ଏଠି ପ୍ରଶ୍ନ ଉଠିଛି, କଣ ପାଇଁ ଏମିତି ପାଗଳାମୀ କରୁଛନ୍ତି ବିଜେଡି ନେତା ? ଆଗାମୀ ନିର୍ବାଚନରେ ଟିକେଟ ଆଶାରେ ଏମିତି ପାଗଳାମୀ କରୁ ନାହାନ୍ତି ତ ? କେତେବେଳେ ବିଜେଡ଼ି ବିଧାୟକ ଅମର ପଟ୍ଟନାୟକ ତ, ପୁଣି କେତେବେଳେ ବିଜେଡି ମନ୍ତ୍ରୀ ପ୍ରତାପ ଦେବ ଏବଂ ଗତ କିଛି ଦିନ ହେବ ନୂଆ କରି ବିଜେଡ଼ିରେ ମିଶିଥିବା ଯାତ୍ରା କଳାକାର ଦୈତାରୀ ପଣ୍ଡା । ଯିଏ କି ଓଡ଼ିଶାର ମୁଖ୍ୟମନ୍ତ୍ରୀଙ୍କୁ ଓଡ଼ିଆଙ୍କ ପ୍ରାଣର କଳା ଠାକୁରଙ୍କ ସହ ତୁଳନା କରିଥିଲେ । ଯାହା ପରେ ସେ ବିବାଦରେ ଘେରକୁ ମଧ୍ୟ ଆସିଥିଲେ । କଣ ପାଇଁ ଏମିତି ପାଗଳାମୀ କରୁଛନ୍ତି ବିଜେଡ଼ି ନେତା କିଛି ଜଣା ପଡ଼ୁନି ।
ଏବେ ପୁଣି ନବୀନ ପଟ୍ଟନାୟଙ୍କୁ ଚନ୍ଦ୍ର ଓ ସୂର୍ଯ୍ୟଙ୍କ ସହ ତୁଳନା କରାଯାଇଛି । ଏଭଳି ଘଟଣା ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ପାଟକୁରା ନିର୍ବାଚନ ମଣ୍ଡଳୀରେ । ଆଉ ଏଭଳି ମୁର୍ଖାମୀ କରିଛନ୍ତି ଗରଦପୁର ବ୍ଲକ ଅଧ୍ୟକ୍ଷ ଅଭୟ ମହାରାଜ । ସେ କହିଛନ୍ତି, ନବୀନଙ୍କ ବିକଳ୍ପ ନାହିଁ ! ନବୀନ ଅସ୍ତ ହେଲେ ପୃଥିବୀ ଧ୍ୟଂଶ ହୋଇଯିବ ! ଯାହାର ଭିଡ଼ିଏ ଭାଇରାଲ ହେବାର ଲାଗିଛି । ଏହି ବିଡ଼ିଓ ଦେଖିବା ପରେ ଅନେକ ସଂଗଠନ ଓ ବ୍ୟକ୍ତି ବିଶେଷ ଅଭୟଙ୍କୁ କଟାକ୍ଷ ମଧ୍ୟ କରିଛନ୍ତି । ଅଭୟ ପଦ୍ମପୁର ପଞ୍ଚାୟତର ସମିତି ସଭ୍ୟ ଥିବା ବେଳେ ପଞ୍ଚାୟତ ବିକାଶ ନାଁରେ ୫୦ଲକ୍ଷର ଦୃନୀତି ମଧ୍ୟ କରିଛନ୍ତି । ଅଭୟଙ୍କ ସମେତ ସରପଞ୍ଚ ସାମିଲ ଅଛନ୍ତି । ଯାହା ବର୍ତ୍ତମାନ ଦେଣ୍ତରେ ପଡ଼ି ହାଟରେ ଗଡୁଛି ।
