ଅର୍ଗସ ବ୍ୟୁରୋ: ପ୍ରକାଶ ପାଇଲା ମାଟ୍ରିକ ରେଜଲ୍ଟ । ଚଳିତବର୍ଷ ମାଟ୍ରିକ ପାସ୍ ହାର 96.4 ପ୍ରତିଶତ । ପୁସ୍ତିକା ଉନ୍ମୋଚନ କଲେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ପ୍ରମିଳା ମଲ୍ଲିକ । ଚଳିତ ବର୍ଷ 5 ଲକ୍ଷରୁ ଉର୍ଦ୍ଧ୍ବ ଛାତ୍ର ଛାତ୍ରୀ ପରୀକ୍ଷା ଦେଇଛନ୍ତି। 3,222 ସ୍କୁଲରେ ଶତ ପ୍ରତିଶତ ରେଜଲ୍ଟ ହୋଇଛି । ଛାତ୍ରଙ୍କ ତୁଳନାରେ ଛାତ୍ରୀଙ୍କ ପାସ୍ ହାର ଅଧିକ ରହିଛି । ଛାତ୍ରୀଙ୍କ ପାସ୍ ହାର ୯୭.୦୫ ପ୍ରତିଶତ ରହିଥିବାବେଳେ ଛାତ୍ରଙ୍କର ପାସହାର ରହିଛି ୯୫.୭୫ ପ୍ରତିଶତ ।
ଜଗତସିଂହପୁରର ପାସହାର ସର୍ବାଧିକ ୯୭.୯ ପ୍ରତିଶତ ରହିଛି । A୧- 4,158 ଓ A୨ -29,855
B୧-77762 ଓ B୨-1,19120 ପରୀକ୍ଷାର୍ଥୀ ପାସ କରିଛନ୍ତି ।
ଦିନ ୧୨ଟାରେ ୱେବସାଇଟ୍ ରେ ଉପଲବ୍ଧ ହେବ । www.bseodisha.ac.in ରେ ନିଜ ନିଜ ରେଜଲ୍ଟ ଦେଖିପାରିବେ ପରୀକ୍ଷାର୍ଥୀ। ଯେଉଁ ଅଞ୍ଚଳରେ ଇଣ୍ଟରନେଟ ସୁବିଧା ନାହିଁ ସେମାନେ ମୋବାଇଲରେ ମେସେଜକୁ ଯାଇ OR 10 ସ୍ପେସ ରୋଲ ନମ୍ବର ଲେଖି 5676750ରେ ଏସଏମଏସ କଲେ ରେଜଲ୍ଟ ପାଇପାରିବେ। ପରୀକ୍ଷା ଫଳ ଜନିତ କିଛି ଅଭିଯୋଗ କିମ୍ବା ଅସୁବିଧା ଥିଲେ ବୋର୍ଡ ପକ୍ଷରୁ ଏକ ନମ୍ବର ଜାରି କରାଯାଇଛି। ନମ୍ବରଟି ହେଲା ୦୬୭୧ ୨୪୧୫୪୬୦ ।
ଆହୁରି ପଢନ୍ତୁ ଓଡିଶା ଖବର...
ନବରଙ୍ଗପୁର: ପାନୀୟ ଜଳ ପାଇଁ ହେବାକୁ ପଡୁଛି ହୀନସ୍ତା । ବ୍ୟବସ୍ଥା ରହିଥିବା ସ୍ୱତେ ମଧ୍ୟ ଘଣ୍ଟା ଘଣ୍ଟା ପାଣି ପାଇଁ ଅପେକ୍ଷା କରିବାକୁ ପଡୁଛି । ଏହି ଭଳି ପାଣି ଟୋପେ ପାଇଁ ଡହଳ ବିକଳ ହେଉଛନ୍ତି । ନବରଙ୍ଗପୁର ଚନ୍ଦାହାଣ୍ଡି ବ୍ଲକ ଫୋଟକି ପଞ୍ଚାୟତର ଲୁଧିଆ ପଡ଼ା ଗ୍ରାମବାସୀ । ଗାଁରେ ୨୦୦ରୁ ଉର୍ଦ୍ଧ୍ବ ପରିବାର ବସ ବାସ କରୁଥିବା ବେଳେ ଜନସଂଖ୍ୟା ପ୍ରାୟ ୧୦୦୦ରୁ ଉର୍ଦ୍ଧ୍ବ । ଗାଁ ଲୋକଙ୍କୁ ସ୍ୱଚ୍ଛ ପାନୀୟ ଜଳ ଯୋଗାଇ ଦେବା ପାଇଁ ସରକାରଙ୍କ ତରଫରୁ ବସୁଧା ଯୋଜନାରେ ପାଣି ଟାଙ୍କିର ବ୍ୟବସ୍ଥା କରାଯାଇଛି କିନ୍ତୁ ବସୁଧା ଯୋଜନା ଗାଁ ଲୋକଙ୍କ ପାଇଁ ପ୍ରହସନ ପାଲଟିଛି ।
