ଅଡ଼ିଓ ଭାଇରାଲ୍ ଓ ଜିଲ୍ଲାପାଳଙ୍କ ନିକଟରେ ଅଭିଯୋଗ ପରେ ଶ୍ରମ ଅଧିକାରୀ ସୁଶାନ୍ତ ସାହୁ ମୋବାଇଲରେ ଧମକ ପୂର୍ଣ୍ଣ ମେସେଜ୍ ଦେଉଥିବା ଅଭିଯୋଗ କରିଛନ୍ତି ବଳରାମ। ଛୁଟିରେ ଥିବାରୁ ସୁଶାନ୍ତଙ୍କର ପ୍ରତିକ୍ରିୟା ମିଳିପାରିନାହିଁ । କିନ୍ତୁ ଏବେର ଶ୍ରମ ଅଧିକାରୀଙ୍କ ଅନୁସାରେ ଶ୍ରମିକ ମୃତ୍ୟୁ ପରେ ସେମାନଙ୍କ ଆବେଦନ ସମ୍ପର୍କିତ କାଗଜ ପତ୍ରର ଯାଞ୍ଚ ପ୍ରଥମେ କରନ୍ତି ୱେଲଫେୟାର କୋଡ଼ିନେଟର, ପରେ ଯାଏ ଶ୍ରମ ଅଧିକାରୀଙ୍କ ପାଖକୁ । ଏମିତିରେ ଶ୍ରମ ଅଧିକାରୀ ବି ୱେଲଫେୟାର କୋର୍ଡିନେଟର ସୁଶାନ୍ତଙ୍କ ଆଡ଼କୁ କରିଛନ୍ତି ଇସାରା। ତେବେ ସଂଘର ସଭାପତିଙ୍କ ଅନୁସାରେ ବହୁ ଅଧିକାରୀ କେଳେଙ୍କାରୀରେ ସମ୍ପୃକ୍ତ। ସମସ୍ତଙ୍କୁ କରାଯାଉ ତଦନ୍ତ ପରିସରଭୁକ୍ତ। ରାୟଗଡ଼ା ଶ୍ରମ ବିଭାଗରେ ହୋଇଥିବା ବଡ଼ କେଳେଙ୍କାରୀ ପ୍ରଥମେ ସାମ୍ନାକୁ ଆଣିଥିଲା ଅର୍ଗସ୍। ବିଜେଡି ସରକାର ମଲା ଲୋକଙ୍କୁ ବି ଛାଡ଼ିନଥିଲା। ଜିଲ୍ଲାର ବିଭିନ୍ନ ବ୍ଲକରେ ମୃତ ଶ୍ରମିକଙ୍କ ନାଁରେ ନକଲି ପ୍ରମାଣ ପତ୍ର କରାଯାଇ 40 କୋଟିରୁ ଅଧିକ ଟଙ୍କା ଚଳୁ ହୋଇଥିଲା। ମହାମାରୀ କାଳରେ ପୀଡ଼ିତ ପରିବାରର ସହାୟତା ରାଶିକୁ ଆତ୍ମସାତ୍ କରାଯାଇଥିଲା । ଅଭିଯୋଗ ପରେ ଗାଁ ଗାଁ ବୁଲି ତଦନ୍ତ କରିଥିଲା ରାଜ୍ୟ ଅତିରିକ୍ତ ଶ୍ରମ ଆୟୁକ୍ତ ଟିମ୍ । କେବଳ ଅଫିସର ନୁହେଁ ବିଜେଡି ନେତା ଓ ମନ୍ତ୍ରୀମାନଙ୍କ ସମ୍ପୃକ୍ତି ବିନା ସମ୍ଭବ ହୋଇନଥାନ୍ତା ଏତେ ବଡ଼ ଦୁର୍ନୀତି। ତଦନ୍ତ କଲେ ସାମ୍ନାକୁ ଆସିବ ପୂର୍ବତନ ଶ୍ରମମନ୍ତ୍ରୀ ସୁଶାନ୍ତ ସିଂ ଓ ସାରଦା ନାୟକଙ୍କ ସମ୍ପୃକ୍ତି। ପୁଣି ରାଜ୍ୟରେ T ବା ତାମିଲ ଅଫିସରଙ୍କ କଣ୍ଟ୍ରୋଲରେ ଥିଲା ସବୁକିଛି। ଏଣୁ ଏ ସବୁର ତଦନ୍ତ ହେବାକୁ ଉଠୁଛି ଦାବି।
ଅଧିକ ପଢନ୍ତୁ ଓଡିଶା ଖବର
