ନୂଆଦିଲ୍ଲୀ: ପାକିସ୍ତାନୀ କ୍ରିକେଟ ପ୍ଲେୟାସଙ୍କ ହରକତ ସବୁବେଳେ ବିବାଦ ଘେରକୁ ଚାଲିଆସିଥାଏ। ଏଇ ଯେମିତି ଟି୨୦ ଓ୍ୱାର୍ଲ୍ଡ କପ ଖେଳିବାକୁ ଯାଇଥିଲେ ଆମେରିକା କିନ୍ତୁ ସାଙ୍ଗରେ ସ୍ତ୍ରୀ, ପିଲା, ବାପା ମା, ବନ୍ଧୁବାନ୍ଧବ, ସାଙ୍ଗସାଥିଙ୍କୁ ମିଶାଇ ୨୮ ଜଣଙ୍କୁ ସାଙ୍ଗରେ ନେଇଥିଲେ । ପୁରା ଟିମ୍ ଲାଗି ହୋଟେଲରେ ୬୦ ଟି ରୁମ୍ ବୁକ୍ କରାଯାଇଥିଲା । ଯାହା ଏବେ ଖୁବ୍ ଚର୍ଚ୍ଚାର ବିଷୟ ପାଲଟିଛି । ଖାଲି ଚର୍ଚ୍ଚା ହେଉଛି ତାହା ନୁହେଁ ବରଂ ପାକିସ୍ତାନ କ୍ରିକେଟ ବୋର୍ଡକୁ ସମାଲୋଚନାର ଶିକାର ହେବାକୁ ପଡୁଛି । ଅନ୍ତର୍ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଆମେରିକାରେ ପାଖାପାଖି ୩୪ ଖେଳାଳୀ, ସହଯୋଗୀ ଷ୍ଟାଫ ଏବଂ ଅଧିକାରୀଙ୍କ ବ୍ୟତିତ ହୋଟେଲ୍ ୨୬ ରୁ ୨୮ ପରିବାରର ସଦସ୍ୟ ଉପସ୍ଥିତ ଥିଲେ। ତେବେ ଖେଳଳୀମାନଙ୍କ ମଧ୍ୟରେ ବାବର ଆଜମ, ହାରିସ ରାଉଫ୍, ଶାଦାବ ଖାନ, ଫଖର ଜମାଙ୍ଗ ଏବଂ ମହମ୍ମଦ ଆମିର ସାମିଲ ଅଛନ୍ତି ଯାହାଙ୍କ ପରିବାର ସଦସ୍ୟ ତାଙ୍କ ସହିତ ଆମେରିକା ଯାଇଥିଲେ।
ତେବେ ଖେଳାଳୀ ପରିବାରକୁ ସାଥିରେ ନେବା ବାବଦ ଖର୍ଚ୍ଚ ବହୁତ ହୋଇଥିଲା । ଯାହାର ଭରଣ ଖେଳାଳୀମାନେ କରିଥିଲେ କିନ୍ତୁ ପରିବାରର ସଦସ୍ୟ ସାଥିରେ ରହିବା ଦ୍ୱାରା ଖେଳାଳୀଙ୍କ ଧ୍ୟାନକୁ ପ୍ରଭାବିତ କରିଥାଏ ଯେଉଁଥିପାଇଁ ଫିଳ୍ଡରେ ସେମାନେ ଭଲ ଖେଳି ପାରିନଥାନ୍ତି । ତେବେ ଏହି ସବୁ ହରକତ ପାଇଁ ପାକିସ୍ତାନ କ୍ରିକେଟ ବୋର୍ଡ ସବୁବେଳେ ବିବାଦରେ ରହିଆସୁଛି। ଟି୨୦ ବିଶ୍ୱକପରେ ନୈରାସ୍ୟଜନକ ପଦର୍ଶନ ଏବଂ ଗ୍ରୁପ ଷ୍ଟେଜରୁ ବାହାର ହୋଇଥିଲା ପାକିସ୍ତାନ ଟିମ୍ । ଏହା ପରଠୁ ସାମ୍ନାକୁ ଆସୁଛି ପାକ୍ ପ୍ଲେୟାର୍ସମାନଙ୍କ ଅଜିବ ଗରିବ ହରକତ୍। ଆଉ ପିସିବିକୁ ନାନା କଥାର କହୁଛନ୍ତି ସମାଲୋଚକ।
