Sand art is the attraction

ଐତିହାସିକ ବାଲିଯାତ୍ରାରେ ଆକର୍ଷଣ ସାଜିଛି ବାଲୁକା କଳା

by Ritu Das

ଅର୍ଗସ ବ୍ୟୁରୋ: ଆରମ୍ଭ ହୋଇଛି କଟକର ଐତିହାସିକ ବାଲିଯାତ୍ରା । ବାଲିଯାତ୍ରା ବୁଲିବାକୁ କାହିଁ କେଉଁଆଡୁ ଲୋକ ଧାଇଁ ଆସନ୍ତି। ମହାଦେଶର ସବୁଠାରୁ ବଡ଼ ଖୋଲା ଆକାଶ ବାଣିଜ୍ୟ ମେଳା ବୁଲି ମଜା ନେଉଛନ୍ତି ଦର୍ଶକ । ସନ୍ଧ୍ୟା ହେଲେ ଜମୁଛି ଲୋକଙ୍କ ଭିଡ଼ । ତେବେ ଏହାକୁ ଅଧିକ ଆକର୍ଷଣ କରିଛି ବାଲୁକା କଳା ପ୍ରଦର୍ଶନ । ଦର୍ଶକଙ୍କ ମନ ମୋହିବା ପାଇଁ ବାଲିଯାତ୍ରାରେ ଝଟକୁଛି ବାଲୁକା କଳା । ପ୍ରାଚୀନ ନୌବାଣିଜ୍ୟ ପରମ୍ପରାକୁ ଲୋକାଭିମୁଖୀ କରିବା ପାଇଁ ଚଳିତବର୍ଷ ବାଲିଯାତ୍ରାରେ ବାଲୁକା ଶିଳ୍ପ ନିର୍ମାଣ କରିଛନ୍ତି ବାଲୁକା ଶିଳ୍ପୀ ସୁଦାମ ପ୍ରଧାନ । 300 ଟନ ବାଲିରେ ତିଆରି ହୋଇଛି ସୁନ୍ଦର ବାଲୁକା କଳା । 35ଫୁଟ ଉଚ୍ଚ ଓ 100 ଫୁଟ ଲମ୍ବର ଏହି ବାଲୁକା କଳା ପାଖରେ ଅଟକି ସେଲଫି ନେଉଛନ୍ତି ଲୋକେ। ଏଲଇଡି ଲାଇଟରେ ଏହାକୁ ସଜା ଯାଇଥିବାରୁ ଏହା ଲୋକଙ୍କୁ ବେଶ ଆକୃଷ୍ଟ କରୁଛି ।
ବାଲିଯାତ୍ରାର ଆଉ ଏକ ଆକର୍ଷଣ ହେଉଛି ଉତ୍କଳର ପୁରୁଣା ଗାଥାକୁ ବହନ କରୁଥିବା ଆର୍ଟ ଗ୍ୟାଲେରୀ । ଏହି ଗ୍ୟାଲେରୀ ସ୍ଥାନ ପାଇଛି ଭଳିକି ଭଳିକି 60ଟି ଫଟୋ। ସେହିପରି ଅନ୍ୟ ଏକ ଆକର୍ଷଣ ହେଉଛି ସ୍ମୋକ ଆର୍ଟ । ଡିବି ଧୂଆଁରେ ଚିତ୍ର ଆଙ୍କି ଲୋକଙ୍କ ମନ କିଣିଛନ୍ତି କଟକ ପୁଅ ଦୀପକ ବିଶ୍ବାଳ । ଯାହାକୁ ଦେଖିବା ପାଇଁ ଲାଗୁଛି ଲମ୍ବା ଲାଇନ। 8 ଦିନ ଧରି ଚାଲିବାକୁ ଥିବା ଏହି ମହାପର୍ବରେ ଝଲସୁଛି କଟକ ସହର । ସନ୍ଧ୍ୟା ହେଲେ ବାଲିଯାତ୍ରା ପଡିଆରେ ଜମୁଛି ଲୋକଙ୍କ ଭିଡ଼।

