gossip not allowed in college campus

ଆଉ କଲେଜ ବାରଣ୍ଡାରେ ହେବନି ଖଟି

by Swayangprajna Mishra

ଅର୍ଗସ ବ୍ୟୁରୋ : କ୍ଲାସ ସରିବା ପରେ କଲେଜରେ ଖଟି କରିପାରିବେନି ଛାତ୍ରଛାତ୍ରୀ । ଏପରି ନିୟମ ଲାଗୁ କରିଛି ଗଣଶିକ୍ଷା ବିଭାଗ । କଲେଜ କ୍ୟାମ୍ପସରେ ଶୈକ୍ଷିକ ବାତାବରଣ ସୃଷ୍ଟି କରିବାକୁ ଏପରି ପଦକ୍ଷେପ ନେଇଛି ଗଣଶିକ୍ଷା ବିଭାଗ । କଲେଜ ରେ କ୍ଲାସ ସରିବା ପରେ ଅଧିକାଂଶ ପିଲାମାନେ କ୍ୟାମ୍ପସରେ ଖଟି କରୁଥିବା ନଜର ଆସିଥାଏ । କଲେଜରେ ପ୍ରାକ୍ଟିକାଲ ହେଉଥିବାର ମିଛକଥା କହି ପିଲାମାନେ ଅଧିକ ସମୟ କଲେଜରେ ରହି ଖଟି କରନ୍ତି ଓ ବିଳମ୍ବରେ ଘରକୁ ଯାଆନ୍ତି । ଏହାଦ୍ବାରା ଛାତ୍ରଛାତ୍ରୀଙ୍କ ସୁରକ୍ଷା ଜନିତ ବହୁ ସମସ୍ୟା ସୃଷ୍ଟି ହେବା ସହ କ୍ୟାମ୍ପସ ପରିବେଶ ନଷ୍ଟ ହେଉଥିଲା । ଏହାକୁ ଆଖି ଆଗରେ ରଖି ଏପରି ନିଷ୍ପତ୍ତି ନେଇଛନ୍ତି ଗଣଶିକ୍ଷା ବିଭାଗ ।

ଶେଷକ୍ଲାସ ଘଣ୍ଟା ବାଜିବାର ସର୍ବାଧିକ ଅଧଘଣ୍ଟା ଭିତରେ ପିଲାଙ୍କୁ କ୍ୟାମ୍ପସ ଛାଡିବାକୁ ପଡିବ ବୋଲି ଗଣଶିକ୍ଷା ବିଭାଗ ପକ୍ଷରୁ ଅନୁଷ୍ଠିତ ଵୈଠକରେ ନିଷ୍ପତ୍ତି ନିଆଯାଇଛି । କରୋନା ସ୍ଥିତି ସୁଧୁରୁଥିବାରୁ ଚଳିତ ଶିକ୍ଷାବର୍ଷରୁ ଯୁକ୍ତ ୨ ପ୍ରଥମ ଓ ଦ୍ବିତୀୟ ବର୍ଷ ଛାତ୍ରଛାତ୍ରୀଙ୍କ ଶିକ୍ଷାଦାନ ,ସୁରକ୍ଷା ଓ ଶୈକ୍ଷିକ ବାତାବରଣକୁ ଗୁରୁତ୍ବ ଦିଆଯାଇ ଏପରି ନିଷ୍ପତ୍ତି ନିଆଯାଇଛି । ଏହା ବ୍ୟତୀତ ଛାତ୍ରଛାତ୍ରୀମାନେ କ୍ଲାସ ଆରମ୍ଭ ହେବାର ଅଧିକ ସମୟ ପୂର୍ବରୁ ବି କଲେଜ ଆସିପାରିବେ ନାହିଁ । କ୍ଲାସ ଆରମ୍ଭ ହେବାର ଏକଘଣ୍ଟା ପୂର୍ବରୁ ହିଁ କଲେଜ ଆସିବେ । ଏଥିସହ ଛାତ୍ରଛାତ୍ରୀମାନଙ୍କ ପ୍ରାକ୍ଟିକାଲ କ୍ଲାସ ପ୍ରଥମେ କରାଯାଇ ପରେ ଥିଓରି କ୍ଲାସ କରାଯିବ । ଏଥିସହ ଯୁକ୍ତ ୨ ଛାତ୍ରଛାତ୍ରୀ ମାନଙ୍କ ପାଇଁ ରିଟର୍ନ ଆଟେଣ୍ଡାନ୍ସ ବ୍ୟବସ୍ଥା ଲାଗୁ ହେବାକୁ ନିଷ୍ପତ୍ତି ହୋଇଛି । ଯେଉଁଥିରେ ଦୈନିକ ଶେଷ କ୍ଲାସରେ ପିଲାଙ୍କର ଉପସ୍ଥାନ ନିଆଯିବ ।

