ନୂଆଦିଲ୍ଲୀ/ଭୁବନେଶ୍ୱର: ପୁଣି ଫେରିଲା ଫଟାପଟ କ୍ରିକେଟ । ବ୍ଲୁ ସିଟିରେ ଲିଜେଣ୍ଡ ଲିଗର କ୍ରେଜ। ଯୋଧପୁରର ବର୍କତୁଲା ଖାନରେ ଆଜିଠୁ ଆରମ୍ଭ ହେବ ଲିଜେଣ୍ଡସ ଲିଗ। ଉଦଘାଟନୀ ମ୍ୟାଚରେ କୋଣାର୍କ ସୂର୍ଯ୍ୟାସ ଓଡିଶାକୁ ଭେଟିବ ମାଣିପାଲ ଟାଇଗର୍ସ। ଉଭୟ ଦଳ ଟୁର୍ନାମେଣ୍ଟର ପ୍ରଥମ ମ୍ୟାଚ ଖେଳୁଥିବା ବେଳେ ଚଳିତ ବର୍ଷ ନିଜର ଶ୍ରେଷ୍ଠ ପ୍ରଦର୍ଶନ କରିବାକୁ କୋଣାର୍କ ସୂର୍ଯ୍ୟାସ ଓଡିଶା ଦଳ ବେଶ ଆଶାବାଦୀ। କୋଣାର୍କ ସୂର୍ଯ୍ୟାସ ଓଡିଶା ଦଳରେ ପଠାନ ବ୍ରଦର୍ସ ଇରଫାନ, ଯୁସୁଫଙ୍କ ସହ ବିନୟ କୁମାର, ରସ ଟେଲର, ଜେସି ରାଇଡ଼ର ଆଦି ଖେଳାଳି ରହିଥିବା ବେଳେ ମାଣିପାଲ ଟାଇଗର୍ସ ଦଳରେ ରବିନ ଉଥାପା, ହରଭଜନ ସିଂ, ପ୍ରଜ୍ଞାନ ଓଝା, ଡାନିଏଲ କ୍ରିଷ୍ଟିଆନ ପ୍ରମୁଖ ରହିଛନ୍ତି।
ଉଭୟ ଦଳ ନିଜର ପ୍ରଥମ ମ୍ୟାଚ ଖେଳୁଥିବାରୁ ବିଜୟ ସହ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରହିଛନ୍ତି ଉଭୟ ଟିମ। ଚଳିତ ବର୍ଷ ନୂଆ କରି ଏହି ଲିଗରେ ସାମିଲ ହୋଇଥିବା ଫ୍ରାଞ୍ଚାଇଜ କୋଣାର୍କ ସୂର୍ଯ୍ୟାସ ଓଡିଶା ଭଲ ପ୍ରଦର୍ଶନ କରିବାକୁ ବେଶ ଆଶାବାଦୀ । ଦଳ ବେଶ ସନ୍ତୁଳିତ ରହିବା ସହ ଟୁର୍ନାମେଣ୍ଟରେ ଭଲ ପ୍ରଦର୍ଶନ କରିବାକୁ ଆଶାବାଦୀ ଅଛନ୍ତି ଦଳର ଅଧିନାୟକ ଇରଫାନ ପଠାନ। ସେହିପରି ଦଳରେ ଅନ୍ୟତମ ଭାରତୀୟ ସ୍ପିନର ପ୍ରବୀଣ ତାମ୍ବେ ମଧ୍ୟ ଦଳକୁ ନେଇ ବେଶ ଆଶାବାଦୀ ଅଛନ୍ତି।
ଅଧିକ ପଢନ୍ତୁ କ୍ରୀଡା ଖବର
ବାଲେଶ୍ଵର : ବାଲେଶ୍ଵର ଗ୍ରାମ ନିର୍ମାଣ ମଣ୍ଡଳ ବିଭାଗର ମୁଖ୍ୟ ନିର୍ମାଣ ଯନ୍ତ୍ରୀଙ୍କ କାର୍ଯ୍ୟଳୟରେ ଭିଜିଲାନ୍ସର ଚଢ଼ାଉ । ମୁଖ୍ୟ ନିର୍ମାଣ ଯନ୍ତ୍ରୀ ଏନ୍ ଭି ହରିହର ରାଓଙ୍କ କୁକୁଡ଼ା ପଦା ସ୍ଥିତ କାର୍ଯ୍ୟଳୟ ଓ ସରକାରୀ ବାସଭବନ ରେ ଚଢାଉ । ଆୟବର୍ହିଭୂତ ସମ୍ପତ୍ତି ଠୁଳ ମାମଲାରେ ଚଢାଉ ଜାରି ରଖିଛି ଭିଜିଲାନ୍ସ।
ଅଧିକ ପଢନ୍ତୁ ଓଡ଼ିଶା ଖବର
ଯାଜପୁର : ଯାଜପୁର ଜିଲ୍ଲା ଧର୍ମଶାଳା ତହସିଲରେ ଗୋଟିଏ ପରେ ଗୋଟିଏ ଖୋଲୁଛି ଜମି ଦୁର୍ନୀତିର ପୋଲ୍ । ପଦାରେ ପଡୁଛି ଗରିବ ଭୂମିହୀନଙ୍କ ତଣ୍ଟି ଚିପି, କମ୍ପାନୀ ହାତକୁ ଜମି ଟେକିଦେବାର ଚକ୍ରାନ୍ତ । ଯେତେ ଖୋଳିଲେ, ସେତେ ବାହାରୁଛି । ଯାଜପୁର ଜିଲ୍ଲା ଧର୍ମଶାଳା ତହସିଲରେ ଗୋଟିଏ ପରେ ଗୋଟିଏ ଖୋଲୁଛି ଜମି ଦୁର୍ନୀତିର ପୋଲ୍ । ପଦାରେ ପଡୁଛି ଗରିବ ଭୂମିହୀନଙ୍କ ତଣ୍ଟି ଚିପି, କମ୍ପାନୀ ହାତକୁ ଜମି ଟେକିଦେବାର ଚକ୍ରାନ୍ତ । ରାଜ୍ୟରେ ବିଜେପି ସରକାର ସରକାରୀ ଜମି ଜବରଦଖଲ ଉଚ୍ଛେଦକୁ ନେଇ କଠୋର ହେଉଥିବାରୁ ପ୍ରତିବାଦ କରିବାକୁ ଗରିବଙ୍କୁ ମିଳିଛି ବଳ । ହରିଦାସପୁରରେ ସିମେଣ୍ଟ କମ୍ପାନୀ କୋଟିକୋଟି ମୂଲ୍ୟର ସରକାରୀ ଜମି ସହ ପ୍ରଭୁ ଶ୍ରୀଜଗନ୍ନାଥ ମନ୍ଦିର ଜମି ଏବଂ ଭୂମିହୀନ ଦଳିତ ପରିବାରର ସିଲିଂ ଜମି କବଜା କରିଥିବା ଅଭିଯୋଗ ହୋଇଛି । କମ୍ପାନୀ ଜମି ଫେରାଇବା ଦାବିରେ ମୁଣ୍ଡ ଟେକୁଛି ଆନ୍ଦୋଳନ ।
ଧର୍ମଶାଳା ତହସିଲ ଅଧୀନ ଥାନୁଆଳ, ହରିଦାସପୁର, ଆରୁହା, ପାଖର ପଞ୍ଚାୟତର ଯୋଗରଡ଼ା ଓ ନାନପୁର ମୌଜାରେ, ରାମକୋ କମ୍ପାନି ଜବରଦଖଲ କରିଛି ଏକର ଏକର ଜମି । ତଥ୍ୟ ଅନୁସାରେ ନାକପୋଲ ରାଜସ୍ବ ସର୍କଲ ଅଧୀନ ଯୋଗରଡ଼ା ମୌଜାର ଖାତା ନମ୍ବର ୭୯ ଓ ପ୍ଲଟ୍ ନମ୍ବର ୧୦୬ର ୧.୩୬ଏକର ଜମି, ଖାତା ନମ୍ବର ୭୭ ଓ ପ୍ଲଟ୍ ନମ୍ବର ୧୪୩ର ୧.୫୪ଏକର ଓ ପ୍ଲଟ୍ ନମ୍ବର ୧୫୨ରେ ୨.୫୩ ଏକର ଜମି କମ୍ପାନି ଜବରଦଖଲ କରିନେଇଛି । ମୁରାରିପୁର ଭାଗବତ ଗୋସାଇଁଙ୍କର ଅଧ ଏକର ମୂଲ୍ୟବାନ ଚାଷଜମି ମଧ୍ୟ କମ୍ପାନି କବ୍ଜା କରିନେଇଥିବା ଅଭିଯୋଗ ହୋଇଛି । ସରକାରୀ ଓ ଦୋବୋତ୍ତର ଜମି ବ୍ୟତୀତ କମ୍ପାନୀ ଗରିବଙ୍କ ଜମି ମଧ୍ୟ ହଡ଼ପ କରିଥିବା ଅଭିଯୋଗ ହୋଇଛି । ସ୍ଥାନୀୟ ଲୋକଙ୍କ ଦାବି ଅନୁସାରେ ଗଡ଼ମଧୁପୁର ରାଜା ଯୋଗରଡ଼ା ଓ ରଘୁନାଥପୁର ଅଞ୍ଚଳର ଦଳିତ ପରିବାର ଓ ଭୂମିହୀନଙ୍କୁ ୪ ଗୁଣ୍ଠ ଲେଖାଏଁ ଜମି ଦେଇଥିଲେ। ପରବର୍ତ୍ତୀ ସମୟରେ ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତ ଇନ୍ଦିରା ଗାନ୍ଧି, ସେମାନଙ୍କୁ ସିଲିଂ ଜମି ପଟ୍ଟା ପ୍ରଦାନ କରିଥିଲେ।
2020ରେ ସିମେଣ୍ଟ କମ୍ପାନୀ ପ୍ରତିଷ୍ଠା ସମୟରେ ବିଭିନ୍ନ ପ୍ରଲୋଭନ ଦେଖାଇ ସିମେଣ୍ଟ କମ୍ପାନି ଗରିବଙ୍କ ଜମି କବ୍ଜା କରି ନେଇଥିବା ଲୋକେ ଅଭିଯୋଗ କରିଛନ୍ତି । ଗରିବଙ୍କୁ ପ୍ରାପ୍ୟ ଦେବା ବଦଳରେ ବିଜେଡି ନେତାଙ୍କୁ ହାତ ବାରିସୀ କରି କମ୍ପାନୀ ଲୋକଙ୍କୁ ଠକିଥିବା ଲୋକେ ଅଭିଯୋଗ କରିଛନ୍ତି । ଜମି ହରାଇ ସୁଜାତା ଭଞ୍ଜଙ୍କ ପରି ଅନେକ ପରିବାର ଏବେ ରାସ୍ତାକଡ଼ରେ ଭଙ୍ଗାକୁଡିଆରେ ମୁଣ୍ଡ ଗୁଞ୍ଜିଛନ୍ତି । ବିଜେଡି ସରକାର ସମୟରେ ଲୋକଙ୍କ ବିରୋଧକୁ ଚପାଇ ଦେଉଥିଲେ ପ୍ରଭାବଶାଳୀ ରାଜନେତା ଓ ଠିକାଦାର । ଏବେ ବଢୁଛି ଲୋକଙ୍କ ଆକ୍ରୋଶ । ଜମି ଜବରଦଖଲ ନେଇ ଏହି କମ୍ପାନୀ ବିରୋଧରେ ସରକାରୀସ୍ତରରେ ହୋଇଛି ୩ଟି ଦେୱାନୀ ମାମଲା । ଗୋଚର ଜମିର ଉନ୍ନତିକରଣ ନାଁରେ ଚଞ୍ଚକତା କରି ଧର୍ମଶାଳାର ତତ୍କାଳୀନ ତହସିଲଦାର ଭୂସମ୍ପତିକୁ କମ୍ପାନି ହାତକୁ ଟେକି ଦେଇଥିବା ଅଭିଯୋଗ ସହ ନ୍ୟାୟ ଦାବି କରିଛନ୍ତି ଅଞ୍ଚଳବାସୀ ।
ଅଧିକ ପଢନ୍ତୁ ଓଡ଼ିଶା ଖବର
କେନ୍ଦୁଝର: ବ୍ୟାଙ୍କରେ ଲାଗିଲା ନିଆଁ । ଆନନ୍ଦପୁର ପୌରାଞ୍ଚଳ ଘଷିପୁରା ଥାନା ସାମ୍ନାରେ ଥିବା ଘଷିପୁରା ଷ୍ଟେଟ୍ ବ୍ୟାଙ୍କ ଶାଖାରେ ଅଗ୍ନିକାଣ୍ଡ । ଆଜି ଭୋର ସମୟରେ ଶାଖା କାର୍ଯ୍ୟାଳୟରୁ ଧୁଆଁ ବାହାରୁଥିବା ଦେଖି ସ୍ଥାନୀୟ ଲୋକେ ଶାଖା ପରିଚାଳକଙ୍କୁ ଖବର କରିଥିଲେ ।
ଖବର ପାଇ ତୁରନ୍ତ ଅଗ୍ନିଶମ ବିଭାଗର ଦୁଇଟି ଦମକଳ ପହଞ୍ଚି ନିଆଁକୁ ଆୟତ୍ତି କରିଛନ୍ତି । ଅଗ୍ନିକାଣ୍ଡରେ ବ୍ୟାଙ୍କ ଫିଲ୍ଡ ଅଫିସରଙ୍କ ପ୍ରକୋଷ୍ଠର କିଛି କାଗଜପତ୍ର ସହ ଏକ କମ୍ପ୍ୟୁଟର ପୋଡ଼ି ଯାଇଛି । ଅଗ୍ନିକାଣ୍ଡରେ କୌଣସି ବଡ଼ ଧରଣର କ୍ଷତି ଘଟିନଥିବା ସୂଚନା ଦେଇଛନ୍ତି ଶାଖା ପରିଚାଳକ । ସର୍ଟସର୍କିଟରୁ ଅଗ୍ନିକାଣ୍ଡ ଘଟିଥାଇପାରେ ବୋଲି ଅନୁମାନ କରାଯାଉଛି ।
ଅଧିକ ପଢନ୍ତୁ ଓଡିଶା ଖବର
