The state government has failed to solve the problem of unemployment

୨୦୨୦ରେ ଉଭୟ ପରସ୍ପରଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ। ବର୍ତ୍ତମାନ ୪ ବର୍ଷର ଛାଡପତ୍ର ପରେ ବାଦଶାହ ପ୍ରଥମ ଥର ପାଇଁ ତାଙ୍କ ଛାଡପତ୍ର ବିଷୟରେ କହିଥିଲେ ଏବଂ କାହିଁକି ସେମାନଙ୍କ ସମ୍ପର୍କ ଭାଙ୍ଗିଗଲା ବୋଲି କହିଥିଲେ। ସେ ତାଙ୍କ ପୂର୍ବତନ ପତ୍ନୀ ଜସ୍ମିନ ମାସିହଙ୍କ ସହ ଥିବା ସମ୍ପର୍କକୁ ସୁଧାରିବାକୁ ଚେଷ୍ଟା କରିଥିଲେ, କିନ୍ତୁ ତାହା ହୋଇପାରିନଥିଲା। ବାଦଶାହ କହିଛନ୍ତି ଯେ, ତାଙ୍କର ପୁରୁଣା ସମ୍ପର୍କକୁ ନେଇ ସେ କୌଣସି ଅନୁତାପ କରନ୍ତି ନାହିଁ। ସେ କହିଥିଲେ ଏହି ସମ୍ପର୍କକୁ ବଞ୍ଚାଇବା ପାଇଁ ଆମେ ଦୁହେଁ ଚେଷ୍ଟା କରିଥିଲୁ। ଆମେ ଅଲଗା ହୋଇଗଲୁ କାରଣ ଏହି ସମ୍ପର୍କ ଆମ ପିଲାଙ୍କ ପାଇଁ ଠିକ୍‌ନଥିଲା। ପ୍ରେମ ଏବଂ ସମ୍ପର୍କ ବିଷୟରେ କଥାବାର୍ତ୍ତା କରୁଥିବାବେଳେ ବାଦଶାହ କରିଥିଲେ, ପ୍ରେମ ଏକ ସୁନ୍ଦର ଅନୁଭବ।

ତାଙ୍କ ଝିଅ ଜେସିଙ୍କ ବିଷୟରେ କଥାବାର୍ତ୍ତା କରୁଥିବାବେଳେ ବାଦଶାହ କହିଥିଲେ ଯେ ସେ ତାଙ୍କ ଝିଅକୁ ଭେଟିବାର ସୁଯୋଗ ପାଆନ୍ତି, କିନ୍ତୁ ତାଙ୍କ ଝିଅ ଲଣ୍ଡନରେ ରହୁଥିବାରୁ ସବୁବେଳେ ପ୍ରାୟତଃ ଯାଇପାରନ୍ତି ନାହିଁ। ଅନ୍ୟପଟେ ଗତ କିଛି ମାସ ହେବ ପୂର୍ବରୁ ତାଙ୍କ ନାମ ଅଭିନେତ୍ରୀ ମୃଣାଲ ଠାକୁରଙ୍କ ସହ ଜଡିତ ଥିଲା। କିଛି ସମୟ ପରେ ତାଙ୍କ ନାମ ପାକିସ୍ତାନୀ ଅଭିନେତ୍ରୀ ହାନିଆ ଆମିରଙ୍କ ସହ ମଧ୍ୟ ଜଡିତ ଥିଲା।

ଅଧିକ ପଢ଼ନ୍ତୁ ମନୋରଞ୍ଜନ ଖବର: 

ଆମେ ସମସ୍ତେ ଜାଣନ୍ତି, ୧୯୯୯ରେ କାର୍ଗିଲ ଯୁଦ୍ଧରେ ପାକିସ୍ତାନୀ ସେନାର ଅନେକ ଯବାନ ମରିଥିଲେ ବି କେବେ ମାନିନଥିଲା । ହେଲେ ଏବେ ନିଜର ସମ୍ପୃକ୍ତିକୁ ପ୍ରଥମଥର ପାଇଁ ସର୍ବସାଧାରଣରେ ସ୍ୱୀକାର କରିଛି । ରାୱଲପିଣ୍ଡିରେ ଦେଶର ପ୍ରତିରକ୍ଷା ଦିବସ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ପାକିସ୍ତାନ ସେନା ମୁଖ୍ୟ ଜେନେରାଲ ଅସୀମ ମୁନିର କହିଛନ୍ତି ଯେ ୧୯୬୫, ୧୯୭୧ ଏବଂ କାର୍ଗିଲରେ ୧୯୯୯ରେ ହୋଇଥିବା ଯୁଦ୍ଧରେ ପାକ୍‌ ସେନାର ଅନେକ ଯବାନ ସହିଦ ହୋଇଥିଲେ । ୧୯୪୮, ୧୯୬୫, ୧୯୭୧ ହେଉ କିମ୍ବା ୧୯୯୯ କାର୍ଗିଲ ଯୁଦ୍ଧରେ ହଜାର ହଜାର ସୈନିକ ପାକିସ୍ତାନ ଓ ଇସଲାମ ପାଇଁ ପ୍ରାଣବଳି ଦେଇଛନ୍ତି ବୋଲି ସେନା ମୁଖ୍ୟଙ୍କ ବୟାନ ଏବେ ଚର୍ଚ୍ଚାରେ ରହିଛି ।

