ସୁନ୍ଦରଗଡ : କୋଟିପତି ମଦ ବ୍ୟବସାୟୀଙ୍କ ଘରେ ଦ୍ବିତୀୟ ଦିନରେ ବି ଜାରି ରହିଛି ଆଇଟି ରେଡ୍। ସୁନ୍ଦରଗଡ଼ର ମଦ ବ୍ୟବସାୟୀ ରାଜକିଶୋର ସାହୁ ଓ ଦେବରାଜ ସାହୁଙ୍କ ଘର, ଅଫିସ୍ ଓ ସର୍ଗିପାଲି ସ୍ଥିତ ଦେଶୀ ମଦ ଭାଟିରେ ଜାରି ରହିଛି ଚଢ଼ାଉ। ଗତକାଲିଠୁ ଏହି ରେଡ୍ ଚାଲିଥିବା ବେଳେ ଘର ଚଟାଣ ହେଉ କି ପଲଙ୍କ; ରୋଷେଇ ଘର, ଡ୍ରଇଂରୁମ୍ ଯେଉଁଠି ହାତ ମାରିଲେ ସେଠି ବାହାରୁଛି ପୁଳା ପୁଳା ଟଙ୍କା ବିଡ଼ା। ଆୟକର ଫାଙ୍କିବା ଅଭିଯୋଗରେ ରାଜ୍ୟର ମଦ ବ୍ୟବସାୟୀ ରାଜକିଶୋର ସାହୁ ଓ ଦେବରାଜ ସାହୁଙ୍କ ମଦ ପ୍ରସ୍ତୁତ ବିଭିନ୍ନ ଶାଖାରେ ଚଢ଼ଉ ବେଳେ ଏଭଳି ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିଛି। ୧୦୦ଟଙ୍କିଆ ନୋଟ୍ ଠାରୁ ଆରମ୍ଭ କରି ୨୦୦, ୫୦୦ ଟଙ୍କିଆ ନୋଟର ବିଡ଼ା ଦେଖି ଆୟକର ଟିମ୍ ବି ତାଜୁବ୍ ହୋଇଛି। ଟଙ୍କା ଗଣି ଗଣି ବେଦମ ହୋଇଛନ୍ତି ଅଧିକାରୀ।
ଅଧିକ ପଢନ୍ତୁ : ଜାଗମରା ଘର ରେଡ୍ ବେଳେ ଛାତ ଡେଇଁ ଫେରାର ହେଲେ ଜେଇ
ଏତେ ଟଙ୍କା ମିଳିଲାଣି ଯେ ବିଳମ୍ବିତ ରାତି ପର୍ଯ୍ୟନ୍ତ ଗଣତି ସରୁନାହିଁ। ବିଭିନ୍ନ ସ୍ଥାନରୁ ଅଧିକାରୀମାନେ ୨୦୦କୋଟିରୁ ଉର୍ଦ୍ଧ୍ବ ଟଙ୍କା ଗଣିସାରିଥିବା ବେଳେ ଆହୁରି ବିଡ଼ା ବିଡ଼ା ନୋଟ୍ ଗଣତି ବାକି ରହିଥିବା ସୂଚନା ମିଳିଛି। ଜବତ ନଗଦ ଅର୍ଥର ପରିମାଣ ୩ଶହ କୋଟି ଟପିପାରେ ବୋଲି ଆକଳନ କରାଯାଉଛି। ହେଲେ ଆୟକର ଅଧିକାରୀମାନେ ଏ ନେଇ ମୁହଁ ଖୋଲୁନାହାନ୍ତି।
ମୟୂରଭଞ୍ଜ: ଖୋଲିଲା କାଳଡ୍ୟାମ୍ ଗେଟ୍ । ଉପରମୁଣ୍ଡରେ ଲଗାଣ ବର୍ଷା କାରଣରୁ ବଢିଲା ଡ୍ୟାମର ଜଳସ୍ତର । ଯାହାକୁ ନେଇ ଖୋଲାଯାଇଛି ଡ୍ୟାମର ଗୋଟିଏ ଗେଟ୍ ।
ଡ୍ୟାମର ବିପଦ ସଂକେତ ୭୭. ୭୦ ମିଟର ଥିବା ବେଳେ ଲଗାଣ ବର୍ଷା କାରଣରୁ ବିପଦ ସଂକେତ ଛୁଇଁବାରୁ ଡ୍ୟାମର ଜଳସ୍ତର କମାଇବା ପାଇଁ ଏଭଳି ପ୍ରୟାସ କରାଯାଇଛି।
