ଭୁବନେଶ୍ଵରର ଟ୍ୟାକ୍ସି ଡ୍ରାଇଭର ସୁଧିର ସାହୁଙ୍କୁ କୋରାପୁଟ ବୋରିଗୁମ୍ମାରେ ହତ୍ୟା ଘଟଣାର ପର୍ଦ୍ଦାଫାସ

by Rakesh Kumar Barik

ଭୁବନେଶ୍ଵର: ଭୁବନେଶ୍ଵରର ଟ୍ୟାକ୍ସି ଡ୍ରାଇଭର ସୁଧିର କୁମାର ସାହୁଙ୍କୁ କୋରାପୁଟ ବୋରିଗୁମ୍ମାରେ ହତ୍ୟା ଘଟଣାର ପର୍ଦ୍ଦାଫାସ ହୋଇଛି। ଭୁବନେଶ୍ୱରରୁ ଗାଡି ବୁକ କରି ଆଣି ଥିବା ଦୁଇ ଜଣ ମହିଳା ଓ ପୁରୁଷ ହିଁ ଏହି ଘଟଣାର ମୁଖ୍ୟ ହତ୍ୟାକାରୀ। ଅଭିଯୁକ୍ତଙ୍କୁ ରାଉରକେଲାରୁ ଗିରଫ କରାଯାଇଥିବା ବେଳେ ଏମାନଙ୍କ ଘର ଯାଜପୁରରେ ହୋଇଥିବା କୋରାପୁଟ ଏସପି ସୂଚନା ଦେଇଛନ୍ତି।

ଗତ ମାସ ୨୬ ତାରିଖ ଦିନ ଏହି ଦୁଇ ଜଣ ଅଭିଯୁକ୍ତ ଗୁପ୍ତେଶ୍ବର ବୁଲିବା ପାଇଁ ସୁଧିରଙ୍କ ଗାଡି ଭୁବନେଶ୍ୱରରେ ବୁକ କରିଥିଲେ। ତେବେ ଏହି ସମୟରେ ସୁଧିର ମହିଳାଙ୍କ ସହ ଅସଦାଚରଣ କରିବାରୁ ଦୁଇ ଅଭିଯୁକ୍ତ ସୁଧିରଙ୍କୁ ହତ୍ୟା କରି ଗାଡି ନେଇ ଚାଲି ଯାଇଥିବା ପୋଲିସ ସୂଚନା ଦେଇଛି।

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

କୂଅରେ ପଡ଼ି ଦୁଇ ଭାଇଙ୍କ ମୃତ୍ୟୁ

by Ritu Das

ଅର୍ଗସ ବ୍ୟୁରୋ: ଢ଼େଙ୍କାନାଳ ସଦର ଥାନା ନଟକଟା ଗ୍ରାମରେ ଅଘଟଣ ଘଟିଛି। କୂଅରେ ପଡ଼ି ଦୁଇ ଭାଇଙ୍କ ମୃତ୍ୟୁ ହୋଇଛି। ମୃତକ ଦୁଇ ଭାଇ ହେଲେ ୫ ବର୍ଷୀୟ ସଞ୍ଜିତ ପ୍ରଧାନ ଓ ୪ ବର୍ଷୀୟ ରଞ୍ଜିତ ପ୍ରଧାନ। ଗତକାଲି ବାପା ମା ଓ ବଡ଼ ଭାଇ ଧାନ କାଟିବାକୁ ଯାଇଥିବା ବେଳେ ଦୁଇ ଭାଇ ଖେଳିବା ପାଇଁ ଯାଇଥିଲେ। ଘରକୁ ପିଲାମାନେ ଫେରି ନ ଥିବାରୁ ପରିବାର ଲୋକେ ଖୋଜାଖୋଜି କରିଥିଲେ।

ଆଜି ସକାଳୁ ଦୁଇ ଭାଇଙ୍କ ମୃତ ଦେହ କୂଅରେ ଭାସୁଥିବାର ଦେଖିବାକୁ ମିଳିଥିଲା। ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିବା ସହ ବ୍ୟବଚ୍ଛେଦ ନିମନ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି।

ଅଧିକ ପଢ଼ନ୍ତୁ ଓଡ଼ିଶା ଖବର

ନୂଆଦିଲ୍ଲୀରେ ଉତ୍କଳିନୀ ପକ୍ଷରୁ 43 ତମ ବାର୍ଷିକ ଉତ୍ସବ ପାଳିତ

by Manini Pattanayak

The 43rd annual celebration has been organized by Utkalini in New Delhi.