They snatched more than 40 crore rupees from the poor workers
- Follow us |
|
|
|
ରାୟଗଡ଼ା : ରାୟଗଡ଼ା ଶ୍ରମ ବିଭାଗ କେଳେଙ୍କାରୀରେ ସମ୍ପୃକ୍ତ ତଳୁ ଉପର ବହୁ ଅଧିକାରୀ । ମିଳିମିଶି ହଡ଼ପ କଲେ ଗରିବ ଶ୍ରମିକଙ୍କର 40 କୋଟିରୁ ଅଧିକ ଟଙ୍କା । କେବଳ ଜଣଙ୍କୁ ନିଲମ୍ବନ କରି ଚୁପ୍ ବସିଛି ପ୍ରଶାସନ । ଏବେ ମନ୍ତ୍ରୀ ନେତାଙ୍କ ସମ୍ପୃକ୍ତି ଅଭିଯୋଗ । ସାମ୍ନାକୁ ଆସିଲା ସୋସିଆଲ କୋର୍ଡିନେଟରଙ୍କ ବିବାଦୀୟ ଅଡ଼ିଓ । କାହିଁକି ଚୁପ୍ ବସିଛନ୍ତି ରାୟଗଡ଼ା ଜିଲ୍ଲାପାଳ । ଏହି ଭାଇରାଲ୍ ଅଡିଓ ପୁଣି ଥରେ ଜୀବନ୍ତ କରିଦେଇଛି ରାୟଗଡ଼ାରେ ଶ୍ରମ କେଳେଙ୍କାରୀ। ଏହି ଅଡିଓ କଲରେ ଜିଲ୍ଲା ନିର୍ମାଣ ଶ୍ରମିକ ସଂଘର ଉପସଭାପତି ବଳରାମ କୌଶଲ୍ୟାଙ୍କ ସହ କଥା ହେଉଛନ୍ତି ଶ୍ରମ ବିଭାଗର ୱେଲଫେୟାର କୋଡ଼ିନେଟର ସୁଶାନ୍ତ ସାହୁ। ବଳରାମଙ୍କୁ ୩ ଲକ୍ଷ ୫୦ ହଜାର ଟଙ୍କା ମାଗୁଛନ୍ତି ସୁଶାନ୍ତ। କହୁଛନ୍ତି ଏ ମୋଟା ଅଙ୍କର ଲାଞ୍ଚ ଦିଆଯିବ RTI କର୍ମୀଙ୍କୁ, ଯେଉଁମାନେ ଶ୍ରମ ବିଭାଗ କେଳେଙ୍କାରୀ ସମ୍ପର୍କରେ ମାଗୁଛନ୍ତି ତଥ୍ୟ। ଏ ଅଡିଓକୁ ନେଇ ସୁଶାନ୍ତ ସାହୁଙ୍କ ବିରୋଧରେ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି ସାମାଜିକ କର୍ମୀ କିଶୋର ମହାନନ୍ଦିଆ।
ଅର୍ଗସ ବ୍ୟୁରୋ: ପ୍ୟାରିସ୍ ଅଲମ୍ପିକ୍ସ ଲାଗି ଭାରତୀୟ ଦୌଡ଼କୁଦ ମହାସଂଘ ୨୮ଜଣିଆ ଦଳ ଘୋଷଣା କରିଛି। ଏଥିରେ ୧୭ଜଣ ପୁରୁଷ ଓ ୧୧ଜଣ ମହିଳା ରହିଛନ୍ତି। ବିଶ୍ବକପ୍ ତଥା ଅଲିମ୍ପିକ୍ସ ବିଜେତା ଜାଭ୍ଲିନ ତାରକା ନୀରଜ ଚୋପ୍ରା ଏହି ଦଳର ନେତୃତ୍ବ ନେବେ। ଏଥର ଅଲମ୍ପିକ୍ସ ପ୍ୟାରିସ ଆୟୋଜନ କରୁଛି । ପ୍ୟାରିସ ଅଲିମ୍ପିକ୍ସ 26 ଜୁଲାଇରୁ ଆରମ୍ଭ ହେବ। ଏପଟେ ଅଲମ୍ପିକରେ ଭାଗ ନେବାକୁ ଓଡ଼ିଆ ପୁଅ କିଶୋର ଜେନାଙ୍କ ନାମ ଘୋଷଣା ହୋଇଛି। ପୁରୁଷ ଜାଭଲିନ୍ ଥ୍ରୋରେ ଭାଗ ନେବେ କିଶୋର ଜେନା। ଏହାକୁ ଦେଖିବା ପାଇଁ ଅପେକ୍ଷା କରି ରହିଛନ୍ତି ସବୁ ଖେଳପ୍ରେମୀ।