ଓଡିଶା ଖବର ଆହୁରି ପଢ଼ନ୍ତୁ ।

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

ଗୁରୁତର ଅବସ୍ଥାରେ ମୃତ୍ୟୁ ସହ ସଂଘର୍ଷ କରୁଛନ୍ତି ଆଉ ଜଣେ ଭାଇ

by Manini Pattanayak

My brother lost his life while working in a shrimp factory.

ରାୟଗଡା: ଦାଦନ ଖଟିବାକୁ ଯାଇ ପ୍ରାଣ ହରାଇଲା ଭାଇ। ଗୁରୁତର ଅବସ୍ଥାରେ ମୃତ୍ୟୁ ସହ ସଂଘର୍ଷ କରୁଛନ୍ତି ଆଉ ଜଣେ ଭାଇ । ଗାଁରେ କାମଧନ୍ଦା ନ ମିଳିବାରୁ ରାୟଗଡ଼ା ଜିଲ୍ଲା କାଶୀପୁର ବ୍ଲକ ଟିକିରି ଅଞ୍ଚଳ ମୁକାପଦର ଗାଁର ଦୁଇ ଭାଇ ଦାଦନ ଖଟିବାକୁ ବିଶାଖାପାଟଣାର ପଲମାନ ପେଟା ଅଞ୍ଚଳକୁ ଯାଇଥିଲେ । ସେଠାରେ ଏକ ଚିଙ୍ଗୁଡ଼ି ଫ୍ୟାକ୍ଟ୍ରିରେ କାମ କରୁଥିଲେ । ସେଠାରେ ମାଲିକ ଓ କଣ୍ଟ୍ରାକ୍ଟର ସେମାନଙ୍କୁ ଦରମା ନ ଦେବା ସହିତ ଖାଇବାକୁ ମଧ୍ୟ ଦେଉନଥିଲେ ।

ଫଳରେ ଦୁଇ ଭାଇଙ୍କ ଅବସ୍ଥା ଗୁରୁତର ହୋଇଥିଲା । ସେମାନେ ରାୟଗଡ଼ା ଫେରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି ହୋଇଥିଲେ । ଡାକ୍ତରଖାନାରେ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ଅଛନ୍ତି । ମୃତକ କୃଷ୍ଣ ମାଝୀଙ୍କ ପୁଅ ରଙ୍ଗା ମାଝୀ । ରଙ୍ଗାଙ୍କ ବଡ଼ବାପା ପୁଅ ମହେଶ୍ବର ମାଝୀ ଗୁରୁତର ଅବସ୍ଥାରେ ଅଛନ୍ତି । ପରିବାର ଲୋକଙ୍କ କହିବା କଥା, ଜିଲ୍ଲାରେ କଂପାନୀ ଥିଲେ ବି ପୁଅ ମାନଙ୍କୁ କାମ ମିଳୁନି । କଂପାନି ପାଇଁ ଜମି ବି ଯାଇଛି । ହେଲେ ପେଟ ପାଇଁ ଦାଦନ ଖଟିବାକୁ ଯାଉଛଛନ୍ତି ପିଲାଏ ।

ଅଧିକ ପଢନ୍ତୁ ଓଡ଼ିଶା ଖବର

କୂଅରେ ପଡ଼ି ଦୁଇ ଭାଇଙ୍କ ମୃତ୍ୟୁ

by Ritu Das

ଅର୍ଗସ ବ୍ୟୁରୋ: ଢ଼େଙ୍କାନାଳ ସଦର ଥାନା ନଟକଟା ଗ୍ରାମରେ ଅଘଟଣ ଘଟିଛି। କୂଅରେ ପଡ଼ି ଦୁଇ ଭାଇଙ୍କ ମୃତ୍ୟୁ ହୋଇଛି। ମୃତକ ଦୁଇ ଭାଇ ହେଲେ ୫ ବର୍ଷୀୟ ସଞ୍ଜିତ ପ୍ରଧାନ ଓ ୪ ବର୍ଷୀୟ ରଞ୍ଜିତ ପ୍ରଧାନ। ଗତକାଲି ବାପା ମା ଓ ବଡ଼ ଭାଇ ଧାନ କାଟିବାକୁ ଯାଇଥିବା ବେଳେ ଦୁଇ ଭାଇ ଖେଳିବା ପାଇଁ ଯାଇଥିଲେ। ଘରକୁ ପିଲାମାନେ ଫେରି ନ ଥିବାରୁ ପରିବାର ଲୋକେ ଖୋଜାଖୋଜି କରିଥିଲେ।

ଆଜି ସକାଳୁ ଦୁଇ ଭାଇଙ୍କ ମୃତ ଦେହ କୂଅରେ ଭାସୁଥିବାର ଦେଖିବାକୁ ମିଳିଥିଲା। ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିବା ସହ ବ୍ୟବଚ୍ଛେଦ ନିମନ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି।

ଅଧିକ ପଢ଼ନ୍ତୁ ଓଡ଼ିଶା ଖବର

ନୂଆଦିଲ୍ଲୀରେ ଉତ୍କଳିନୀ ପକ୍ଷରୁ 43 ତମ ବାର୍ଷିକ ଉତ୍ସବ ପାଳିତ

by Manini Pattanayak

The 43rd annual celebration has been organized by Utkalini in New Delhi.

ନୂଆଦିଲ୍ଲୀ: ନୂଆଦିଲ୍ଲୀରେ ଉତ୍କଳିନୀ ପକ୍ଷରୁ 43 ତମ ବାର୍ଷିକ ଉତ୍ସବ ଆୟୋଜନ ହୋଇ ଯାଇଛି। ଏହି କାର୍ଯ୍ୟକ୍ରମରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ଧର୍ମପତ୍ନୀ ତଥା ବିକାଶ ଫାଉଣ୍ଡେସନ ଟ୍ରଷ୍ଟର ଅଧକ୍ଷା ମୃଦୁଳା ଠାକୁର ପ୍ରଧାନ ଏବଂ ନ୍ୟାସନାଲ୍ ସ୍କୁଲ୍ ଅଫ୍ ଡ୍ରାମା ନିର୍ଦ୍ଦେଶକ ଚିତ୍ତରଂଜନ ତ୍ରିପାଠୀ ଅତିଥି ଭାବେ ଯୋଗ ଦେଇଥିଲେ।
କାର୍ଯ୍ୟକ୍ରମ ରେ ମୃଦୁଲା ପ୍ରଧାନ କହିଥିଲେ, ସେବା, ସଂସ୍କାର, ସଂସ୍କୃତି ଏହି ତିନୋଟି କ୍ଷେତ୍ରରେ କାମ କରୁଛି ଉତ୍କଳିନୀ । ଏହି ତିନୋଟି ଯେଉଁଠି ଥିବ ସେଇଠି ସୁବିଚାର ଥିବ। ଆଉ ସୁବିଚାର ଥିଲେ ଉତ୍ତମ କାମ ମଧ୍ୟ ଆପେ ଆପେ ହୋଇପାରିବ ବୋଲି ଶ୍ରୀମତି ମୃଦୁଳା ପ୍ରଧାନ କହିଥିଲେ। ଏଥିସହିତ ଏବେ ମାଣବସା ଚାଲିଛି । ମା ଲକ୍ଷ୍ମୀ ହେଉଛନ୍ତି ମହିଳା ସଶକ୍ତିକରଣ ର ପ୍ରତୀକ ବୋଲି କହିଥିଲେ ମୃଦୁଳା। ଆମେ ସମସ୍ତେ ଲକ୍ଷ୍ମୀ ପୁରାଣ ପଢ଼ୁଛୁ ସେଠି ସ୍ୱଚ୍ଛତାର ବାର୍ତ୍ତା ରହିଛି ଏବଂ ସମାଜ ସଂସ୍କାର ର କଥା ରହିଛି ନାରୀ ସଶକ୍ତିକରଣ ମଧ୍ୟ ରହିଛି।

