ଅର୍ଗସ ବ୍ୟୁରୋ: ଗୋମାଂସ ବୋଝେଇ କଣ୍ଟେନର ଜବତ। କଣ୍ଟେନର ଗାଡିରେ ଗୋମାଂସ ରାଜ୍ୟ ବାହାରକୁ ଚାଲାଣ ହେଉଥିବା ବେଳେ ବିଳମ୍ବିତ ରାତିରେ ୧୬ନମ୍ବର ଜାତୀୟ ରାଜପଥ ଗୋଳବାଇ ଛକ ନିକଟରୁ ଜବତ ହୋଇଛି।
ଖୋର୍ଦ୍ଧା ପଟୁ ବାଲୁଗାଁ ପଟକୁ କଣ୍ଟେନରଟି ଯାଉଥିବା ବେଳେ ହିନ୍ଦୁ ସଂଗଠନର ସଦସ୍ୟ ମାନେ ଗାଡିଟିକୁ ପିଛା କରି ଥିଲେ କଣ୍ଟେନର ଡ୍ରାଇଭର ଗାଡିଟିକୁ ରାସ୍ତା କଡରେ ଛାଡି ଫେରାର ହୋଇଯାଇଥିଲା। ପରେ ହିନ୍ଦୁ ସଂଗଠନର ସଦସ୍ୟ ମାନେ ଘଟଣାସ୍ଥଳରେ ଗାଡିଟିକୁ ଅଟକ ରଖି ପୋଲିସକୁ ସୂଚନା ଦେବାରେ ପୋଲିସ ଘଟଣା ସ୍ଥଳରେ ପହଞ୍ଚି ଗାଡିଟିକୁ ଜବତ କରି ଥାନାରେ ଅଟକ ରଖି ତଦନ୍ତ ଜାରି ରଖିଛି।
ଅଧିକ ପଢ଼ନ୍ତୁ ଓଡ଼ିଶା ଖବର
ଭୁବନେଶ୍ୱର: ରାଜଧାନୀର ସମସ୍ତ ପୂଜା ମଣ୍ଡପ ପାଇଁ ବିଏମସି ଆଡଭାଇଜରୀ । 11 ସୁତ୍ରୀ ଆଡ଼ଭାଇଜରୀ ଜାରି କରିଛି ଭୁବନେଶ୍ବର ମହାନଗର ନିଗମ । ଦୁର୍ଗାପୂଜା ପାଳନ ଅବସରରେ ପୂଜାକୁ ନିରାପଦ, ସୁରକ୍ଷିତ ଏବଂ ପରିବେଶ ଅନୁକୂଳ କରିବା ପାଇଁ ଜାରି ହୋଇଛି ଆଡଭାଇଜରୀ । ପରିବେଶ ସୁରକ୍ଷା ପ୍ରତି ଦୃଷ୍ଟି ଦେବା ସହ ପ୍ଲାଷ୍ଟିକ ବ୍ୟବହାର ନ କରିବା ପାଇଁ ନିର୍ଦେଶାବଳୀରେ ଅପିଲ କରିଛି ବିଏମସି ।
ମୃଣ୍ମୟୀ ମୂର୍ତ୍ତିରେ ପ୍ରାକୃତିକ ରଙ୍ଗ ବ୍ୟବହାର, ପ୍ରସାଦ ସେବନ ପାଇଁ ଜୈବ ବିଘଟନ ଯୋଗ୍ୟ ଠୁଙ୍ଗା, ଖଲି ବ୍ୟବହାର ପାଇଁ ନିର୍ଦ୍ଦେଶ ଜାରି ହୋଇଛି । କଦଳୀ ପତ୍ର, ଶାଳ ପତ୍ର, କାଗଜ ପ୍ଲେଟ, କପ୍, ମାଟି ପାତ୍ର ବ୍ୟବହାର କରିବାକୁ ପରାମର୍ଶ ଦିଆଯାଇଛି । ପୂଜା ମଣ୍ଡପ ପାଖରେ ବଡ ବଡ ଡଷ୍ଟବିନ୍ ରଖିବା ସହ ମଣ୍ଡପ ନିକଟରେ ଟ୍ରାଫିକ୍ ସମସ୍ୟା ସୃଷ୍ଟି ନ ହେବା ପାଇଁ ସତନ୍ତ୍ର ପାର୍କିଂ ବ୍ୟବସ୍ଥା କରିବାକୁ ନିର୍ଦ୍ଦେଶ ଦିଆଯାଇଛି । ଏହାସହିତ ସମସ୍ତ ପ୍ରକାର ବିଦ୍ୟୁତ୍ ସଂଯୋଗ ପ୍ରତି ଧ୍ୟାନ ଦେବା ସହ ଲୋକଙ୍କ ସୁରକ୍ଷା ନିମନ୍ତେ ଆବଶ୍ୟକ ସଂଖ୍ୟକ ସିକ୍ୟୁରିଟି କର୍ମୀ ମୁତୟନ କରିବାକୁ ଆଡଜଭାଇଜରୀ ଜାରି କରିଛି ବିଏମସି ।
ଅଧିକ ପଢନ୍ତୁ ଓଡ଼ିଶା ଖବର