ଅର୍ଗସ ବ୍ୟୁରୋ: ଯୁକ୍ତ ୨ ପରୀକ୍ଷା ଓ ଫଳାଫଳ ଛାତ୍ର ଛାତ୍ରୀଙ୍କ ପାଇଁ ବେଶ ଗୁରୁତ୍ୱପୂର୍ଣ୍ଣ ହୋଇଥାଏ। ତେବେ ଚଳିତ ବର୍ଷ ମାର୍ଚ୍ଚ ୧ରୁ ଏପ୍ରିଲ ୫ ପର୍ଯ୍ୟନ୍ତ ଛାତ୍ର ଛାତ୍ରୀଙ୍କ ପରୀକ୍ଷା ରହିଥିଲା।। ୧ ତାରିଖରେ ବିଜ୍ଞାନ ବିଭାଗ, ୨ ତାରିଖରେ କଳା ଓ ବାଣିଜ୍ୟ ବିଭାଗର ଏବଂ ୩ ତାରିଖରେ ଧନ୍ଦାମୂଳକ ଛାତ୍ର ଛାତ୍ରୀ ପରୀକ୍ଷା ଦେଇଥିଲେ। ତେବେ ଚଳିତ ଥର ମୋଟ ୩ ଲକ୍ଷରୁ ଉର୍ଧ୍ଵ ଛାତ୍ର ଛାତ୍ରୀ ପରୀକ୍ଷା ଦେଇଥିବା ବେଳେ କେବଳ ବିଜ୍ଞାନ ଓ ବାଣିଜ୍ୟ ବିଭାଗର ରେଜଲ୍ଟ ଆସିଛି।
ନିୟମ ରହିଛି ୪୫ ଦିନ ଭିତରେ ପରୀକ୍ଷା ଫଳାଫଳ ବାହାରିବାର ନିୟମ ରହିଛି। କିନ୍ତୁ ଏଥର ୨୬ ଦିନ ବିଳମ୍ବରେ ରେଜଲ୍ଟ ପ୍ରକାଶ କରିଛି CHSE। ଯାହାକୁ ନେଇ ଶିକ୍ଷାବିତ ପ୍ରଶ୍ନ ଉଠାଇଛନ୍ତି। ବିଜ୍ଞାନ ଓ ବାଣିଜ୍ୟ ରେଜଲ୍ଟ ପ୍ରକାଶ ପରେ ଏବେ କଳା ଓ ଧନ୍ଦାମୂଳକ ପରୀକ୍ଷାର୍ଥୀ ନିଜ ଫଳାଫଳକୁ ନେଇ ଅପେକ୍ଷା କରିଛନ୍ତି। ଏହା ଭିତରେ ଅନେକ ଜାତୀୟ ସ୍ତରରପ୍ରତିଯୋଗିତାମୂଳକ ପରୀକ୍ଷା ମଧ୍ୟ ଆସୁଛି। ଏହାରି ଭିତରେ ପିଲାଙ୍କର ବଢ଼ିଛି ଟେନସନ।
ବିଜ୍ଞାନ ବିଭାଗର ରେଜଲ୍ଟ କମ ଆସିବା ପରେ ଏବେ ଆହୁରି ଦ୍ଵନ୍ଦ ସହ ପିଲାଙ୍କ ଭୟ ବଢିଛି। ରେଜଲ୍ଟ ପାଇଁ ଅପେକ୍ଷା ରହିଛି ସେପଟେ ଉଚ୍ଚ ଶିକ୍ଷା ପାଇଁ ବିଭିନ୍ନ ପରୀକ୍ଷା ଦେବାର ରହିଛି। ତେଣୁ ଏକସହ ରେଜଲ୍ଟ ବାହାରିଲେ ରିଲାକ୍ସ ମନରେ ଭୟ କମ ହୁଅନ୍ତା ବୋଲି କହିଛନ୍ତି ଛାତ୍ର ଛାତ୍ରୀ। ତେବେ ଚଳିତ ବର୍ଷ ପୁଣି ପରୀକ୍ଷା ପରିଚାଳନା ସଠିକ ଭାବେ ହେଉଛି ନା ନାହିଁ ତାକୁ ନେଇ ଅପେକ୍ଷା।