ନିର୍ବାଚନ ଖବର : ସ୍କ୍ରୋଲ କରନ୍ତୁ, ଗୁରୁତ୍ଵପୂର୍ଣ୍ଣ ଖବର ପାଆନ୍ତୁ

ଘର

ଓଡ଼ିଶା

by Sarbeswar Mohapatra

କୁଲେସିକା ଦେଲେ ବିସ୍ଫୋରକ ବୟାନ । କହିଲେ, ଟିକଟ ପାଇଁ ପ୍ରଭୁ ଜାନିଙ୍କଠୁ ବିଜେଡି ନେଇଛି 5/6 କୋଟି
ଆସିଲା ବିଜେପିର ବିଧାନସଭା ପ୍ରାର୍ଥୀ ତାଲିକା । ରାଉରକେଲାରୁ ପ୍ରାର୍ଥୀ ହେଲେ ଦିଲ୍ଲୀପ ରାୟ
୨ ବିଧାନସଭା ପ୍ରାର୍ଥୀଙ୍କୁ ବଦଳାଇଲା ବିଜେପି । ରଣପୁର ଏବଂ ପଟାଙ୍ଗୀ ପାଇଁ ପ୍ରାର୍ଥୀ ବଦଳିଲେ
ଘୁଂଚି ଘୁଂଚି ଯାଉଛି ବିଜେଡିର ପ୍ରାର୍ଥୀ ତାଲିକା ଘୋଷଣା ତାରିଖ । ବିଦ୍ରୋହ ବଢୁଥିବାରୁ ନାଁ ଘୋଷଣା କରୁନି ଦଳ
ପୁରୀ ବଡଦାଣ୍ଡରେ ବୁଲି ପ୍ରଚାର କଲେ ବିଜେଡିର ସାଂସଦ ଓ ବିଧାୟକ ପ୍ରାର୍ଥୀ । ଅରୂପ କହିଲେ, ପୁରୀରେ ବିକାଶ ଆରମ୍ଭ ହୋଇଛି
ଦେବଗଡରେ ମାଆ ଭଦ୍ରକାଳୀଙ୍କ ମେରୁ ଯାତ୍ରାରେ ସାମିଲ ହେଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପ୍ରଭୁ ମହାଦେବ ଓ ମା’ କାଳୀଙ୍କ ଆଶୀର୍ବାଦ ନେଲେ ଧର୍ମେନ୍ଦ୍ର
କଟକ ଏସସିବିରେ ଆହତଙ୍କୁ ଭେଟିଲେ ଭି.କେ ପାଣ୍ଡିଆନ୍ । ଆହତଙ୍କ ସ୍ୱାସ୍ଥ୍ୟବସ୍ଥା ନେଇ ଡାକ୍ତରଙ୍କ ସହ କଲେ ଆଲୋଚନା । ସରକାରୀ କର୍ମଚାରୀଙ୍କୁ କେମିତି ନିର୍ଦ୍ଦେଶ ଦେଲେ ଉଠିଲା ପ୍ରଶ୍ନ
ଦଳରୁ ବହିଷ୍କୃତ ହେବା ପରେ ପ୍ରତିକ୍ରିୟା ରଖିଲେ ସୁର । କହିଲେ, କାର୍ଯ୍ୟାନୁଷ୍ଠାନ ନେଇ ଲେଖିବି ଚିଠି
ମୋକିମଙ୍କୁ ନେଇ ପୁଣି ବଢିଲାଣି ଚର୍ଚ୍ଚା । ବିବାଦ ଭିତରେ ଥିବାରୁ ତାଙ୍କ ବଦଳରେ ଝିଅଙ୍କୁ କଂଗ୍ରେସ କରିପାରେ ପ୍ରାର୍ଥୀ
ନିର୍ବାଚନ ମଇଦାନକୁ ଓହ୍ଲାଇପାରନ୍ତି ନବୀନ । ପୂର୍ବଥର ପରି ଏଥର ବି ସମାନ ଢଙ୍ଗରେ କରିପାରନ୍ତି ପ୍ରଚାର

ଜରୁରୀକାଳୀନ ବିଭାଗରେ ଘଣ୍ଟାଏ ଲାଇନ କଟିଲା

by Smruti Parija

electricity-cut-in-baleswar-district-hospital-emergency-ward

ବାଲେଶ୍ୱର: ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟରେ ବିଦ୍ୟୁତ୍ କାଟ୍ । ଜରୁରୀ କାଳୀନ ବିଭାଗରେ ସଂନ୍ଧ୍ୟା 5 ଟା 30 ରୁ ଘଣ୍ଟାଏ ଲାଇନ କାଟ୍ ହୋଇଥିବା ସୂଚନା ରହିଛି । ଦୁଇ ଘଣ୍ଟା ଚିକିତ୍ସାଳୟ ଅନ୍ଧାର ହୋଇଛି । ବିଭାଗକୁ ସଂଯୋଗ ହୋଇଥିବା ମୁଖ୍ୟ କେବୁଲ୍ ତାର ବଦଳାଯାଇଥିବା ନେଇ ବିଦ୍ୟୁତ୍ କାଟ୍ କରାଯାଇଥିଲା । କେବଳ ଜରୁରୀକାଳୀନ ଓ୍ବାର୍ଡ ବ୍ୟତିତ ଅନ୍ୟ ସମସ୍ତ ଓ୍ବାର୍ଡରେ ବିଦ୍ୟୁତ୍ ରହିଥିବା ସୂଚନା ମିଳିଛି ।

ବିଜୁ ଜନତା ଦଳ ନିର୍ବାଚନ ଆଚରଣବିଧି ଉଲଂଘନ କରୁଛି -ସମୀର ମହାନ୍ତି

by Smruti Parija

Biju Janata Dal is violating election code of conduct

ଭୁବନେଶ୍ୱର: ଅମିତ ଶାହାଙ୍କ ଫେକ୍ ଭିଡ଼ିଓ ଧରି ମିଥ୍ୟା ପ୍ରଚାର କରୁଛନ୍ତି ନବରଙ୍ଗପୁର ସାଂସଦ ପ୍ରାର୍ଥୀ ପ୍ରଦୀପ ମାଝୀ । ଦେଶର ଗୃହମନ୍ତ୍ରୀ ଅମିତ ଶାହାଙ୍କର ଏକ ଫେକ୍ ଭିଡିଓ ବୁଲୁଛି । ଏହାକୁ ଆଶ୍ରା କରି ଭିଡିଓ ମୁଖ୍ୟମନ୍ତ୍ରୀଙ୍କ ଗୁମାସ୍ତାଙ୍କ ଉପସ୍ଥିତିରେ ନବରଙ୍ଗପୁର ସାଂସଦ ପ୍ରାର୍ଥୀ ଏହାକୁ ସର୍ବ ସମ୍ମୁଖକୁ ଦେଖାଇଛନ୍ତି । ଏଥିରେ ଅମିତ ଶାହା ଚିତ୍କାର କରି କହୁଛନ୍ତି ଯେ ସେ ସଂରକ୍ଷଣ ବ୍ୟବସ୍ଥାକୁ ଉଠାଇ ଦେବେ । ବିଜେଡିର ଏହା ହୀନ ରାଜନୀତି ବୋଲି କହିଛନ୍ତି ପୂର୍ବତନ ରାଜ୍ୟ ସଭାପତି ସମୀର ମହାନ୍ତି ।

ଏପରି କରି ବିଜୁ ଜନତା ଦଳ ନିର୍ବାଚନ ଆଚରଣବିଧି ଉଲଂଘନ କରୁଛି । ଭାରତୀୟ ଜନତା ପାର୍ଟି ଆଦିବାସୀ ବିରୋଧୀ ମାନଙ୍କ ପାଇଁ ବିଧାନସଭାରେ ଲଢି ଆସିଛି ତେଣୁ ଭାରତୀୟ ଜନତା ପାର୍ଟି ନାଁ ରେ ଏଭଳି ସଙ୍ଗୀନ ଅଭିଯୋଗ ଗ୍ରହଣୀୟ ନୁହେଁ । ବିଜୁ ଜନତା ଦଳ ଏହାକୁ ପାଥେୟ କରି ଲୋକଙ୍କ ଠାରୁ ଭୋଟ୍ ଭିକ୍ଷା କରୁଛି । ଏଭଳି କାର୍ଯ୍ୟକଳାପ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବାର ଆବଶ୍ୟକତା ରହିଛି ।

25 ବର୍ଷର ଅପାରଗତାରୁ ପାଣି ଦୁର୍ଦ୍ଦଶା, ହାଣ୍ଡି ମାଠିଆ ଧରି ଘେରୁଛନ୍ତି ଲୋକେ

by Smruti Parija

drinking-water-problem-in-various-district-of-odisha

ଅର୍ଗସ ବ୍ୟୁରୋ: ପାଣି ହେବ କି 24 ମହାଲଢେଇରେ ବିଜେଡିକୁ କାଳ । ମିଶନ ଶକ୍ତି ନାଁ ରେ ମହିଳା ଏକତ୍ରିକରଣ ଫସର ଫାଟିବ କି ହାଣ୍ଡି ମାଠିଆ ଧର ମହିଳାଙ୍କ ଦ୍ବାରା ପାଣି ପାଇଁ ବଡ ବିଜେଡି ନେତା ହଟହଟା । ନିଜ ଦଳର କର୍ମୀଙ୍କ ପ୍ରଶ୍ନରେ ଘାଇଲା ପ୍ରସନ୍ନ ।

