ଭୁବନେଶ୍ୱର: ୨୦ ତାରିଖ ଯାଏ ତାତିରୁ ନାହିଁ ନିସ୍ତାର । ଆଗାମୀ ୫ ଦିନ ଆହୁରି ଗ୍ରୀଷ୍ମ ପ୍ରବାହ ଜାରି ରହିବ । ଆହୁରି ଜଳିବ ଓଡିଶା। ବଢିବ ଦିନ ତାପମାତ୍ରା। ଆଲର୍ଟ ଜାରି କଲା ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ୧୭ରୁ ୨୦ ତାରିଖ ଯାଏ ଅନେକ ସ୍ଥାନର ତାପମାତ୍ରା ୪୦ ଡିଗ୍ରୀ ଛୁଇଁବ।
ଏହା ସହ କିଛି କିଛି ଜିଲାରେ ତାପମାତ୍ରା ୪୩ରୁ ୪୫ ଡିଗ୍ରୀ ଛୁଇଁପାରେ ନେଇ ଆକଳନ କରିଛି ବିଭାଗ । ନୟାଗଡ଼, ମୟୁରଭଞ୍ଜ, ନୂଆପଡା, ଗଜପତିରେ ହୋଇପାରେ ତାପମାତ୍ରାର ବର୍ଷା। ଗତ ୨୪ ଘଣ୍ଟାରେ ରାଜ୍ୟରେ ୫ଟି ଜିଲାରେ ହାଲୁକାରୁ ମଧ୍ୟମ ଧରଣର ବର୍ଷା ହୋଇଛି। ସବୁଠୁ ଅଧିକ ବର୍ଷା ୧୮ ମିମି କେନ୍ଦ୍ରାପଡାରେ ରେକର୍ଡ ହୋଇଛି। ରାଜ୍ୟରେ ବାରିପଦା ସବୁଠୁ ଅଧିକ ତାପମାତ୍ରା ଗତକାଲି ୪୩.୬ ଡିଗ୍ରୀ ରେକର୍ଡ କରାଯାଇଛି । ସେପଟେ ୨୦ ତାରିଖ ପରଠାରୁ ସ୍ୱଳ୍ପ ଆସ୍ୱସ୍ତି ମିଳିପାରେ।
ଅଧିକ ପଢନ୍ତୁ ଓଡିଶା ଖବର
ଭୁବନେଶ୍ବର : ଭୁବନେଶ୍ୱରରେ ଶେଷ ହେଲା ବିସର୍ଜନ। ବିଏମସିର ୫ ଟି ଅସ୍ଥାୟୀ ପୋଖରୀରେ ରାତି ତମାମ ବିସର୍ଜନ କରାଯାଇଛି। ୫ ଟି ଜାଗାରେ ୧୨୦ ରୁ ଉର୍ଦ୍ଧ୍ବ ମୂର୍ତ୍ତି ବିସର୍ଜନ ହୋଇଛି। ବିସର୍ଜନ ପରେ ଅସ୍ଥାୟୀ ପୋଖରୀରୁ ଫୁଲ , ପତ୍ର ,ପୂଜା ସାମଗ୍ରୀ ସହ ପାଳ ନଡାକୁ ପାଣିରୁ ଛାଣି ବାହାର କରାଯାଇ ଡମ୍ପିଂ ୱାର୍ଡ କୁ ନିଆଯିବ।
ଅଧିକ ପଢନ୍ତୁ : ଅସ୍ଥାୟୀ ଭସାଣୀ ପୋଖରୀ ପାଇଁ ଖର୍ଚ୍ଚ ହୋଇଛି ୨୦ରୁ ୨୧ ଲକ୍ଷ
ଅସ୍ଥାୟୀ ପୋଖରୀ ପାଣିକୁ ବିଏମସି ଓ ରାଜ୍ୟ ପ୍ରଦୂଷଣ ବୋର୍ଡ ଅନୁଧ୍ୟାନ କରିବେ। ଅସ୍ଥାୟୀ ପୋଖରୀର ପାଣିକୁ ଶୁଖିବା ଦିନେ ଦୁଇ ଦିନ ଛଡ଼ାଯିବ। ପାଣି ନ ଶୁଖିଲେ ସେସପୁଲ ଗାଡି ଦ୍ୱାରା ବାହାର କରାଯିବ। ନଦୀ ଜଳ ପ୍ରଦୂଷଣ ରୋକିବାକକୁ ପ୍ରଦୂଷଣ ନିୟନ୍ତ୍ରଣ ବୋର୍ଡ଼ ପକ୍ଷରୁ କରାଯାଇଥିବା ନୀତି ନିୟମ ଅନୁସାରେ ବିସର୍ଜନ କରାଯାଇଛି।