ଅଧିକ ପଢ଼ନ୍ତୁ ଖେଳ ଖବର:
ଅର୍ଗସ ବ୍ୟୁରୋ: ଆଜି ଠାରୁ ଆରମ୍ଭ ହେବ ଭାରତୀୟ ଟିମର ଜିମ୍ବାଓ୍ବେ ଟୁଅର୍। ଭିଭିଏସ ଲକ୍ଷ୍ମଣଙ୍କ ନେତୃତ୍ବରେ ଭାରତୀୟ କ୍ରିକେଟ ଦଳ ଜିମ୍ବାୱେ ଗସ୍ତରେ ଯାଇଛି। ଟି-୨୦ ବିଶ୍ବକପ୍ ପରେ ଭାରତୀୟ ଦଳ ଜିମ୍ବାୱେ ବିପକ୍ଷରେ ପାଞ୍ଚଟି ଟି-୨୦ ଅନ୍ତର୍ଜାତୀୟ ମ୍ୟାଚ ଖେଳିବ। ଅଧିକାଂଶ ବରିଷ୍ଠ ଖେଳାଳି ଏହି ଗସ୍ତରୁ ବାଦ୍ ପଡ଼ିଛନ୍ତି। ଯୁବ ଖେଳାଳିମାନଙ୍କୁ ଜିମ୍ବାୱେ ଯାତ୍ରା ପାଇଁ ଦଳରେ ସ୍ଥାନ ଦିଆଯାଇଛି।
ଶୁଭମନ ଗିଲଙ୍କୁ ଟିମ୍ ଇଣ୍ଡିଆର ଅଧିନାୟକ କରାଯାଇଛି। ଅଭିଷେକ ଶର୍ମା, ରିୟାନ ପରାଗ, ତୁଷାର ଦେଶପାଣ୍ଡେ ପ୍ରଥମ ଥର ପାଇଁ ଭାରତୀୟ ଦଳରେ ସ୍ଥାନ ପାଇଛନ୍ତି। ଜିମ୍ବାୱେରେ ପାଞ୍ଚ ମ୍ୟାଚ ବିଶିଷ୍ଟ ଆନ୍ତର୍ଜାତୀୟ ଟି-୨୦ ସିରିଜର ପ୍ରଥମ ମ୍ୟାଚ ଆଜି ଖେଳାଯିବ। ଭାରତୀୟ ସମୟ ଅପରାହ୍ନ ୪.୩୦ରେ ଆରମ୍ଭ ହେବ ମ୍ୟାଚ୍।
ଅଧିକ ପଢ଼ନ୍ତୁ ଖେଳ ଖବର:
ଅର୍ଗସ ବ୍ୟୁରୋ: ଆସନ୍ତା 22 ତାରିଖରେ ଆରମ୍ଭ ହେବ ସପ୍ତଦଶ ବିଧାନସଭାର ପ୍ରଥମ ଅଧିବେଶନ। ଅଧିବେଶନର ପ୍ରଥମ ଦିନରେ ରାଜ୍ୟପାଳଙ୍କ ଅଭିଭାଷଣ ସହ ଧନ୍ୟବାଦ ପ୍ରସ୍ତାବ। 23 ତାରିଖରେ ରହିଛି ଉପ ବାଚସ୍ପତି ନିର୍ବାଚନ ସଂପର୍କିତ ଘୋଷଣା ଏବଂ 24 ତାରିଖରେ ରହିଛି ବିଧାନସଭା ଉପ ବାଚସ୍ପତିଙ୍କ ନିର୍ବାଚନ। ସେହିପରି 25 ତାରିଖରେ 2024-25 ମସିହା ପାଇଁ ହେବ ବଜେଟ ଉପସ୍ଥାପନ। 29 ଓ 30 ଦୁଇ ଦିନ ବଜେଟ ଉପରେ ହେବ ସାଧାରଣ ଆଲୋଚନା। ସେପ୍ଟେମ୍ବର 13 ପର୍ଯ୍ୟନ୍ତ ବିଧାନସଭା ଅଧିବେଶନ ଚାଲିବା ନେଇ ସୂଚନା।
ଅଧିକ ପଢ଼ନ୍ତୁ ଓଡିଶା ଖବର:
