ସେହିପରି ସମ୍ବଲପୁର ଜିଲ୍ଲାରେ ସ୍ବାସ୍ଥ୍ୟସେବାକୁ ମଜବୁତ୍ କରିବା ପାଇଁ ବିଜେପି ସରକାର ପ୍ରତିବଦ୍ଧ । ସେହି ଶୃଙ୍ଖଳାରେ ସମ୍ବଲପୁର ଜିଲ୍ଲା ଯୁଯୁମୁରା ବ୍ଲକ ପଡ଼ିଆ ବାହାଲ ଠାରେ ପ୍ରାୟ ୨ କୋଟି ଟଙ୍କା ବ୍ୟୟରେ ନିର୍ମିତ ହୋଇଥିବା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରର ନୂତନ ଭବନ ଏକ ବଡ଼ ଉପଲବ୍ଧି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପଡ଼ିଆବାହାଲଠାରେ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର "ଆୟୁଷ୍ମାନ ଆରୋଗ୍ୟ ମନ୍ଦିର"କୁ ଉଦଘାଟନ କରି କେନ୍ଦ୍ରମନ୍ତ୍ରୀ କହିଛନ୍ତି, ଗରିବ ଓ ବଞ୍ଚିତ ଲୋକଙ୍କ ସ୍ବାସ୍ଥ୍ୟସେବା କେମିତି ସୁବିଧାଜନକ କରାଯିବ, ସେଥିପାଇଁ ଆମ ସରକାର ଦାୟିତ୍ବ ନେଇଛନ୍ତି । ଗ୍ରାମାଞ୍ଚଳରେ ଆଶା ଦିଦିଙ୍କ ଭୂମିକାକୁ ପ୍ରଶଂସା କରିଥିଲେ କେନ୍ଦ୍ରମନ୍ତ୍ରୀ । ଏହି କାର୍ଯ୍ୟକ୍ରମରେ ରାଜ୍ୟ ଗ୍ରାମୀଣ ବିକାଶ, ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀ ରବି ନାଏକ ଉପସ୍ଥିତ ଥିଲେ ।
ସମ୍ବଲପୁରରେ ଆୟୋଜିତ ବିଜେପି ମିଶ୍ରଣ ପର୍ବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ମନ୍ତ୍ରୀ ରବି ନାଏକଙ୍କ ଉପସ୍ଥିତିରେ ରେଢାଖୋଲ ନିର୍ଵାଚନ ମଣ୍ଡଳୀର ଗୋଟେ ଡର୍ଜନ ସରପଞ୍ଚ ବିଜେପିରେ ସାମିଲ ହୋଇଥିଲେ । ଜନସେବାକୁ ପ୍ରାଥମିକତାରେ ରଖି କାମ କରିବାକୁ ଆହ୍ବାନ ଦେଇଥିଲେ କେନ୍ଦ୍ରମନ୍ତ୍ରୀ ।
ପରେ ମଣ୍ଡଳିଆଠାରେ ଛଟ୍ ପୁଜାରେ ଶ୍ରଦ୍ଧାଳୁଙ୍କ ସହ ସାମିଲ୍ ହୋଇଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସକାଳେ ସପତ୍ମୀଙ୍କ ସହ ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା' ସମଲେଶ୍ବରୀଙ୍କ ଦର୍ଶନ ସହ ମାଙ୍କ ଦୀପଘରକୁ ନେଇ ଚନ୍ତା ପ୍ରକଟ କରିଥିଲେ ଧର୍ମେନ୍ଦ୍ର ପ୍ରଧାନ ।
Union Minister Dharmendra Pradhan's vision for Sambalpur
- Follow us |
|
|
|
- ସମ୍ବଲପୁରକୁ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଭିଜନ୍
