ଅର୍ଗସ ବ୍ୟୁରୋ: ଆଜି ଶେଷ ରଜ, ପୁଣି ଆର ବର୍ଷକୁ ଅପେକ୍ଷା । ତିନିଦିନ ଧରି ପାଳନ ହେଉଥିବା ଏହି ପର୍ବର ଆଜି ତୃତୀୟ ଦିନ । ଗାଁଠୁ ରାଜଧାନୀ ପର୍ଯ୍ୟନ୍ତ ଚାଲିଛି ରଜ ମଉଜ । ନୂଆ ପୋଷକ ପିନ୍ଧି ସଜେଇ ହୋଇ ସାଙ୍ଗସାଥିଙ୍କ ସହ ରଜ ଦୋଳିର ମଜା ନେଇଛନ୍ତି ଝିଅ ଓ ବୋହୂ । ପିଠାପଣାର ମହକରେ ବାସୁଛି ଗାଁ ଗଣ୍ଡା । ସବୁଠି ପୋଡ଼ ପିଠା ସାଙ୍ଗକୁ ରଜ ପାନର ଆଦର।
ଆଜି ରଜ ସଂକ୍ରାନ୍ତି, ସବୁଠି ଉତ୍ସବର ମାହୋଲ
ତେବେ ଆଜି ଶେଷ ରଜ ଏବଂ ଆସନ୍ତାକାଲି ବସୁମତୀ ସ୍ନାନ । ଏହି ଦିନରେ ମାଟି ମାଆକୁ ପୂଜା କରାଯାଇଥାଏ । ପ୍ରତିଟି ନାରୀଙ୍କୁ ସମ୍ମାନ ଦେବା ଏହି ପର୍ବର ମୁଖ୍ୟ ଉଦ୍ଦେଶ୍ୟ ।
ସବୁଠି ମହକିଛି ପୋଡ଼ପିଠାର ବାସ୍ନା, ମନ ମୋହିଛି ରଜପାନ
ଆଜି ରବିବାର ଥିବାବେଳେ ବୁଲା ବୁଲି ବେଶ୍ ଧୁମଧାମ୍ ରେ ହେବ । ଗତ ଦୁଇ ଦିନ ଧରି ଓଡିଶାବାସୀ ରଜ ପର୍ବର ମଜା ନେଉଛନ୍ତି । ଘରେ ଘରେ ବନ୍ଧୁ ବାନ୍ଧବ, ପିଠା ପଣା, ଆମିସ, ଭଳିକି ଭଳି ଖାଦ୍ୟ ଖାଇ ରଜ ପାଳୁଛନ୍ତି ଲୋକେ ।
ଆହୁରି ପଢନ୍ତୁ ଓଡିଶା ଖବର...
ଭୁବନେଶ୍ୱର: ପ୍ରେମ ପାଇଁ ଆପାର୍ଟମେଣ୍ଟରୁ ଡେଇଁ ଯୁବକଙ୍କ ମୃତ୍ୟୁ ଘଟଣା। ସୁଈସାଇଡ ନୋଟରୁ ବଡ଼ ଖୁଲାସା। ପ୍ରେମରେ ବିଚ୍ଛେଦ ପରେ ଯୁବକ ଜଣଙ୍କ ଆତ୍ମହତ୍ୟା କରିଥିବା ନେଇ ଅନୁମାନ କରାଯାଉଥିଲା। ତେବେ ନୋଟରେ ସରି ମମୀ ଏବଂ ସରି ଡାଡି ଲେଖିଛନ୍ତି ରୋନିତ। ଖାରବେଳନଗର ଅଂଚଳରେ ଛାତରୁ ଡେଇଁ ଆତ୍ମହତ୍ୟା କରିଥିଲେ ଯୁବକ। 8 ମହଲାରୁ ତଳକୁ ଡେଇଁ ପଡିଥିଲେ। ସିସିଟିଭିରେ କଏଦ ହୋଇଥିଲା ଆତ୍ମହତ୍ୟା ପୂର୍ବର ଭିଡିଓ। ଅଭିଯୋଗ ଆଧାରରେ ଅଧିକ ତଦନ୍ତ ଜାରି ରଖିଛି ଖରାବେଳନଗର ଥାନା ପୋଲିସ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ନୂଆଦିଲ୍ଲୀ ଭାରତ ମଣ୍ଡପମଠାରେ ଆୟୋଜିତ ହୋଇଛି INTERNATIONAL TELECOMMUNICATION UNION- WTSA 2024 । ଇଣ୍ଡିଆ ମୋବାଇଲ୍ କଂଗ୍ରେସ ୨୦୨୪ର ଅଷ୍ଟମ ସଂସ୍କରଣକୁ ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ମୋଦି । ଇଣ୍ଡିଆ ମୋବାଇଲ କଂଗ୍ରେସର ଅଷ୍ଟମ ସଂସ୍କରଣର ବିଷୟବସ୍ତୁ ହେଉଛି "ଦି ଫ୍ୟୁଚର ଇଜ୍ ନାଓ" । କାର୍ଯ୍ୟକ୍ରମକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି, ଡିଜିଟାଲ ଫାଷ୍ଟ ହିଁ ଆମର ଲକ୍ଷ୍ୟ ହେବା ଉଚିତ୍ । ଭାରତରେ ଏବେ ୨୦୦ରୁ ଅଧିକ ମୋବାଇଲ୍ ମାନ୍ୟୁଫାକ୍ଚରିଂ ୟୁନିଟ୍ ।
ଭାରତରେ ସେମିକଣ୍ଡକ୍ଟର୍ ଇକୋ ସିଷ୍ଟମ୍ ଉପରେ ବି ବିନିଯୋଗ ହେଉଛି । ଭାରତ ଏବେ ବିଶ୍ବର ଦ୍ବିତୀୟ ବୃହତ୍ 5G ମାର୍କେଟ୍ । ଭାରତରେ ଟେଲିକମ୍ ସେକ୍ଟରର ରିଫର୍ମ ଅକଳ୍ପନୀୟ । UPI ପେମେଣ୍ଟ ବ୍ୟବସ୍ଥା ବହୁ କମ୍ପାନୀଙ୍କୁ ସୁଯୋଗ ଦେଇଛି । ଭାରତ UPI ସହ ସମ୍ପର୍କିତ ଅନୁଭୂତି ସବୁ ଦେଶଙ୍କୁ ଜଣାଇବ । ଭାରତ ୱିମେନ୍ ଲେଡ୍ ଡେଭଲପମେଣ୍ଟ ଉପରେ କାମ କରୁଛି । ପ୍ରଥମ ଥର ପାଇଁ ITU-WTSA, ଭାରତ ଏବଂ ଏସିଆ-ପ୍ରଶାନ୍ତ ମହାସାଗରୀୟ ଦ୍ବାରା ଆୟୋଜିତ ହୋଇଛି ଏପରି କାର୍ଯ୍ୟକ୍ରମ ।
ଯେଉଁଥିରେ ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଓ ଜିଓ କମ୍ପାନୀ ଚେୟାରମ୍ୟାନ୍ ଆକାଶ ଅମ୍ବାନୀ ସାମିଲ୍ ହୋଇଛନ୍ତି । ଏଥିସହ ୧୯୦ରୁ ଅଧିକ ଦେଶର ୩ ହଜାର ପ୍ରତିନିଧି ଅଂଶଗ୍ରହଣ କରିଛନ୍ତି । ଡବ୍ଲୁଟିଏସଏ ୨୦୨୪ ଦେଶମାନଙ୍କୁ ୬ଜି, ଏଆଇ, ଆଇଓଟି, ବିଗ୍ ଡାଟା, ସାଇବର ସିକ୍ୟୁରିଟି ଇତ୍ୟାଦି ପରବର୍ତ୍ତୀ ପିଢ଼ିର ଗୁରୁତ୍ବପୂର୍ଣ୍ଣ ଜ୍ଞାନକୌଶଳର ମାନଦଣ୍ଡ ଉପରେ ଆଲୋଚନା ଏବଂ ନିର୍ଣ୍ଣୟ କରିବା ପାଇଁ ପ୍ଲାଟଫର୍ମ ପ୍ରଦାନ କରିବ ।
ଆହୁରି ପଢନ୍ତୁ ଭାରତ ଖବର...