ନୂଆଦିଲ୍ଲୀ: ନୂଆଦିଲ୍ଲୀରେ ଉତ୍କଳିନୀ ପକ୍ଷରୁ 43 ତମ ବାର୍ଷିକ ଉତ୍ସବ ଆୟୋଜନ ହୋଇ ଯାଇଛି। ଏହି କାର୍ଯ୍ୟକ୍ରମରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ଧର୍ମପତ୍ନୀ ତଥା ବିକାଶ ଫାଉଣ୍ଡେସନ ଟ୍ରଷ୍ଟର ଅଧକ୍ଷା ମୃଦୁଳା ଠାକୁର ପ୍ରଧାନ ଏବଂ ନ୍ୟାସନାଲ୍ ସ୍କୁଲ୍ ଅଫ୍ ଡ୍ରାମା ନିର୍ଦ୍ଦେଶକ ଚିତ୍ତରଂଜନ ତ୍ରିପାଠୀ ଅତିଥି ଭାବେ ଯୋଗ ଦେଇଥିଲେ।
କାର୍ଯ୍ୟକ୍ରମ ରେ ମୃଦୁଲା ପ୍ରଧାନ କହିଥିଲେ, ସେବା, ସଂସ୍କାର, ସଂସ୍କୃତି ଏହି ତିନୋଟି କ୍ଷେତ୍ରରେ କାମ କରୁଛି ଉତ୍କଳିନୀ । ଏହି ତିନୋଟି ଯେଉଁଠି ଥିବ ସେଇଠି ସୁବିଚାର ଥିବ। ଆଉ ସୁବିଚାର ଥିଲେ ଉତ୍ତମ କାମ ମଧ୍ୟ ଆପେ ଆପେ ହୋଇପାରିବ ବୋଲି ଶ୍ରୀମତି ମୃଦୁଳା ପ୍ରଧାନ କହିଥିଲେ। ଏଥିସହିତ ଏବେ ମାଣବସା ଚାଲିଛି । ମା ଲକ୍ଷ୍ମୀ ହେଉଛନ୍ତି ମହିଳା ସଶକ୍ତିକରଣ ର ପ୍ରତୀକ ବୋଲି କହିଥିଲେ ମୃଦୁଳା। ଆମେ ସମସ୍ତେ ଲକ୍ଷ୍ମୀ ପୁରାଣ ପଢ଼ୁଛୁ ସେଠି ସ୍ୱଚ୍ଛତାର ବାର୍ତ୍ତା ରହିଛି ଏବଂ ସମାଜ ସଂସ୍କାର ର କଥା ରହିଛି ନାରୀ ସଶକ୍ତିକରଣ ମଧ୍ୟ ରହିଛି।

