ଅର୍ଗସ ବ୍ୟୁରୋ : ଆସନ୍ତା ୨୦ ତାରିଖରେ ଉତ୍ତର ଆଣ୍ଡମାନ ସାଗରରେ ସୃଷ୍ଟି ହେବ ଏକ ଘୂର୍ଣ୍ଣିବଳୟ ।ଏହାର ପ୍ରଭାବରେ ୨୨ ତାରିଖ ବେଳକୁ କେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି।ଯାହାକି ପରବର୍ତ୍ତୀ ପର୍ଯ୍ୟାୟ ରେ ଉତ୍ତର ପଶ୍ଚିମ ଦିଗକୁ ଗତି କରି ୨୪ ତାରିଖ ରେ ଏକ ଅବପାତ ରେ ପରିଣତ ହେବାର ସମ୍ଭାବନା ରହିଛି।ଯାହାର ପ୍ରଭାବରେ ୨୩ ତାରିଖରୁ ରାଜ୍ୟରେ ବର୍ଷା।
ଅଧିକ ପଢନ୍ତୁ : ୨୧ ତାରିଖରେ ବଙ୍ଗୋପସାଗରରେ ସୃଷ୍ଟି ହୋଇପାରେ ଘୂର୍ଣ୍ଣିବଳୟ
ଉପକୂଳ ଓଡ଼ିଶା ସମେତ ଆଭ୍ୟନ୍ତରିଣ ଓଡିଶାରେ ହେବ ପ୍ରବଳ ବର୍ଷା। କିନ୍ତୁ କୌଣସି ୱାର୍ଣୀଙ୍ଗ ଏବେ ସୁଦ୍ଧା ଦିଆଯାଇନଥିବା ବେଳେ ପାଣିପାଗ ବିଭାଗ ସିଷ୍ଟମ ଉପରେ ନଜର ରଖିଛି।ବର୍ତ୍ତମାନ ପର୍ଯ୍ୟନ୍ତ ବାତ୍ୟାର କୌଣସି ଆକଳନ କରାଯାଇ ନାହିଁ ଚିତ୍ର ସ୍ପଷ୍ଟ ହେଲେ ତାହା ଜଣାଇ ଦିଆଯିବ ବୋଲି କହିଛନ୍ତି ଆଂଚଳିକ ପାଣିପାଗ ବିଭାଗର ନିର୍ଦ୍ଦେଶିକା ମନୋରମା ମହାନ୍ତି।
ଅର୍ଗସ ବ୍ୟୁରୋ: ଯଦି ଆପଣ ମଧ୍ୟ ଭାବୁଛନ୍ତି ଯେ ଔଷଧୀୟ ଗୁଣରେ ଭରପୂର ଭୃଷଙ୍ଗ ପତ୍ର କେବଳ ଖାଦ୍ୟର ସ୍ୱାଦ ବଢାଇବା ପାଇଁ ବ୍ୟବହାର ହୁଏ, ତେବେ ଆପଣ ଏହି ଭୁଲ ଧାରଣାକୁ ହଟାଇବା ଉଚିତ୍ ଭୃଷଙ୍ଗ ପତ୍ର ଆପଣଙ୍କ ସ୍ୱାସ୍ଥ୍ୟକୁ ଲାଭ ଦେଇପାରେ । ଯଦି ଆପଣ ଭୃଷଙ୍ଗ ପତ୍ର ପାଣି ପିଇବାର କିଛି ଆଶ୍ଚର୍ଯ୍ୟଜନକ ଉପକାର ବିଷୟରେ ମଧ୍ୟ ଜାଣି ନାହାଁନ୍ତି, ତେବେ ଆପଣ ଏହି ପ୍ରାକୃତିକ ପାଣିକୁ ମାତ୍ର ଏକ ସପ୍ତାହ ପାଇଁ ଆପଣଙ୍କ ଖାଦ୍ୟର ଏକ ଅଂଶ କରନ୍ତୁ ।
ଭୃଷଙ୍ଗ ପତ୍ରକୁ ପାଣି କିପରି ତିଆରି କରିବେ?
ଭୃଷଙ୍ଗ ପତ୍ର ପାଣି ତିଆରି କରିବାକୁ ପ୍ରଥମେ ଏକ ପ୍ୟାନରେ ଏକ ଗ୍ଲାସ ପାଣି ଢାଳନ୍ତୁ । ବର୍ତ୍ତମାନ ଏହି ପାଣିରେ ମୁଠାଏ ଭୃଷଙ୍ଗ ପତ୍ର ମିଶାଇ ଭଲ ଭାବରେ ଫୁଟାନ୍ତୁ ଫୁଟିବା ପରେ, ଯେତେବେଳେ ଏହି ପାଣି ସାମାନ୍ୟ ଥଣ୍ଡା ହୋଇଯାଏ, ଆପଣ ଏହାକୁ ଫିଲ୍ଟର୍ କରି ପିଇପାରିବେ । ଉତ୍ତମ ଫଳାଫଳ ପାଇବା ପାଇଁ ଆପଣ ସକାଳେ ଭୃଷଙ୍ଗ ପତ୍ର ପାଣି ପିଇବା ଉଚିତ୍ । ଭୃଷଙ୍ଗ ପତ୍ରର ପାଣି ଆପଣଙ୍କ ହୃଦୟ ସ୍ୱାସ୍ଥ୍ୟ ଠାରୁ ଆରମ୍ଭ କରି ଯକୃତ ସ୍ୱାସ୍ଥ୍ୟ ପର୍ଯ୍ୟନ୍ତ ସବୁକିଛି ପାଇଁ ଲାଭଦାୟ ହୋଇଥାଏ ।
ପ୍ରତିଦିନ ଭୃଷଙ୍ଗ ପତ୍ର ପାଣି ପିଇଲେ ଆପଣ ଆପଣଙ୍କର ଓଜନ ହ୍ରାସ ଯାତ୍ରାକୁ ବହୁ ପରିମାଣରେ ସହଜ କରିପାରିବେ । ଭୃଷଙ୍ଗ ପତ୍ର ପାଣି ଆପଣଙ୍କ ଶରୀରରେ ଗଚ୍ଛିତ ଅତିରିକ୍ତ ଚର୍ବି ଜାଳିବାରେ ପ୍ରଭାବଶାଳୀ ହୋଇପାରେ । ଏହା ବ୍ୟତୀତ, ଯଦି ତୁମେ ତୁମର ରୋଗ ପ୍ରତିରୋଧକ ଶକ୍ତି ବଢାଇବାକୁ ଚାହୁଁଛ, ତେବେ ତୁମେ ଭୃଷଙ୍ଗ ପତ୍ର ପାଣି ପିଇବା ମଧ୍ୟ ଆରମ୍ଭ କରିବା ଉଚିତ । ଭୃଷଙ୍ଗ ପତ୍ରର ପାଣି ମଧ୍ୟ ଆପଣଙ୍କ ଅନ୍ତନଳୀ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ ଅର୍ଥାତ୍, ଅମ୍ଳତା ଏବଂ କୋଷ୍ଠକାଠିନ୍ୟ ଭଳି ପେଟ ସମ୍ବନ୍ଧୀୟ ସମସ୍ୟାରୁ ନିଜକୁ ରକ୍ଷା କରିବା ପାଇଁ ଭୃଷଙ୍ଗ ପତ୍ର ପାଣି ପିଇପାରିବେ ।
ଭୃଷଙ୍ଗ ପତ୍ରରେ ମିଳୁଥିବା ଉପାଦାନଗୁଡିକ
ଭୃଷଙ୍ଗ ପତ୍ରରେ ଭଲ ପରିମାଣର ଆଇରନ୍, କ୍ୟାଲସିୟମ୍, ପ୍ରୋଟିନ୍, ଭିଟାମିନ୍, ଆଣ୍ଟି-ଅକ୍ସିଡାଣ୍ଟ, ଆଣ୍ଟି-ମାଇକ୍ରୋବାୟଲ୍ ଗୁଣ ମିଳିଥାଏ । ଆୟୁର୍ବେଦ ଅନୁଯାୟୀ,ଭୃଷଙ୍ଗ ପତ୍ର ସ୍ୱାସ୍ଥ୍ୟ ପାଇଁ ଏକ ଲାଭ ବୋଲି ବିବେଚନା କରାଯାଏ ।
ଅଧିକ ପଢ଼ନ୍ତୁ ଜୀବନ ଶୈଳୀ ଖବର...