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ଢୋଲ ମୃଦଙ୍ଗ ଭଳି ପାରମ୍ପରିକ ବାଦ୍ୟଯନ୍ତ୍ରର ବ୍ୟବହାର ବେଶ ପୁରାତନ । ବାହାଘର ହେଉ କିମ୍ବା ବ୍ରତଘର ବିଭିନ୍ନ ମାଙ୍ଗଳିକ କାର୍ଯ୍ୟରେ ଏହାର ଆବଶ୍ୟକତା ପଡିଥାଏ । କିନ୍ତୁ ଏହି ବାଦ୍ୟଯନ୍ତ୍ରକୁ ତିଆରି କରି ପରିବାର ପୋଷୁଥିବା ଲୋକେ ଏବେ ଦୁର୍ଦ୍ଦିନରେ ଦିନ କାଟୁଛନ୍ତି । ବଲାଙ୍ଗୀର ଜିଲ୍ଲା ପୁଇଁନ୍ତଳା ବ୍ଲକ କୁଟେନପାଳି ଗାଁରୁ ଦେଖିବା ଏହି ରିପୋର୍ଟ।
କାହିଁ କେଉଁ କାଳରୁ ପୂଜା ପାର୍ବଣରେ ଲୋକବାଦ୍ୟର ବ୍ୟବହାର କରାଯାଉଛି । ହେଲେ ଏହି ଲୋକ ବାଦ୍ୟ ତିଆରି କରୁଥିବା କାରିଗର ମାନେ ଅନ୍ଧାରରେ ଦିନ କାଟୁଛନ୍ତି । ପରିବାର ପ୍ରତିପୋଷଣ ପାଇଁ କୌଳିକ ବୃତ୍ତିକୁ ଆପଣେଇ ଆର୍ଥିକ ଅନାଟନରେ ଜୀବନ କାଟୁଛନ୍ତି । ବଲାଙ୍ଗୀର ଜିଲ୍ଲା କୁଟେନପାଳି ଗାଁରେ ପ୍ରାୟ ପରିବାରଙ୍କ ହାତର ସ୍ପର୍ଶରେ ତିଆରି ହୁଏ ସୁନ୍ଦର ସୁନ୍ଦର ବାଦ୍ୟଯନ୍ତ୍ର । ଏ କଳା ଏମାନଙ୍କୁ ଏକ ସ୍ବତନ୍ତ୍ର ପରିଚୟ ଦେଇଛି ,ଖାଲି ବଲାଙ୍ଗୀର ନୁହେଁ ଏମାନଙ୍କ ଦ୍ବାରା ନିର୍ମିତ ମୃଦଙ୍ଗ,ଟମକ, ଢୋଲ, ନିଶାନ, ତାସାର ଚାହିଦା ସାରା ଓଡ଼ିଶାରେ ରହିଛି କିନ୍ତୁ ଏମାନଙ୍କ ଆର୍ଥିକ ସ୍ଥିତିରେ ଆଜିବି ସୁଧାର ଆସିନି। କଳା ଓ କୁଟୀର ଶିଳ୍ପକୁ ନେଇ ଓଡିଶା ସରକାରଙ୍କ ତରଫରୁ ଅନେକ ଯୋଜନା ରହିଛି କିନ୍ତୁ ଏହି ସବୁ ଯୋଜନା ଠାରୁ ବହୁ ଦୂରରେ ରହୁଛନ୍ତି ଲୋକ କାଳର ବିନ୍ଧାଣି ।
ପୀଢ଼ି ପରେ ପୀଢ଼ି ଏହି ବୃତ୍ତିକୁ ଆପଣେଇ ଆମ ସଂସ୍କୃତିକୁ ବଞ୍ଚାଇ ରଖିଛନ୍ତି । ହେଲେ କାମ ଅନୁସାରେ ପାରିଶ୍ରମିକ ମିଳୁନଥିବାରୁ ଅସନ୍ତୋଷ ବ୍ୟକ୍ତ କରିଛନ୍ତି କାରିଗର । ଏହି ବାଦ୍ୟଯନ୍ତ୍ର ବଜାଇ କଳାକାର ମାନେ କଳାକାର ଭତ୍ତା ପାଉଥିବା ବେଳେ କାରିଗର ମାନଙ୍କୁ କିଛି ପ୍ରୋତ୍ସାହନ ମିଳୁନଥିବାରୁ ଦୁଃଖ ପ୍ରକାଶ କରିଛନ୍ତି କାରିଗର ।
ଦିନକୁ ଦିନ ଲୋପ ପାଇବାରେ ବସିଛି ଲୋକକଳା । ତୁରନ୍ତ ରାଜ୍ୟ ସରକାର ଲୋକକଳାର କାରିଗର ମାନଙ୍କୁ ସହାୟତା ଯୋଗାଇଦେବାକୁ ଦାବି କରିଛନ୍ତି କାରିଗର।
ଅଧିକ ପଢ଼ନ୍ତୁ ଓଡ଼ିଶା ଖବର
