The body of a minor was found from a closed house in Sriramnagar Basti of Mancheswar police station

ମଞ୍ଚେଶ୍ବର ଥାନା ଶ୍ରୀରାମନଗର ବସ୍ତିରେ ବନ୍ଦ ଘରୁ ମିଳିଲା ନାବାଳିକାର ମୃତଦେହ

by Smruti Parija

The body of a minor was found from a closed house in Sriramnagar Basti of Mancheswar police station

ଭୁବନେଶ୍ୱର: ବନ୍ଦ ଘରୁ ନାବାଳିକାଙ୍କ ମୃତଦେହ ଉଦ୍ଧାର । ମଞ୍ଚେଶ୍ୱର ଥାନା ଶ୍ରୀରାମ ନଗର ବସ୍ତିରେ ଅଭାବନୀୟ ଘଟଣା । ବନ୍ଦ ଘରୁ ନାବାଳିକା ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ଘର ବାହାରୁ ତାଲା ପଡିଥିଲା । ମୃତକ ଜଣକ ଉତ୍ତରପ୍ରଦେଶର ହୋଇଥିବା ସୂଚନା ରହିଛି । ବସ୍ତିରେ ଜଣେ ମହିଳାଙ୍କ ଘରେ ରହୁଥିଲେ । ନାବାଳିକା ଜଣଙ୍କ ଆତ୍ମହତ୍ୟା କରିଥିବା ନେଇ ଉକ୍ତ ମହିଳା ଜଣଙ୍କ ଅଭିଯୋଗ କରିଛନ୍ତି ।

ସେ ଚକେଇସିଆଣି ଅଞ୍ଚଳରେ ରହି ମୃତ ନାବାଳିକା ଜଣକ କାମ କରୁଥିବା ଜଣାପଡିଛି । ତେବେ ଏହା ହତ୍ୟା ନା ଆତ୍ମହତ୍ୟା ତାହା ଖୋଳତାଡ କରୁଛି ପୋଲିସ ।

ଆହୁରି ପଢନ୍ତୁ ଓଡିଶା ଖବର...

ମୁମ୍ବାଇରୁ ଲଣ୍ଡନ ଅଭିମୁଖେ ଯାଉଥିବା ଏୟାର ଇଣ୍ଡିଆ ବିମାନକୁ ବୋମା ଧମକ

by Ritu Das

ଅର୍ଗସ ବ୍ୟୁରୋ: ପୁଣି ଗୋଟିଏ ବିମାନକୁ ବୋମା ଧମକ। ମୁମ୍ବାଇରୁ ଲଣ୍ଡନ ଅଭିମୁଖେ ଯାଉଥିବା ଏୟାର ଇଣ୍ଡିଆ ବିମାନକୁ ବୋମା ଧମକ ମିଳିବା ପରେ ଏହାକୁ ଜରୁରୀ ଅବତରଣ କରାଯାଇଛି। ତେବେ ଗୁରୁବାର 9ଟି ବିମାନକୁ ବମ ଥ୍ରେଟ୍ ଭରା କଲ୍ ଆସିସାରିଲାଣି। ଯାହାକୁ ନେଇ ଚିନ୍ତା ବଢିଛି। ଗଲା ସପ୍ତାହେ ଭିତରେ ଏ ପର୍ଯ୍ୟନ୍ତ 20ରୁ ଅଧିକ ବିମାନକୁ ଏହି ଧମକପୂର୍ଣ୍ଣ କଲ୍ ଆସିବା ପରେ ଏହାକୁ ନେଇ ତଦନ୍ତ ଜୋରଦାର କରିଛନ୍ତି ଭାରତ ସରକାର। ବିଭିନ୍ନ ତଦନ୍ତକାରୀ ସଂସ୍ଥା ସମେତ ସାଇବର୍ କ୍ରାଇମ କୋର୍ଡିନେସନ ସେଣ୍ଟର ସହାୟତାରେ ତଦନ୍ତ ଆଗକୁ ବଢୁଛି। ତେବେ ଏହି ମାମଲାରେ ମୁମ୍ବାଇରୁ ଜେଣେ ନାବାଳକକୁ ହେପାଜତକୁ ନେଇଛି ପୋଲିସ। ବକେୟା ଟଙ୍କାକୁ ନେଇ ନାବାଳକ ଓ ତା’ର ଜଣେ ସାଙ୍ଗ ମଧ୍ୟରେ ଝଗଡ଼ାକୁ ନେଇ ଏହି ଧମକ ଦିଆଯାଇଥିବା ପୁଲିସ କହିଛି।

ନାବାଳକ ‘ଏକ୍ସ’ରେ ତା’ର ସାଙ୍ଗ ନାମରେ ଏକ ଆକାଉଣ୍ଟ ଖୋଲି ସେଥିରୁ ୪ଟି ବିମାନରେ ବୋମାଥିବା ନେଇ ମିଛ ଧମକ ଦେଇଥିଲା। ସେ ସାଙ୍ଗକୁ ଫସାଇବା ପାଇଁ ଏଭଳି ଯୋଜନା କରିଥିବା ଜେରାବେଳେ ସ୍ବୀକାର କରିଛି। ଛତିଶଗଡର ରାଜନନ୍ଦଗାଓଁର ପାଠ ଛାଡ଼ିଥିବା ଏହି ୧୭ ବର୍ଷୀୟ ବାଳକ ଏବଂ ତାଙ୍କ ବାପାଙ୍କୁ ମଙ୍ଗଳବାର ମୁମ୍ବାଇ ପୁଲିସ ସମନ କରିଥିଲା। ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ନାବାଳକକୁ ରିମାଣ୍ଡ ହୋମ୍‌କୁ ନିଆଯାଇଥିବା ବେଳେ ତାଙ୍କ ବାପାଙ୍କୁ ପଚରାଉଚରା ଜାରି ରହିଛି।

ନାବାଳକ ଜଣକ ଯେଉଁ ୪ଟି ବିମାନକୁ ଧମକ ଦେଇଥିଲା, ସେଥିମଧ୍ୟରୁ ୩ଟି ଅନ୍ତର୍ଜାତୀୟ ଉଡ଼ାଣ ଭରୁଥିଲେ। ଅନ୍ୟପଟେ ପ୍ରାରମ୍ଭିକ ତଦନ୍ତ ରିପୋର୍ଟରେ କୁହାଯାଇଛି ଯେ ଏହି ଧମକ ତିନୋଟି ଭିନ୍ନ ହ୍ୟାଣ୍ଡେଲରୁ ପୋଷ୍ଟ କରାଯାଇଥିଲା। ଏହି ତିନୋଟି ହ୍ୟାଣ୍ଡେଲ ମଧ୍ୟରୁ, ସେମାନେ ଦୁଇଟି IP ଠିକଣା ଖୋଜିଛନ୍ତି । ଏଗୁଡ଼ିକ ହେଉଛି ଦୁଇଟି ସାଧାରଣ ଆଇପି, ଗୋଟିଏ ଲଣ୍ଡନରୁ ଏବଂ ଅନ୍ୟଟି ଜର୍ମାନୀରୁ। ଭିପିଏନ ବା ଭର୍ଚୁଆଲ ପ୍ରାଇଭେଟ୍ ନେଟୱର୍କ ବ୍ୟବହାର କରି ଦୁର୍ବୃତ୍ତ ଏଭଳି କାଣ୍ଡ ଭିଆଉଥିବା ଜାଣିବାକୁ ମିଳିଛି।

ଅଧିକ ପଢ଼ନ୍ତୁ ଭାରତ ଖବର

ଓଡ଼ିଶା ପ୍ରଦେଶ କଂଗ୍ରେସ ସଭାପତି ଚୟନ ପାଇଁ ଏଆଇସିସି ପ୍ରକ୍ରିୟା ଆରମ୍ଭ

by Ritu Das

ଅର୍ଗସ ବ୍ୟୁରୋ: ଓଡି଼ଶା ପ୍ରଦେଶ କଂଗ୍ରେସ ସଭାପତି ଚୟନ ପାଇଁ ଏଆଇସିସି ପ୍ରକ୍ରିୟା ଆରମ୍ଭ କରିଛି । ଛତିଶଗଡ଼ କଂଗ୍ରେସ ବିଧାୟକ ଦଳ ନେତା ଚରଣ ଦାସ ମହନ୍ତଙ୍କୁ ଓଡ଼ିଶା ପିସିସିର ସାଙ୍ଗଠନିକ କାର୍ଯ୍ୟ ଓ ନେତୃତ୍ବ ସମ୍ପର୍କରେ ଏକ ବିସ୍ତୃତ ରିପୋର୍ଟ ପ୍ରଦାନ କରିବା ପାଇଁ କୁହାଯାଇଛି। ମିନାକ୍ଷୀ ନଟରାଜନଙ୍କ ସହ ସମନ୍ବୟ ରକ୍ଷା କରି ତୁରନ୍ତ ଓଡି଼ଶା ଗସ୍ତ କରିବା ପାଇଁ ନିର୍ଦ୍ଦେଶ ଦିଆଯାଇଛି।

