Not only the shrikhetra but also in the Purpalli of Odisha, the trip to Odisha Asmita

ବିଜେଡିରେ ତୀବ୍ର ହେଲାଣି ଗୋଷ୍ଠୀ କନ୍ଦଳ । କେମିତି ଦଳ ଆଗାମୀ ଦିନରେ ପଂଚାୟତ ନିର୍ବାଚନ ଲଢିବ ସେନେଇ ଦଳୀୟ ନେତା ଟେନ୍‌ସନ୍‌ରେ । ଯେହେତୁ ଏବେ ବିଶୃଙ୍ଖଳା ଚରମ ସ୍ଥିତିରେ ରହିଛି ତେଣୁ ବୈଠକ କରି ସ୍ଥିତିକୁ ଆୟତ୍ତ କରିବାକୁ ଚେଷ୍ଟା କରୁଛନ୍ତି ସୁପ୍ରିମୋ । ହେଲେ ଗତକାଲି ମିଟିଂ ପୂର୍ବରୁ ଜିଲ୍ଲା ସଭାପତି ଯେଉଁ ଗୁମର ଖୋଲିଦେଲେ ତାହାକୁ ନେଇ ଏବେ ଚର୍ଚ୍ଚା ଜୋର ।

ସୂଚନା ଅନୁସାରେ ଗତକାଲି, ଜିଲ୍ଲା ସଭାପତିଙ୍କ ସହ ଆଲୋଚନା କରିଥିଲେ ଦଳର ସମନ୍ୱୟ କମିଟି ଅଧ୍ୟକ୍ଷ ଦେବୀ ମିଶ୍ର । ଏହା ପରେ ଅପରାହ୍ନରେ ଦେବୀ ମିଶ୍ରଙ୍କ ଅଧ୍ୟକ୍ଷତାରେ ଥିବା ୧୫ ଜଣିଆ ସମନ୍ୱୟ କମିଟି, ପ୍ରସନ୍ନ ଆଚାର୍ଯ୍ୟଙ୍କ ସଂଯୋଜନାରେ ଥିବା ୧୭ଜଣିଆ ଉପଦେଷ୍ଟା କମିଟି, ଅତନୁ ସବ୍ୟସାଚୀ ନାୟକଙ୍କ ସଂଯୋଜନାରେ ଥିବା ୨୨ଜଣିଆ ସଦସ୍ୟତା ଅଭିଯାନ କମିଟି ଓ ସଞ୍ଜୟ ଦାସବର୍ମାଙ୍କ ସଂଯୋଜନାରେ ଥିବା ୨୧ଜଣିଆ କାର୍ଯ୍ୟକ୍ରମ କାର୍ଯ୍ୟାନ୍ୱୟନ କମିଟି ସମେତ ସମସ୍ତ ଜିଲ୍ଲା ସଭାପତିଙ୍କ ସହ ଆଲୋଚନା କରିଛନ୍ତି ନବୀନ । 

ମୋଟ୍‌ ଉପରେ ବିଜେଡିରେ ଦେଖାଯାଇଥିବା କନ୍ଦଳକୁ ନେଇ ଏବେ ଚିନ୍ତାରେ ସୁପ୍ରିମୋ । ତେଣୁ ଗତକାଲି ଡାକିଥିଲେ ଜରୁରୀ ବୈଠକ । ଏପଟେ, ଅକ୍ଟୋବର ୨ ଗାନ୍ଧି ଜୟନ୍ତୀରୁ ବିଜେଡି ପଦଯାତ୍ରା ଆରମ୍ଭ କରିବାକୁ ଯାଉଥିବା ବେଳେ ବୈଠକରେ ନେତାଙ୍କ ମନୋ ମାଳିନ୍ୟ ଦୂର କରି ସଂଗଠନ ସଜଡ଼ା ଉଦ୍ୟମ କେତେ ସଫଳ ହେଉଛି ତାହା ସମୟ କହିବ । 

ଜୀବନଶୈଳୀରେ ପରିବର୍ତ୍ତନର ଆବଶ୍ୟକତା ଉପରେ ଗୁରୁତ୍ଵ ଦିଆଯାଇଛି । ବିଶେଷ କରି ଅସ୍ବାସ୍ଥ୍ୟକର ଖାଇବା ଓ ଶାରୀରିକ କାର୍ଯ୍ୟକଳାପର ଅଭାବ ଯୋଗୁଁ ଭାରତରେ ଫ୍ୟାଟି ଲିଭର ସମସ୍ୟା ବଢିବାରେ ଲାଗିଛି । ଅଣଆଲକୋହଲିକ୍ ପ୍ୟାଟି ଲିଭର ଡିଜିଜ୍ ର ସବୁଠାରୁ ସାଧାରଣ ରୂପ ହେଉଛି- ମୋଟାପଣ, ମଧୁମେହ ଓ ମେଟାବୋଲିକ୍ ସମସ୍ୟା । ଦ୍ରୃତ ସହରୀକରଣ, ଅଧିକ କ୍ୟାଲୋରୀର ଖାଦ୍ୟ ଖାଇବାର ଅଭ୍ୟାସ ଯୋଗୁ ମଦ୍ୟପାନ ବିନା ମଧ୍ୟ ଅଧିକ ଲୋକ ଫ୍ୟାଟି ଲିଭରେ ପୀଡ଼ିତ ହେଉଛନ୍ତି । ଟାଇପ୍ ୨ ମଧୁମେହ ଓ ଇନସୁଲିନ ପ୍ରତିରୋଧର ବଢୁଥିବା ହାର ମଧ୍ୟ ଫ୍ୟାଟି ଲିଭର ସମସ୍ୟା ବଢିବାରେ ଯୋଗ ଦେଉଛି । ଏହାର ଚିକିତ୍ସା ନ କଲେ ଯକୃତି ପ୍ରଦାହ, ଫାଇବ୍ରୋସିସ୍ ଓ ସିରୋସିସ୍ ଭଳି ଜଟିଳ ରୋଗ ବଢିପାରେ ବୋଲି  କୁହାଯାଇଛି ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର...

ପର୍ଯ୍ୟଟନର ବିକାଶ ଲାଗି ଓଡ଼ିଶାରେ ଅପାର ସମ୍ଭାବନା ରହିଛି । ହେଲେ ପୂର୍ବ ସରକାରର ଠିକାଦାର ମଧୁଚନ୍ଦ୍ରିକା ନୀତି ଯୋଗୁଁ କିଛି ହୋଇପାରିଲା ନାହିଁ । ହେଲେ ଏବେ ସରକାର ବଦଳିଛି, ନୂଆ ସରକାର ଆସିଛି । ତେଣୁ ପର୍ଯ୍ୟଟନର ବିକାଶ ଏବେ ଧାଏଁ ଧାଏଁ ହେବ । ସେପଟେ,ଲଳିତ ଗିରି, ରତ୍ନଗିରି, ଉଦୟଗିରିର, ପୁଷ୍ପଗିରି ଓ ଲାଙ୍ଗୁଡିର ବୌଦ୍ଧ କୀର୍ତ୍ତିରାଜି ଏବେ ସଂଙ୍କଟରେ ।  ଯାଜପୁରର  ଏ ସବୁ ବୌଦ୍ଦ କୀର୍ତ୍ତୀରାଜିର ବିକାଶ ପାଇଁ  କେନ୍ଦ୍ର ସରକାର ଦେଇଥିଲେ କୋଟି କୋଟି ଟଙ୍କା। ହେଲେ ବିକାଶ ତ ଦୂର କଥା ଠିକାଦାର ପୋଷାରେ ଟଙ୍କା ବିନିଯୋଗ କଲେ ପୂର୍ବ ସରକାର। ବୌଦ୍ଦ କୀର୍ତ୍ତିରାଜି ବିକାଶ ନାଁରେ ଆସିଥିବା ଟଙ୍କାରେ ଲଳିତଗିରିରେ ତିଆରି ହେଲା ବିଳାସପୂର୍ଣ୍ଣ ବଙ୍ଗଳା । ବାଲିଚନ୍ଦ୍ରପୁରରେ ତିଆରି ହେଲା ପାନ୍ଥିକା । ଯାହା ଏବେ ଭାଙ୍ଗିରୁଜି ଭୂତକୋଠି ହେଲାଣି । ପୁଷ୍ପଗିରିରେ ହେଲା ବୌଦ୍ଦଭିକ୍ଷୁଙ୍କ ପାଇଁ ବିଦ୍ୟାଳୟ। ଯାହା ଏବେ ପରିତ୍ୟକ୍ତ । ବରାହମନ୍ଦିର ନିକଟରେ ହେଲା ସଂଗ୍ରହାଳୟ । ଯାହା ଆସୁନି କାମରେ ।

