ଯାଜପୁର କୁସୁମାକୁ ନେଇ ଥମୁନି ଚର୍ଚ୍ଚା । କାରଣ ଏହି କଟେଜ୍ରେ କୋଟି କୋଟି ଟଙ୍କାର ଦୁର୍ନୀତି ହୋଇଥିବା ସ୍ପଷ୍ଟ ହେଲାଣି । କଥା ହେଲା, କୁସୁମା ପୌର ପରିଷଦ ଅଧିନରେ ଥିବା ପରେ ବି ନିଜ ଉପରୁ ଦୋଷ ଖସାଇବାକୁ କ୍ରୀଡା ବିଭାଗ ଉପରେ ଦୋଷ ଲଦି ଦେଇଥିଲା ପୌର ପରିଷଦ । ଅବଶ୍ୟ ଏନେଇ କ୍ରୀଡା ବିଭାଗ ସ୍ପଷ୍ଟ ଉତ୍ତର ରଖିଥିଲା । ହେଲେ କାହିଁକି ପୌର କର୍ତ୍ତୃପକ୍ଷ ମିଛ କହିଥିଲେ ତାହାକୁ ନେଇ ଏବେ ସାଧାରଣରେ ଅନେକ ପ୍ରଶ୍ନ ଉଙ୍କି ମାରୁଛି ।
ଏବେ ବଡ଼ ପ୍ରଶ୍ନ, ପ୍ରେସମିଟରେ କାହିଁକି ମିଛ କହିଲେ ପୌରପରିଷଦ ଉପାଧ୍ୟକ୍ଷ ? କାହିଁକି କହିଲେ କ୍ରୀଡା ବିଭାଗ ପାଖରେ ସବୁ ଖବର, କ୍ରୀଡା ବିଭାଗକୁ ଜମି ହସ୍ତାନ୍ତରର ମିଛ କାହିଁକି ? ପୌରପରିଷଦକୁ ମୋହରା କରୁଛନ୍ତି କି ବବି ? କୁସୁମା କଟେଜ୍ ଥିଲା କି ବବିଙ୍କ କବଜାରେ ? ଜିଲ୍ଲାପାଳଙ୍କ ଚିଠିରୁ ସ୍ପଷ୍ଟ ବ୍ୟବହାର ହେଉଥିଲା କୁସୁମା କଟେଜ୍, କିଏ ଯାଉଥିଲା, କାହା ମାଧ୍ୟମରେ ବୁକିଂ ହେଉଥିଲା, କାହା ପାଖରେ ଚାବି, କାହା ପାଖରେ ତାଲିକା...କୁସୁମା କଟେଜର ରାଜସ୍ବ ଯାଉଥିଲା କାହା ପାଖକୁ ? ତାହାକୁ ନେଇ ଏବେ ବି ସନ୍ଦେହ ହେଲାଣି ।
ଏଠାରେ ସ୍ପଷ୍ଟ, ଭାବରେ କହିରଖୁଛୁ କି...କୁସୁମା କେଳେଙ୍କାରୀର ମହାଖୁଲାସା କରିଥିଲା ଅର୍ଗସ । ୯ ଆଲିସାନ୍ ବଙ୍ଗଲାର ଚିତ୍ର ଆଣିଥିଲା ସାମ୍ନାକୁ । ଅଭିଯୋଗ ହୋଇଥିଲା କୁସୁମା କଟେଜରେ ଚାଲିଥିଲା କେଳେଙ୍କାରୀ । ତେବେ ଏ ନେଇ କିନ୍ତୁ କୌଣସି ସ୍ପଷ୍ଟ କରୁନାହାନ୍ତି ବବି । ତେବେ ସମୟ କହିବ କେବେ ମୁହଁ ଖୋଲିବେ ବିଜେଡିର ଏହି ନେତା ।