ନୟାଗଡ: ନୟାଗଡ ଜିଲ୍ଲାରେ ଆଦିବାସୀ ଗାଁରେ ଦନନୀୟ ସ୍ଥିତି । ଜିଲ୍ଲାର ୧୬୭୨ଟି ଆଦିବାସୀ ଗାଁରେ ଏଯାଏଁ ପହଂଚିନି ମୈଳିକ ସୁବିଧା । ସ୍ୱାଧୀନତାର ସାତ ଦଶନ୍ଧି ବିତି ଯାଇଥିଲେବି କେଉଁଠି ଗମନାଗମନ ପାଇଁ ରାସ୍ତା ନାହିଁ ତ କେଉଁଠି ଏ ଯାଏଁ ପହଂଚି ପାରିନି ବିଜୁଳି ଆଲୁଅ l ଶିକ୍ଷା, ସ୍ୱାସ୍ଥ୍ୟ, ମୋବାଇଲ ସେବା ଆଜିବି ଅପହଞ୍ଚ ହୋଇରହିଛି ଜିଲ୍ଲାର ଏହି ଆଦିବାସୀ ଗାଁ ମାନଙ୍କରେ l ବିକାଶର ପାଦ ନୟାଗଡ଼ ଜିଲ୍ଲାର ୧୬୭୨ଟି ଗାଁରେ ପଡିନି l
କେଉଁଠି ଗମନାଗମନ ପାଇଁ ରାସ୍ତା ନାହିଁ ତ କେଉଁଠି ଏଯାଏଁ ପହଞ୍ଚି ପାରିନି ବିଜୁଳି l ଶିକ୍ଷା, ସ୍ବାସ୍ଥ୍ୟ, ପିଇବା ପାଣି ଓ ମୋବାଇଲ ସେବା ଆଜିବି ଅପହଞ୍ଚ ହୋଇ ରହିଛି ଜିଲ୍ଲାର ୧୬୭୨ଟି ଆଦିବାସୀ ଗାଁରେ l ୨୪ ବର୍ଷର ବିଜେଡି ସରକାରର ଅପାରଗତା ପାଇଁ ନିଜର ମୌଳିକ ସୁବିଧାରୁ ବଞ୍ଚିତ ହୋଇ ରହିଛନ୍ତି ଜିଲ୍ଲାର ହଜାର ହଜାର ଆଦିବାସୀ ପରିବାର। ଜିଲ୍ଲାର ୨୨୯ଟି ଗାଁରେ ଏଯାଏଁ ବିଜୁଳି ଆଲୁଅ ପହଞ୍ଚିନଥିବା ବେଳେ ୧୦୯ଟି ଗାଁରେ ରାସ୍ତା ଓ ୨୪୭ଟି ଗାଁରେ ନାହିଁ ମୋବାଇଲ ଟାଓ୍ବାର। ଜିଲ୍ଲାର ମୋଟ ୮ଟି ବ୍ଲକ ମଧ୍ୟରୁ ଆଦିବାସୀ ବହୁଳ ଦଶପଲ୍ଲା, ଗଣିଆ, ନୂଆଗାଁ, ରଣପୁର ଓ ଭାପୁର ବ୍ଲକରେ ସର୍ବାଧିକ ଆଦିବାସୀ ଗାଁରେ ମୌଳିକ ସୁବିଧା ଅପହଞ୍ଚ। ଗଣିଆ ଓ ଦଶପଲ୍ଲା ବ୍ଲକର ପାଖାପାଖି 800 ଗାଁରେ ଲୋକ ଯାତାୟାତ ପାଇଁ ଖୁବ ଅସୁବିଧା ଭୋଗୁଥିବା ବେଳେ ଜିଲ୍ଲାର ସମସ୍ତ ୮ ଟି ବ୍ଲକରେ ଅଧିକାଂଶ ଆଦିବାସୀ ଗାଁରେ ମୋବାଇଲ ନେଟୱାର୍କ ନାହିଁ।
ଅଧିକ ପଢନ୍ତୁ ଓଡିଶା ଖବର
କଟକ: ସାମାନ୍ୟ ପବନରେ ଭାଙ୍ଗିଲା ଦଶହରା ପାଇଁ ବନ୍ଧା ଯାଇଥିବା ବାଉଁଶ ଗେଟ୍ । ଗେଟ୍ ତଳେ ଚାପି ହୋଇ ରହିଛି 5ଟି ବାଇକ୍, ଗୋଟିଏ କାର ଓ ଟାଟା ଏସି । କାହାର କୌଣସି କ୍ଷତି ହୋଇନଥିବା ଜଣାପଡିଛି । କଟକ ଖାନାଗର ନେତାଜୀ ବସଟର୍ମିନାଲ ନିକଟରେ ଘଟିଛି ଏହି ଅଘଟଣ ।
ଦଶହରାରେ ତ୍ୱରଣ ନିର୍ମାଣ କୁ ନେଇ ହାଇକୋର୍ଟ କଡା ତାଗିଦ କରିଥିଲେ। ତୋରଣ ନିର୍ମାଣ ସମୟରେ ଯେପରି ଲୋକଙ୍କ ଧନଜୀବନ କ୍ଷତି ନ ହେବ ଏହାସହ ଟ୍ରାଫିକ ସମସ୍ୟା ନ ଉପୁଯିବ ସେଥିପ୍ରତି ବିଶେଷଭାବେ ଧ୍ୟାନ ଦେବାପାଇଁ କହିଥିଲେ କୋର୍ଟ। ହେଲେ ଆଜି ସମୟ ପାଖାପାଖି ୨ ଟା ହଠାତ୍ ଗଳି ପଡ଼ିଥିଲା ଏହି ତୋରଣ। ନେତାଜୀ ସୁଭାଷ ବସ ଟର୍ମିନାଲ ସମ୍ମୁଖରେ ଖାନନଗର ପୂଜା କମିଟି ପକ୍ଷରୁ ନିର୍ମାଣ କରାଯାଇଥିବା ଇଲେକ୍ଟ୍ରିକ ତୋରଣ ଭାଙ୍ଗିଯାଇ ରାସ୍ତା ଉପରେ ପଡ଼ିଯାଇଥିଲା।
ସୌଭାଗ୍ୟ ବସତଃ ରାସ୍ତା ଉପରେ କେହି ଯାଉନଥିବାବେଳେ ପାର୍କିଂ ହୋଇଥିବା ଗୋଟିଏ କାର,ଦୁଇଟି ଅଟୋ, ତିନୋଟି ବାଇକ ଭାଙ୍ଗି ଯାଇଛି । ତୋରଣଟି ରାସ୍ତା ଉପରେ ପଡ଼ିଯାଇଥିବାରୁ ଦିର୍ଘ ସମୟ ଧରି ଶହ ଶହ ଗାଡି ଅଟକିରହିଥିଲା । ଏମିତିକି ଆମ୍ବୁଲାନ୍ସ ମଧ୍ୟ ଫଶିରହିଥିଲା । ପୂଜା କମିଟିର ସଦସ୍ୟ ସହ ପୋଲିସ କର୍ମଚାରୀ ରାସ୍ତାକୁ ଦୀର୍ଘ ସମୟ ଧରି ରାସ୍ତା କ୍ଲିୟର କରାଇଥିଲେ ।
ଆହୁରି ପଢନ୍ତୁ ଓଡିଶା ଖବର...
