ଅର୍ଗସ ବ୍ୟୁରୋ: ମଧ୍ୟପ୍ରଦେଶ ଦିନ୍ଦୋରୀରେ ମର୍ମନ୍ତୁଦ ଦୁର୍ଘଟଣା । ବଡ଼ଝର ଘାଟିରେ ଓଲଟି ପଡ଼ିଲା ପିକ୍ ଅପ୍ ଭ୍ୟାନ୍ । ଫଳରେ ୧୪ ଜଣଙ୍କ ମୃତ୍ୟୁ ହୋଇଥିବା ବେଳେ ୨୦ରୁ ଅଧିକ ଆହତ ହୋଇଥିବା ସୂଚନା ରହିଛି ।
ସ୍ଥାନୀୟ ଲୋକଙ୍କ ସାହାଯ୍ୟରେ ଆହତଙ୍କୁ ଉଦ୍ଧାର କରାଯାଇ ଶାହପୁରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଏନେଇ ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ଡଃ ମୋହନ ଯାଦବ । ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇବା ସହ ଅମର ଆତ୍ମର ସଦଗତି ପ୍ରାର୍ଥନା କରିଛନ୍ତି । ଏହାସହ ମୃତକଙ୍କ ପରିବାରକୁ 4 ଲକ୍ଷ ଟଙ୍କା ଲେଖାଏଁ ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ।
ଆହତଙ୍କର କିପରି ଠିକ୍ ଭାବରେ ଚିକିତ୍ସା କରାଯିବ ଏନେଇ ମୁଖ୍ୟମନ୍ତ୍ରୀ ଓ କ୍ୟାବିନେଟ ମନ୍ତ୍ରୀ ଶ୍ରୀମତୀ ସମ୍ପତିୟା ଉଇକି ଜିଲ୍ଲାପାଳଙ୍କୁ କଡା ନିର୍ଦ୍ଦେଶ ଦେଇଛନ୍ତି ।
ଭୁବନେଶ୍ବର : ୭ ତାରିଖରେ ଭୁବନେଶ୍ୱର ମହାନଗର ନିଗମ ଅଞ୍ଚଳର ସମସ୍ତ ସ୍କୁଲ କଲେଜ ଗୁଡିକ ସମ୍ପୂର୍ଣ୍ଣ ଛୁଟି ରହିବ । ସରକାରୀ କାର୍ଯ୍ୟାଳୟ ଗୁଡିକର ପ୍ରଥମାର୍ଦ୍ଧ ଛୁଟି ରହିବ । ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସେପ୍ଟେମ୍ୱର ୧୭ ତାରିଖରେ ଭୁବନେଶ୍ୱରଠାରେ ସୁଭଦ୍ରା ଯୋଜନାର ଶୁଭାରମ୍ଭ କରୁଛନ୍ତି। ଏଥିପାଇଁ ଭୁବନେଶ୍ୱରରେ ବିପୁଳ ଜନ ସମାଗମ ହେବ।
ଅଧିକ ପଢନ୍ତୁ : ସୁଭଦ୍ରା ଯୋଜନାରେ ୨୧ ବର୍ଷ ବୟସ ପରେ ଆବେଦନ କରି ହେବ
ଏହାକୁ ଦୃଷ୍ଟିରେ ରଖି ଭୁବନେଶ୍ୱରର ସମସ୍ତ ସ୍କୁଲ କଲେଜ ଗୁଡିକ ସେଦିନ ସମ୍ପୂର୍ଣ୍ଣ ଛୁଟି ହେବା ସହିତ ସରକାରୀ କାର୍ଯ୍ୟାଳୟ ଗୁଡିକର ପ୍ରଥମାର୍ଦ୍ଧ ଛୁଟି ରହିବ ବୋଲି ରାଜ୍ୟ ସରକାର ନିଷ୍ପତ୍ତି ଗ୍ରହଣ କରିଛନ୍ତି ।
ଅର୍ଗସ ବ୍ୟୁରୋ : କ୍ରୀଡା ବିଭାଗରେ ବଡ଼ କେଳେଙ୍କାରୀରର ପ୍ରମାଣ ଲାଗିଛି ଅର୍ଗସ ହାତରେ । ବଜେଟରେ ଭିତ୍ତିଭୂମୀ ବିକାଶ ନାଁରେ ଶହ ଶହ କୋଟିର ବ୍ୟବସ୍ଥା କରି ଚଳୁ କରିଦେଇଛନ୍ତି ବାବୁ ଓ ନେତା। କ୍ରୀଡାବିତ୍ ଓ କ୍ରୀଡା ସଂଗଠକ ପ୍ରଶ୍ନ ଉଠାଇବା ପରେ ବିବାଦ ବଢିଛି। ନଜର ପକାନ୍ତୁ 2023-24ରେ ନବୀନ ସରକାରଙ୍କ ସ୍ପୋର୍ଟସ ବଜେଟ ଉପରେ। ମୋଟ ବ୍ୟୟ ବରାଦ ହୋଇଛି 1217 କୋଟି ଟଙ୍କା। ଯେଉଁଥିରେ ଭିତ୍ତିଭୂମୀର ବିକାଶ ପାଇଁ ରହିଛି 1044 କୋଟି ଟଙ୍କା । ଖେଳାଳିଙ୍କ ଟ୍ରେନିଂ ଓ କୋଟିଂ ପାଇଁ ମାତ୍ର 30 କୋଟି ଟଙ୍କାର। ଏମିତି ଭିତ୍ତିଭୂମୀ ବିକାଶ ହୋଇଥିଲା ଯେ ନିକଟରେ କଳିଙ୍ଗ ଷ୍ଟାଡିୟମରେ ନୂତନ ନିର୍ମିତ ସ୍ପୋର୍ଟସ ସାଇନସ ସେଣ୍ଟର ସିଲିଂ ଭାଙ୍ଗି ଖସି ପଡ଼ିଲା, ଓଡ଼ିଶାରେ ଚାଲିଥିଲା ଅଫିସର ରାଜ୍ । ଅଣ ଓଡ଼ିଆ ସଚିବଙ୍କ ନିର୍ଦ୍ଦେଶରେ ତାମିଲ କଣ୍ଟ୍ରାକ୍ଟରମାନେ କାମ ନେଇ କୋଟି କୋଟି ଟଙ୍କା ହରିଲୁଟ କରିଥିଲେ । ରାଉରକେଲା ବିଶ୍ବସ୍ତରୀୟ ହକି ଷ୍ଟାଡିୟମରେ କେଳେଙ୍କାରୀରର ବି ଖୋଲିଥିଲା ପୋଲ୍।
ଅଧିକ ପଢନ୍ତୁ : ବିଜେପିର ପ୍ରଶ୍ନ :2004ରେ ପ୍ରକଳ୍ପ ପାଇଁ କିପରି ଦେଇଥିଲେ ଏନଓସି ?
ସେହିଭଳି ବବି ଦାସଙ୍କ ନିଜ ଅଂଚଳ ଯାଜପୁରରେ ବି କ୍ରୀଡା ଭିତ୍ତିଭୂମୀ ନାଁରେ ବଡ଼ ଘୋଟାଲା ହୋଇଥିବାର ହୋଇଛି ସାଂଘାତିକ ଅଭିଯୋଗ ।ଅଗଷ୍ଟ 2021ରୁ ମେ 2024 ଅର୍ଥାତ 3 ବର୍ଷରେ କଳିଙ୍ଗ ଷ୍ଟାଡିୟମର ଘରୋଇ ସୁରକ୍ଷାକର୍ମୀଙ୍କ ପାଇଁ ଖର୍ଚ୍ଚ ହୋଇଛି 32 କୋଟିରୁ ଅଧିକ ଟଙ୍କା। ଆଶ୍ଚର୍ଯ୍ୟର କଥା ଏଇ ସମୟରେ ଷ୍ଟାଡିୟମ ଭିତରକୁ ସାଧାରଣ ଲୋକଙ୍କ ପ୍ରବେଶ ଉପରେ ଥିଲା ରୋକ୍। ଆଉ ସୁରକ୍ଷା ପାଇଁ କୋଟି କୋଟି ଟଙ୍କା ନେଇଥିଲା ଦିଲ୍ଲୀର ଏକ ଘରୋଇ କଂପାନୀ। ସୁରକ୍ଷା ପାଇଁ କୋଟି କୋଟି ଟଙ୍କା, ଭିତ୍ତିଭୂମୀ ପାଇଁ ଶହ ଶହ କୋଟି, ହେଲେ ଖେଳାଳିଙ୍କ ପାଇଁ ନାହିଁ ଟଙ୍କା । ଯାହାକୁ ନେଇ ଉଠିଛି ପ୍ରଶ୍ନ। ବିବାଦ ଘେରକୁ ଆସିଛନ୍ତି ନବୀନ ସରକାରରେ ଥିବା କ୍ରୀଡା ମନ୍ତ୍ରୀ ଓ କ୍ରୀଡା ସଚିବ।
ଜାଣିଶୁଣି ଭିତ୍ତୀଭୂମୀ ନାଁରେ ଶହ ଶହ କୋଟିର ବଜେଟ୍ କରି ବଡ଼ ଲୁଟର ହୋଇଛି ସାଂଘାତିକ ଅଭିଯୋଗ। ସେପଟେ ରାଜ୍ୟରେ କମି କମି ଯାଉଛି ଅନ୍ତର୍ଜାତୀୟ ଖେଳାଳିଙ୍କ ସଂଖ୍ୟା। ଆଥଲେଟିକସରେ ଶ୍ରାବଣୀ, ଦୂତୀ ଓ ଅମୀୟଙ୍କ ପରେ କିଏ,ସ କାହିଁକି ଭାରତୀୟ ହକି ଦଳରେ ମାତ୍ର ଜଣେ ଓଡ଼ିଆ। ସେପଟେ ନଜର ପକାନ୍ତୁ ଅର୍ଗସ ହାତରେ ଲାଗିଥିବା ଏଇ ଦସ୍ତାବିଜ ଉପରେ। 10 ବର୍ଷ ହେଲା ରାଜ୍ୟରେ ନିଯୁକ୍ତ ହୋଇନାହାନ୍ତି ସ୍ପୋର୍ଟସ କୋଚ୍। ଏବେ ବି ଖାଲି ପଡିଛି 40ରୁ ଅଧିକ କୋଚ୍ ପଦ। ବାହାର କଂପାନୀକୁ କ୍ରୀଡାକୁ ଟେକି ଦେଇ ମୁନାଫା କମାଉଥିଲେ ପୂର୍ବ ସରକାର। ଯାହାକୁ ନେଇ ପ୍ରଶ୍ନ ଉଠାଇଛନ୍ତି ଅନ୍ତର୍ଜାତୀୟ ଆଥଲେଟ୍ ଦୁତୀ ଚାନ୍ଦ। ସାମ୍ନାକୁ ଆସିଛି ଖେଳ ବିଭାଗରେ ବଡ଼ କେଳେଙ୍କାରୀର ଚିତ୍ର। ଏବେ କେଳେଙ୍କାରୀର ଫାଇଲ୍ କୋଲି କେବେ ମୋହନ ସରକାର ନେବେ ଆକସନ୍ ତା ଉପରେ ନଜର।
