covid-jodha-fund-corrupted-by-bjd-leader-bobby-das

ଘର

ଓଡ଼ିଶା

ବବିଙ୍କ ଜଳଖିଆ ଖର୍ଚ୍ଚ 3 ଲକ୍ଷ !

by Smruti Parija

covid-jodha-fund-corrupted-by-bjd-leader-bobby-das

NEWS HIGHLIGHTS

ବବିଙ୍କ ଜଳଖିଆ ଖର୍ଚ୍ଚ 3 ଲକ୍ଷ !
କୋଭିଡ୍ ଯୋଦ୍ଧାଙ୍କ ଟଙ୍କା, ବିଜେଡି ଚୂନ
ଭାଇରାଲ୍ ଅଡିଓରୁ କୋଭିଡ୍ କେଳେଙ୍କାରୀରର ବଡ଼ ଖୁଲାସା
କୋଭିଡ ଯୋଦ୍ଧାଙ୍କ ବିଧବାଙ୍କୁ ସରକାରୀ ବାବୁ ମାଗୁଛନ୍ତି ଟଙ୍କା
ପୁଣି ବିବାଦ ଘେରରେ ବିଜେଡି ନେତା ବବି ଦାସ

ଅର୍ଗସ ବ୍ୟୁରୋ: 15 ଲକ୍ଷରେ ପିସି 3 ଲକ୍ଷ । କୋଭିଡ୍ ସମୟର ଭାଇରାଲ୍ ଅଡିଓ ଖୋଲିଦେଇଛି କେଳେଙ୍କାରୀର ପୋଲ୍ । ନିଜକୁ କଟକର ଡିପିଆରଓ କହୁଥିବା ସରକାରୀ ବାବୁ କରୁଛନ୍ତି ଡିଲ୍। ସ୍ବାମୀଙ୍କ ମୃତ୍ୟୁ ପରେ କୋଭିଡ୍ ଯୋଦ୍ଧା ସହାୟତା ପାଇଁ ଆସିଥିବା ବିଧବା ମହିଳାଙ୍କୁ ମାଗୁଛନ୍ତି ଟଙ୍କା । ତାହା ପୁଣି 3 ଲକ୍ଷ ଟଙ୍କା । ଲାଲା ବାବୁ କହୁଥିବା ଏଇ ବାବୁ ଜଣଙ୍କ ଲଲାଟେନ୍ଦୁ ମହାପାତ୍ର ବୋଲି ସନ୍ଦେହ କରାଯାଉଛି । ଲାଲା ବାବୁ ସିଧା ସିଧା କହୁଛନ୍ତି ଟଙ୍କା ଯିବ ବିଜେଡି ଫଣ୍ଡକୁ। ବବି ଦାସଙ୍କ ଜଳଖିଆ ଖର୍ଚ୍ଚ ଇଏ, ହେଲେ ସେ ବାର୍ଗେନ୍ କରିପାରିବେନି ବୋଲି କହିଛନ୍ତି ଲାଲା ବାବୁ। ତେବେ ଏ ଅଡିଓ ତାଙ୍କର ନୁହେଁ ବୋଲି କହିଛନ୍ତି ଲଲାଟେନ୍ଦୁ ।

କୋଭିଡ ଯୋଦ୍ଧାଙ୍କ ଟଙ୍କା ଖାଉଥିଲା କିଏ, ଟଙ୍କା ଯାଉଥିଲା କି ବିଜେଡି ଫଣ୍ଡକୁ, ତଦନ୍ତ ପରିସରକୁ ଆସିବ କି ଭାଇରାଲ୍ ଅଡିଓ, ଅଣ ସାମ୍ବାଦିକଙ୍କୁ ସାମ୍ବାଦିକ ବନାଇ ହେଉଥିଲା କି ପିସି କାରବାର, ମୋଟା ଅଙ୍କର ଚାନ୍ଦା ଯାଉଥିଲା କି ପାଣ୍ଠିକୁ, ତଦନ୍ତ ପରିସରକୁ ଆସିବେ କି ବିଜେଡି ନେତା ପ୍ରଣବ ପ୍ରକାଶ ଦାଶ ଓ ପୂର୍ବତନ ଡିପିଆରଓ ଲଲାଟେନ୍ଦୁ ମହାପାତ୍ର । କୋଭିଡ୍ ସମୟରେ ପିପିଇ କିଟ୍ କେଳେଙ୍କାରୀ ଆସିଥିଲା ସାମ୍ନାକୁ । ତେବେ ମୃତକଙ୍କ ଟଙ୍କାରେ ପିସି କାରବାରର ଅଡିଓ ଅନେକ ପ୍ରଶ୍ନ ସୃଷ୍ଟି କରିଛି ।

ଆହୁରି ପଢନ୍ତୁ ଓଡିଶା ଖବର...

ମାସୁମ ଖାନର ଇସଲାମ ନଗର କେଳେଙ୍କାରୀ ପରେ ଏବେ ସାମ୍ନାକୁ ଆସିଲା ଖଣି ଲୁଟର ଚିତ୍ର

by Smruti Parija

After Masum Khan's Islam city chronicle, the pictures of mine loot came to light

ମାଲକାନଗିରି: ମାସୁମ ଖାନର ଇସଲାମ ନଗର କେଳେଙ୍କାରୀ ପରେ ଏବେ ସାମ୍ନାକୁ ଆସିଲା ଖଣି ଲୁଟର ଚିତ୍ର । ସାମ୍ନାକୁ ଆସିଛି ମାସୁମ ଖାନର ଆଉ ଏକ ଜାଲିମ କାମ। କେବଳ ସରକାରୀ ଜମି କିମ୍ବା ସରକାରୀ ଅନୁଦାନ ନୁହେଁ ବରଂ ମୋଟୁ ଅଞ୍ଚଳରୁ କୋଟି କୋଟି ଟଙ୍କାର ମୂଲ୍ୟବାନ ଧଳା ପଥର ଲୁଟ କରୁଥିଲା ମାସୁମ ।

ଇସଲାମ ନଗରଠାରୁ ମାତ୍ର କିଛି ମିଟର ଦୂରରେ ମୂଲ୍ୟବାନ ଧଳା ପଥରର ଖଣି ଖୋଳି ପଡୋଶୀ ରାଜ୍ୟକୁ ଚାଲାଣ କରୁଥିଲେ ମାସୁମ ଖାନ ଓ ତା ପରିବାର ସଦସ୍ୟ । ମୋଟୁରେ ସରକାରୀ ଜମି ହଡପ କରି ମାସୁମ ଖାନ ଇସଲାମ ନଗର ନାଁରେ ଏକ ଗାଁ ବସାଇ ଲକ୍ଷ ଲକ୍ଷ ଟଙ୍କାର ସରକାରୀ ଅନୁଦାନକୁ ଲୁଟ କରିବା ଖବର ଆମେ ଦେଖାଇଥିଲୁ । ପରେ ସରକାର ଘଟଣାରେ ତତ୍ପର ଦେଖାଇ ବଡ ଧରଣର ତଦନ୍ତ ଆରମ୍ଭ କରିଥିଲେ ।

ଏ ଭିତରେ ବର୍ତ୍ତମାନ ମାସୁମ ଖାନର ଆଉ ଏକ ଜାଲିଆତି କାମ ସାମ୍ନାକୁ ଆସିଛି। ବିଜେଡି ସରକାର ଓ ସ୍ଥାନୀୟ ନେତାଙ୍କ ଛତ୍ରଛାୟାରେ ଦୀର୍ଘ ବର୍ଷ ଧରି ମୋଟୁର ବିନାୟକପୁର ଓ ଆଲମା ଅଂଚଳରୁ ମୂଲ୍ୟବାନ ଧଳା ପଥରକୁ ବେଆଇନ ଚାଲାଣ କରୁଥିଲା ମାସୁମ ଖାନ । ତେବେ କୋଟି କୋଟି ଟଙ୍କାର ମୂଲ୍ୟବାନ ଧଳା ପଥର ଚାଲାଣ ବେଳେ କେମିତି ଜାଣିପାରିଲା ନାହିଁ ପୂର୍ବ ସରକାର ତାକୁ ନେଇ ଉଠିଛି ବଡ ପ୍ରଶ୍ନ ।

