ଭୁବନେଶ୍ବର : ପୋଲିସଙ୍କୁ ଦୁର୍ବୁତ୍ତଙ୍କ ଖୋଲା ଚ୍ୟାଲେଞ୍ଜ । ପୂର୍ବ ଶତ୍ରୁତାକୁ ନେଇ ଥାନା ପରିସରରେ ଯୁବକଙ୍କୁ ମାଡ଼.ଯୁବକଙ୍କୁ ଥାନା ଭିତରେ ମରଣାତ୍ମକ ଆକ୍ରମଣ । ଏଭଳି ଏକ ଘଟଣା ଘଟିଛି ବାଲିପାଟଣା ଥାନା ପରିସରରେ । ଶନିବାର ରାତ୍ରି ପ୍ରାୟ ୧୦ଟା ରେ ମୁଦୁଲି ସାହିର ଚିତ୍ତ ରଞ୍ଜନ ମୁଦୁଲି ଘରକୁ ଫେରୁଥିଲେ । ଏହି ସମୟରେ ୩ ଜଣ ଯୁବକ ପୂର୍ବ ଶତୃତାରୁ ଚିତ୍ତରଞ୍ଜନଙ୍କୁ ଥାନା ନିକଟରେ ମାଡ଼ ମାରିଥିଲେ । ଚିତ୍ତ ରଞ୍ଜନ ନିଜ ଜୀବନ ବଞ୍ଚାଇବାକୁ ଚେଷ୍ଟା କରି ଥାନା ପରିସରକୁ ଦୌଡ଼ି ଆସିଥିଲେ । ମାତ୍ର ଥାନା ପରିସରରେ ତିନି ଜଣ ଯୁବକ ମାଡ ମାରି ଲହୁଲୁହାଣ କରିବା ସହ ଏକ ଇଟା ରେ ଚିତ୍ତରଞ୍ଜନଙ୍କ ମୁହଁକୁ ଛେଚି ଦେଇଥିଲେ । ତେବେ ପୋଲିସ୍ ୨ ଜଣ ଯୁବକଙ୍କୁ କାବୁ କରିବା ପରେ ଥାନାରେ ଅଟକ ରଖିଛନ୍ତି । ଜଣେ ଅଭିଯୁକ୍ତ ଘଟଣା ସ୍ଥଳରୁ ଖସି ଯାଇଛି ।
ଅଧିକ ପଢନ୍ତୁ : ହତ୍ୟା ଘଟଣାରେ 10 ଜଣ ନିର୍ଦ୍ଦୋଷରେ ଖଲାସ, 2 ଜଣଙ୍କର ହୋଇସାରିଛି ମୃତ୍ୟୁ
ଏନେଇ ବାଲିପାଟଣା ଥାନା ଅଧିକାରୀ ସୂର୍ଯ୍ୟ ନାରାୟଣ ପାଢ଼ୀ କୁହନ୍ତି କେହି କାହାକୁ ଚିହ୍ନି ନାହଁନ୍ତି। ସମସ୍ତେ ନିଶାଶକ୍ତ ଅବସ୍ଥାରେ ରହିଥିଲେ. ତେଣୁ ସମସ୍ତଙ୍କ ବିରୋଧରେ ମାମଲା ରୁଜୁ କରାଯାଇଛି । ତେବେ ଏଠି ପ୍ରଶ୍ନ ଉଠୁଛି ଯେ ଏହି ସମୟରେ ଥାନାର ଉପରିସ୍ଥ ଅଧିକାରୀ କେଉଁଠି ଥିଲେ.ଥାନା ଭିତରେ ପସି ମାଡ଼ ମାରିବାକୁ ସାହସ ଦେଉଛି କିଏ । ତେବେ ତଦନ୍ତ ରେ ସିସିଟିଭି ଦ୍ୱାରା ସତ ଜଣା ପଡିବ ।