ଏଆଇସିସି ସାଧାରଣ ସଂପାଦକ କେ.ସି ବେଣୁଗୋପାଳ ଏ ସମ୍ପର୍କରେ ଚରଣ ଦାସ ମହାନ୍ତଙ୍କୁ ପତ୍ର ଜରିଆରେ ସୂଚନା ଦେଇଛନ୍ତି । ଚଳିତ ବର୍ଷ ଅନୁଷ୍ଠିତ ସାଧାରଣ ନିର୍ବାଚନରେ କଂଗ୍ରେସର ଦୁର୍ବଳ ପ୍ରଦର୍ଶନ ପରେ ଜୁଲାଇ 21 ତାରିଖଠାରୁ ଓଡି଼ଶା ପ୍ରଦେଶ କଂଗ୍ରେସକୁ ଭାଙ୍ଗି ଦିଆଯାଇଛି । ଏହା ବଦଳରେ ଏକ ଷ୍ଟିୟରିଂ କମିଟି ଗଠନ କରାଯାଇଛି।

ଅଧିକ ପଢ଼ନ୍ତୁ ରାଜନୀତି ଖବର

ରାଜଧାନୀରେ କୋଷ୍ଟଗାର୍ଡ DIG ଓ ତାଙ୍କ ପତ୍ନୀଙ୍କୁ ଦୁର୍ବ୍ୟବହାର ଅଭିଯାଗ

by Ritu Das

ଅର୍ଗସ ବ୍ୟୁରୋ: ନୟାପଲ୍ଲୀ ଥାନା ଅଞ୍ଚଳରେ କୋଷ୍ଟଗାର୍ଡ ଡିଆଇଜି ଏବଂ ତାଙ୍କ ପତ୍ନୀଙ୍କୁ ୨ଜଣ ମଦ୍ୟପ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି। ସପିଂ ସାରି ଫେରୁଥିବା ବେଳେ କୋଷ୍ଟଗାର୍ଡ ଡିଆଇଜି ଏସ‌୍‌ଆର୍‌ ଦାଶ ଓ ତାଙ୍କ ପତ୍ନୀଙ୍କୁ କଳିଙ୍ଗ ଷ୍ଟାଡିୟମ ନିକଟ ରାସ୍ତାରେ ଅଟକାଇ ଦୁର୍ବ୍ୟବହାର କରିବା ସହ ପତ୍ନୀଙ୍କୁ ଆକ୍ରମଣ ପାଇଁ ଉଦ୍ୟମ କରିଥିଲେ। ଏହାକୁ ବିରୋଧ କରିବାକୁ ଯାଇ ଡିଆଇଜି ଓ ‌ଦୁଇ ରୋଡ୍‌ ରୋମିଓ ହାତାହାତି ହୋଇଥିଲେ।

ଦୁର୍ବୃତ୍ତଙ୍କୁ ପୋଲିସ କାବୁ କରିଛି। କଳିଙ୍ଗ ଷ୍ଟାଡିୟମ ନିକଟରେ ୟୁ-ଟର୍ଣ୍ଣ ନେବା ସମୟରେ ସାଇଡ୍‌ ମରାକୁ କେନ୍ଦ୍ରକରି ଏହି ଘଟଣା ଘଟିଥିଲା। ବାଇକ୍‌ରେ ଯାଉଥିବା ଦୁଇ ରୋଡ୍‌ ‌ରୋମିଓ କାର୍‌ରେ ବସିଥିବା ଡିଆଇଜିଙ୍କ ପତ୍ନୀଙ୍କୁ ଦୁର୍ବ୍ୟବହାର କରିଥିଲେ। ଡିଆଇଜି ନୂଆପଲ୍ଲୀ ଥାନାରେ ଅଭି‌ଯୋଗ କରିଛନ୍ତି। ପୋଲିସ ଦୁଇ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା ଜାରି ରଖିଛି।