ଆମେ ଓଡ଼ିଶାର ସବୁ ଉତ୍ସବକୁ ରାଜଧାନୀ ଦିଲ୍ଲୀରେ ଆୟୋଜନ କରିବା । ଯାହା ଦ୍ୱାରା ବାହାର ରାଜ୍ୟର ଲୋକ ଓଡ଼ିଶାର ପରମ୍ପରା ଏବଂ ସଂସ୍କୃତି ବିଷୟରେ ଜାଣିବାକୁ ପାଇବେ। ସେଥିପାଇଁ ଆହୁରି ଅଧିକ କାର୍ଯ୍ୟକ୍ରମ ଆୟୋଜନ କରିବାକୁ ମୃଦୁଳା ଉତ୍କଳନୀ କୁ ଆହ୍ୱାନ କରିଛନ୍ତି। ଏହି ଅବସରରେ UTKALINI ତରଫରୁ ଡକ୍ଟର ପ୍ରଧାନଙ୍କ ଦ୍ୱାରା ନୋଏଡାର ଏନଜିଓ ସଂଗଠନ ସାଇକ୍ରୁପା ଦ୍ୱାରା ପରିଚାଳିତ ଏକ ଅନାଥ ଆଶ୍ରମକୁ 25000 ଟଙ୍କାର ଚେକ୍‌ ପ୍ରଦା ନ କରିଥିଲେ। ନ୍ୟାସନାଲ୍ ସ୍କୁଲ୍ ଅଫ୍ ଡ୍ରାମା ନିର୍ଦ୍ଦେଶକ ଚିତ୍ତରଂଜନ ତ୍ରିପାଠୀ କହିଛନ୍ତି, “ଆମ ଶାସ୍ତ୍ର ଏବଂ ସଂସ୍କୃତି ଆମ ସମାଜରେ ମହିଳାଙ୍କ ଶକ୍ତି ବିଷୟରେ କାହାଣୀରେ ପରିପୂର୍ଣ୍ଣ। ଓଡିଶାରେ ଯୋଗିନୀ ମନ୍ଦିରଗୁଡ଼ିକ ଓଡିଆ ସମାଜରେ ମହିଳା ସଶକ୍ତିକରଣର ସାକ୍ଷ୍ୟ ଅଟନ୍ତି। ଉତ୍କଳିନୀ ହେଉଛି ଓଡିଶାର ମହିଳାମାନଙ୍କର ଏକ ପ୍ରମୁଖ ସାମାଜିକ-ସାଂସ୍କୃତିକ ଅନୁଷ୍ଠାନ ଯାହା 1980 ମସିହାରେ ପ୍ରତିଷ୍ଠିତ ହୋଇଥିଲା।

ଅଧିକ ଦେଖନ୍ତୁ :

ନିମ୍ନମାନର କାମ ଯୋଗୁ ଭୁଶୁଡ଼ିଲା ନିର୍ମାଣାଧୀନ ବ୍ରିଜର ଓ୍ବାଲ

by Ritu Das

ଅର୍ଗସ ବ୍ୟୁରୋ: ନିମ୍ନମାନର କାର୍ଯ୍ୟ ପାଇଁ ଭୁଶୁଡି ପଡ଼ିଲା ନିର୍ମାଣଧୀନ ବ୍ରିଜ ୱାଲ। ନୀଳଗିରି ଦେଇ ଯାଉଥିବା ସାଳନ୍ଦୀ କେନାଲ ଯୋଜନା ସନ୍ତରାଗଡିଆର ଅସ୍ତିଆ ଗ୍ରାମ ନିକଟରେ ନିର୍ମାଣାଧୀନ ବ୍ରିଜର୍ ବଡ଼ ୱାଲ ଗଡି ପଡ଼ିଲା। ଗତକାଲି ରାତିରେ ବିନା ବିଭାଗୀୟ ଅଧିକାରୀଙ୍କ ଉପସ୍ଥିତିରେ ଢଳେଇ ପଡିଥିବା ବେଳେ ନିମ୍ନମାନର କାର୍ଯ୍ୟ ପାଇଁ ଆଜି ଗଳିପଡିଛି। ଅଳ୍ପକେ ବର୍ତ୍ତିଯାଇଛନ୍ତି କାର୍ଯ୍ୟରତ ଶ୍ରମିକ।

କୋଟି କୋଟି ଟଙ୍କାର ଏକ ବଡ଼ କେନାଲ ନିର୍ମାଣ ହେଉଥିବାରୁ ୬ଟି ୱାଲ ହୋଇଥିଲା। ତେବେ କାମ ଅତ୍ୟନ୍ତ ନିମ୍ନ ମାନର ହୋଇଥିବାରୁ ବିନା ବେଶରେ ୱାଲ ହୋଇଥିବା ଯୋଗୁ ଗୋଟିଏ ୱାଲ ଭୁଶୁଡି ପଡିଥିବା ଅଭିଯୋଗ ହେଉଛି। କାମ ଆରମ୍ଭରୁ ଏମିତି ହେଲାଣି ଆଗକୁ ବ୍ରିଜ କେତେ ସୁରକ୍ଷିତ ବୋଲି ବି ପ୍ରଶ୍ନ କରିବା ସହ ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି ସ୍ଥାନୀୟ ସରପଞ୍ଚ।