10-lakh-looted-from-gitarani-mohanty-mines

ଗୀତାରାଣୀ ମହାନ୍ତି ମାଇନ୍ସରୁ ବନ୍ଧୁକ ଦେଖାଇ 10 ଲକ୍ଷ ନେଇଗଲେ ଦୂର୍ବୃତ୍ତ

by Smruti Parija

10-lakh-looted-from-gitarani-mohanty-mines

ସୁନ୍ଦରଗଡ: ସୁନ୍ଦରଗଡ ଜିଲ୍ଲା ଟେନିସ ଫାଡ଼ି ଅନ୍ତର୍ଗତ ରାଇକେଲା ଗୀତାରାଣୀ ମହାନ୍ତି ମାଇନ୍ସରୁ ବନ୍ଧୁକ ଦେଖାଇ 10 ଲକ୍ଷ ଟଙ୍କା ଲୁଟିନେଲେ ଦୂର୍ବୃତ୍ତ । ଲୁଟିବା ସମୟରେ ମୁଖା ପିନ୍ଧିଥିଲେ ଦୂର୍ବୃତ୍ତ । 5 ଜଣ ଦୂର୍ବୃତ୍ତ ସାମିଲ ଥିବା ଅଭିଯୋଗ ହୋଇଛି । ସମସ୍ତଙ୍କ ପାଖରେ ଥିଲା ବନ୍ଧୁକ ଓ ଟାଙ୍ଗିଆ, ଭୁଜାଲି ।

ଦୂର୍ବୃତ୍ତମାନେ ଆସିଲେ ପାଖାପାଖି ୫ ମିନିଟ୍ ରେ ୯ ଲକ୍ଷ ୩୫ ହାଜର ୨୫୦ ଟଙ୍କା ନେଇ ଚାଲିଗଲେ । ଖଣିରେ କାର୍ଯ୍ୟରତ ପରିବହନ ସଂସ୍ଥା କ୍ରାକର ଇଣ୍ଡିଆ ପ୍ରାଇଭେଟ୍ ମାଇନିଂ ଲିମିଟେଡ଼ ନିକଟରୁ ଲୁଟିନେଲେ ଦୂର୍ବୃତ୍ତ । ପୋଲିସ ପହଞ୍ଚି ତଦନ୍ତ କରୁଛି ।

ଆହୁରି ପଢନ୍ତୁ ଅପରାଧ ଖବର...

17ରେ ଆସୁଛନ୍ତି ମୋଦି, 50 OASଙ୍କୁ ବଡ଼ ଦାୟିତ୍ଵ

by Manini Pattanayak

Modi coming in odisha in 17 september, 50 IS big responsibility

ଭୁବନେଶ୍ୱର: 17ରେ ଓଡ଼ିଶା ଆସୁଛନ୍ତି ମୋଦି। ସେପ୍ଟେମ୍ବର 17ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଓଡ଼ିଶା ଗସ୍ତକୁ ଦୃଷ୍ଟିରେ ରଖି ପ୍ରବଳ ଜନଗହଳି ହେବାକୁ ଥିବାରୁ 50 ଜଣ ବରିଷ୍ଠ OASଙ୍କୁ ପରିଚାଳନା ଦାୟିତ୍ଵ।

ଜନଗହଳି କିପରି ନିୟନ୍ତ୍ରଣ ହୋଇପାରିବ, କେହି ଅସୁବିଧାର ସମ୍ମୁଖୀନ ହେବେନି ଦୃଷ୍ଟି ଦେବେ। ମହିଳା ଓ ଶିଶୁ ବିକାଶ ବିଭାଗକୁ ରିପୋର୍ଟ କରିବାକୁ ସାଧାରଣ ପ୍ରଶାସନ ବିଭାଗର ନିର୍ଦ୍ଦେଶ। ଆସନ୍ତା 17 ମୋଦିଙ୍କ ଜନ୍ମଦିନରେ ଜନତା ମଇଦାନରେ `ସୁଭଦ୍ରା'ର ମେଗା ଲଞ୍ଚିଂ କରିବେ ମୋଦି । ଅଧିକ ପଢନ୍ତୁ ଓଡ଼ିଶା ଖବର