ସୂଚନା ଅନୁସାରେ, ଯାଜପୁର ଜିଲ୍ଲାରେ ପର୍ଯ୍ୟଟନର ବିକାଶ  ପାଇଁ ୨୦୧୯ରୁ ୨୦୨୩ ମଧ୍ୟରେ ଆସିଥିଲା ୧୦୦ କୋଟିରୁ ଉର୍ଦ୍ଧ୍ଵ ଟଙ୍କା । ହେଲେ ଏ ଟଙ୍କା ଖର୍ଚ୍ଚ ହେଲା  କୁସୁମା ଫ୍ଲୋଟିଂ ମ୍ୟୁଜିକାଲ ଫାଉଣ୍ଟେନରେ ୬ କୋଟି ୬୯ ଲକ୍ଷ ଖର୍ଚ୍ଚ ।  ଯାଜପୁର  ସହରରେ ବରାହ ଦ୍ବୀପରେ ଶିବା ପ୍ରକଳ୍ପରେ ୧୧ କୋଟି, କଣ୍ଟିଗଢିଆର ଦ୍ଵିତୀୟ କୁସୁମା ପୋଖରୀ ନିର୍ମାଣରେ ୩ କୋଟି ଓ ସଂଗ୍ରହାଳୟରେ ୯ କୋଟି  ଖର୍ଚ୍ଚ ହୋଇଛି । ରତ୍ନଗିରି ଭିତ୍ତିଭୁମି ବିକାଶ ନାଁ ରେ ୪ କୋଟି ୫୭ ଲକ୍ଷ, ଉଦୟଗିରିରେ ୧ କୋଟି ୭୫ ଲକ୍ଷ , ଲାଙ୍ଗୁଡି ୨ କୋଟି ୫୨ ଲକ୍ଷ , ବରାହ ପାର୍କ ନାଁରେ ଏକ କୋଟି ଖର୍ଚ୍ଚ ହୋଇଛି ।  ଏହା ବାଦ ଲଳିତଗିରି  ନିକଟରେ ପାନ୍ଥ ନିର୍ବାସ ନିର୍ମାଣରେ  ବି କୋଟି କୋଟି ଖର୍ଚ୍ଚ କରିଛନ୍ତି ପୂର୍ବ ସରକାର।  

କେନ୍ଦ୍ର ସରକାର ରାଜ୍ୟର ପ୍ରତି ଜିଲ୍ଲାରେ କେମିତି ପର୍ଯ୍ୟଟନର ବିକାଶ ହେବ ସେନେଇ କୋଟି କୋଟି ଟଙ୍କା ଦେଇଥିଲେ । ହେଲେ ରାଜ୍ୟ ସରକାର ମନଇଚ୍ଛା ଟଙ୍କା ଖର୍ଚ୍ଚ କରି ଠିକାଦାରଙ୍କୁ ପୋଷିଥିବା ଅଭିଯୋଗ ହୋଇଛି । ୩୫୮ ଟି ପର୍ଯ୍ୟଟନ ସ୍ଥଳର ବିକାଶ ପାଇଁ ନକ୍ସା ପ୍ରସ୍ତୁତ ହୋଇଥିଲା ।  ହେଲେ ଆନ୍ତରିକତାର ଅଭାରୁ ଏଥିରୁ ଅନେକ ପର୍ଯ୍ୟଟନସ୍ଥଳ ଆଜି ବି ଅବହେଳିତ।  ବାଲେଶ୍ଵରର ଚାନ୍ଦିପୁର ବେଳାଭୂମି ହେଉ କି ଉଦୟପୁର ଡଗରା ଦୁବଲାଡଡି ବେଳାଭୂମି ।  ଏସବୁର ବିକାଶ ପାଇଁ ସତେ ଯେମିତି ଆନ୍ତରିକତା ନଥିଲା ୨୪ ବର୍ଷର ସରକାରର । 

କେବଳ ପର୍ଯ୍ୟଟନ ବିଭାଗରେ ବିକାଶ ପାଇଁ କେନ୍ଦ୍ର ଟଙ୍କା ଦେଇଛି କେନ୍ଦ୍ର ତାହା ନୁହେଁ ବରଂ ପ୍ରତି ବିଭାଗରେ କୋଟି କୋଟି ଟଙ୍କା ଆସିଛି । ହେଲେ ରାଜ୍ୟ ସରକାର କେଉଁଠି ପୋଖରୀ ଖୋଳି ଟଙ୍କା ସାରିଛନ୍ତି ତ ଆଉ କେଉଁଠି ପାର୍କ କରି । ଏବେ ଅପେକ୍ଷା କେବେ ଦୁର୍ନୀତିଖୋରଙ୍କ ଉପରେ ହେଉଛି କାର୍ଯ୍ୟାନୁଷ୍ଠାନ ।