ଅଧିକ ପଢନ୍ତୁ ଓଡ଼ିଶା ଖବର
ବଲାଙ୍ଗୀର: ଡାକ୍ତରଙ୍କୁ ମାଡ଼ ମାରି ଦୁଇ ଯୁବକ ଗଲେ ଜେଲ୍ । ଟିଟିଲାଗଡ଼ ଥାନା ସର୍ଗିଗୁଡା ଗାଁର ବିରଞ୍ଚି ସାହୁଙ୍କୁ ଡାକ୍ତର ମୃତ ଘୋଷଣା କରିଥିଲେ । ପରେ ଡାକ୍ତର ଗୌରବ ପଣ୍ଡାଙ୍କୁ ଆଉ ଥରେ ଚେକ୍ କରନ୍ତୁ ବୋଲି ବିରଞ୍ଚିଙ୍କ ପରିବାରବର୍ଗ କହିଥିଲେ ।
ଡାକ୍ତର ଗୌରବ ପୁଣି ବିରଞ୍ଚି ସାହୁ ମୃତ ବୋଲି କହିଥିଲେ । ଏଥିରେ ଉତ୍କ୍ଷିପ୍ତ ହୋଇ ବିରଞ୍ଚିଙ୍କ ପରିବାର ଲୋକ ଡାକ୍ତରଙ୍କୁ ମାଡ଼ ମାରିଥିଲେ ।
ଅଧିକ ପଢନ୍ତୁ ଓଡିଶା ଖବର
କେନ୍ଦୁଝର: ଆଜିଠୁ ତିନି ଦିନିଆ କେନ୍ଦୁଝର ଗସ୍ତରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ନିଜ ଜିଲ୍ଲାକୁ ଗସ୍ତ କରିବେ ମୁଖ୍ୟମନ୍ତ୍ରୀ । ଭୁବନେଶ୍ୱରରୁ ସ୍ଵତନ୍ତ୍ର ହେଲିକପ୍ଟର ଯୋଗେ ଆସି କେନ୍ଦୁଝର ଠାରେ ପହଞ୍ଚିବେ ମୁଖ୍ୟମନ୍ତ୍ରୀ । କେନ୍ଦୁଝର ଅଡିଟୋରିୟମରେ ଆୟୋଜିତ ଲାଇଫ ସେଭର୍ସ ଗ୍ରୁପ ଟ୍ରଷ୍ଟର ତୃତୀୟ ବାର୍ଷିକ ମହୋତ୍ସବରେ ଯୋଗ ଦେବେ ।
ଏହାସହ ନିଜ ପଞ୍ଚାୟତ ରାଇକଳା ଅନ୍ତର୍ଗତ କରଞ୍ଜିଆପଡ଼ା ଠାରେ ମା ତାରିଣୀ କ୍ଲବ ପକ୍ଷରୁ ଆୟୋଜିତ ଫୁଟବଲ ଟୁର୍ଣ୍ଣାମେଣ୍ଟରେ ମଧ୍ୟ ମୁଖ୍ୟମନ୍ତ୍ରୀ ମୁଖ୍ୟ ଅତିଥି ଭାବେ ଯୋଗଦେବାର କାର୍ଯ୍ୟକ୍ରମ ରହିଛି । ସେହିପରି କେନ୍ଦୁଝର ସ୍ଥିତ ଏକ ଘରୋଇ ହୋଟେଲରେ କେନ୍ଦୁଝର ସାଂସଦ ଏବଂ ସ୍ଥାନୀୟ ବିଧାୟକ ମାନଙ୍କ ସହ ବୈଠକ କରିବେ ମୁଖ୍ୟମନ୍ତ୍ରୀ ମୋହନ ମାଝୀ । ଏହାସହ 21 ଏବଂ 22 ତାରିଖରେ କେନ୍ଦୁଝରର ବିଭିନ୍ନ ସ୍ଥାନରେ ଆୟୋଜିତ ଅନେକ କାର୍ଯ୍ୟକ୍ରମରେ ମଧ୍ୟ ମୁଖ୍ୟମନ୍ତ୍ରୀ ଯୋଗ ଦେବାର କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ବେଶ ଉତ୍ସାହିତ କେନ୍ଦୁଝରବାସୀ ।ନିଜ ଗାଁ ରାଇକଳାକୁ ମଧ୍ୟ ଯିବେ ମୁଖ୍ୟମନ୍ତ୍ରୀ ।
ଅଧିକ ପଢନ୍ତୁ ଓଡ଼ିଶା ଖବର
