ଅର୍ଗସ ବ୍ୟୁରୋ: ଅଣସରର ଆଜି ଦ୍ୱାଦଶୀ ତିଥିରେ ଶ୍ରୀଜିଉମାନଙ୍କର ଅନୁଷ୍ଠିତ ହେବ ରାଜପ୍ରାସାଦ ବିଜେ ନୀତି। ଶ୍ରୀମନ୍ଦିରରେ ସକାଳ ଧୂପ ନୀତି ବଢ଼ିବା ପରେ ଜୟବିଜୟ ଦ୍ୱାର ବନ୍ଦ କରାଯାଇ ବେହେରଣ ଦ୍ୱାର ଫିଟିବା ସହ ଶ୍ରୀମନ୍ଦିରରୁ ଶ୍ରୀନହରକୁ ରାଜପ୍ରସାଦ ବିଜେ କରାଯିବ। ଗତକାଲି ଏକାଦଶୀ ତିଥିରେ ମହାପ୍ରଭୁଙ୍କୁ ଖଳି ଲାଗି ଓ ରକ୍ତ ବସ୍ତ୍ର ଲାଗି କରାଯାଇଥିବା ବେଳେ ରାଜବୈଦ୍ୟଙ୍କ ଦ୍ବାରା ପ୍ରସ୍ତୁତ ଦଶମୂଳ ଔଷଧ ମଧ୍ୟ ମହାପ୍ରଭୁଙ୍କୁ ଲାଗି କରାଯାଇଥିଲା। ମହାପ୍ରଭୁ ଏବେ ସମ୍ପୂର୍ଣ୍ଣ ଆରୋଗ୍ୟ ଲାଭ କରିଥିବା ବେଳେ ଏହି ଖବର ଗଜପତି ମହାରାଜାଙ୍କୁ ସୂଚିତ କରାଇବା ନିମନ୍ତେ ଦଇତାପତି ଓ ବିଦ୍ୟାପତି ଶ୍ରୀଜୀଉଙ୍କ ପ୍ରସାଦ ରୂପେ କରାଳ, ଚନ୍ଦନ, ପାଟବସ୍ତ୍ରକୁ ନେଇ ଶ୍ରୀମନ୍ଦିରରୁ ଶ୍ରୀନହରକୁ ବିଜେ କରିବେ।
ସେପଟେ ଆଉ ମାତ୍ର ତିନି ଦିନ ପରେ ବିଶ୍ବ ପ୍ରସିଦ୍ଧ ରଥଯାତ୍ରା ