Flag During Prophet Muhammad’s Birth Anniversary Procession In Cuttack

ମହମ୍ମଦଙ୍କ ଜନ୍ମ ଜୟନ୍ତୀ ଅବସରରେ କଟକରେ ବିଶାଳ ପଦଯାତ୍ରା

by Banajyotshna Ray

Flag During Prophet Muhammad’s Birth Anniversary Procession In Cuttack

ଅର୍ଗସ ବ୍ୟୁରୋ: ମହାପୁରୁଷ ପ୍ରଫେଟ ମହମ୍ମଦଙ୍କ ଜନ୍ମ ଜୟନ୍ତୀ ଅବସରରେ କଟକ ସହରରେ ଇସଲାମ ଧର୍ମାବଲମ୍ବୀମାନେ ଜୁଲୁସ ବା ବିଶାଳ ପଦଯାତ୍ରା ଆୟୋଜନ କରିଥିଲେ। କଟକ ସହରର ବିଭିନ୍ନ ସାହି କମିଟି, ମହଲ୍ଲା କମିଟି ଏହି ପଦଯାତ୍ରାରେ ସାମିଲ ହୋଇଥିଲେ। ଭାଇଚାରାର ସହରରେ ହଜାର ହଜାର ସଂଖ୍ୟାରେ ଇସଲାମ ଧର୍ମାବଲମ୍ବୀ ବ୍ୟକ୍ତିମାନେ ଏହି ପଦଯାତ୍ରାରେ ସାମିଲ ହୋଇଥିଲେ। ହାତରେ ମହମ୍ମଦଙ୍କ ବାଣୀ ଓ ଇସଲାମ ଧର୍ମୀୟ ପତାକା ଧରି ସମସ୍ତେ ପଦଯାତ୍ରାରେ ସାମିଲ ହୋଇଥିଲେ। ସବୁ ସାହି ବିଭିନ୍ନ ଅଞ୍ଚଳ ପରିକ୍ରମା କରିବା ପରେ ବକ୍ସି ବଜାର ଛକରେ ଏକାଠି ହୋଇ ସୂତାହାଟ ସାହି ଦେଇ ଦରଘା ବଜାର ସ୍ଥିତ କଦମ ଏ ରସୁଲ ପହଞ୍ଚିଥିଲେ। ଏହି ଅବସରରେ ସମସ୍ତେ ପରସ୍ପରକୁ ଶୁଭେଛା ଜଣେଇବା କଦମ ଏ ରସୁଲରେ ପ୍ରାର୍ଥନା କରିଥିଲେ। ଭାଇଚାରାର ସହରରେ ଶାନ୍ତି ଶୃଙ୍ଖଳା ସହ ପାଳନ କରାଗଲା ମହମ୍ମଦଙ୍କ ଜନ୍ମ ଜୟନ୍ତୀ। ସୁରକ୍ଷା ଦୃଷ୍ଟିରୁ କମିସନରେଟ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା।

ଅଧିକ ପଢ଼ନ୍ତୁ ଓଡିଶା ଖବର:

ପୋଲିସ ଡିଜି ଓ୍ବାଇବି ଖୁରାନିଆଙ୍କ କାର୍ଯ୍ୟକାଳ ବୃଦ୍ଧି କଲେ ରାଜ୍ୟ ସରକାର

by Ritu Das

ଅର୍ଗସ ବ୍ୟୁରୋ: ପୋଲିସ ଡିଜି ଓ୍ବାଇବି ଖୁରାନିଆଙ୍କ କାର୍ଯ୍ୟକାଳ ବଢ଼ିଲା। ୧୬ ଅଗଷ୍ଟ ୨୦୨୬ ପର୍ଯ୍ୟନ୍ତ କାର୍ଯ୍ୟକାଳ ବଢ଼ାଇଲେ ରାଜ୍ୟ ସରକାର।

ସୂଚନାଯୋଗ୍ୟ ଗତ ମାସରେ ପୁଲିସ ମହାନିର୍ଦ୍ଦେଶକ ଭାବେ ୧୯୯୦ ବ୍ୟାଚର ଭାରତୀୟ ପୁଲିସ ସେବା ଅଧିକାରୀ ଯୋଗେଶ ବାହାଦୂର ଖୁରାନିଆ ଦାୟିତ୍ବ ଗ୍ରହଣ କରିଛନ୍ତି । ରାଜ୍ୟ ପୁଲିସ ମୁଖ୍ୟାଳୟରେ ସେ କାର୍ଯ୍ୟକାରୀ ପୋଲିସ ମହାନିର୍ଦ୍ଦେଶକ ଅରୁଣ ଷଡଙ୍ଗୀଙ୍କଠାରୁ ଦାୟିତ୍ବ ଗ୍ରହଣ କରିଥିଲେ।

ଅଧିକ ପଢ଼ନ୍ତୁ ଓଡ଼ିଶା ଖବର

ଜମ୍ମୁ-କଶ୍ମୀର ବିଧାନସଭା ନିର୍ବାଚନ: ପ୍ରଥମ ପର୍ଯ୍ୟାୟରେ ୫୮ ପ୍ରତିଶତରୁ ଅଧିକ ମତଦାନ

by Ritu Das

ଅର୍ଗସ ବ୍ୟୁରୋ: ଏକ ଦଶନ୍ଧି ପରେ ଜମ୍ମୁ-କଶ୍ମୀରରେ ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ଶେଷ ହୋଇଛି । ନିର୍ବାଚନ ଆୟୋଗଙ୍କ ସୂଚନା ଅନୁଯାୟୀ, ପ୍ରଥମ ପର୍ଯ୍ୟାୟରେ ୫୮ ପ୍ରତିଶତରୁ ଅଧିକ ମତଦାନ ହୋଇଛି । ଗତ ୩୫ ବର୍ଷ ମଧ୍ୟରେ ଜମ୍ମୁ-କଶ୍ମୀରରେ ଏହି ପ୍ରତିଶତ ମତଦାନ ସର୍ବାଧିକ ରହିଛି ।

ଜମ୍ମୁ-କଶ୍ମୀରର ୭ଟି ଜିଲ୍ଲା ଅନନ୍ତନାଗ, ପୁଲୱାମା, ସୋପିୟଂ, କିଶ୍ତୱାଡ଼, ରାମବନ, କୁଲଗାମ୍ ଓ ଡୋଡାରେ ମତଦାନ ହୋଇଛି । ୩୨୭୬ଟି ମତଦାନ କେନ୍ଦ୍ରରେ ମତଦାନ ହୋଇଥିଲା । ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ ୨୧୯ ଜଣ ପ୍ରାର୍ଥୀ ମଇଦାନକୁ ଓହ୍ଲାଇଥିବା ବେଳେ ସେମାନଙ୍କ ମଧ୍ୟରୁ ୯ ଜଣ ମହିଳା ପ୍ରାର୍ଥୀ ଥିଲେ ।

ଅନନ୍ତନାଗରେ ୫୪.୧୭ ପ୍ରତିଶତ ମତଦାନ ହୋଇଥିବାବେଳେ ଡୋଡାରେ ୬୯.୩୩ ପ୍ରତିଶତ ମତଦାନ ହୋଇଛି। ସେହିପରି କିଶ୍ତୱାଡ଼ରେ ୭୭.୨୩ ପ୍ରତିଶତ। କୁଲଗାମରେ ୬୧.୫୭ ପ୍ରତିଶତ । ପୁଲୱାମାରେ ୪୬.୦୩ ପ୍ରତିଶତ। ରାମବନରେ ୬୭.୭୧ ପ୍ରତିଶତ ଏବଂ ସୋପିୟଂରେ ୫୩.୬୪ ପ୍ରତିଶତ ମତଦାନ ହୋଇଛି।

ଅଧିକ ପଢ଼ନ୍ତୁ ଭାରତ ଖବର

ରାଜଧାନୀରେ ପୁଣି ବୋମାମାଡ: ୩ଟି ବୋମା ଫିଙ୍ଗିଲେ ଦୁର୍ବୁତ୍ତ

by Ritu Das

ଅର୍ଗସ ବ୍ୟୁରୋ: ରାଜଧାନୀରେ ପୁଣି ବୋମାମାଡ଼ ହୋଇଛି। କ୍ୟାପିଟାଲ ଥାନା ଅଞ୍ଚଳର ଦୁଇଟି ସ୍ଥାନରେ ବୋମାମାଡ ହୋଇଛି। ୨ଜଣ ଯୁବକ ବାଇକରେ ଆସି ଦୁଇଟି ସ୍ଥାନରେ ୩ଟି ବୋମା ପକାଇ ଫେରାର୍ ହୋଇଯାଇଛନ୍ତି। ଏଥିରେ ଜଣେ ୧୫ବର୍ଷର ନାବାଳକ ଗୁରୁତର ଆହତ ହୋଇଛନ୍ତି । ଆହତ ନାବାଳକଙ୍କ ନାମ ରାହୁଲ ନାୟକ । ତାଙ୍କୁ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।

ରାହୁଲର ଗୋଡ, ପିଠି ସହ ଏକାଧିକ ସ୍ଥାନରେ ଆଘାତ ଲାଗିଛି ବୋମାମାଡ ହୋଇଥିବା ସ୍ଥାନଗୁଡିକରେ ସିସିଟିଭି ଲାଗିଥିବାରୁ ସେଇ ଆଧାରରେ ଦୁର୍ବୃତ୍ତଙ୍କୁ ଚିହ୍ନଟ କରାଯାଉଛି । ସେମାନେ ହେଲମେଟ ସହ ମୁଖା ପିନ୍ଧିଥିବା ପ୍ରତ୍ୟକ୍ଷଦର୍ଶୀମାନେ କହିଛନ୍ତି । ପୂର୍ବଶତ୍ରୁତା କିମ୍ବା ବଟି ଆଦାୟକୁ କେନ୍ଦ୍ରକରି ବୋମାମାଡ ହୋଇଥିବା ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି।

ଅଧିକ ପଢ଼ନ୍ତୁ ଓଡ଼ିଶା ଖବର

Download Argus News App

Flag During Prophet Muhammad’s Birth Anniversary Procession In Cuttack

Download Mobile App