥା କରାଯାଇଛି। ଏଭଳି ଗାଁ ସବୁ ସ୍ଥାନରେ ହେବା ଦରକାର। ଆଉ ଏହି ଗାଁ ସତରେ ସବୁଠୁ ନିଆରା।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ : ହରିୟାଣାର ଐତିହାସିକ ବିଜୟ ପରେ ବିଜେପି କାର୍ଯ୍ୟକର୍ତ୍ତାଙ୍କ ମଧ୍ୟରେ ବେଶ ଖୁସିର ମାହୋଲ ଦେଖିବାକୁ ମିଳିଛି । ଏହାକୁ ନେଇ ସବୁ ବିଜେପି କାର୍ଯ୍ୟାଳୟରେ ଚାଲିଛି ସେଲିବ୍ରେସନ । ଏହା ଭିତରେ ବିଜେପିର କାର୍ଯ୍ୟକର୍ତ୍ତାମାନେ ରାହୁଲ ଗାନ୍ଧିଙ୍କ ବାସଭବନକୁ ଏକ କିଲୋ ଜଲେବି ପଠାଇଛନ୍ତି । ଯାହାର ଏକ ସ୍କ୍ରିନସଟ୍ ମଧ୍ୟ ହରିୟାଣା ବିଜେପି ଅଫିସିଆଲ ଆକାଉଣ୍ଟ ତାର ଏକ୍ସ ହ୍ୟାଣ୍ଡେଲରେ ଶେୟାର କରିଛି ।
भारतीय जनता पार्टी हरियाणा के समस्त कार्यकर्ताओं की तरफ से राहुल गांधी जी के लिए उनके घर पर जलेबी भिजवा दी है🙏🏻 pic.twitter.com/Xi8SaM7yBj — Haryana BJP (@BJP4Haryana) October 8, 2024
ପୂର୍ବରୁ ରାହୁଲ ଗାନ୍ଧୀ ହରିୟାଣାର ପ୍ରସିଦ୍ଧ ମାତୁରାମ ହାଲୱାଇଙ୍କ ପ୍ରସିଦ୍ଧ ଜଲେବି ନେଇ ଏକ ଟିପ୍ପଣୀ ରଖିଥିଲେ । ସେ କହିଥିଲେ ଫ୍ୟାକ୍ଟ୍ରିରେ ତିଆରେ ହେଲେ ଅଧିକ ଲୋକ କାମ କରି ପାରିବେ । ଯାହାକୁ ନେଇ କଟାକ୍ଷ କରିଥିଲା ବିଜେପି । ଏବେ ବିଜେପରି ହରିୟାଣାରେ ଦମଦାର ବିଜୟ ପରେ ରାହୁଲ ଗାନ୍ଧିଙ୍କୁ କଟାକ୍ଷ କରି ତାଙ୍କ ବାସ ଭବନକୁ ଏକ କିଲୋ ଜଲେବି ପଠାଯିବାର ବ୍ୟବସ୍ଥା କରିଛନ୍ତି ବିଜେପି କାର୍ଯ୍ୟକର୍ତ୍ତା । ଯାହାର ମୂଲ୍ୟ ରହିଛି ୬୩୦ ଟଙ୍କା । ବିଜେପିର ଅଫିସିଆଳ ଆକାଉଣ୍ଟ ଦ୍ବାରା ଏହି ସ୍କ୍ରିନସଟ୍ ସୋସିଆଲ ମିଡିଆରେ ଶେୟାର ହେବାପରେ ଏବେ ସୋସିଆଲ ମିଡିଆରେ ରାହୁଲଙ୍କ ଜଲେବି ପ୍ରସଙ୍ଗ ନେଇ ଖୁବ ଚର୍ଚ୍ଚା ଲାଗି ରହିଛି ।
