ଅର୍ଗସ ବ୍ୟୁରୋ: ଯଦି ଆପଣ ବଜାରକୁ ଯାଉଛନ୍ତି ବିସ୍କୁଟ କିଣିବା ପାଇଁ ଯାଉଛନ୍ତି, ତେବେ ଆପଣଙ୍କୁ ୫ରୁ ୧୦ ଟଙ୍କାରେ ମଧ୍ୟ ଭଲ ବିସ୍କୁଟ ମିଳିଯିବ। ଯେଉଁଥିରେ ପାଖାପାଖା ୮ରୁ ୧୦ ପିସ୍ ବିସ୍କୁଟ ଥିବ। କିନ୍ତୁ ଦୁନିଆରେ ବିସ୍କୁଟର ଏମିତି ଏକ ପିସ୍ ରହିଛି ଯାହା କେବଳ ଗୋଟିଏ ମାତ୍ର। କିନ୍ତୁ ତାର ଦାମ ଏତେ ଅଧିକ ଯେ, ସେହି ଟଙ୍କାରେ ଆପଣ କାର୍ ଗୋଟେ କିଣିପାରିବ। ଏହା ଦୁନିଆର ସବୁଠାରୁ ମହଙ୍ଗା ବିସ୍କୁଟ । ହେଲେ ପ୍ରଶ୍ନ ଉଠୁଛି କି ଏହା ଏତେ ଟଙ୍କା କଣ ପାଇଁ।
ବିବିସିର ବର୍ଷ ୨୦୧୫ର ରିପୋର୍ଟ ଅନୁସାରେ, ଅକ୍ଟୋବର ୨୦୧୫ରେ ବିସ୍କୁଟ ନିଲାମ ହୋିଥିଲା। ଯାହାର ମୂଲ୍ୟ ଲାଗିଥିଲା ୧୫ ହଜାର ପାଉଣ୍ଡ ଅର୍ଥାତ୍, ୧୫ ଲକ୍ଷ ଟଙ୍କା। ଏହା ଏତେ ମହଙ୍ଗା ଏଥିପାଇଁ କି ଏହା ଗୋଟିଏ ମାତ୍ର ବିସ୍କୁଟ। ଏହା ଟାଇଟନିକରେ ଥିଲା ଏବଂ ସୁରକ୍ଷିତ ମିଳିଥିଲା। ସ୍ପିଲର୍ସ ଏଣ୍ଡ ବେକର୍ସର ପାଇଲଟ୍ କ୍ରାକର ବିସ୍କୁଟ ଟାଇଟନିକ୍ ର ଏକ ଲାଇଫ ବୋଟ୍ ବୋଟରେ ରଖାଯାଇଥିବା ଏକ ସର୍ବାଇବଲ କିଟରେ ମିଳିଥିଲା। ଏଥିପାଇଁ ଏହାକୁ ଦୁନିଆର ସବୁଠାରୁ ଦାମି ବିସ୍କୁଟ ବୋଲି କୁହାଯାଉଛି।
ଟାଇଟନିକରୁ ମିଳିଥିଲା ବିସ୍କୁଟ:
ଏହାକୁ ଗ୍ରୀସର ଜଣେ କଲେକ୍ଟର କିଣିଥିଲେ। ଏହି ବିସ୍କୁଟକୁ RMS କାର୍ପାଥିଆରେ ରହୁଥିବା ଦମ୍ପତି ଜେମ୍ସ ଏବଂ ମାବେଲ ଫେନୱିକ୍ ସ୍ମରଣିକା ଭାବରେ ରଖିଥିଲେ । ବାସ୍ତବରେ, ଟାଇଟାନିକରେ ବଞ୍ଚିଥିବା ଲୋକଙ୍କୁ ଉଦ୍ଧାର କରିବା ପାଇଁ ଆରଏମଏସ କାର୍ପାଥିଆ ଜାହାଜକୁ ଡକାଯାଇଥିଲା। ଏହା ପରେ ଦମ୍ପତି ବିସ୍କୁଟକୁ ଉଠାଇ କୋଡାକ ଫିଲ୍ମ ଲଫାପାରେ ରଖିଥିଲେ। ଏହି ବିସ୍କୁଟ ସହିତ ଏହି ଦମ୍ପତି କିଛି ଫଟୋଗୁଡ଼ିକର ନକାରାତ୍ମକତାକୁ ମଧ୍ୟ ସଂରକ୍ଷଣ କରିଥିଲେ ।
ଅଧିକ ପଢ଼ନ୍ତୁ ବିଦେଶ ଖବର:
ଭୁବନେଶ୍ୱର: ନୟାପଲ୍ଲୀ ଥାନା କଳିଙ୍ଗ ଷ୍ଟାଡିୟମ ସମ୍ମୁଖରେ ମର୍ମନ୍ତୁଦ ସଡକ ଦୁର୍ଘଟଣା। ଦୁର୍ଘଟଣାରେ ମୃତ୍ୟୁ ବରଣ କଲେ ଟ୍ରାଫିକ କର୍ମଚାରୀ । ଡ୍ୟୁଟି ସାରି ଫେରୁଥିବା ବେଳେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । ଦ୍ରୁତ ଗତିରେ ଧକ୍କା ଦେଇ ଫେରାର ହୋଇଯାଇଛି ଦୁର୍ଘଟଣା ଘଟାଇଥିବା ଗାଡି । ଟ୍ରାଫିକ ପୋଲିସ ଜଣଙ୍କ ୟୁନିଫର୍ମ ରେ ଥିବା ବେଳେ ସେ ଚଲାଉଥିବା ପଲସର ଗାଡି ମଧ୍ୟ ଘଟଣାସ୍ଥଳରେ ପଡିଛି ।