ଭାରତ ସହ ଯେବେଯେବେ ପାକିସ୍ତାନ ଯୁଦ୍ଧ କରିଛି ପ୍ରତିଥର ଧୂଳି ଚାଟିଛି । ଖାସ କରି କାର୍ଗିଲରେ ପାକିସ୍ତାନର ଅବସ୍ଥା ଯାହା ହୋଇଥିଲା ତାହା ପୁରା ବିଶ୍ଵ ଜାଣିଛି । ହେଲେ ବି ପାକ୍‌ କେବେ ବି ସ୍ଵୀକାର କରୁନଥିଲା । ଲଦାଖରେ ପାଖାପାଖି ୩ ମାସର ଲଢ଼େଇ ପରେ ଟାଇଗର ହିଲ୍ ସମେତ ଅନୁପ୍ରବେଶକାରୀଙ୍କ କବ୍‌ଜାରେ ଥିବା ଅନ୍ୟ ସ୍ଥାନଗୁଡ଼ିକୁ ଭାରତୀୟ ସୈନିକମାନେ ସଫଳତାର ସହ ନିଜ ନିୟନ୍ତ୍ରଣକୁ ନେଇଥିଲେ । କାର୍ଗିଲ ଯୁଦ୍ଧରେ ପାକିସ୍ତାନକୁ ଶୋଚନୀୟ ପରାଜୟର ସମ୍ମୁଖୀନ ହେବାକୁ ପଡ଼ିଥିଲା । ଆମେରିକାର ତତ୍କାଳୀନ ରାଷ୍ଟ୍ରପତି ବିଲ୍ କ୍ଲିଣ୍ଟନ୍ ମଧ୍ୟ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫଙ୍କୁ କାର୍ଗିଲ ସେକ୍ଟରରୁ ସେନା ପ୍ରତ୍ୟାହାର ପାଇଁ ନିର୍ଦ୍ଦେଶ ଦେବାକୁ କହିଥିଲେ ।  ପାକିସ୍ତାନୀ ଅନୁପ୍ରବେଶକାରୀଙ୍କ ସହ ଲଢ଼େଇ କରି ସମୁଦାୟ ୫୪୫ ଜଣ ଯବାନ ସହିଦ ହୋଇଥିଲେ । କାର୍ଗିଲରେ ନିହତ ହୋଇଥିବା ପାକ୍‌ ସୈନିକଙ୍କ ମୃତଦେହକୁ ଗ୍ରହଣ କରିବାକୁ ପାକିସ୍ତାନ ସେନା ମନା କରିଦେଇଥିଲା । ତେବେ ପାକିସ୍ତାନୀ ଅଧିକାରୀଙ୍କ ମୃତଦେହକୁ ପାକ୍‌ କର୍ତ୍ତୃପକ୍ଷ ଗୁପ୍ତରେ ଭାରତକୁ ମାଗିଥିଲେ ବୋଲି ଜଣାପଡିଛି । ମୋଟ୍‌ ଉପରେ ପାକିସ୍ତାନ ଏବେ ସତ ମାନିଥିବାରୁ ଚର୍ଚ୍ଚା ଜୋର ।

 

ପଶ୍ଚିମ ଓଡ଼ିଶାରେ ବେଶ୍ ଜାକଜମକରେ ପାଳନ ହୋଇଛି ନୂଆଁଖାଇ । ପ୍ରତି ଘର ପ୍ରତି ପରିବାରରେ ଉତ୍ସାହ, ଉଦ୍ଦୀପନା । ସମ୍ବଲପୁରର ଅଧିଷ୍ଠାତ୍ରୀ ଦେବୀ ସମଲେଶ୍ବରୀଙ୍କ ପୀଠରେ ନିର୍ଦ୍ଧାରିତ ସମୟ ମଧ୍ୟରେ ନୂଆ ଶସ୍ୟରେ ପ୍ରସ୍ତୁତ ନବାନ୍ନ ଲାଗି ହୋଇଥିଲା । ଏହାପରେ ପରିବାରର ସମସ୍ତେ ଏକାଠି ବସି ନୂଆ ଖାଇଛନ୍ତି । ମହାନ୍ ଗଣପର୍ବରେ ସାମିଲ୍ ହୋଇଥିଲେ ମୁଖ୍ୟମନ୍ତ୍ରୀଙ୍କ ସମେତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ମା ସମଲେଶ୍ବରୀଙ୍କ ଦର୍ଶନ ସହ ନବାନ୍ନ ଗ୍ରହଣ କରି ପଶ୍ଚିମ ଓଡ଼ିଶାବାସୀଙ୍କୁ ନୂଆଁଖାଇର ଜୁହାର ଜଣାଇଛନ୍ତି । ସୁରେଶ ପୂଜାରୀ, ରବି ନାୟକ ଓ ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର ମଧ୍ୟ ଉପସ୍ଥିତ ଥିଲେ ।  ବରଗଡ଼ର ପ୍ରାଚୀନ ତୀର୍ଥ କ୍ଷେତ୍ର ଶ୍ରୀ ଶ୍ରୀ ନୃସିଂହନାଥ ମନ୍ଦିର ମହାପ୍ରଭୁ ମାର୍ଯାର କେଶରୀଙ୍କ ଠାରେ ନବାନ୍ନ ଭୋଗ ଅର୍ପଣ କରାଯାଇଥିଲା ।