ଖୁବଶୀଘ୍ର ରାଜ୍ୟରେ ଖୋଲିବ ଧାନ ମଣ୍ଡି

by Smruti Parija

ଅର୍ଗସ ବ୍ୟୁରୋ: ଖୁବଶୀଘ୍ର ରାଜ୍ୟରେ ଖୋଲିବ ଧାନ ମଣ୍ଡି । ଧାନ କିଣାବିକା ସମୟରେ ଦଲାଲ ସକ୍ରିୟ ହେବାର ଆଶଙ୍କା ରହିଛି । ଏଥି ପାଇଁ ଦଲାଲଙ୍କ ଉପରେ ନଜର ରଖିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଛି। ଏହାସହ ସରକାର ଦଲାଲଙ୍କ ଉପରେ ନଜର ରଖିଛନ୍ତି। ତେବେ ମୋହନ ସରକାରରେ ଦଲାଲିରାଜ ଚାଲିବ ନାହିଁ ବୋଲି କହିଛନ୍ତି ଖାଦ୍ୟ ଯୋଗାଣ ମନ୍ତ୍ରୀ । କୃଷକଙ୍କ ଖାତାକୁ ସିଧାସଳଖ 3100 ଟଙ୍କା ଯିବ। ଦିନେ ଦୁଇଦିନ ମଧ୍ୟରେ ଚଳିତ ବର୍ଷ ଲାଗି ଧାନ କିଣା ନୀତି ଜାରି ହେବ ।

ମଣ୍ଡିରେ ଅତ୍ୟାଧୁନିକ ବ୍ୟବସ୍ଥା ହୋଇଛି । ଏଣିକି ମଣ୍ଡିକୁ ଯିବେ ଅଫିସର। ମଣ୍ଡିରେ ଅଫିସରଙ୍କ ଫଟୋ ଉଠାଇବା ପାଇଁ ପ୍ରସ୍ତୁତ ହୋଇଛି ଆପ। ପ୍ରତ୍ୟେକ ଅଫିସରଙ୍କୁ ମିଳିବ ଗୋଟେ ଗୋଟେ ମଣ୍ଡି ଦାୟିତ୍ବ । 4ରୁ 5 ମଣ୍ଡିକୁ ନେଇ ପ୍ରସ୍ତୁତ ହେବ ଜୋନ । ଜୋନ ଦାୟିତ୍ବରେ ରହିବେ ବରିଷ୍ଠ ଅଧିକାରୀ । ଏହି ଜୋନର ଅନୁଧ୍ୟାନ କରିବେ ଜିଲ୍ଲାପାଳ । ମଣ୍ଡିର ଉନ୍ନତି ପାଇଁ ପ୍ରଥମ ପର୍ଯ୍ୟାୟରେ 560 କୋଟି ବ୍ୟବସ୍ଥା କରାଯାଇଛି ବୋଲି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ସୂଚନା ଦେଇଛନ୍ତି।

ପୂର୍ବତନ ଉପ ପ୍ରଧାନମନ୍ତ୍ରୀ ସର୍ଦ୍ଦାର ବଲ୍ଲଭଭାଇ ପଟେଲଙ୍କୁ ମନେପକାଉଛି ସାରା ଦେଶ

by Smruti Parija

whole country is remembering former Deputy Prime Minister Sardar Ballabhai Patel

ଅର୍ଗସ ବ୍ୟୁରୋ: ପୂର୍ବତନ ଉପ ପ୍ରଧାନମନ୍ତ୍ରୀ ସର୍ଦ୍ଦାର ବଲ୍ଲଭଭାଇ ପଟେଲଙ୍କୁ ଆଜି ମନେପକାଉଛି ସାରା ଦେଶ । ଏହି ଅବସରରେ ପ୍ରଧାନମନ୍ତ୍ରୀ ଗୁଜରାଟର କେଭାଡିଆ‍ର ଷ୍ଟାଚ୍ୟୁ ଅଫ୍ ୟୁନିଟିରେ ତାଙ୍କୁ ଶ୍ରଦ୍ଧାସୁମନ ଅର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କେଭାଡିଆର ପରେଡ୍ ଗ୍ରାଉଣ୍ଡରେ ପ୍ରଧାନମନ୍ତ୍ରୀ ମିଳିତ ପରେଡରେ ଅଭିବାଦନ ଗ୍ରହଣ କରିବା ସହ ଶପଥ ପାଠ କରାଇଥିଲେ । ସର୍ଦ୍ଦାର ବଲ୍ଲଭ ଭାଇ ପଟେଲ ସ୍ବାଧୀନତା ସଂଗ୍ରାମରେ ପ୍ରମୁଖ ଭୂମିକା ଗ୍ରହଣ କରିବା ସହ ୧୯୪୭ ରୁ ୧୯୫୦ ପର୍ଯ୍ୟନ୍ତ ଉପ ପ୍ରଧାନମନ୍ତ୍ରୀ ରହିବା ସହ କେନ୍ଦ୍ର ଗୃହମନ୍ତ୍ରୀ ରହିଥିଲେ ।

Download Argus News App

covid-jodha-fund-corrupted-by-bjd-leader-bobby-das

Download Mobile App