ଏଥିରେ ଅଧିକ ହଇରାଣ ହୋଇଛନ୍ତି ଗରିବ ଲୋକେ । ଲୋକମାନେ ଚିଟଫଣ୍ଡରେ ଯେଉଁ କଷ୍ଟ ଅର୍ଜିତ ଟଙ୍କା ହରାଇଛନ୍ତି ତାହା ଲୋକମାନଙ୍କୁ ଫେରାଇ ଦିଆଯିବ ବୋଲି ଦୃଢୋକ୍ତି ପ୍ରକାଶ କରିଛନ୍ତି ଅମିତ ଶାହ । ଏହି ଟଙ୍କା ସିଧା ସିଧା ଲୋକଙ୍କ ଆକାଉଣ୍ଟକୁ ଯିବ । ଏତେଦିନ ଯାଏଁ କାହିଁକି ଚିଟଫଣ୍ଡ ଜମାକାରୀଙ୍କୁ ଟଙ୍କା ଫେରାଇବାରେ ବିଫଳ ରାଜ୍ୟ ସରକାର । କୁଆଡେ ଗଲା ୩୦୦ କୋଟିର କର୍ପସ ଫଣ୍ଡ । ୧୨ ଶହ କମ୍ପାନୀ ଓଡିଶାର ସାଧାରଣ ଲୋକଙ୍କ ପାଖରୁ ବିଭିନ୍ନ ମିଛ ସ୍କିମ ମାଧ୍ୟମରେ ହଜାର ହଜାର କୋଟି ଟଙ୍କା ଲୁଟ କରିଥିଲେ । ଠକ କମ୍ପାନୀ ମାନଙ୍କର ସମ୍ପତ୍ତି ନିଲାମ କରି ଟଙ୍କା ରଖିଛନ୍ତି ରାଜ୍ୟ ସରକାର ।
ଅଧିକ ପଢନ୍ତୁ ଓଡ଼ିଶା ଖବର
ତଦନ୍ତ କମିଶନ ଗଠନ, ଅଧିକାରୀ, କର୍ମଚାରୀଙ୍କ ଭତ୍ତା, କାର୍ଯ୍ୟାଳୟର ଆନୁସଙ୍ଗିକ ଖର୍ଚ୍ଚ ପାଇଁ ରାଜ୍ୟ ରାଜକୋଷରୁ ସ୍ବାହା ହୋଇଛି ୬ କୋଟି ୧୯ ଲକ୍ଷ ୭୨ ହଜାର ଟଙ୍କା । ତଦନ୍ତ କମିଶନ କୁଆଡେ ଗଲା । ତଦନ୍ତ କମିଶନର ରିପୋର୍ଟ ଉଇ ଖାଇଗଲା କି ଏହା ଏବେ ବଡ ପ୍ରଶ୍ନ ହୋଇ ଛିଡାହୋଇଛି ବୋଲି ସେ କହିଛନ୍ତି । ଠକ କମ୍ପାନୀ ମାନେ ଗରିବ ଜମାକାରୀଙ୍କ ପାଖରୁ ପାଖାପାଖି ୩୦ ହଜାର କୋଟି ଟଙ୍କା ଲୁଟ କରିଥିବା ଅଭିଯୋଗ ହୋଇଥିଲା । ଏବେ ଅମିତ ଶାହା କହିଛନ୍ତି ଚିଟଫଣ୍ଡ ସ୍କାମରେ ସମ୍ପୃକ୍ତ ଦୋଷୀ ଜେଲେ ଯିବେ ।