ଏହାପରେ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଭକ୍ତ ଏକାଠି ବସି କରିଥିଲେ ନବାନ୍ନ ଭକ୍ଷଣ ।  କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଳକ କୁଶୁର୍ଲା ଗାଁରେ ଆରାଧ୍ୟା ବାବା ନୀଳକଣ୍ଠେଶ୍ବର ମହାଦେବଙ୍କ ନବାନ୍ନ ଲାଗି ପରେ ସାମୂହିକ ଭାବେ ୭୦୦ରୁ ଅଧିକ ଲୋକ ଏକାଠି ନୁଆଁ ଖାଇଛନ୍ତି ।  ସେହିପରି ବୌଦ୍ଧ ଜିଲ୍ଲାରେ ବି ଆନନ୍ଦ ଉଲ୍ଲାସର ସହ ପାଳନ ହୋଇଛି ଗଣପର୍ବ । ଇଷ୍ଟ ଦେବୀଙ୍କୁ ନବାନ୍ନ ଲାଗି ପରେ ଅଞ୍ଚଳବାସୀ ନୂଆଁଖାଇ ପାଳନ କରିଛନ୍ତି ।  ବଲାଙ୍ଗୀରର ଇଷ୍ଟଦେବୀ ସମଲେଶ୍ବରୀ ଓ ପାଟଣେଶ୍ବରୀଠାରେ ନବାନ୍ନ ଲାଗି ପରେ ରାଜପରିବାର ପକ୍ଷରୁ ଏକାଠି ବସି ନୂଆଁ ଖାଇଛନ୍ତି ।

ନୁଆଁଖାଇ ପାଇଁ ଉତ୍ସବ ମୁଖର ନୂଆପଡା ଜିଲ୍ଲାର ସୀମାନ୍ତ ଖଡ଼ିଆଳ ନିର୍ବାଚନ ମଣ୍ଡଳୀ । ନିଜ ନିଜ ଇଷ୍ଟଦେବୀଙ୍କ ପାଖେ ନବାନ୍ନ ଲାଗି ପରେ ନୂଆଁ ଖାଇଛନ୍ତି ସମସ୍ତେ । ନୂଆଁଖାଇରେ ସୁବର୍ଣ୍ଣପୁରରୁ ଆସିଛି ନିଆରା ଦୃଶ୍ୟ । ପର୍ବ ଯୋଗୁଁ ଦୋକାନ ବଜାର ବନ୍ଦ ଥିବାବେଳେ ଡାକ୍ତରଖାନାରେ ରୋଗୀଙ୍କ ସମ୍ପର୍କୀୟଙ୍କୁ ମାଗଣା ରନ୍ଧାଖାଦ୍ୟ ବଣ୍ଟନ କରି ମାନବିକତାର ପରିଚୟ ଦେଇଛନ୍ତି ମାହେଶ୍ଵରୀ ସେନାର କର୍ମକର୍ତ୍ତା ।   କେବଳ ପଶ୍ଚିମ ଓଡ଼ିଶା ନୁହେଁ ପୂର୍ବ ଓଡ଼ିଶାରେ ବି ନୂଆଁଖାଇର ଝଲକ ଦେଖିବାକୁ ମିଳିଛି । ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକ ସଂପୁର ଗାଁରେ ନୂଆଁଖାଇରେ ନୂଆ ଚାଉଳ ନୂଆ ଚୁଡ଼ା, ଗୁଡ କଦଳୀ ଠାକୁରଙ୍କ ପାଖେ 9 ପ୍ରକାର ବ୍ୟଞ୍ଜନ ଲାଗି ପରେ ସମସ୍ତେ ଏକାଠି ବସି ନୂଆ ଖାଇଛନ୍ତି । ସ୍ନେହ ଓ ଭାଇଚାରାର ପ୍ରତୀକ ନୂଆଁଖାଇର ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। `ନୂଆଁଖାଇରେ ଓଡ଼ିଶାର ଭାଇ ଓ ଭଉଣୀଙ୍କୁ ହାର୍ଦ୍ଦିକ ଅଭିନନ୍ଦନ ଜଣାଇଛନ୍ତି ରାଷ୍ଟ୍ରପତି । ସେହିଭଳି ନୂଆଁଖାଇର ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  । 

ଅଧିକ ପଢନ୍ତୁ ଓଡ଼ିଶା ଖବର