- ଦେଶର ସବୁଠୁ ଅଗ୍ରଣୀ ସହର ହେବ ସମ୍ବଲପୁର
- ଦୂର ହେବ ପିଇବା ପାଣି ସମସ୍ୟା
- ରାସ୍ତା, ଡ୍ରେନେଜ୍, ସ୍ବରେଜ୍କୁ କରାଯିବ ସୁବ୍ୟବସ୍ଥିତ
- ସ୍ବାସ୍ଥ୍ୟସେବା ମଜବୁତ୍ କରିବା ପାଇଁ ରାଜ୍ୟ ସରକାର ପ୍ରତିବଦ୍ଧ
- ସମ୍ବଲପୁର ଓ ହୀରାକୁଦ ରେଳଷ୍ଟେସନର ହେବ ଉନ୍ନତିକରଣ
ଅର୍ଗସ ବ୍ୟୁରୋ : ରାଜ୍ୟ ସରକାରଙ୍କ ଫୋକସରେ ସମ୍ବଲପୁର ସହର। ସମ୍ବଲପୁରକୁ ଅତ୍ୟାଧୁନିକ ସହର ଭାବେ ଗଢି ତୋଳିବା ପାଇଁ ଲକ୍ଷ୍ୟ । ୨୦୫୦ ସୁଦ୍ଧା ସମ୍ବଲପୁରରେ ବଢୁଥିବା ଜନସଂଖ୍ୟାକୁ ଦୃଷ୍ଟିରେ ରଖି ୨୦୦ ନିୟୁତ ଲିଟର କ୍ଷମତା ବିଶିଷ୍ଟ ୱାଟର ପ୍ଲାଣ୍ଟ୍ କରିବା ପାଇଁ ପ୍ରସ୍ତୁତି ଆରମ୍ଭ ହୋଇଛି । ପ୍ରାରମ୍ଭିକ DPR କାମ `ୱାଟକୋ ଓଡ଼ିଶା' କମ୍ପାନୀକୁ ଦାୟିତ୍ବ ଦିଆଯାଇଛି । ରାଜ୍ୟ ଗ୍ରାମୀଣ ବିକାଶ, ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀ ଏବଂ ବିଭାଗୀୟ ସଚିବଙ୍କ ସହ ଆଲୋଚନା ସରିଛି । ଏହା ବ୍ୟତୀତ ସହରରେ ଡ୍ରେନେଜ, ସ୍ବେରେଜ, ରାସ୍ତା ସମ୍ପ୍ରସାରଣ, ଷ୍ଟ୍ରିଟ୍ ଲାଇଟ୍ ଓ ସ୍ବଚ୍ଛତା ସମସ୍ୟାର ସମାଧାନ ପାଇଁ ନୂଆ ପରିକଳ୍ପନା କରାଯାଇଛି । ସମ୍ବଲପୁରରେ ଏକ ରିଙ୍ଗ ରୋଡ୍ କରାଯିବାର ଯୋଜନା ହୋଇଛି । ଏଥିସହ ସମ୍ବଲପୁର ଓ ହୀରାକୁଦ ରେଳଷ୍ଟେସନ ସହ ସମ୍ବଲପୁର ସିଟି ଷ୍ଟେସନର ଉନ୍ନତିକରଣ ପାଇଁ କାମ ଆରମ୍ଭ ହୋଇଛି । ସମ୍ବଲପୁରକୁ ଦେଶର ସବୁଠୁ ଭଲ ସହର କରାଯିବା ନେଇ କ୍ଷେତରାଜପୁର ବନ୍ଧୁମିଳନ କାର୍ଯ୍ୟକ୍ରମରେ ଯୋଗ ଦେଇ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଅର୍ଗସ ବ୍ୟୁରୋ: ପୁଣି ଥରେ ଆମେରିକାର ରାଷ୍ଟ୍ରପତି ହେଲେ ଡୋନାଲ୍ଡ ଟ୍ରମ୍ପ । ଦେଶର ୪୭ ତମ ରାଷ୍ଟ୍ରପତି ହେବା ପରେ ସେ ଆମେରିକାର ସବୁଠାରୁ ଧନୀ ରାଜନେତାଙ୍କ ମଧ୍ୟରେ ଗଣତି ହୋଇଥାଏ । ୪ ବର୍ଷ ପରେ ଡୋନାଲ୍ଡ ଟ୍ରମ୍ପ ହ୍ବାଇଟ ହାଉସକୁ ଫେରିବାକୁ ଯାଉଛନ୍ତି। ସେ ୨୦୨୪ ଆମେରିକାର ରାଷ୍ଟ୍ରପତି ନିର୍ବାଚନରେ ସଂଖ୍ୟାଗରିଷ୍ଠତା ହାସଲ କରିଛନ୍ତି। ତେବେ ଆପଣ ଜାଣନ୍ତି କି ଟ୍ରମ୍ପଙ୍କର କେତେ ସମ୍ପତ୍ତି ରହିଛି।
ଟ୍ରମ୍ପଙ୍କ ମୋଟ ସମ୍ପତ୍ତି ବିଷୟରେ ଯଦି ଚର୍ଚ୍ଚା କରାଯାଏ, ତେବେ ତାଙ୍କ ସମ୍ପତ୍ତିକୁ ନେଇ କୌଣସି ସ୍ପଷ୍ଟ ତଥ୍ୟ ନାହିଁ । କୁହାଯାଏ ସେ ୬.୬ ଅରବ ରୁ ୭.୭ ଅରବ ଡଲାରର ମାଲିକ । ଫୋବର୍ସ ବିଲିୟନର୍ସ ତଥ୍ୟ ମୁତାବକ ଟ୍ରମ୍ପ ୬.୬ ଅରବ ଡଲାର ବା ୫୫,୫୮୦ କୋଟିରୁ ଅଧିକ ସମ୍ପତ୍ତିର ମାଲିକ କୁହାଯାଇଥିବା ବେଳେ ବ୍ଲୁମବର୍ଗ ଇଣ୍ଡେକ୍ସର ୨୦୨୪ ନଭେମ୍ବର ରିପୋର୍ଟ କହୁଛି କି, ତାଙ୍କ ପାଖରେ ରହିଛି ୭.୭ ଅରବ ଡଲାର ବା ୬୪,୮୫୫ କୋଟି ଟଙ୍କା ।
ତେବେ ୨୦୧୬ ନିର୍ବାଚନ କାଳରେ ଟ୍ରମ୍ପ ସତ୍ୟପାଠରେ କହିଥିଲେ କି, ସେ ୪.୫ ଅରବ ଡଲାରରୁ ଅଧିକର ମାଲିକ । ସେତେବେଳେ ସେ ରାଷ୍ଟ୍ରପତି ହେବା ପରେ ତାଙ୍କ ସମ୍ପତ୍ତି ଅନେକ ହ୍ରାସ ପାଇଥିଲା । ୨୦୨୦ ଫୋବର୍ସ ରିପୋର୍ଟରେ ସେ ୨.୧ ଅରବ ଡଲାରକୁ ଖସିଯାଇଥିବା ଦର୍ଶା ଯାଇଥିଲା । କାର୍ଯ୍ୟକାଳ ସରିବା ପରେ ପୁଣି ସମ୍ପତ୍ତି ବଢିଥିଲା ଓ ୨୦୨୨ରେ ଏହା ୩ ଅରବରୁ ବୃଦ୍ଧି ପାଇ ୨୦୨୪ରେ ୭ ଅରବ ଡଲାର ହୋଇଛି ।
ଟ୍ରମ୍ପଙ୍କ ସମ୍ପତ୍ତିର ସିଂହଭାଗ ତାଙ୍କ ସୋସିଆଲ ମିଡିଆ କମ୍ପାନୀ ଟ୍ରମ୍ପ ମିଡିଆ ଆଣ୍ଡ ଟେକ୍ନୋଲୋଜି ଗ୍ରୁପର ରହିଛି, ଏହା ୫.୬ ଅରବ ଡଲାର । ୨୦୨୪ରେ ଟ୍ରମ୍ପଙ୍କ ନିକଟରେ ଟ୍ରମ୍ପ ମିଡିଆ ଆଣ୍ଡ ଟେକ୍ନୋଲୋଜିର ୧୧ଦ୪,୭୫ ମିଲିୟନ ସେୟାର ଓ ୩୬ ମିଲିୟନ ଅର୍ନଆଉଟ ସେୟାର ଥିଲା । ତାଙ୍କର ଫ୍ଲୋରିଡାରେ ଏକ କୋଟି ଡଲାରର ପାମ ବିଚ କୂଳରେ ଆକର୍ଷଣୀୟ ବଙ୍ଗଳା ରହିଛି । ଏହା ୨୦ ଏକର ଜାଗା ଉପରେ ରହିଛି । ଏଥିରେ ୫୮ ବେଡରୁମ, ୧୨ ଫାୟରପ୍ଲେସ, ଗୋଟିଏ ସ୍ପା, ସ୍ୱିମିଂପୁଲ, ଟେନିସ କୋର୍ଟ, ଗଲ୍ଫ କୋର୍ସ ମଧ୍ୟ ରହିଛି ।ଟ୍ରମ୍ପଙ୍କର ବିଶ୍ୱବ୍ୟାପୀ ବ୍ୟବସାୟ ରହିଛି । ମିଡିଆରୁ ଆରମ୍ଭ କରି ରିଅଲିଷ୍ଟେଟ, ସବୁଥିରେ ରହିଛି ଟ୍ରମ୍ପଙ୍କ ଇନଭେଷ୍ଟମେଣ୍ଟ ।
ଜାନୁଆରୀ ୨୦୨୫ରେ ସେ ଦ୍ୱିତୀୟ ଥର ପାଇଁ ଆମେରିକାର ରାଷ୍ଟ୍ରପତି ଭାବରେ ଶପଥ ଗ୍ରହଣ କରିବେ। ନିର୍ବାଚନର ଗୋଟିଏ ଦିନ ପୂର୍ବରୁ ଭୋଟରଙ୍କୁ ତାଙ୍କର ଶେଷ ସମ୍ବୋଧନରେ ଟ୍ରମ୍ପ ରାଷ୍ଟ୍ରପତି ହେବା ପରେ ତାଙ୍କର ପ୍ରଥମ ପଦକ୍ଷେପ କ’ଣ ହେବ ବୋଲି ସୂଚାଇ ଦେଇଛନ୍ତି। ଟ୍ରମ୍ପ କହିଛନ୍ତି,ତାଙ୍କ ପ୍ରଶାସନରେ ପବ୍ଲିକ୍ ହେଲ୍ଥ ସହ ଜଡିତ ୨ ମାମଲାରେ ରବର୍ଟ ଏଫ କେନେଡି ଜୁନିୟର ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ।
ଅଧିକ ପଢ଼ନ୍ତୁ ବିଦେଶ ଖବର:
ଅର୍ଗସ ବ୍ୟୁରୋ: ଦୀପାବଳି ପରେ ରାଜଧାନୀ ଦିଲ୍ଲୀ ଓ ଏନସିଆରରେ ବାୟୁ ପ୍ରଦୂଷଣ ରେକର୍ଡ ସ୍ତରରେ ପହଞ୍ଚିଛି। ଯାହାକୁ ନେଇ ଲୋକଙ୍କ ସ୍ବାସ୍ଥ୍ୟ ସମସ୍ୟା ମଧ୍ୟ ଦେଖା ଗଲାଣି। ଏଭିତରେ ହରିଆଣାର ଗୁରୁଗ୍ରାମରେ ବାୟୁ ପ୍ରଦୂଷଣ ଉପରେ ନିୟନ୍ତ୍ରଣ ଆଣିବା ଲାଗି ଆର୍ଟିଫିସିଆଲ ରେନ୍ ତଥା କୃତ୍ରିମ ବର୍ଷା କରାଯାଇଛି। ଏହି ବର୍ଷା ସେକ୍ଟର ୮୬ ସ୍ଥିତ ଡିଏଲଏଫ୍ ପ୍ରାଇମସରୁ କରାଯାଇଛି। ଡିଏଲଏଫ୍ ପ୍ରାଇମସ ଆରଡବ୍ଲୁଏର ଅଧ୍ୟକ୍ଷ ଅଚଲ ଯାଦବ କହିଛନ୍ତି, ପ୍ରଦୂଷଣକୁ ସରକାର ଏକଲା ନିୟନ୍ତ୍ରଣ କରିପାରିବେ ନାହିଁ। ଏଥିପାଇଁ ସମସ୍ତଙ୍କ ସହଯୋଗ ଆବଶ୍ୟକ। ଆମେ ଆମ ଚେଷ୍ଟାରେ ଏହି କୃତ୍ରିମ ବର୍ଷା କରାଇ ପ୍ରଦୂଷଣର ମାତ୍ରା ହ୍ରାସ କରିବାକୁ ପ୍ରୟାସ କରିଛି।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ଗୋଆରେ ସ୍ବଦେଶୀ ଜ୍ଞାନ କୌଶଳରେ ନିର୍ମିତ ଆଇଏନଏସ ବିକ୍ରାନ୍ତର ପରାକ୍ରମ ଦେଖିଲେ ରାଷ୍ଟ୍ରପତି ଦୌପଦୀ ମୁର୍ମୁ । ବିକ୍ରାନ୍ତରେ ଉପସ୍ଥିତ ରହି ଗଭୀର ସମୁଦ୍ରରେ ଭାରତୀୟ ନୌସେନାର ସମରାଭ୍ୟାସକୁ ଦେଖିଲେ ରାଷ୍ଟ୍ରପତି। ଏହାସହ ସମୁଦ୍ରରେ ସରଫେସ୍ ଅପରେସନ, ବୁଡ଼ା ଜାହାଜର ଯୁଦ୍ଧ କୌଶଳ ଦେଖିଲେ ରାଷ୍ଟ୍ରପତି। ଏଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ୧୫୦ ଯବାନଙ୍କ ଦ୍ବାରା ଅଭିବାଦନ ପ୍ରଦାନ କରାଯାଇଥିଲ। ବରିଷ୍ଠ ନୌସେନା ଅଧିକାରୀଙ୍କ ସହ ଆଲୋଚନା କରିବା ସହ ନୌସେନାର ବିଭିନ୍ନ ପରାକ୍ରମର ସାକ୍ଷୀ ରହିଲେ ରାଷ୍ଟ୍ରପତି । ବିକ୍ରାନ୍ତ ଯୁଦ୍ଧ ଜାହାଜରୁ ଲଢୁଆ ବିମାନ ଓ ହେଲିକ୍ୟାପ୍ଟରର ଉଡ଼ାଣ ଓ ଅବତରଣ କିପରି ହୁଏ ତାହାକୁ ଅତି ନିକଟରେ ଦେଖିଲେ ରାଷ୍ଟ୍ରପତି । ଏହାସହିତ ଆଇଏନଏସ ବିକ୍ରାନ୍ତରେ ମୁତୟନ ଥିବା ମହିଳା ଅଗ୍ନିବୀରଙ୍କ ସହ ଆଲୋଚନା କରିଛନ୍ତି।
ଅଧିକ ପଢ଼ନ୍ତୁ ଦେଶ ଖବର:
