ସୁନାପିଲା ହାତରେ ବନ୍ଧୁକ ନଥିଲା,ଥିଲା ଅଲମ୍ପିକ୍ସ ମଶାଲ,ଅଭିନବ ବିନ୍ଦ୍ରା କହିଛନ୍ତି ଏ ସମ୍ମାନକୁ ଶବ୍ଦରେ କହିହେବ ନାହିଁ। ଦେଶକୁ ବ୍ୟକ୍ତିଗତ ବର୍ଗରେ ପ୍ରଥମ ସ୍ୱର୍ଣ୍ଣ ପଦକ ଦେଇଥିବା ଗୋଲଡେନ ବୟ ଅଭିନବ ବିନ୍ଦ୍ରାଙ୍କୁ ଅଲମ୍ପିକ୍ସ ଅର୍ଡର ପୁରସ୍କାର ମିଳିବାକୁ ଯାଉଛି । ଏବେ ଅଲମ୍ପିକ୍ସ ଅର୍ଡର ଆୱାର୍ଡ ହାସଲ କରିବାରେ ପ୍ରଥମ ଭାରତୀୟ ମଧ୍ୟ ହେବେ ଅଭିନବ।
ଅଗଷ୍ଟ ୧୦ ତାରିଖରେ ଆଇଓସିର ୧୪୨ତମ ଅଧିବେଶନରେ ବିନ୍ଦ୍ରାଙ୍କୁ ଏହି ସମ୍ମାନ ପ୍ରଦାନ କରାଯିବ। ମାତ୍ର ଏହା ପୂର୍ବରୁ ଅଭିନବ ଅଲମ୍ପିକ୍ସରେ ମଶାଲ ଧରିଥିବାର ନଜର ଆସିଥିଲେ । ଭାରତମାତାର ଗର୍ବ ଓ ଗୌରବକୁ ବିଶ୍ୱସ୍ତରରେ ପହଞ୍ଚାଇବାରେ ଗୁରୁତ୍ବପୂର୍ଣ୍ଣ ଭୂମିକା ରହିଛି ଭାରତର ଏହି ପ୍ରସିଦ୍ଧ କ୍ରୀଡାବିତ ଅଭିନବ ବିନ୍ଦ୍ରାଙ୍କର।