ପୁରୀ: ସାରା ରାଜ୍ୟରେ ସୁଭଦ୍ରା ଯୋଜନା ଆବେଦନକୁ ନେଇ ଲୋକେ ଉତ୍ସାହିତ ଥିବାବେଳେ ଏବେ ସାମ୍ନାକୁ ଆସିଛି ସାଇବର ଠକେଇ ମାମଲା । ସୁଭଦ୍ରା ଯୋଜନା ଟଙ୍କା ବ୍ୟାଙ୍କ୍ ଖାତାକୁ ଯାଇଛି କହି ଠକି ନେଲେ ୧୨ ହଜାରରୁ ଊର୍ଦ୍ଧ୍ଵ ଟଙ୍କା । ନିମାପଡ଼ା ଧଳେଶ୍ୱର ପଞ୍ଚାୟତ ଦହିଜଙ୍ଗ ଗ୍ରାମର ବାସିନ୍ଦା ଲୁଇସ୍ ସ୍ୱାଇଁ ଏହି ଭଳି ଠକେଇର ଶିକାର ହୋଇଛନ୍ତି ।
ଗତକାଲି ତାଙ୍କୁ ଫୋନ ଯୋଗେ କେହି ଜଣେ ତାଙ୍କ ବ୍ୟାଙ୍କ୍ ଖାତାକୁ ସୁଭଦ୍ରା ଯୋଜନା ଟଙ୍କା ଯାଇଥିବା କଥା କହିଥିଲେ ଏବଂ ତାଙ୍କୁ ଏକ ଲିଙ୍କ ଜରିଆରେ ବ୍ୟାଙ୍କ୍ ଖାତା ଦେଖିବାକୁ କହିଥିଲେ ।ଲୁଇସ୍ ସେହି ଲିଙ୍କ ଖୋଲିବା ମାତ୍ରକେ ତାଙ୍କ ବ୍ୟାଙ୍କ୍ ଖାତାରେ ଥିବା ୧୨ହଜାରରୁ ଉର୍ଦ୍ଧ୍ଵ ଟଙ୍କା ଆଖିପିଛୁଳାକେ ଗାଏବ ହୋଇଯାଇଥିଲା।ଏନେଇ ତାଙ୍କ ସ୍ବାମୀ ଜିତେନ୍ଦ୍ର କୁମାର ରାଉତ ସାଇବର ଥାନାରେ ଅଭିଯୋଗ କରିବା ସହିତ ନିମାପଡ଼ା ଥାନାର ଦ୍ୱାରସ୍ଥ ହୋଇଥିବା ଦେଖିବାକୁ ମିଳିଛି।
ସେପଟେ ସୁଭଦ୍ରା ଯୋଜନାକୁ ନେଇ ସତର୍କ କରାଇଲେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା । କହିଲେ, ମହିଳା ମାନେ ସାଇବର ଠକେଇର ଶିକାର ହୁଅନ୍ତୁ ନାହିଁ । ସୁଭଦ୍ରା ଯୋଜନା ପାଇଁ ସରକାରଙ୍କ ପକ୍ଷରୁ କୌଣସି ଫୋନ କିମ୍ବା ଲିଙ୍କ ଯିବ ନାହିଁ । ଫୋନ କଲ ଏବଂ ଲିଙ୍କ ଆଦି ଉପରେ ଧ୍ୟାନ ଦେଲେ ସାଇବର ଠକେଇର ଶିକାର ହୋଇଯିବେ । ଏ ସବୁ କିଛି କରନ୍ତୁ ନାହିଁ, ସୁଭଦ୍ରା ଟଙ୍କା ମହିଳାଙ୍କ ଆକାଉଣ୍ଟରେ ସିଧାସଳଖ ଡିବିଟି ମାଧ୍ୟମରେ ପହଞ୍ଚିବ ବୋଲି କହିଲେ ଉପମୁଖ୍ୟମନ୍ତ୍ରୀ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ଗତ କିଛି ଦିନ ହେବ ବାଂଲାଦେଶର ସ୍ଥିତି ଠିକ ନାହିଁ। ଶେଖ ହାସିନା ବାଂଲାଦେଶର ପ୍ରଧାନମନ୍ତ୍ରୀ ପଦ ଓ ଦେଶ ଛାଡିବା ପରେ ପରିସ୍ଥିତି ଆହୁରି ବିଗିଡି ଯାଇଛି। ଅନ୍ୟପଟେ ଭାରତ ଏବଂ ବାଂଲାଦେଶ ମଧ୍ୟରେ ସମ୍ପର୍କ ଆଉ ପୂର୍ବଭଳି ନାହିଁ। କିନ୍ତୁ ଭାରତ ସରକାର ସର୍ବଦା ବାଂଲାଦେଶକୁ ସମର୍ଥନ କରିବାକୁ ନିଶ୍ଚିତ କରିଥିଲେ। ଏହି ସମୟରେ ଭାରତ ବାଂଲାଦେଶକୁ ଏକ ନୂତନ ଉପହାର ଦେଇଛି। ଭାରତ ଉପହାର ସ୍ବରୂପ, ଚାରି ମାସ ନଅ ଦିନ ପରେ ବାଂଲାଦେଶ ଯାଉଥିବା ପିଆଜ ଉପରେ ଭାରତ ୪୦ପ୍ରତିଶତ ରପ୍ତାନି ଶୁଳ୍କ ହଟାଇ ଦେଇଛି। ଏହା ବାଂଲାଦେଶର ପ୍ରତ୍ୟେକ ପରିବାରକୁ ଆରାମ ଯୋଗାଇବ। ବନ୍ୟା ଯୋଗୁଁ ପନିପରିବା, ବିଶେଷକରି ପିଆଜ ମୂଲ୍ୟ ଆକାଶଛୁଆଁ ହେବାରେ ଲାଗିଛି। ବାଂଲାଦେଶୀ ବ୍ୟବସାୟୀମାନେ ବିଶ୍ୱାସ କରନ୍ତି ଯେ ଭାରତର ଏହି ନିଷ୍ପତ୍ତି ପିଆଜ ଆମଦାନୀ ବୃଦ୍ଧି କରିବ ଏବଂ ମୂଲ୍ୟ ମଧ୍ୟ ହ୍ରାସ ପାଇବ। ଭାରତର ବୈଦେଶିକ ବାଣିଜ୍ୟ ମହାନିର୍ଦ୍ଦେଶକ (ଡିଜିଏଫଟି) ସନ୍ତୋଷ କୁମାର ସାରଙ୍ଗୀଙ୍କ ଦ୍ୱାରା ଦସ୍ତଖତ ହୋଇଥିବା ଏକ ଚିଠିକୁ ଭାରତୀୟ ବ୍ୟବସାୟୀମାନେ ଗ୍ରହଣ କରିଛନ୍ତି। ଏହି ଚିଠି ମାଧ୍ୟମରେ ସେ ବାଂଲାଦେଶର ବ୍ୟବସାୟୀଙ୍କୁ ସୂଚନା ଦେଇଛନ୍ତି।
