ଜଗତସିଂହପୁର: ଓଡ଼ିଶାକୁ ଫେରିବ କି ପୋସ୍କୋ ? JSW ସହ ମିଶି ପୋସ୍କୋ ବୃହତ ପ୍ରକଳ୍ପ ସ୍ଥାପନ କରିବାକୁ ଆଗ୍ରହ ପ୍ରକାଶ କରିଥିବା ସୂଚନା ମିଳିଛି । ଏନେଇ ଶିଳ୍ପ ମନ୍ତ୍ରୀ ସମ୍ପଦ ସ୍ବାଇଁ କହିଛନ୍ତି, ସ୍ଥିର ସରକାର ରହିଲେ ଶିଳ୍ପପତିଙ୍କ ଆସ୍ଥା ବଢେ। ପୋସ୍କୋ ପ୍ରକଳ୍ପ ସ୍ଥାପନ କଲେ ଆମେ ସବୁ ପ୍ରକାର ସୁରକ୍ଷା ଓ ସହଯୋଗ ଯୋଗାଇ ଦେବୁ ।
ଓଡ଼ିଶାରେ ଡବଲ ଇଞ୍ଜିନ ସରକାର ଆସିଥିବାରୁ ଶିଳ୍ପପତିଙ୍କ ଭରସା ବଢ଼ିଛି । ପ୍ରଧାନମନ୍ତ୍ରୀ ଶିଳ୍ପ କ୍ଷେତ୍ରକୁ ଗୁରୁତ୍ଵ ଦେଉଛନ୍ତି। ରାଜ୍ୟ ସରକାର ବି ଶିଳ୍ପ କ୍ଷେତ୍ରକୁ ଅଗ୍ରାଧିକାର ଦେଉଛନ୍ତି । ପୂର୍ବରୁ ପୋସ୍କୋ କେବଳ ଜମି ଅଧିଗ୍ରହଣ ସମସ୍ୟା ନୁହେଁ ଆନ୍ତର୍ଜାତୀୟ ବଜାରରେ ଷ୍ଟିଲର ଚାହିଦା କମ କାରଣରୁ ଓଡ଼ିଶାରୁ ଓହରି ଯାଇଥିଲା ପୋସ୍କୋ । ଏବେ କିନ୍ତୁ ସେ ସମସ୍ୟା ନାହିଁ କି ଜମିର ବି କୌଣସି ସମସ୍ୟା ନାହିଁ । ସେପଟେ ଅଧିକ ଶିଳ୍ପ ଆସିଲେ ରାଜ୍ୟରେ ଅର୍ଥ ନୈତିକ ଅଭିବୃଦ୍ଧି ହେବ କହିଛନ୍ତି ସାଂସଦ ବିଭୁ ତରାଇ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ଖୋଲା ଆକାଶ ତଳେ ଭିଜିବନି ଚାଷୀର ବହୁମୂଲ୍ୟ ଶସ୍ୟ। ବୃହତ ଶସ୍ୟ ଗୋଦାମ ଯୋଜନାରେ ସାମିଲ ହୋଇଛି ରାଜ୍ୟର 58ଟି ପେକ୍ସ ଓ ଲ୍ୟାମ୍ପ୍ସ। ଏଥିପାଇଁ 107 କୋଟି ଟଙ୍କାର ଅନୁମୋଦନ କରିଛନ୍ତି ସରକାର। ସର୍ବନିମ୍ନ 500 ମେଟ୍ରିକ୍ ଟନରୁ 2500 ମେଟ୍ରିକ୍ ଟନ ପର୍ଯ୍ୟନ୍ତ ଏହି ପେକ୍ସ ଗୁଡ଼ିକର କ୍ଷମତା ରହିବ। ସେହିପରି ପଶ୍ଚିମ ଓଡ଼ିଶାର 7 ଜିଲ୍ଲାରେ 24ଟି ପେକ୍ସରେ ବିଶ୍ବର ଏହି ବୃହତ ଶସ୍ୟ ଗୋଦାମ ଯୋଜନା କାର୍ଯ୍ୟକାରୀ ହେବ।
ଏହି ପେକ୍ସ ଗୁଡ଼ିକରେ ଗୋଦାମ ଗୃହ ନିର୍ମାଣ ହେବାସହ ୱେର ହାଉସ, ଡ୍ରେନଜ, ପାଚେରୀ, ରାସ୍ତା ଆଦି ସମସ୍ତ ବ୍ୟବସ୍ଥା କରାଯିବ। ପୂର୍ବ ସରକାରର 24 ବର୍ଷର ଶାସନ ପରେ ମଧ୍ୟ ଶସ୍ୟ ସଂରକ୍ଷଣ ପାଇଁ ନା ରହିଛି ବ୍ୟାପକ ବ୍ୟବସ୍ଥା ନା ସୁଦୃଢ ଅଛି ଭିତ୍ତିଭୂମି। ଗୋଦାମ ଗୃହ ନଥିବାରୁ ଚାଷୀ ଶୋଷଣର ଶିକାର ହେଉଛନ୍ତି। ରାଜ୍ୟରେ ବିଭିନ୍ନ କୃଷିଜାତ ଦ୍ରବ୍ୟର ସଂରକ୍ଷଣ ପାଇଁ ଗୋଦାମ ଗୃହର ଆବଶ୍ୟକତା ବଢ଼ୁଥିବା ବେଳେ ଚାଷୀଙ୍କ ଦୁଃଖ ବୁଝିପାରି ଡବଲଇଞ୍ଜିନ ସରକାର ବଡ଼ ପଦକ୍ଷେପ ଗ୍ରହଣ କରିଛନ୍ତି।
ଆହୁରି ପଢନ୍ତୁ ଓଡିଶା ଖବର...
ବ୍ରହ୍ମପୁର: କ୍ଷମତାରୁ ଗଲା ପରେ ଦୁର୍ବଳ ହେଉଛି ବିଜେଡି । ନବୀନ ପଟ୍ଟନାୟକ କ୍ଷମତାରେ ଥିବାରୁ ତାଙ୍କୁ ମିଳୁଥିଲା ଜନ ସମର୍ଥନ। ଯେଉଁଠି ଜନ ସମର୍ଥନ ମିଳୁଥିଲା ସେଠି ତାଙ୍କ ନେତୃତ୍ବକୁ ପ୍ରତିନିଧି ମାନେ ମାନୁନାହାନ୍ତି । ଯେଉଁଠି ସେ ନେତୃତ୍ବ ନେଉଥିଲେ ସେଠାରେ ସୃଷ୍ଟି ହେଉଛି ବିବାଦ । କ୍ଷମତାରୁ ଗଲା ପରେ ହିଞ୍ଜିଳି ବିଜେଡିରେ ଗୋଷ୍ଠୀ କନ୍ଦଳ ଦେଖିବାକୁ ମିଳିଛି ।
ହିଞ୍ଜିଳି ବିଧାୟକ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଜିଲ୍ଲା ପରିଷଦ ପ୍ରତିନିଧି ଦେବାନନ୍ଦ ମହାପାତ୍ରଙ୍କୁ ବିରୋଧ । ବିଜେଡି ସମର୍ଥିତ ସରପଞ୍ଚ ଓ ସମିତି ସଭ୍ୟ ମିଟିଂକୁ ଆସି ନଥିଲେ । ତେଣୁ ଚର୍ଚ୍ଚା ହେଉଛି ଲୋକମାନେ ବିଜେଡି ସହ ନଥିଲେ । କ୍ଷମତାରେ ଥିବାରୁ ତାଙ୍କୁ ସେତେବେଳେ ମିଳୁଥିଲା ସମର୍ଥନ । ଆଉ କ୍ଷମତାରୁ ହଟିବା ପରେ ଗ୍ରାଉଣ୍ଡରେ ତାର ଚିତ୍ର ସ୍ପଷ୍ଟ ଦେଖାଦେଉଛି ।
ଆହୁରି ପଢନ୍ତୁ ରାଜନୀତି ଖବର...
