ବୋଧହୁଏ ବିଜେଡିରେ ଏହା ପ୍ରଥମ । କାରଣ ପୂର୍ବରୁ କେବେ ଟିକଟ ଘୋଷଣା ହେବା ପରେ ପ୍ରାର୍ଥୀ ବଦଳାଇନଥିଲେ ନବୀନ । କିନ୍ତୁ ସମ୍ବଲପୁର ଓ ରେଢାଖୋଲ ଆସନରେ ପ୍ରାର୍ଥୀ ବଦଳାଇବାକୁ ନିଷ୍ପତ୍ତି ନେଇଛି ଦଳ । କୁହାଯାଉଛି କି ପଶ୍ଚିମ ଓଡ଼ିଶାରେ ଦଳର ସ୍ଥିତି ଆଦୌ ଭଲ ନାହିଁ । ଖାସ୍ କରି ସମ୍ବଲପୁରରେ । କାରଣ ବିଧାନସଭା ନିର୍ବାଚନମଣ୍ଡଳିରେ ବିଜେଡି କୌଣସି ଆଖି ଦୃଶିଆ ବିକାଶ କରିନି । ତେଣୁ କେଉଁ ମୁହଁରେ ଭୋଟ ମାଗିବେ ନେତା ତାହାକୁ ନେଇ ଚିନ୍ତାରେ ଦଳ । ହେଲେ ନିର୍ବାଚନ ତାରିଖ ଘୋଷଣା ହେବା ପରେ ବିଜେଡି ସମ୍ବଲପୁରରେ ପ୍ରସନ୍ନଙ୍କୁ ପ୍ରାର୍ଥୀ କରିଥିଲା । କାରଣ ରୋହିତଙ୍କୁ ଏହି ଆସନରୁ ରାସେଶ୍ଵରୀ ପାଣିଗ୍ରାହୀ ଜୋରଦାର ବିରୋଧ କରୁଥିଲେ । ତେଣୁ ରୋହିତଙ୍କର ହାରିବା ଭୟ ଥିଲା । ତେଣୁ ସାଙ୍ଗଠନିକ ସମ୍ପାଦକ ବବିଙ୍କୁ ଧରି ରୋହିତ ନେଇଥିଲେ ରେଢାଖୋଲର ଟିକଟ । ହେଲେ ବରିଷ୍ଠ ଓ ଅଭିଜ୍ଞତା ଦୃଷ୍ଟିରୁ ନିର୍ବାଚନରେ ଜନମତ କେଉଁଠି ମିଳିବନି ସେକଥାକୁ ଭଲରେ ଠଉରାଇ ପାରିଥିଲେ ପ୍ରସନ୍ନ । ତେଣୁ ସମ୍ବଲପୁରରୁ ନିର୍ବାଚନ ଲଢିବେନି ବୋଲି କହିଥିଲେ ।
ପ୍ରସନ୍ନଙ୍କୁ ନାଖୁସ କରିନାହାନ୍ତି ନବୀନ । ବରଂ ତାଙ୍କ ଇଚ୍ଛା ମୁତାବକ ଦଳ ତାଙ୍କୁ ଟିକଟ ଦେଇଛି । ହେଲେ ପୂର୍ବରୁ ରେଢାଖୋଲରେ ପ୍ରାର୍ଥୀ ହୋଇଥିବା ରୋହିତ ସ୍ଥାନୀୟ ଅଂଚଳରେ ପ୍ରଚାର ବି କରିଥିଲେ । ତେଣୁ ଏବେ ପୁଣି ଥରେ ପ୍ରସନ୍ନ ମଇଦାନକୁ ଓହ୍ଲାଉଥିବାରୁ ଜନମତ ସେତେଟା ଆସିନପାରେ ବୋଲି ରାଜନୈତିକ ଖଟିରେ ଚର୍ଚ୍ଚା ଜୋର ଧରିଛି । ତେବେ ପ୍ରସନ୍ନ ରେଢାଖୋଲ ଯିବା ପରେ ତାଙ୍କର ଏବେ ଗୋଟିଏ ଲକ୍ଷ କେମିତି ବବି ଓ ରୋହିତ ପାଇବେ ପାନେ, କେମିତି ସମ୍ବଲପୁରରୁ ହାରିବେ ଏଇ ଦୁଇ ନେତା ? କିଛି ଏମିତି ଚର୍ଚ୍ଚା ସୋସିଆଲ ମିଡିଆରେ ଜୋର ଧରିଛି । ତେବେ ଘଟଣା ପୂରା କଣ ଥିଲା ? କେତେ ସତ, କେତେ ମିଛ ? ସେନେଇ କୌଣସି ସ୍ପଷ୍ଟ ସୂଚନା ଆମର ହସ୍ତଗତ ହୋଇନାହିଁ ।
