ଅର୍ଗସ ବ୍ୟୁରୋ : ଜବତ ୨୩ଟି ଦାମୀ ଗାଡି । ଗିରଫ ହୋଇଥିବା ୩ ଜଣିଆ ଗ୍ୟାଙ୍ଗ । ଏମାନେ ହେଲେ ରାଜଧାନୀ ଛାତିରେ ବାଇକ୍ ଲୁଟୁଥିବା କୁଖ୍ୟାତ ଲୁଟେରା । ରାଜଧାନୀର ରାତିରେ କରୁଥିଲେ ରାଜୁତି | ଘର ବାହାରେ ଥୁଆ ହୋଇଥିବା ଗାଡି କିମ୍ବା ସୁନ୍ ସାନ ଜାଗାରେ ଥିବା ଗାଡିକୁ ଏମାନେ ଆଖି ପିଛୁଳାକେ କରୁଥିଲେ ଗାୟବ । ଆଉ ପ୍ରତି ମୁହୂର୍ତ୍ତରେ ପୋଲିସକୁ ଦେଉଥିଲେ ଚକମା । ଖାସ କରି ଏମାନଙ୍କ ଟାର୍ଗେଟରେ ଥିଲା ରୟାଲ ଏନଫିଲଡ୍ ବୁଲେଟ । ଗ୍ୟାଙ୍ଗର ୩ ଜଣଙ୍କୁ ଗିରଫ କରିଛି ଖଣ୍ଡଗିରି ପୋଲିସ ।
ଅଧିକ ପଢନ୍ତୁ ଓଡ଼ିଶା ଖବର
ଏହି ଲୁଟେରାଙ୍କ ନାଁରେ ଆନ୍ଧ୍ରପ୍ରଦେଶ ସମେତ ଓଡ଼ିଶାର ବିଭିନ୍ନ ଜିଲ୍ଲାରେ ରହିଛି ମାଳମାଳ ଅଭିଯୋଗ । ଭୁବନେଶ୍ବର କମିଶନରେଟ ପୋଲିସର ବିଭିନ୍ନ ଥାନାରେ ୮ଟି ମାମଲା ରହିଛି । ସମସ୍ତ ଅଭିଯୁକ୍ତ ନୟାଗଡ ଅଞ୍ଚଳର ବୋଲି ଜଣାପଡିଛି । ଏମାନଙ୍କ ଠାରୁ ୧୪ଟା ରୟଲ ଇଂଫିଲ୍ଡ , ୪ଟି R15, ୩ଟି ପଲସର ଭଳି ମୋଟ ୨୩ଟି ବାଇକ ଜବତ କରିଛି ପୋଲିସ । ଇଏ ତ କେବଳ ଗୋଟିଏ ଗ୍ୟାଙ୍କ୍ ରାଜଧାନୀରେ ସକ୍ରିୟ ଅଛନ୍ତି ଏଭଳି ଅନେକ ବାଇକ ଲୁଟେରା ଗ୍ୟାଙ୍ଗ୍ ।
ଅଗର୍ସ ବ୍ୟୁରୋ: ଟ୍ରେନ ଲାଇନରେ କଟି ଯୁବକ ମୃତ । ଯୁବକ ଜଣକ ହେଲେ ସଦର ଥାନା ଅନ୍ତର୍ଗତ ଦେପୁର ଗ୍ରାମର ଟିକି ମଳିକ ଙ୍କ ପୁଅ ଜୟଦେବ ମଳିକ । ଆଜି ସକାଳୁ ଜୟଦେବ ଘରୁ ପଳେଇ ଆସିଥିବାରୁ, ତାଙ୍କ ବାପା ଖୋଜି ଖୋଜି ଆସିଥିଲେ । ପରେ ଟ୍ରେନ ଲାଇନ ନିକଟରେ ରେଲୱେ କର୍ମଚାରୀ ଙ୍କ ଠାରୁ ସୂଚନା ପାଇ ଶ୍ୟାମସୁନ୍ଦରପୁର ନିକଟସ୍ଥ ଗୋବରୀ କେନାଲ ବ୍ରିଜ -86 ନିକଟରେ ପୁଅର ମୃତ ଶରୀର କୁ ପାଇଥିଲେ ଟିକି ମଳିକ । ପାରିବାରିକ କଳହ ରୁ ଆତ୍ମହତ୍ୟା ସନ୍ଦେହ କରାଯାଇଛି । ଘଟଣା ସ୍ଥଳରେ ସଦର ଥାନା ପୋଲିସ ପହଞ୍ଚି ପ୍ରାଥମିକ ତଦନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛି ।
ଅଧିକ ପଢନ୍ତୁ ଓଡିଶା ଖବର...
ଅଗର୍ସ ବ୍ୟୁରୋ: ବାଣ ବ୍ୟବସାୟୀ ଗିରଫ । ୨ ବାଣ ବ୍ୟବସାୟୀଙ୍କୁ ଗିରଫ କରିଛି ବାଲୁଗାଁ ପୋଲିସ । ୫୦ ହଜାର ଟଙ୍କାର ବେଆଇନ ବାଣ ଜବତ ହୋଇଛି । ବାଲୁଗାଁ ମାର୍କେଟରେଜଣେ ହୋଟେଲ ବ୍ୟବସାୟୀ ଏବଂ ଜଣେ ଭେରାଇଟ୍ ଷ୍ଟୋର ବ୍ୟବସାୟୀ ବେଆଇନ ଭାବେ ବିପୁଳ ପରିମାଣର ବାଣ ଗଚ୍ଛିତ ରଖିଥିବା ସୂଚନା ପାଇ ଚଢାଉ ହୋଇଥିଲା । ଖୋର୍ଦ୍ଧା ଏସପିଙ୍କ ନିର୍ଦ୍ଦେଶରେ ବିଭିନ୍ନ ଥାନା ଅଞ୍ଚଳରେ ଧରପଗଡ କରାଯାଇଛି । ଗିରଫ ଦୁଇ ଜଣ ବାଲୁଗାଁ ଅଞ୍ଚଳର ହରପ୍ରସାଦ ତ୍ରିପାଠୀ ଓ ନରେନ୍ଦ୍ର ମହାରଣା।
ଅଧିକ ପଢନ୍ତୁ ଓଡିଶା ଖବର...