ଆରଜି କର ହସ୍ପିଟାଲର ଦୁଷ୍କର୍ମ ଓ ହତ୍ୟା ଘଟଣାରେ ମମତା ବାନାର୍ଜୀଙ୍କ ଅଡ଼ୁଆ କମୁନି

by Manini Pattanayak

Governor Ananda Bose slams Mamata on Kolkata rape-murder case

ନୂଆଦିଲ୍ଲୀ: ଆରଜି କର ହସ୍ପିଟାଲର ଦୁଷ୍କର୍ମ ଓ ହତ୍ୟା ଘଟଣାରେ ମମତା ବାନାର୍ଜୀଙ୍କ ଅଡ଼ୁଆ କମୁନି। ପୀଡ଼ିତାଙ୍କୁ ନ୍ୟାୟ ନ ମିଳିବା ଯାଏଁ ମମତାଙ୍କ ସହ ସଭା ମଞ୍ଚରେ ଏକାଠି ବସିବେନି ବୋଲି କହିଛନ୍ତି। ସେପଟେ ଅଭୟା କ୍ଲିନିକ ସହ ଆନ୍ଦୋଳନ ଜାରି ରଖିଛନ୍ତି ଡାକ୍ତରୀ ଛାତ୍ର। ଅନ୍ୟପଟେ ବିଜେପି କହିଛି ନିଜକୁ ନୃସଂସ ବୋଲି ପ୍ରମାଣିତ କରିସାରିଲେଣି ମୁଖ୍ୟମନ୍ତ୍ରୀ।
କୋଲକତାସ୍ଥିତ ଆରଜି କର ମେଡିକାଲ କଲେଜ ଓ ହସ୍ପିଟାଲରେ ଘଟିଥିବା ଦୁଷ୍କର୍ମ ଓ ହତ୍ୟା ଘଟଣା ବିରୋଧରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଅଡ଼ୁଆ କମୁନି। ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ନିମନ୍ତେ ପ୍ରସ୍ତୁତ ଥିବା ଘୋଷଣା କରିଥିଲେ ମମତା ବାନାର୍ଜୀ ।

ଏହାପରେ ବି ଥମୁନି ବିବାଦ। ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସାମାଜିକ ବହିଷ୍କାର କରିଛନ୍ତି ରାଜ୍ୟପାଳ ସିଭି ଆନନ୍ଦ ବୋଷ। ରାଜ୍ୟପାଳ କହିଛନ୍ତି, ସେ ମୁଖ୍ୟମନ୍ତ୍ରୀ ମମତାଙ୍କ ସହ ଆଉ କୌଣସି ସଭା ମଞ୍ଚରେ ଏକାଠି ବସିବେନି। ଏହି ଘଟଣାକୁ ନେଇ ଆରମ୍ଭ ହୋଇଥିବା ଆନ୍ଦୋଳନ ଥମିବା ନାଁ ଧରୁନି। ସ୍ୱାସ୍ଥ୍ୟ ଭବନ ଆଗରେ ଆନ୍ଦୋଳନ ଜାରି ରଖିଛନ୍ତି ଜୁନିଅର ଡାକ୍ତର। ପୀଡ଼ିତାଙ୍କୁ ନ୍ୟାୟ ନମିଳିବା ଯାଏ ଆନ୍ଦୋଳନ ଜାରି ରହିବ ବୋଲି ଡାକ୍ତର ମାନେ ଚେତାବନୀ ଦେଇଛନ୍ତି । ଏଥିସହ ସ୍ବାସ୍ଥ୍ୟ ଭବନ ଆଗରେ ଡାକ୍ତରମାନେ ଆରମ୍ଭ କରିଛନ୍ତି ଅଭୟା କ୍ଲିନିକ।

ସେପଟେ ବିଜେପି ମମତା ବାନାର୍ଜୀଙ୍କ ଉପରେ ଜୋରଦାର ବର୍ଷିଛି। ବିଜେପି ମୁଖପାତ୍ର ଶେହଜାଦ ପୁଲେୱାଲା କହିଛନ୍ତି, ମମତା ନିଜେ ଏହା ପ୍ରମାଣିତ କରିଛନ୍ତି କେତେ ନୃସଂସ..। ମମତା ସରକାର ନାରୀ ସୁରକ୍ଷା ଛାଡ଼ି ପ୍ରମାଣ ନଷ୍ଟ କରିବା, ସତ୍ୟ ଲୁଚାଇବା, ଦୁଷ୍କର୍ମକାରୀଙ୍କୁ ବଞ୍ଚାଇବାରେ ଲାଗିଛି..।

କେଜ୍ରିଓ୍ୱାଲଙ୍କୁ ମିଳିଲା ବେଲ୍, ହେଲେ କଠୋର ସର୍ତ୍ତରେ

by Manini Pattanayak

Delhi CM Reaches Residence After Holding Roadshow Near Chandgiram Akhara

ନୂଆଦିଲ୍ଲୀ: ଦୀର୍ଘ ୬ ମାସ ଜେଲରେ ରହିବା ପରେ ଆଜି ମୁକୁଳିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ। ଆଜି ସନ୍ଧ୍ୟା ପ୍ରାୟ ୬ଟା ବେଳେ ସେ ତିହାର ଜେଲରୁ ବାହାରିଛନ୍ତି। ବେଲ୍ ମିଳିଛି ହେଲେ କେଜ୍ରିୱାଲଙ୍କ ଲାଗି କଠୋର ସର୍ତ୍ତ ରଖିଛନ୍ତି କୋର୍ଟ। ମୁଖ୍ୟମନ୍ତ୍ରୀ ପଦରେ ଥାଇ ମଧ୍ୟ କେଜ୍ରିୱାଲଙ୍କୁ ସିଏମ୍ଓ ଏବଂ ସଚିବାଳୟ ଯିବା ମନା ହୋଇଛି। ଏପରି ସ୍ଥିତିରେ ଆପ୍ ନେତାମାନଙ୍କ ଆବଶ୍ୟକତା ଠାରୁ ଅଧିକ ଖୁସି ହେବା କାରଣ ହୀନ । ଜେଲ୍ ମୁଖ୍ୟମନ୍ତ୍ରୀ ଏବେ ବେଲ୍ ମୁଖ୍ୟମନ୍ତ୍ରୀ। ଏବେ ବି ମଦ ଦୁର୍ନିତୀର କଳଙ୍କ । ନୈତିକତା ହିସାବରେ କେଜେରିୱାଲ ଇସ୍ତଫା ଦେବା କଥା ବୋଲି ବିଜେପି ଦାବି କରିଛି।

156 ଦିନ ପରେ ଦିଲ୍ଲୀ ମୁଖ୍ୟମନ୍ତ୍ରୀ ତିହାର ଜେଲରୁ ମୁକୁଳିଛନ୍ତି। କେଜରିୱାଲଙ୍କୁ ଜାମିନ ଦେଇଥିଲେ ବି ସୁପ୍ରିମକୋର୍ଟ ତାଙ୍କ ପାଇଁ କଡା ସର୍ତ୍ତ ରଖିଛନ୍ତି। ନୁଖ୍ୟମନ୍ତ୍ରୀ ପଦରେ ଥାଇ ମଧ୍ୟ ମୁଖ୍ୟମନ୍ତ୍ରୀଙ୍କ ଅଫିସକୁ ଯାଇ ପାରିବେ ନାହିଁ । କୌଣସି ସରକାରୀ ଫାଇଲ୍ ବା କାଗଜପତ୍ରରେ ଦସ୍ତଖତ କରିପାରିବେ ନାହିଁ। ଏ ସମସ୍ତ ମାମଲାକୁ ନେଇ କୌଣସି ଟିପ୍ପଣୀ ଦେଇ ପାରିବେନାହିଁ କେଜ୍ରିଓ୍ବାଲ୍‌। ଏଥିସହ ତାଙ୍କୁ ଟ୍ରାଏଲ୍‌ କୋର୍ଟରେ ହାଜର ହେବାକୁ ପଡ଼ିବ।କୈାଣସି ସାକ୍ଷୀ ସହିତ କଥା ହୋଇପାରିବେ ନାହିଁ...ଏବଂ ୧୦ ଲକ୍ଷ ଟଙ୍କାର ବଣ୍ଡ ଭରିବାକୁ ପଡିବ।

ଅଧିକ ପଢନ୍ତୁ ଭାରତ ଖବର

Download Argus News App

10-lakh-looted-from-gitarani-mohanty-mines

Download Mobile App