ଶେଖ ହାସିନା ବାଂଲାଦେଶର ପ୍ରଧାନମନ୍ତ୍ରୀ ପଦ ଓ ଦେଶ ଛାଡିବା ପରେ ଭାରତ ଏବଂ ବାଂଲାଦେଶ ମଧ୍ୟରେ ସମ୍ପର୍କ ଆଉ ପୂର୍ବଭଳି ନାହିଁ। ବାଂଲାଦେଶରେ ହିନ୍ଦୁମାନଙ୍କ ପ୍ରତି ହୋଇଥିବା ହିଂସା ଭାରତର ଚିନ୍ତା ବଢାଇ ଦେଇଛି। ଏହି ସମୟରେ ମଧ୍ୟବର୍ତ୍ତୀକାଳୀନ ସରକାରଙ୍କ ବହୁ ମନ୍ତ୍ରୀଙ୍କ ବିବୃତ୍ତି ଯୋଗୁଁ ଉତ୍ତେଜନା ମଧ୍ୟ ବୃଦ୍ଧି ପାଇଛି। ଏଥି ସହିତ ବାଂଲାଦେଶରେ ମୌଳକବାଦୀଙ୍କ ବୃଦ୍ଧି ଭାରତ ପାଇଁ ଏକ ଅସୁବିଧାଜନକ ପରିସ୍ଥିତି ସୃଷ୍ଟି କରିଛି। ଏହାପରେ ବି ଭାରତ ବାଂଲାଦେଶକୁ ସାହାଯ୍ୟ କରୁଛି। ବାଂଲାଦେଶରେ ଭୟାନକ ସ୍ଥିତି ଦେଖି ସବୁଠି ବର୍ତ୍ତମାନ ହାହାକାର ପରିବେଶ। ଯଥାଶୀଘ୍ର ବାଂଲାଦେଶର ପରିସ୍ଥିତି ସୁଧିରିଯାଉ ବୋଲି ସମସ୍ତେ ଆଶା ବ୍ୟକ୍ତ କରୁଛନ୍ତି। ଏହସହ ଶେଖ ହସିନା ବାଂଲାଦେଶ ଫେରନ୍ତୁ ବୋଲି ସମସ୍ତେ ଚାହାନ୍ତି।
ଅଧିକ ପଢ଼ନ୍ତୁ ବିଦେଶ ଖବର:
ଅର୍ଗସ ବ୍ୟୁରୋ: କହୁ କହୁ ସତ କହିଗଲେ କରଣ ଜୋହର। ଭବିଷ୍ୟବାଣୀ କରି ଚର୍ଚ୍ଚାରେ କରଣ। କହିଲେ ପ୍ରଭାସଙ୍କୁ ପଛରେ ପକାଇବେ ଜୁନିଅର ଏନଟିଆର । କେବଳ ସେତିକି ନୁହେଁ, ସାଉଥ ଇଣ୍ଡଷ୍ଟ୍ରୀ ବର୍ତ୍ତମାନ ଧିରେ ଧିରେ ହିନ୍ଦୀ ସିନେମା ଦୁନିଆରେ ପାଦ ଥାପିଲାଣି। କରଣ ଜୋହରଙ୍କ ଏହି କଥାକୁ ନେଇ ସମସ୍ତେ ଆଶ୍ଚର୍ଯ୍ୟ। ପ୍ରକୃତ ଘଟଣାକ୍ରମ କିଛି ଏପରି ରହିଛି। ବର୍ତ୍ତମାନ କରଣ ଜୋହର ଜୁନିୟର ଏନଟିଆରଙ୍କ ଆଗାମୀ ଫିଲ୍ମ 'ଦେବରା'ର ହିନ୍ଦୀ ଡବିଙ୍ଗର ପ୍ରଭାସଙ୍କ 'ବାହୁବଳୀ'କୁ ପଛରେ ପକାଇବା କ୍ଷମତାରେ ନିଜ ବିଚାରକୁ ରଖିଛନ୍ତି। ବଲିଉଡରେ ଜଣେ ପ୍ରମୁଖ ବ୍ୟକ୍ତି, ଜୋହର ଫିଲ୍ମର ସମ୍ଭାବନାମାନ ଏବଂ ଏନଟିଆର ଜୁନିଅରଙ୍କ ବଢ଼ୁଥିବା ଲୋକପ୍ରିୟତା ବିଷୟରେ ଖୋଲାଖୋଲି ଭାବେ କଥା ହୋଇଛନ୍ତି। କରଣ ଜୋହର ଏହି କଥାକୁ ନେଇ ଦାବି କରିଛନ୍ତି ଯେ, ଜୁନିୟର ଏନଟିଆର ଲଗାତାର ହିନ୍ଦୀ ଭାଷାରେ ନିଜ ଲୋକପ୍ରିୟତା ହାସଲ କରୁଛନ୍ତି।
ଆରଆରଆରରେ ତାଙ୍କ ଅଭିନୟ ସମସ୍ତଙ୍କ ଉପରେ ପ୍ରଭାବ ପକାଇଛି। ଯେଉଁଥିରେ ଦେବରାରେ ତାଙ୍କୁ ସଫଳତା ମିଳପାରେ। ଜୋହରଙ୍କ ଅନୁସାରେ, ଏନଟିଆର ଜୁନିୟରଙ୍କ ଦମଦାର ଆକ୍ଟିଙ୍କ ଏବଂ ତାଙ୍କ ଡାୟଲଗ ଡେଲିଭରୀ ଫ୍ୟାନ୍ସଙ୍କୁ ଦିଓ୍ୱାନା କରିଛି। କରଣ ଆଗକୁ ଆହୁରି କହିଛନ୍ତି ଯେ, ଜୁନିୟର ଏନଟିଆର ଏକ ଅଭିନେତା, ଯାହାଙ୍କ ସ୍କ୍ରିନ ଉପରେ ତାଙ୍କର ଉପସ୍ଥିତି ଅବିଶ୍ୱସନୀୟ। ଆରଆରଆରରେ ତାଙ୍କ ଭୂମିକା କେବଳ ଏକ ଝଲକ ଥିଲାଯେ, ସେ କଣ କରିପାରିବେ, ଏବଂ ମୋ ଅନୁଯାୟୀ, ଦେବରା ତାଙ୍କ ପ୍ରତିଭାକୁ ଆହୁରି ଅଧିକ ଉଜାଗର କରିବ।
ପ୍ରଭାସ ଏବଂ ଜୁନିୟର ଏନଟିଆରଙ୍କ ଭଳି ସାଉଥ ସୁପରଷ୍ଟାରଙ୍କ ଫିଲ୍ମ ହିନ୍ଦୀ ଭର୍ଜନରେ ଫ୍ୟାନ୍ସକୁ ପସନ୍ଦ ଆସୁଛି। ଏହି ତାଲିକାରେ ବାହୁବଳୀ, ଆରଆରଆର ଏବଂ କଳ୍କି ଏଡି ୨୮୯୮ ଭଳି ହାଇ ବଜେଟ ଫିଲ୍ମରେ ସାମିଲ ଅଛି। ଦେବରାକୁ ନେଇ ଉତ୍ସୁକତା ସ୍ପଷ୍ଟ ଦେଖାଯାଉଛି ଯେ, ପ୍ରଶଂସକ ଧର୍ଯ୍ୟର ସହ ରିଲିଜର ଅପେକ୍ଷା କରିଛନ୍ତି। ଦେବରା ଫିଲ୍ମଟି ସେପ୍ଟେମ୍ୱର ୨୭ରେ ରିଲିଜ ହେବାକୁ ଥିବାବେଳେ ସିନେପ୍ରେମୀଙ୍କ ମଧ୍ୟରେ ଏବେଠୁ ଉତ୍ସୁକତା ଦେଖିବାକୁ ମିଳିଛି। ତେବେ ଫିଲ୍ମଟି ପରଦାକୁ ଆସିବା ପରେ ହିଁ ଏହା ବକ୍ସ ଅଫିସରେ କେତେ ରୋଜଗାର କରୁଛି ତାହା ଜଣାପଡିବ। ଏବଂ କେଉଁ କେଉଁ ଫିଲ୍ମକୁ ପଛରେ ପକାଉଛି।
ଅଧିକ ପଢ଼ନ୍ତୁ ମନୋରଞ୍ଜନ ଖବର:
