ଗତକାଲି(ବୁଧବାର) ଅଭୟାରଣ୍ୟର ଜଡ଼ାଛୁଆ ଅଞ୍ଚଳରେ କିଛି ଶିକାରୀ ଶିକାର ପାଇଁ ଯାଇଥିବା ବେଳେ ବିଶେଷ ସୂତ୍ରରୁ ଖବର ପାଇ ନୀଳଗିରି ରେଞ୍ଜର ବିଜୟ କୁମାର ମହାପାତ୍ରଙ୍କ ନିର୍ଦେଶରେ ସ୍ଥାନୀୟ ଫରେଷ୍ଟର ଉମାକାନ୍ତ ଜେନା କିଛି କର୍ମଚାରୀ ନେଇ ଅଚାନକ ଚଢ଼ାଉ କରିଥିଲେ ।
ଦୁଇ ଶିକାରୀ ଖସି ପଳାଇବାରେ ସମର୍ଥ ହୋଇଥିବାବେଳେ ବେତକଟା ଅଂଚଳର ବସନ୍ତ ମଢେଇକୁ ବନ ବିଭାଗ କାବୁ କରିନେଇଥିଲେ । ତାଙ୍କ ପାଖରୁ ୩୫ କିଲୋର ମୃତ ସମ୍ବର ଜବତ ହୋଇଥିବା ବେଳେ ଦେଶୀ ବନ୍ଧୁକ , ବାରୁଦ, ଗୁଳି, ଅନ୍ୟ ସାମଗ୍ରୀ ଜବତ ହୋଇଛି । ଏନେଇ ଏକ ମାମଲା ରୁଜୁ କରାଯାଇଥିବା ବେଳେ ଶିକାରୀକୁ ଗିରଫ ଦର୍ଶାଯାଇ କୋର୍ଟ ଚାଲାଣ କରାଯାଇଛି ।
