ଗତକାଲି ଦେବାଶିଷଙ୍କ ଫିଜିକ୍ସ ପରୀକ୍ଷା ଥିଲା । ବ୍ରହ୍ମପୁର ଖଲିକୋଟ ବିଶ୍ୱବିଦ୍ୟାଳୟରେ ସେଣ୍ଟର୍ ପଡ଼ିଥିଲା । ସେଠାରେ କଲେଜର ଆଭ୍ୟନ୍ତରୀଣ ଟିମ୍ ପକ୍ଷରୁ ଚଢାଉ ବେଳେ ଦେବାଶିଷଙ୍କୁ କପି ପାଇଁ ବୁକ୍ କରିଥିଲେ। ଗତକାଲି ସନ୍ଧ୍ୟାରେ ଦେବାଶିଷଙ୍କୁ ପରିବାର ଲୋକେ ଏକ କୋଠରୀରେ ଝୁଲନ୍ତା ଅବସ୍ଥାରେ ପାଇଥିଲେ।
ପରେ ବ୍ରହ୍ମପୁର MKCG ମେଡିକାଲକୁ ଆଣି ଚିକିତ୍ସା ପାଇଁ ଭର୍ତ୍ତି କରିଥିଲେ। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ ମୃତ୍ୟୁର କାରଣ କ’ଣ ଓ ସେ କେଉଁଥିପାଇଁ ଏଭଳି ରାସ୍ତା ଆପଣାଇଲେ ସେ ଉପରେ ବୈଦ୍ୟନାଥପୂର ଥାନା ପୋଲିସ ତଦନ୍ତ କରୁଛି ।