ଯଦି ବର୍ଷା ଲାଗିରହେ ଓ ବିଳମ୍ବରେ ଛାଡ଼ିଯାଏ, ତାହେଲେ କମ୍ ଓଭର ବିଶିଷ୍ଟ ମ୍ୟାଚ୍ ଖେଳାଯିବ। ଏପରି ହେଲେ ଘରୋଇ ଦଳକୁ ପ୍ଲେଅଫ୍ ଯୋଗ୍ୟତା ଅର୍ଜନ କରିବା ଆହୁରି କଷ୍ଟକର ହୋଇପଡ଼ିବ। ଆଇପିଏଲ୍ ନିୟମ ଅନୁସାରେ ରାତି ୧୦ଟା ୫୬ ମିନିଟ୍ ସୁଦ୍ଧା ମ୍ୟାଚ୍ ଆରମ୍ଭ ପାଇଁ ଶେଷ ସମୟ ରହିଛି। ଏହି ସମୟରେ ଖେଳ ଆରମ୍ଭ ହେଲେ ୫ ଓଭର ବିଶିଷ୍ଟ ମ୍ୟାଚ୍ ହୋଇପାରିବ। ଅନ୍ୟପକ୍ଷରେ ଚିନ୍ନାସ୍ବାମୀ ଷ୍ଟାଡିୟମ୍ରେ ଡ୍ରେନେଜ୍ ବ୍ୟବସ୍ଥା ଦେଶରେ ସର୍ବୋକୃଷ୍ଟ। ତେଣୁ ବର୍ଷା ଛାଡ଼ିଲେ ଖେଳ ଶୀଘ୍ର ଆରମ୍ଭ ହୋଇପାରିବ।
ଶନିବାର ଯଦି ପୂର୍ଣ୍ଣାଙ୍ଗ ଓଭର ଖେଳାଯାଏ ଏବଂ ପ୍ରଥମେ ବ୍ୟାଟିଂ କରୁଥିବା ଦଳ ୨୦୦ ରନ୍ ସଂଗ୍ରହ କରେ; ସେ କ୍ଷେତ୍ରରେ ଆର୍ସିବି ୧୮ ରନ୍ରେ ସିଏସ୍କେକୁ ହରାଇବାକୁ ପଡ଼ିବ କିମ୍ବା ୧୧ ବଲ୍ ପୂର୍ବରୁ ୨୦୦ ରନ୍ ଅତିକ୍ରମ କରିବାକୁ ହେବ। ଏପରି ହୋଇପାରିଲେ ଆର୍ସିବିର ନେଟ୍ରନ୍ରେଟ୍ ସିଏସ୍କେ ଉପରକୁ ଯାଇପାରିବ। କିନ୍ତୁ ମ୍ୟାଚ୍ ଆଦୌ ହୋଇ ନପାରିଲେ, ଦଳକୁ ପ୍ରତିଯୋଗିତାରୁ ବାହାରି ଯିବାକୁ ପଡ଼ିବ।
ଅଧିକ ପଢ଼ନ୍ତୁ କ୍ରୀଡ଼ା ଖବର