ରାତି ପ୍ରାୟ ୧୦ ଟା ୩୦ ବେଳେ ଘଟିଛି ଏହି ଦୁର୍ଘଟଣା। ଖବର ପାଇ ପିସିଆର ଘଟଣାସ୍ଥଳରେ ପହଁଚି ଛାନଭିନ ଆରମ୍ଭ କରିଛି । ସିସିଟିଭି ଆଧାର ରେ ଦୁର୍ଘଟଣା ଘଟାଇଥିବା ଗାଡିକୁ ଖୋଜୁଛି ପୋଲିସ।
ଟ୍ରାଫିକ ସମସ୍ୟା ଓ ଦୁର୍ଘଟଣା ଯେମିତି ପ୍ରତିଦିନ ରାଜଧାନୀରେ ବଢି ବଢି ଚାଲିଛି । ସେପଟେ ରାଜଧାନୀରେ ଦିନକୁ ଦିନ ବଢୁଛି ଟ୍ରାଫିକ ସମସ୍ୟା । ଗତକାଲି ମାତ୍ର ବର୍ଷାରେ ପୁରା ଭୁବନେଶ୍ୱର ଟ୍ରାଫିକ୍ ଜାମ୍ ସମସ୍ୟା ଦେଖିବାକୁ ମିଳିଥିଲା । ପରିସ୍ଥିତି ସୁଧୁରିବା ବଦଳରେ ସମସ୍ୟା ବଢି ବଢି ଯାଉଥିବାରୁ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
ଆହୁରି ପଢନ୍ତୁ ଓଡିଶା ଖବର...
ଭୁବନେଶ୍ୱର: ଆଜି ଅବସର ନେଉଛନ୍ତି ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନା । ତେବେ ଅବସର ନେବା ପୂର୍ବରୁ ଭାବ ବିହ୍ବଳ ଟୁଇଟ ଆଗାମୀ ଦିନ ପାଇଁ ସେ ଲୋକଙ୍କ ଆଶିର୍ବାଦ କାମନା କରୁଛନ୍ତି । ଏକ୍ସ ହ୍ୟାଣ୍ଡେଲରେ ଲେଖିଛନ୍ତି, ମୁଁ ଜୀବନର ଏକ ନୂଆ ପର୍ଯ୍ୟାୟକୁ ପ୍ରବେଶ କରୁଥିବାରୁ ଜଣେ ସାଧାରଣ ଲୋକ ଭାବେ ଯେପରି ରାଜ୍ୟର ହିତ ପାଇଁ ସହଯୋଗ କରିପାରିବି ସେଥିପାଇଁ ଆପଣଙ୍କ ଆଶିର୍ବାଦ କାମନା କରୁଛି । ପ୍ରଦୀପ କହିଛନ୍ତି, ମୁଁ ସର୍ବଦା ସୀମା ଭିତରେ ରହି ପ୍ରତ୍ୟେକଙ୍କୁ ପ୍ରତିଉତ୍ତର ଦେଇଛି ।
ଅନେକକଙ୍କ ପରି ମୋର କେହି ସହଯୋଗୀ କି ସଂସ୍ଥା ପ୍ରତିଉତ୍ତର ଦିଅନ୍ତି ନାହିଁ । ମୁଁ ନିଜେ ହିଁ ସବୁର ଉତ୍ତର ଦିଏ । ସରକାରଙ୍କ ସୀମା ଅତିକ୍ରମ କରିପାରିବି ନାହିଁ । ଏଥିପାଇଁ କେ୍ତେକ ପ୍ରସଙ୍ଗରେ ପ୍ରତିଉତ୍ତର ଦେଇପାରିନାହିଁ । ଏଥିପାଇଁ ମୋତେ କ୍ଷମା କରିବେ ବୋଲି କହିଛନ୍ତି । ସେପଟେ ନୂଆ ମୁଖ୍ୟ ଶାସନ ସଚିବ ଭାବେ ଦାୟିତ୍ବ ନେବାକୁ ଥିବା ମନୋଜ ଆହୁଜା ଆଜି ଓଡିଶା ଆସିବାର ସମ୍ଭାବନା ଅଛି ।
ଅଧିକ ପଢନ୍ତୁ ଓଡ଼ିଶା ଖବର