ରେଢାଖୋଲରୁ ନିର୍ବାଚନ ଲଢୁଛନ୍ତି ବିଜେଡିର ବରିଷ୍ଠ ଉପସଭାପତି ପ୍ରସନ୍ନ ଆଚାର୍ଯ୍ୟ । ନାକଟି ଦେଉଳିରେ ଭୋଟ ମାଗିବାକୁ ଗଲା ବେଳେ ନିଜ ଦଳର କର୍ମୀ ପ୍ରସନ୍ନଙ୍କୁ ପଚାରିଥିଲେ ପାଣି ପ୍ରଶ୍ନ । ପାଣି ସମସ୍ୟା ଦୁର ହେଲେ ଭୋଟ ଦେବେ ବୋଲି କହୁଛନ୍ତି ଯୁବକ ।

କିଛି ଦିନ ପୂର୍ବରୁ ବିଜେଡିର ବରିଷ୍ଠ ନେତା ବଦ୍ରିପାତ୍ରଙ୍କୁ ପାଣି ପାଇଁ ଘେରିଥିଲେ ମହିଳା । ଆନନ୍ଦପୁର ଉପଖଣ୍ଡ କେଶଦୁରାପାଳ ଗାଁର ମହିଳାଙ୍କ ପାଣି ପ୍ରଶ୍ନରେ ଘାଇଲା ହୋଇଥିଲେ ବଦ୍ରି । କୁଶେଇ ନ ଦୀରେ ଚୁଆ କରି ପାଣି ଆଣି ପିଉଛନ୍ତି ମହିଳା ।

ଖୋଦ୍ ମୁଖ୍ୟମନ୍ତ୍ରୀଙ୍କ ଜିଲ୍ଲାରେ ବି ପାଣି ପାଇଁ ହାହାକାର । ଗଞ୍ଜାମ ସୋରଡ଼ାରେ ଘର ଆଗରେ ଖାଲି ହାଣ୍ଡି, ମାଠିଆ, ବାଲଟି ରଖି ନେତାଙ୍କୁ ବିରୋଧ କରୁଛନ୍ତି ଜନତା । ହଟହଟା ହୋଇଥିଲେ ପ୍ରଚାର କରିବାକୁ ଯାଇଥିବା ବିଜେଡି ବିଧାୟକ ପୂର୍ଣ ସ୍ବାଇଁ । ଏଥର ପୂର୍ଣ୍ଣଙ୍କ ପତ୍ନୀଙ୍କୁ ମିଳିଛି ଟିକେଟ୍ । ମୁଖ୍ୟମନ୍ତ୍ରୀଙ୍କ ନିର୍ବାଚନମଣ୍ଡଳୀ ହିଞ୍ଜିଳି ବଡ଼ଖଣ୍ଡି ପଂଚାୟତର ଦୃଶ୍ୟ। ଯେଉଁଠି ଲୋକେ ଭୋଗୁଛନ୍ତି ଜଳ ଦୁର୍ଦ୍ଦଶା ।

ଇଏ ସାରା ରାଜ୍ୟର ସ୍ଥିତି । ଖରା ଦିନରେ ସାରା ଓଡ଼ିଶାରେ ମହିଳାଙ୍କ ମୁଣ୍ଡ ଓ କାଖରେ ଗରା-ମାଠିଆ । ଲୋକଙ୍କୁ ପାଣି ନ ମିଳିବା ପଛରେ ରାଜନୈତିକ ଇଚ୍ଛାଶକ୍ତିର ଅଭାବ । ରାଜ୍ୟର 207ଟି ମେଗା ପାଇପ୍ ଜଳ ପ୍ରକଳ୍ପ ମଧ୍ୟରୁ ମାତ୍ର 16ଟି ପ୍ରକଳ୍ପ ହିଁ କାର୍ଯ୍ୟକ୍ଷମ ହୋଇଛି । 2 ମାସ ତଳେ ବିଧାନସଭାରେ ରାଜ୍ୟ ସରକାର ଦେଇଥିବା ତଥ୍ୟ ଅନୁସାରେ । ରାଜ୍ୟର ମୋଟ 30,615 ଗାଁକୁ ହୋଇନାହିଁ ପାଣି ଟ୍ୟାପ୍ ସଂଯୋଗ । ବିଜେଡି ସରକାରର ଅପାରଗତା କାରଣରୁ ଓଡ଼ିଶାବାସୀ ଭୋଗୁଛନ୍ତି ଜଳ ଦୁର୍ଦ୍ଦଶା। ଅନ୍ୟପଟେ ଅପରାଗତା ଲୁଚାଇବାକୁ ସରକାର ମାଳ ମାଳ ମିଛ ପ୍ରଚାରରେ ବ୍ୟସ୍ତ।