ଆମେ ଓଡ଼ିଶାର ସବୁ ଉତ୍ସବକୁ ରାଜଧାନୀ ଦିଲ୍ଲୀରେ ଆୟୋଜନ କରିବା । ଯାହା ଦ୍ୱାରା ବାହାର ରାଜ୍ୟର ଲୋକ ଓଡ଼ିଶାର ପରମ୍ପରା ଏବଂ ସଂସ୍କୃତି ବିଷୟରେ ଜାଣିବାକୁ ପାଇବେ। ସେଥିପାଇଁ ଆହୁରି ଅଧିକ କାର୍ଯ୍ୟକ୍ରମ ଆୟୋଜନ କରିବାକୁ ମୃଦୁଳା ଉତ୍କଳନୀ କୁ ଆହ୍ୱାନ କରିଛନ୍ତି। ଏହି ଅବସରରେ UTKALINI ତରଫରୁ ଡକ୍ଟର ପ୍ରଧାନଙ୍କ ଦ୍ୱାରା ନୋଏଡାର ଏନଜିଓ ସଂଗଠନ ସାଇକ୍ରୁପା ଦ୍ୱାରା ପରିଚାଳିତ ଏକ ଅନାଥ ଆଶ୍ରମକୁ 25000 ଟଙ୍କାର ଚେକ୍‌ ପ୍ରଦା ନ କରିଥିଲେ। ନ୍ୟାସନାଲ୍ ସ୍କୁଲ୍ ଅଫ୍ ଡ୍ରାମା ନିର୍ଦ୍ଦେଶକ ଚିତ୍ତରଂଜନ ତ୍ରିପାଠୀ କହିଛନ୍ତି, “ଆମ ଶାସ୍ତ୍ର ଏବଂ ସଂସ୍କୃତି ଆମ ସମାଜରେ ମହିଳାଙ୍କ ଶକ୍ତି ବିଷୟରେ କାହାଣୀରେ ପରିପୂର୍ଣ୍ଣ। ଓଡିଶାରେ ଯୋଗିନୀ ମନ୍ଦିରଗୁଡ଼ିକ ଓଡିଆ ସମାଜରେ ମହିଳା ସଶକ୍ତିକରଣର ସାକ୍ଷ୍ୟ ଅଟନ୍ତି। ଉତ୍କଳିନୀ ହେଉଛି ଓଡିଶାର ମହିଳାମାନଙ୍କର ଏକ ପ୍ରମୁଖ ସାମାଜିକ-ସାଂସ୍କୃତିକ ଅନୁଷ୍ଠାନ ଯାହା 1980 ମସିହାରେ ପ୍ରତିଷ୍ଠିତ ହୋଇଥିଲା।

ଅଧିକ ଦେଖନ୍ତୁ :

Download Argus News App

gossip not allowed in college campus

Download Mobile App