ଅର୍ଗସ ବ୍ୟୁରୋ : ଖଲିସ୍ତାନୀ ଆତଙ୍କବାଦୀ ନିଜ୍ଜର ହତ୍ୟାକୁ ନେଇ ପୁଣି ବଢ଼ିଲା ବିବାଦ । କାନାଡ଼ା ହାଇ କମିଶନରଙ୍କୁ ଭାରତ ବୈଦେଶିକ ମନ୍ତ୍ରଣାଳୟ ପକ୍ଷରୁ ରିପୋର୍ଟ ତଲବ । ଦିଲ୍ଲୀରେ ଅବସ୍ଥାପିତ 6 କାନାଡ଼ା କୁଟନୀତିଜ୍ଞ ବହିଷ୍କୃତ ।
ଅଧିକ ପଢନ୍ତୁ : ଗତବର୍ଷ ନିଜାର ହତ୍ୟା ପରେ ଭାରତ ଓ କାନାଡା ମଧ୍ୟରେ ବଢିଥିଲା ବିବାଦ
୧୯ ତାରିଖ ସୁଦ୍ଧା ଭାରତ ଛାଡ଼ିବାକୁ ନିର୍ଦ୍ଦେଶ । ହରଦୀପ ସିଂହ ନିଜ୍ଜର ମାମଲାରେ କାନାଡ଼ା ପିଏଙ୍କ ଭାରତ ବିରୋଧୀ ବୟାନକୁ ତୀବ୍ର ବିରୋଧ । ସ୍ପଷ୍ଟୀକରଣ ରଖିବାକୁ ବୈଦେଶିକ ମନ୍ତ୍ରଣାଳୟର ଦାବି ।
ଅର୍ଗସ ବ୍ୟୁରୋ : ଟ୍ରକ୍କୁ ଧକ୍କା ଦେଲା ବସ: ୬ ଆହତ । କଟକ ତେଲେଙ୍ଗାପେଣ୍ଠ ନିକଟରେ ଦୁର୍ଘଟଣା। ସମସ୍ତ ଆହତଙ୍କୁ SCBକୁ ସ୍ଥାନାନ୍ତର କରାଯାଇଛି । ଫୁଲବାଣୀରୁ କଟକ ଅଭିମୁଖେ ଯାଉଥିଲା ଘରୋଇ ବସ । ଡ୍ରାଇଭର୍ର ଆଖି ଲାଗିଯିବାରୁ ଦୁର୍ଘଟଣା ହୋଇଥିବା ଆଶଙ୍କା କରାଯାଉଛି । କଟକ ତେଲେଙ୍ଗାପେଣ୍ଠରେ ମର୍ମନ୍ତୁଦ ସଡ଼କ ଦୁର୍ଘଟଣା। ବସକୁ ପିଟିଲା ଟ୍ରକ୍। ଏହି ଦୁର୍ଘଟଣାରେ ବସ ଚାଳକ ଓ ହେଲ୍ପରଙ୍କୁ ମିଶାଇ ୬ ଜଣ ଗୁରୁତର ଆହତ ହୋଇଛନ୍ତି।
ଅଧିକ ପଢନ୍ତୁ : ଚଳନ୍ତା ବସ୍ରେ ଅଗ୍ନିକାଣ୍ଡ: ୨ ମୃତ
ଚିକିତ୍ସା ପାଇଁ ସେମାନଙ୍କୁ କଟକ ବଡ଼ ମେଡ଼ିକାଲ ପଠା ଯାଇଛି। ବସରେ ଥିବା ଅନ୍ୟ ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରାଯାଇଛି। ସ୍ଥାନୀୟ ବାସିନ୍ଦା, ଦମକଳ ବାହିନୀ ଓ ପୋଲିସର ମିଳିତ ଉଦ୍ୟମରେ ସମସ୍ତଙ୍କୁ ଉଦ୍ଧାର କରାଯାଇଛି। ବସ ଟି ଫୁଲବାଣୀରୁ କଟକ ଆସୁଥିବା ସମୟରେ ତେଲେଙ୍ଗାପେଣ୍ଠରେ ଏହି ଦୁର୍ଘଟଣାର ସମ୍ମୁଖୀନ ହୋଇଛି।
