ଦେଖନ୍ତୁ ଏହି ରାସ୍ତାକୁ । ଭାବୁଥିବେ ଇଏ କେଉଁ ଉପାନ୍ତ ଅଂଚଳର ଦୃଶ୍ୟ । ହେଲେ ନାଁ...ଏ ହେଉଛି ବିକଶିତ ଯାଜପୁର ଜିଲ୍ଲାର ଦୃଶ୍ୟ । ପୁଣି ପୂର୍ବତନ ରାଜସ୍ଵ ମନ୍ତ୍ରୀଙ୍କର ଇଲାକା । ହେଲେ ବିକାଶ କେମିତି ହେଉଛି ତାହା ଜଳଜଳ ହୋଇ ଦିଶୁଛି । ଆଉ ସାଧାରଣରେ ବି ପ୍ରଶ୍ନ ଉଠୁଛି ବାପାଙ୍କ ପ୍ରତି କେତେ ସମ୍ବେଦନଶୀଳ ନବୀନ ବାବୁ ?
ଯାଜପୁର ବିଞ୍ଝାରପୁର ବ୍ଲକ ଛନ୍ଦାମୁଣ୍ଡ ବିସିଜେ ହାଇସ୍କୁଲ ଛକଠାରୁ ବଡ଼କୁଁଆଲ ପର୍ଯ୍ୟନ୍ତ ରାସ୍ତା ନିର୍ମାଣର ଶୁଭ ଦେଇଥିଲେ ବିଜୁ ବାବୁ । ହେଲେ ବାପାଙ୍କ ଅଧୁରା ସ୍ବପ୍ନ ପୂରଣ କରିପାରିଲେନି ମୁଖ୍ୟମନ୍ତ୍ରୀ । ଯାହାକୁ ନେଇ ତେଜିବାରେ ଲାଗୁଛି ଅସନ୍ତୋଷ ।
ଇଏ ଆଜି କି କାଲିର କଥା ନୁହେଁ ବରଂ ୩୦ ବର୍ଷ ତଳର କଥା । ଗାଁ ଗସ୍ତରେ ଆସିଥିବା ବେଳେ ରାସ୍ତାର ଶୁଭ ଭିତ୍ତିପ୍ରସ୍ଥର ସ୍ଥାପନ କରିଥିଲେ । ହେଲେ ଦିନ ପରେ ଦିନ ଗଡିଲା ସତ କିନ୍ତୁ ରାସ୍ତା କାମ ନହୋଇଲା । ଗୁରୁତ୍ଵପୂର୍ଣ୍ଣ କଥା ହେଲା, ସ୍ଥାନୀୟ ଲୋକ ଏନେଇ ଅସନ୍ତୋଷ ବ୍ୟକ୍ତି କରିବା ସହିତ ବାପାଙ୍କ ସ୍ଵପ୍ନକୁ ପୁଅ ଜଳାଜଂଳୀ ଦେଇଛନ୍ତି ବୋଲି କହିବାକୁ ପଛାଇ ନାହାନ୍ତି ।
ଏ ତ ଗଲା ମୁଖ୍ୟମନ୍ତ୍ରୀଙ୍କ କଥା । ରାଜସ୍ୱ ମନ୍ତ୍ରୀ ବି ଦିନେ ଏ ରାସ୍ତାରେ ଆସିଥିଲେ । ରାସ୍ତା ଦେଖିଲେ,ପିଚୁ ହେବାର ପ୍ରତିଶ୍ରୁତି ଦେଲେ । ହେଲେ ପ୍ରତିଶ୍ରୁତି ହେଲା ପାଣିର ଗାର । ଆଇଲେ, ପ୍ରତିଶ୍ରୁତି ଦେଲେ ପଳାଇଗଲେ କିନ୍ତୁ କିଛି ହେଲାନାହିଁ । ତେବେ ସମୟ କହିବ କେବେ ବିଜୁ ବାବୁଙ୍କ ସ୍ନପ୍ନ ପୂରଣ କରୁଛନ୍ତି ନବୀନ ବାବୁ ।
