The amount of rain has increased in Bangiriposhi region due to the impact of cyclone

କେନ୍ଦ୍ରାପଡ଼ା ମହାକାଳପଡ଼ା ବ୍ଲକ୍ ଭାଟେଣୀ ଓ ବଗଗହଣ ଗାଁରେ ବି ପବନ ଓ ବର୍ଷା ପ୍ରଭାବରେ ଘର ଭାଙ୍ଗିଯିବାରୁ ବାସହୀନ ହୋଇଛନ୍ତି ଲକ୍ଷ୍ମୀ ମଣ୍ଡଳ ଓ ପୁରଞ୍ଜନ ମଣ୍ଡଳଙ୍କ ପରିବାର । ଇଏ ତ ଭାତହାଣ୍ଡିରୁ କେତୋଟି । ପବନ ଓ ବର୍ଷା ଯୋଗୁଁ ଘର ଭାଙ୍ଗିଯିବାରୁ ବାସହୀନ ହୋଇଛନ୍ତି ରାଜ୍ୟର ଏମିତି ଶହ ଶହ ପରିବାର। ଆଉ ବାତ୍ୟା ଦାନା ଖୋଲିଦେଇଛି ରାଜ୍ୟରେ ଗରିବଙ୍କ ବିକାଶ ନାଁରେ 24 ବର୍ଷ ଧରି ଶାସନ କରିଥିବା ବିଜେଡି ସରକାରର ଅପାରଗତା, ବିଫଳତାର ପୋଲ୍। ଏଥିସହ ଖୋଲିଛି ନବୀନ ସରକାର ମିଛ ପ୍ରଚାରର ଗୁମର।

ଏ ଗରିବଙ୍କୁ ଆବାସ ଯୋଜନାରେ ପକ୍କା ଘର ମିଳିଥିଲେ ଆଜି ଏମାନେ ଏମିତି ଦୁର୍ଦ୍ଦଶାର ସାମ୍ନା କରୁନଥାନ୍ତେ । ପ୍ରକୃତରେ ଗରିବ ଓଡ଼ିଶାଙ୍କୁ ପକ୍କାଘର ମିଳିବାରେ ବାଧକ ସାଜିଥିଲେ ନବୀନ ସରକାର। ମୋଦି ନାଁ ନେଇଯିବେ, ସେଥିପାଇଁ ଗରିବଙ୍କୁ ଘର ଦେଉନଥିଲେ ବିଜେଡି ସରକାର। ଏ ସମ୍ପର୍କରେ ଗତ ଜୁଲାଇ ମାସରେ ବିଧାନସଭାରେ ପଞ୍ଚାୟତିରାଜ ମନ୍ତ୍ରୀ ରଖିଥିବା ଉତ୍ତର ଖୋଲିଥିଲା ବିଜେଡି ସରକାରର ପୋଲ। ଯୋଗ୍ୟ ହିତାଧିକାରୀଙ୍କ ତାଲିକା ନ ଦେବାରୁ ୨୦୧୬ ରୁ ୨୦୨୪ ମଧ୍ୟରେ ଓଡ଼ିଶାରୁ ୬ ଲକ୍ଷ ୫୬ ହଜାର ୯୪୫ ପକ୍କା ଘର ଫେରି ଯାଇଛି। ଏବେ ବି ୧ ଲକ୍ଷରୁ ଅଧିକ ପରିବାର ଆବାସ ପାଇଁ ଆବେଦନ କରି ଅପେକ୍ଷାରେ ଅଛନ୍ତି । ବିଜେଡି ସରକାରର ପ୍ରିୟା ପ୍ରୀତି ତୋଷଣ ପାଇଁ ବି ଗାଁର ଗରିବ ଲୋକେ ବା ଯୋଗ୍ୟ ହିତାଧିକାରୀ ପକ୍କା ଘର ପାଇବାରୁ ବଞ୍ଚିତ ହୋଇଛନ୍ତି । ବାସହୀନ ଗରିବଙ୍କ ଏ ଦୁର୍ଦ୍ଦଶା ଏବେ ନୂଆ ବିଜେପି ସରକାର ଆଗରେ ସୃଷ୍ଟି କରିଛି ବଡ଼ ଚ୍ୟାଲେଞ୍ଜ । ପ୍ରଶ୍ନ ହେଲା ପରବର୍ତ୍ତୀ ବାତ୍ୟା ପୂର୍ବରୁ ଓଡ଼ିଶା କଚ୍ଚା ଘର ଶୂନ୍ୟ ହୋଇପାରିବ କି ?

