ଡାକ୍ତରଙ୍କ କହିବା ଅନୁସାରେ ଯୁବପିଢ଼ିଙ୍କ ଲାଇଫ ଷ୍ଟାଇଲ ହିଁ ସେମାନଙ୍କ ପାଇଁ ଘାତକ । ସାଧାରଣତଃ ଗୋଡ ବିନ୍ଧିଲେ କି ମୁଣ୍ଡ ବିନ୍ଧିଲେ କି ଦାନ୍ତ ବିନ୍ଧିଲେ ଆମ ଡାକ୍ତରଙ୍କ ପରାମର୍ଶ ନ କରି ଦୋକାନରୁ କିଣି ମେଡିସିନ ଖାଇଥାଉ। ଏମିତି କରିବା ଦ୍ବାରା ଏହାର କୁପ୍ରଭାବ ଆମ କିଡନୀ ଉପରେ ପଡିଥାଏ। ପ୍ରାଥମିକ ସ୍ତରରେ ଏହା ଜଣା ପଡେ ନାହିଁ । ଆଉ ଜାଣିଲା ବେଳକୁ ଆମ କିଡନୀ ନଷ୍ଟ ହୋଇଥାଏ । ଏମିତିକି ଅନେକ ରୋଗୀଙ୍କୁ କିଡନୀ ପ୍ରତିରୋପଣ ବି କରିବାକୁ ପଡେ । ତେବେ ଯଦି ଆପଣଙ୍କୁ ଭୋକ ନ ଲାଗୁଛି, ପାଦ ଫୁଲୁଛି, ହାଲିଆ ଲାଗୁଛି , ରାତିରେ ବାରମ୍ବାର ପରିଶ୍ରା ଲାଗୁଛି ଏହାକୁ ହାଲୁକା ଭାବରେ ନିଅନ୍ତୁ ନାହିଁ । ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ ।
ବଦଳୁଛି ସମୟ । ତା ସହ ବଦଳୁଛି ଲୋକଙ୍କ ଅଭ୍ୟାସ । ଲୋକଙ୍କ ପାଖରେ ସମୟ କମ ଥିବାରୁ ସେମାନେ କମ ସମୟରେ କାମ ସାରିବା ଉଦ୍ଦେଶ୍ୟରେ ମୃତ୍ୟକୁ ଡାକୁଛନ୍ତି । ନିଜର ଲାଇଫ ଷ୍ଟାଇଲ ଉପରେ ଜମା ବି ଧ୍ୟାନ ଦେଉନାହାନ୍ତି । ଯଦି ନିଜର ଶରୀର ପ୍ରତି ଆପଣ ଧ୍ୟାନ ଦେଉନାହାନ୍ତି ତେବେ ଆପଣ ରୋଗକୁ ଆମନ୍ତ୍ରଣ କରିଛନ୍ତି ।
ଅଧିକ ପଢ଼ନ୍ତୁ ଜୀବନଶୈଳୀ ଖବର