ଅଧିକ ଦେଖନ୍ତୁ :
ଅର୍ଗସ ବ୍ୟୁରୋ: ଦେଶରେ ୬୬ ପ୍ରତିଶତ ମୃତ୍ୟୁର କାରଣ ଯକୃତ । ଭାରତରେ ମୁଖ୍ୟତଃ ମେଦବହୁଳତା ସମସ୍ୟା ଯୋଗୁଁ ଅଣସଂକ୍ରାମକ ରୋଗ ଓ ମୃତ୍ୟୁ ବଢିବାରେ ଲାଗିଛି । ଏଥିରେ ଯକୃତ ସ୍ବାସ୍ଥ୍ୟ ଏକ କେନ୍ଦ୍ରୀୟ ଭୂମିକା ଗ୍ରହଣ କରୁଛି । ଏକ ସରକାରୀ ବିବୃତିରେ କୁହାଯାଇଛି ଯେ କେନ୍ଦ୍ର ସ୍ଵାସ୍ଥ୍ୟ ମନ୍ତ୍ରଣାଳୟ ଅଣ-ଆଲକୋହଲିକ୍ ପ୍ୟାଟି ଲିଭର ସମସ୍ୟା ବଢିବାରେ ଲାଗିଛି । ମଧୁମେହ ଓ ହୃଦ୍ରୋଗ ଭଳି ମେଟାବୋଲିକ୍ ସମସ୍ୟା ସହିତ ଘନିଷ୍ଠ ଭାବରେ ଜଡିତ। ଏହି ସମସ୍ୟା ପ୍ରତି ୧୦ ଜଣଙ୍କ ମଧ୍ୟରୁ ତିନି ଜଣଙ୍କ ପାଖରେ ଦୋଖାଦେଇଥାଏ ।
ଜୀବନଶୈଳୀରେ ପରିବର୍ତ୍ତନର ଆବଶ୍ୟକତା ଉପରେ ଗୁରୁତ୍ଵ ଦିଆଯାଇଛି । ବିଶେଷ କରି ଅସ୍ବାସ୍ଥ୍ୟକର ଖାଇବା ଓ ଶାରୀରିକ କାର୍ଯ୍ୟକଳାପର ଅଭାବ ଯୋଗୁଁ ଭାରତରେ ଫ୍ୟାଟି ଲିଭର ସମସ୍ୟା ବଢିବାରେ ଲାଗିଛି । ଅଣଆଲକୋହଲିକ୍ ପ୍ୟାଟି ଲିଭର ଡିଜିଜ୍ ର ସବୁଠାରୁ ସାଧାରଣ ରୂପ ହେଉଛି- ମୋଟାପଣ, ମଧୁମେହ ଓ ମେଟାବୋଲିକ୍ ସମସ୍ୟା । ଦ୍ରୃତ ସହରୀକରଣ, ଅଧିକ କ୍ୟାଲୋରୀର ଖାଦ୍ୟ ଖାଇବାର ଅଭ୍ୟାସ ଯୋଗୁ ମଦ୍ୟପାନ ବିନା ମଧ୍ୟ ଅଧିକ ଲୋକ ଫ୍ୟାଟି ଲିଭରେ ପୀଡ଼ିତ ହେଉଛନ୍ତି । ଟାଇପ୍ ୨ ମଧୁମେହ ଓ ଇନସୁଲିନ ପ୍ରତିରୋଧର ବଢୁଥିବା ହାର ମଧ୍ୟ ଫ୍ୟାଟି ଲିଭର ସମସ୍ୟା ବଢିବାରେ ଯୋଗ ଦେଉଛି । ଏହାର ଚିକିତ୍ସା ନ କଲେ ଯକୃତି ପ୍ରଦାହ, ଫାଇବ୍ରୋସିସ୍ ଓ ସିରୋସିସ୍ ଭଳି ଜଟିଳ ରୋଗ ବଢିପାରେ ବୋଲି କୁହାଯାଇଛି ।
ଅଧିକ ପଢ଼ନ୍ତୁ ଜୀବନ ଶୈଳୀ ଖବର...
