ବିଜେଡି ସରକାର ଉପରେ ବିମୁଖ ହେଲେଣି ଭୋଟର । ଖାଲି ବିମୁଖ ହେଲେନି ତାହା ନୁହେଁ ବହୁତ ଦିନ ହେଲାଣି ଭୋଟ୍ ଦେଉଛୁ, ଏଥର ସରକାର ବଦଳାଇବୁ ବୋଲି କହିଲେଣି । ଗୁରୁତ୍ଵପୂର୍ଣ୍ଣ କଥା ହେଲା ୨୫ ବର୍ଷର ସ୍ଥିର ସରକାର ପରେ ବି ରାଜ୍ୟର ଯେମିତି ଉନ୍ନତି ହେବାର କଥା ସେମିତି ହୋଇନି କି ଲୋକଙ୍କୁ ଯାହା ସୁବିଧା ମିଳିବାର କଥା ମିଳିନି । ସେଇଥି ଲାଗି ତ ବିଜେଡି ସରକାର ଉପରେ ରାଗି ପଂଚମ ହେଲେଣି ଲୋକେ । ଏହାସହ ନିଷ୍ପତ୍ତି ନେଇଛନ୍ତି ଏଥର ହଟାଇବୁ ବିଜେଡି ସରକାର ।
ପ୍ରଣବ ପ୍ରକାଶ ଦାସ । ଯାଜପୁର ବିଧାୟକ ତଥା ବିଜେଡିର ପାୱାରଫୁଲ ନେତା । ଏବେ ଦଳ ତାଙ୍କୁ ସମ୍ବଲପୁରରୁ ଲୋକସଭା ପ୍ରାର୍ଥୀ କରିଛି । ପ୍ରାର୍ଥୀ ତାଲିକା ଘୋଷଣା ହେବା ପରେ ସେ ଜୋରସୋରରେ ପ୍ରଚାର ବି କରୁଛନ୍ତି । ହେଲେ ସେ ପ୍ରଚାର ସମୟରେ କେମିତି ଜନଆକ୍ରୋଶର ଶିକାର ହେଉଛନ୍ତି ସେ ଦୃଶ୍ୟ ଆମେ ଅନେକ ଥର ଦେଖାଇଛୁ । କିନ୍ତୁ ଏବେ ହୋମ ଡିସଷ୍ଟ୍ରିକ୍ରେ ବବି ଯେମିତି ବୋଲ୍ଡ ହେଲେଣି ସମ୍ବଲପୁରରେ ବି ସେମିତି ବୋଲ୍ଡ ହେବେ ବୋଲି ଲୋକେ କହିଲେଣି । ତେବେ ସମୟ କହିବ ରାଜନୈତିକ ପାଣିପାଗ ଯାଉଛି କୁଆଡ଼େ ?