ଅଧିକ ପଢ଼ନ୍ତୁ ଓଡିଶା ଖବର: 

ଭଦ୍ରକ ଜିଲ୍ଲାର ପ୍ରଭାବିତ ଧାମରାର 8 ପଞ୍ଚାୟତ ସମେତ ତିହିଡି ଓ ଧାମନଗର ଯାଇ କ୍ଷୟକ୍ଷତିର ସମୀକ୍ଷା କରିଛନ୍ତି ମନ୍ତ୍ରୀ ସୂର୍ଯ୍ୟବଂଶୀ ସୁରଜ..ବାଲେଶ୍ବରର ସାର୍ଥା ଓ କଷାଫଳରେ ଥିବା ବାତ୍ୟା ଆଶ୍ରୟ ସ୍ଥଳ ଯାଇ ପ୍ରଭାବିତଙ୍କୁ ଭେଟିଛନ୍ତି  ପଞ୍ଚାୟତିରାଜ ମନ୍ତ୍ରୀ ରବି ନାଏକ।  କେବଳ ଏ ତିନି ମନ୍ତ୍ରୀ ନୁହଁନ୍ତି ଦାନା ଲ୍ୟାଣ୍ଡଫଲ କରିବା ଢେର ପୂର୍ବରୁ ପ୍ରଭାବିତ ଜିଲ୍ଲା ଗୁଡିକରେ ପହଁଞ୍ଚିଯାଇଥିଲେ 9 ମନ୍ତ୍ରୀ ଓ 6 ସଚିବ..ପ୍ରଭାତି ପରିଡା ପୁରୀର ଅସ୍ତରଙ୍ଗ, ପାରଦ୍ବୀପରେ ସଂପଦ ସ୍ବାଇଁ, ଗୋପାଳପୁରରେ ବିଭୁତି ଭୂଷଣ ଜେନା, ବଡସାହିରେ କୃଷ୍ଣଚନ୍ଦ୍ର ପାତ୍ର, ମାହାଙ୍ଗାରେ  ପୃଥୀରାଜ ହରିଚନ୍ଦନ, କେନ୍ଦୁଝରରେ କୃଷ୍ଣ ପାତ୍ର  ଦାନା ମୁକାବିଲା ନେଇ ଗ୍ରାଉଣ୍ଡ ଜିରୋରେ ସ୍ଥିତିର ସମୀକ୍ଷା ସହ ଲୋକଙ୍କୁ ବିଭିନ୍ନ ବାତ୍ୟା ଆଶ୍ରୟ ସ୍ଥଳୀୟରେ ଭେଟିଥିଲେ।

ସେହପିରି ବିଗତ ଦିନରେ ବାତ୍ୟା ମୁକାବିଲାରେ ଅଭିଜ୍ଞତା ଥିବା କିଛି ବରିଷ୍ଠ ଅଫିସରଙ୍କୁ ଜିଲ୍ଲା ପଠାଇଥିଲେ ସରକାର॥  ରେଡକ୍ରସ ସହ ବିଭିନ୍ନ  ସଂଗଠନ ବି ବାତ୍ୟା ମୁକାବିଲାରେ ସରକାରଙ୍କୁ ଭରପୁର ସହଯୋଗ କରିଥିଲେ. .ସମସ୍ତେ ମିଶି ବାତ୍ୟାକୁ ମୁକାବିଲା କରିଥିବାରୁ  ଏମାନଙ୍କୁ ଧନ୍ୟବାଦ ଦେବା ସହ ଏହାକୁ ଜନସେବାର ପାର୍ଟନର ସିପ ବୋଲି କହିଛନ୍ତି ରାଜସ୍ବ ମନ୍ତ୍ରୀ  ପୂର୍ବରୁ  ପ୍ରାକୃତିକ ବିପର୍ଯ୍ୟୟ ମୁକାବିଲାରେ ଉଲ୍ଲେଖ ନୀୟ କାମ ପାଇଁ ନବୀନ ସାଉଁଟିଛନ୍ତି  ଅନେକ ପ୍ରଂଶସା.. ତେବେ ନୂଆ ସରକାର  ବିପର୍ଯ୍ୟୟ ମୁକାବିଲାର ପ୍ରଥମ ପରୀକ୍ଷାରେ ପାଶ ପାଇଁ  ଦିନରାତି ଏକ କରିଦେଇଥିଲା।  ବିଳମ୍ବିତ ରାତିରେ ସ୍ଥିତି ମୁକାବିଲା ପାଇଁ ନିଜେ ରଣନୀତି ପ୍ରସ୍ତୁତ କରିଥିଲେ ମୁଖ୍ୟମନ୍ତ୍ରୀ। 
 
 
 

ଧାମରା, ଚାନ୍ଦବାଲି, ବାସୁଦେବପୁର, ତିହିଡ଼ି, ଧାମନଗର । ସବୁଠି ଦାବି ଦେଇଛି ଦାନା । ଏଠି ବି ଗଛ ଆଉ ବିଦ୍ୟୁତ ଖୁଣ୍ଟ ଭୂପତିତ । ସ୍ଥାନେ ସ୍ଥାନେ ରାସ୍ତା ଅବରୋଧ ହେବା ସହ ବିଦ୍ୟୁତ ସରବହରାହ ବି ସମ୍ପୂର୍ଣ୍ଣ ରୂପେ ବାଧାପ୍ରାପ୍ତ ହୋଇଛି । ଧାମରା ବନ୍ଦର ପାଖରେ ଓଲଟି ପଡ଼ିଛି ଅନେକ ମାଛଧରା ଡଙ୍ଗା । ସମୁଦ୍ର ଜୁଆର ପ୍ରଭାବରେ ଅନେକ ଗାଁରେ ପାଣି ପଶିଛି । ପୂରା ଭଦ୍ରକ ଜିଲ୍ଲାରେ ବଡ଼ବଡ଼ ଗଛ ଉପୁଡ଼ି ଘର ଉପରେ ପଡ଼ି ଘର ନଷ୍ଟ କରିଥିବାର ବି ଦେଖିବାକୁ ମିଳିଛି । ଏନଡିଆରଏଫ, ଅଗ୍ନିଶମ ଓ ଓଡ୍ରାଫ୍ ଟିମ୍ ରାସ୍ତା ଉପରୁ ଗଛ କାଟି ସଫା କରିବାରେ ଲାଗି ପଡ଼ିଛନ୍ତି । ଧାମରାରେ ଦୁଇ ପଶ୍ଚିମବଙ୍ଗ ଟ୍ରଲର ମଧ୍ୟ ବାତ୍ୟା ଯୋଗୁଁ ଫସିଥିଲେ । 

ଏପଟେ ବାଲେଶ୍ବର ଜିଲ୍ଲାର ଅନେକ ଇଲାକାରେ ବି ସମାନ ଅବସ୍ଥା । ବାହାନଗା, ସୋର ଓ ରେମୁଣା ବ୍ଲକର ଅନେକ ଗାଁରେ ଦାନା ଉତ୍ପାତ । ବଡ଼ବଡ଼ ଗଛ ଉପୁଡ଼ି ପଡ଼ିବା ସହ  ଦାନାର ତାଣ୍ଡବ ଆଗରେ ମଥାନତ ହୋଇଛନ୍ତି । ଯୁଦ୍ଧକାଳୀନ ଭିତ୍ତିରେ ଗଛକାଟି ରାସ୍ତା ସଫା କରିବାରେ ଲାଗିଛି ପ୍ରଶାସନ । ରାସ୍ତା କ୍ଲିଅର କରାଯିବା ପରେ ଗାଁ ଭିତରେ ପଡ଼ିଥିବା ଗଛଗୁଡ଼ିକ କଟାଯିବ । ଗୋଟିଏ ଦୁଇ ସ୍ଥାନରେ କାନ୍ଥ ମଧ୍ୟ ପଡ଼ି ଲୋକେ ଆହତ ହୋଇଛନ୍ତି । ସବୁ ଭିତରେ ଦାନା ଉପରେ କିନ୍ତୁ ଜୋରରେ ପାହାର ପକାଇଛି ଦାନା । ଅନେକ ସ୍ଥାନରେ ସମ୍ପୂର୍ଣ୍ଣ ରୂପେ ଜଳମଗ୍ନ ଚାଷଜମି । ଧାରକରଜ କରି ଚାଷୀମାନେ ଏବର୍ଷ ଯେଉଁ ଭଲ ଅମଳ ପାଇଁ ଲକ୍ଷ୍ୟ ରଖିଥିଲେ, ତାକୁ ସ୍ବପ୍ନରେ ହିଁ ରଖିଦେଇଯାଇଛି ଅକ୍ଟୋବରର ଏ ବାତ୍ୟା । ତେଣୁ ଏବେ ଅଧିକାଂଶ ସ୍ଥାନର ଚାଷୀ ସରକାରଙ୍କ ହାତଟେକାକୁ ଅପେକ୍ଷା କରି ରହିଛନ୍ତି । ମୟୂରଭଞ୍ଜ ଜିଲ୍ଲାର କେତେକ ଇଲାକାରେ ମଧ୍ୟ ଦାନାର ପ୍ରଭାବ ଅନୁଭୂତ ହୋଇଛି । ମୋଟାମୋଟି ଦେଖିବାକୁ ଗଲେ ବିଶେଷ ପ୍ରଭାବ ବିସ୍ତାର ନ କରି ପାରି ଦବିଯାଇଥିଲେ ବି କେନ୍ଦ୍ରାପଡ଼ା ଓ ଭଦ୍ରକ ଜିଲ୍ଲାର ଅନେକ ଇଲାକାରେ ଦମ୍ ଦେଖାଇବାରେ ସମର୍ଥ ହୋଇଛି ଦାନା ।