ଏପଟେ ବିଜେପି ୧୦ ଦିନ ହେଲା ସତ୍ୟାଗ୍ରହ କରୁଛି, ବାସ୍ ଗୋଟିଏ ଦାବି ଗାଢକଣା ଲୋକଙ୍କ ଜୀବନକୁ ନର୍କରୁ ବାହାର କରିବା । ହେଲେ ସ୍ଥାଣୁ ଭୁବନେଶ୍ବର ମହାନଗର ନିଗମ । ବିଏମସିର କେତେ ସୁନ୍ଦର ସୁନ୍ଦର ନାରା । ହେଲେ ନାରା ଆଉ କାମ ଭିତରେ ଆକାଶ ପାତାଳ ଫରକ। ଘରେ ଦୁଇଦିନ ଅଳିଆ ରହିଗଲେ ବଞ୍ଚିବା ମୁସ୍କିଲ ହେଇଯାଉଛି ।
ତେବେ ଭୁବନେଶ୍ବରକୁ ବିଏମସି ଦେଇଥିବା ଏହି ପାହାଡ଼କୁ ଦେଖନ୍ତୁ ଆଉ ଚିନ୍ତା କରନ୍ତୁ କେମିତି ରହୁଥିବେ ଲୋକେ । ମେୟର ଠାରୁ ଆରମ୍ଭ କରି କମିଶନର ପର୍ଯ୍ୟନ୍ତ ସମସ୍ତେ ନକ୍ସା ତିଆରି କରିବାରେ ବ୍ୟସ୍ତ । ହେଲେ ଏପଟେ ନକ୍ସାକୁ ପଛରେ ପକାଇ ଆକାଶ ଛୁଇଁବାକୁ ଯାଉଛି ଅଳିଆ ପାହାଡ଼ । ତେବେ କେବେ ଉଠୁଛି ଅଳିଆ ପାହାଡ଼, କେବେ ଭାଙ୍ଗୁଛି ବିଜେପିର ସତ୍ୟାଗ୍ରହ ତାହା ଦେଖିବାକୁ ଅପେକ୍ଷା ରହିଲା ।