ଅଧିକ ପଢ଼ନ୍ତୁ ଓଡ଼ିଶା ଖବର

ଅଧାରୁ ଭସାଣି ବନ୍ଦ କଲା ଷ୍ଟେସନ ବଜାର ପୂଜା କମିଟି

by Smruti Parija

Station Bazar Pooja Committee stopped goddess-durga-idol-immersion-

ଭୁବନେଶ୍ୱର: ଭସାଣି ବେଳେ କେଁ । ପୁରୁଣା ଷ୍ଟେସନ ବଜାର ପୂଜା କମିଟିର ଭସାଣି ଆରମ୍ଭ ହୋଇଥିବାବେଳେ ପୋଲିସ ଡିଜେ କୁ ଅନୁମତି ଦେଲାନାହିଁ । ଫଳରେ ଅଧାରୁ ଭସାଣ ବନ୍ଦ କଲେ ପୂଜା କମିଟି ସଦସ୍ୟ । ଷ୍ଟେସନ ବଜାର ପୂଜା କମିଟି କହିବାର କଥା ଯେ ଡିଜେ ବଜାଇବା ପାଇଁ ହାଇକୋର୍ଟ ରୁ ଅନୁମତି ଆଣିଥିଲୁ । ହେଲେ ପୋଲିସ ଅନୁମତି ଦେଉନାହିଁ । କୋର୍ଟ ଅର୍ଡକୁ କାହିଁକି ଅଗ୍ରାହ୍ୟ କରାଯାଉଛି ବୋଲି ଅଭିଯୋଗ ଆଣିଛନ୍ତି ଷ୍ଟେସନ ବଜାର ପୂଜା କମିଟି ।

ଟ୍ୱିନ୍ ସିଟିରେ ଆରମ୍ଭ ହେଲା ଭସାଣୀ...

ଅସ୍ଥାୟୀ ଭସାଣୀ ପୋଖରୀ ପାଇଁ ଖର୍ଚ୍ଚ ହୋଇଛି ୨୦ରୁ ୨୧ ଲକ୍ଷ

by Manini Pattanayak

20 to 21 lakhs has been spent on the temporary floating pond

ଭୁବନେଶ୍ୱର: ଭୁବନେଶ୍ବରରେ ମୂର୍ତ୍ତି ବିସର୍ଜନ ପାଇଁ ଦୟା ଏବଂ କୁଆଖାଇରେ ମୋଟ 5ଟି ଅସ୍ଥାୟୀ ପୋଖରୀ ତିଆରି କରାଯାଇଛି । ପ୍ରତି ଅସ୍ଥାୟୀ ପୋଖରୀରେ ୨୦ରୁ ୨୧ ଲକ୍ଷ ପର୍ଯ୍ୟନ୍ତ ଖର୍ଚ୍ଚ ହୋଇଛି ।

ଏହାସହ ସମସ୍ତ ପୂଜା ମଣ୍ଡପ ନିୟମ ସହ ପରିବେଶ କଥା ଚିନ୍ତା କରି ବିସର୍ଜନ କରନ୍ତୁ ବୋଲି ବିଏମସି ପକ୍ଷରୁ ନିବେଦନ କରାଯାଇଛି । ବିସର୍ଜନ ପୂର୍ବରୁ ମୂର୍ତ୍ତିରେ ବ୍ୟବହୃତ ଫୁଲ, ପତ୍ର, ବସ୍ତ୍ର ଇତ୍ୟାଦି ଆଭୂଷଣକୁ ବାହାର କରି ଅସ୍ଥାୟୀ ପୁଷ୍କରିଣୀରେ ପକାଇବାକୁ ପରାମର୍ଶ ଦିଆଯାଇଛି ।

ଅଧିକ ପଢନ୍ତୁ ଓଡ଼ିଶା ଖବର

ଟ୍ୱିନ୍ ସିଟିରେ ଆରମ୍ଭ ହେଲା ଭସାଣୀ...

by Smruti Parija

Goddess-durga-idol-emmersion-started-in-twin-city

ଭୁବନେଶ୍ୱର: ସରିଲା ଦଶହରା । ଆରମ୍ଭ ହେଲା ଭସାଣୀ ଯାତ୍ରା । ପାରମ୍ପରିକ ବାଦ୍ୟ ବଜାଇ, ଗୀତ ଗାଇ ମା' ଙ୍କୁ ଦିଆଯାଉଛି ବିଦାୟୀ । ଟ୍ୱିନ ସିଟିରେ ଆରମ୍ଭ ହୋଇଯାଇଛି ଭସାଣୀ । ଯେମିତି ମେଢ ବୁଲିବାକୁ ଲୋକଙ୍କ ମଧ୍ୟରେ ଉତ୍କଣ୍ଠା ଥାଏ ଠିକ୍ ସେମିତି ଭସାଣୀ ଦେଖିବାକୁ ଲୋକେ ଅନେଇ ରହିଥାନ୍ତି । କର୍ମମୟ ଜୀବନ ଭିତରୁ ସମୟ କାଢି ମା'ଙ୍କ ଭସାଣୀରେ ସାମିଲ୍ ହୋଇଥାନ୍ତି ।

ଧରାପୃଷ୍ଠରୁ ମେଲାଣି ନେଉଛନ୍ତି ଜଗତ ଜନନୀ ମା' ଦୁର୍ଗା । ଭୁବନେଶ୍ବରରେ ମୂର୍ତ୍ତି ବିସର୍ଜନ ପାଇଁ ଦୟା ନଦୀ, କୁଆଖାଇ, ଟଙ୍କପାଣି ସାଇ ମନ୍ଦିର ଆଦି ସ୍ଥାନରେ ଅସ୍ଥାୟୀ ପୋଖରୀ ଖୋଳାଯାଇଛି । ସମସ୍ତ ପୂଜା ମଣ୍ଡପ ନିୟମ ସହ ପରିବେଶ କଥା ଚିନ୍ତା କରି ବିସର୍ଜନ କରନ୍ତୁ ବୋଲି ବିଏମସି ପକ୍ଷରୁ ନିବେଦନ କରାଯାଇଛି ।

ବିସର୍ଜନ ପୂର୍ବରୁ ମୂର୍ତ୍ତିରେ ବ୍ୟବହୃତ ଫୁଲ, ପତ୍ର, ବସ୍ତ୍ର ଇତ୍ୟାଦି ଆଭୂଷଣକୁ ବାହାର କରି ଅସ୍ଥାୟୀ ପୁଷ୍କରିଣୀରେ ପକାଇବାକୁ ପରାମର୍ଶ ଦିଆଯାଇଛି । ସେହିପରି କଟକରେ ମୂର୍ତ୍ତି ବିସର୍ଜନ ଲାଗି ଦେବୀଗଡ଼ାରେ ସମସ୍ତ ବ୍ୟବସ୍ଥା କରାଯାଇଛି । ମାଆଙ୍କ ବିସର୍ଜନ ପାଇଁ କଟକ ମହାନଗର ନିଗମ ପକ୍ଷରୁ ଦେବୀଗଡାରେ 3ଟି ଅସ୍ଥାୟୀ ପୋଖରୀ ନିର୍ମାଣ ହୋଇଛି । ଯେଉଁଠି ମାଆଙ୍କୁ ବିସର୍ଜନ କରାଯିବ । ଏହାଛଡ଼ା ପରିମଳ ଦୃଷ୍ଟିକୋଣରୁ ସବୁ ଯୋଜନା ହାତକୁ ମଧ୍ୟ ନିଆଯାଇଛି ।

Download Argus News App

Sand art is the attraction

Download Mobile App