Ramial River is a curse for Betkuli people

ବେତକୁଲି ଲୋକଙ୍କ ପାଇଁ ଅଭିଶାପ ପଲଟିଛି ରାମିଆଳ ନଦୀ

by Banajyotshna Ray

Ramial River is a curse for Betkuli people

ଅର୍ଗସ ବ୍ୟୁରୋ: ଦୁଃଖ ଦେଉଛି ରାମିଆଳ ନଦୀ । ଢେଙ୍କାନାଳ କାମାକ୍ଷାନଗର ବ୍ଲକ କାନପୁରା ପଞ୍ଚାୟତର କରଡାବଣି, କଳାମାଟି, ବେତକୁଲି ସାହିର ଲୋକଙ୍କ ପାଇଁ ଅଭିଶାପ ପଲଟିଛି ଏହି ନଦୀ । ନଦୀରେ ବ୍ରିଜ ନଥିବାରୁ ଉଛୁଳା ନଦୀ ପାର ହେଉଛନ୍ତି ଲୋକେ । ଅନେକ ସମୟରେ ନଦୀରେ ବୁଡି ଲୋକଙ୍କ ଜୀବନ ମଧ୍ୟ ଯାଉଛି । ତୁରନ୍ତ ରାମିଆଳ ନଦୀ ଉପରେ ଏକ ବ୍ରିଜ ନିର୍ମାଣ କରାଗଲେ ଲୋକଙ୍କ ଦୂର୍ଦ୍ଦଶା ଦୂର ହୋଇପାରନ୍ତା । ଗତ ୨୫ ବର୍ଷର ବିଜେଡି ସରକାରରେ ଆଦିବାସୀ ମାନେ ବାରମ୍ବାର ଗୁହାରି କରିଥିଲେ ମଧ୍ୟ୍ ସେଥି ପ୍ରତି କେହି ଗୁରୁତ୍ବ ଦେଇ ନଥିଲେ ।

ଅଧିକ ପଢ଼ନ୍ତୁ ଓଡିଶା ଖବର:

ମୁଲତାନ ଟେଷ୍ଟ୍‌ରେ ରୁଟଙ୍କ ଚମକ,ପଛରେ ପଡିଲେ ଗାଭାସ୍କର, ଲାରା,ଦ୍ରାବିଡ଼

by Sangram Tripathy

Root shines in Multan Test, Gavaskar, Lara, Dravid fall behind

ଅର୍ଗସ ବ୍ୟୁରୋ:ମୁଲତାନ ଟେଷ୍ଟ୍‌ରେ ଚମକିଛନ୍ତି ଇଂଲଣ୍ଡର ଷ୍ଟାର ବ୍ୟାଟର ଜୋ ରୁଟ୍ । ପାକିସ୍ତାନକୁ ଦୃଢ଼ ଜବାବ ଦେଇଛି ଇଂଲଣ୍ଡ । ପାକିସ୍ତାନର ୫୫୬ ରନ୍ ଜବାବରେ ତୃତୀୟ ଦିନ ଷ୍ଟମ୍ପ୍ସ ବେଳକୁ ମାତ୍ର ୩ ୱିକେଟ୍ ହରାଇ ୪୯୨ ରନ୍ କରି ମଜବୁତ ସ୍ଥିତିରେ ପହଞ୍ଚିଛି।ରୁଟ୍ ଟେଷ୍ଟରେ୧୬୭ ବଲ୍‌ରୁ ୩୫ତମ ଟେଷ୍ଟ୍ ଶତକ ଅର୍ଜନ କରି ବିଶ୍ବ କ୍ରିକେଟ୍‌ର ତିନି ମହାନ ତାରକା ସୁନୀଲ ଗାଭାସ୍କର, ବ୍ରାଏନ ଲାରା ଓ ୟୁନୁସ୍ ଖାନଙ୍କ ୩୪ଶତକ ରେକର୍ଡ ଭାଙ୍ଗିଛନ୍ତି। ୧୭୬ ରନ୍‌ରେ ଅପରାଜିତ ଥିବାରୁ ରୁଟ୍ ସ୍ମରଣୀୟ ଦ୍ବିଶତକୀୟ ପାଳି ଠାରୁ ୨୪ ରନ୍ ଦୂରରେ ରହିଛନ୍ତି। ପାକିସ୍ତାନରେ ଷଷ୍ଠ ପାଳି ଖେଳି ଚତୁର୍ଥ ଶତକ ହାସଲ କରିବା ପରେ ରାହୁଲ ଦ୍ରାବିଡ଼ ଏବଂ ସୁନୀଲ ଗାଭାସ୍କରଙ୍କୁ ଟପିଥିଲେ। ରୁଟଙ୍କ ଜବରଦସ୍ତ ପ୍ରଦର୍ଶନରେ ଖୁସି ବ୍ୟକ୍ତ କରିଛନ୍ତି ଫ୍ୟାନ୍

ନକଲି ଡାକ୍ତରଙ୍କୁ ଗିରଫ କଲା ପୋଲିସ

by Manini Pattanayak

ବଲାଙ୍ଗୀର : ବଲାଙ୍ଗୀର ଜିଲ୍ଲା ସଇଁତଲା ବ୍ଲକ ଅଂଚଳ ରେ ଛତୁ ଫୁଟିଲା ଭଳି ବେଆଇନ କ୍ଲିନିକ ଖୋଲିବା ସହ ନକଲି ଡାକ୍ତରଙ୍କ ସଂଖ୍ୟା ବଢ଼ିବାରେ ଲାଗିଛି। ପ୍ରତ୍ୟେକ ଗାଁ ରେ ମାଲମାଲ ଡାକ୍ତର ରୋଗୀ ଙ୍କୁ ଚିକିତ୍ସା କରି ଜୀବନ ସହ ଖେଳ ମଧ୍ୟ ଖେଳୁଛନ୍ତି। ହେଲେ ପୁଣି ଜଣେ ନକଲି ଡାକ୍ତର ଙ୍କୁ ଗିରଫ ପୋଲିସ କରିଥିବା ନେଇ ଅଂଚଳ ରେ ଚର୍ଚ୍ଚା ଜୋର ଧରିଛି। ସଇଁତଲା ଥାନା ଟିକ୍ରାପଡା ଗାଁର ରଣାପଡା ଠାରେ ଦୀର୍ଘ ବର୍ଷ ହେବ ବେଆଇନ ଭାବେ କ୍ଲିନିକ ଖୋଲିବା ସହ ଡାକ୍ତର ସାଜି ଲୋକଙ୍କୁ କରୁ ଥିଲେ ଚିକିତ୍ସା କିନ୍ତୁ ପୋଲିସ ପାଖରେ ଅଭିଯୋଗ ପରେ ବେଆଇନ କ୍ଲିନିକ ପରେ ଚଢ଼ାଉ କରି ଗିରଫ କଲା ପୋଲିସ।

ବିପୁଳ ପରିମାଣ ରେ ଔଷଧ ଜବତ ସହ ନକଲି ଡାକ୍ତର ଙ୍କୁ ଗିରଫ କରିଛି ସଇଁତଲା ପୋଲିସ ଅଭିଯୁକ୍ତ ଜଣକ ହେଲେ ଟିକ୍ରାପଡା ଗାଁର ବିଦ୍ୟୁତ କୁମାର ବିଶ୍ୱାଲ ବୋଲି ଟିଟିଲାଗଡ଼ ଏସଡିପିଓ ଅଙ୍କିତା କୁମ୍ଭାର ସୂଚନା ଦେଇଛନ୍ତି । ଅନ୍ୟପଟେ କିଛି ଦିନ ପୂର୍ବରୁ ଟିଟିଲାଗଡ଼ ଥାନା ପୁତୁଲି ଗାଁରୁ ଜଣେ ନକଲି ଡାକ୍ତର ଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ପୋଲିସ।

ପୋଲିସକୁ ହାଣିଥିବା ଅଭିଯୁକ୍ତକୁ ଏନକାଉଣ୍ଟର

by Smruti Parija

ସମ୍ବଲପୁର: ପୋଲିସକୁ ହାଣିଥିବା ଅଭିଯୁକ୍ତକୁ ଏନକାଉଣ୍ଟର। କନଷ୍ଟେବଲଙ୍କ ପାପୁଲି ଛିଡ଼ାଇଥିବା ଅଭିଯୁକ୍ତକୁ ଏନକାଉଣ୍ଟର। କଟାପାଲି ନିକଟ ଜଙ୍ଗଲରେ ଅଭିଯୁକ୍ତ କମଲୁ ପ୍ରଧାନକୁ ଏନକାଉଣ୍ଟର। କମଲୁର ଡାହାଣ ଗୋଡ଼ରେ ଗୁଳି ବାଜିଛି । ବୁର୍ଲା ଜଙ୍ଗଲରେ ଗିରଫ କରିବାକୁ ଯାଇ ସବ ଇନ୍ସପେକ୍ଟର ମଧ୍ୟ ଆହତ ହୋଇଛନ୍ତି ।

ଉଭୟଙ୍କୁ ବୁର୍ଲା ସ୍ଥାନାନ୍ତର କରିଛି ପୋଲିସ । ୪ ତାରିଖ ଝରାପାଲିରେ କନଷ୍ଟେବଲଙ୍କୁ ଆକ୍ରମଣ କରିଥିଲା କମଲୁ। ଦାମ୍ପତ୍ୟ ଝଗଡ଼ାର ସମାଧାନ ପାଇଁ ଯାଇଥିବା ବେଳେ ଆକ୍ରମଣ କରିଥିଲା।ଧାରୁଆ ଅସ୍ତ୍ରରେ ହାଣି କନଷ୍ଟେବଲଙ୍କ ପାପୁଲି ଛିଡ଼ାଇ ଦେଇଥିଲା। ଘଟଣା ପରଠାରୁ ଫେରାର ଥିଲା କମଲୁ, ଖୋଜୁଥିଲା ପୋଲିସ ।

Download Argus News App

Ramial River is a curse for Betkuli people

Download Mobile App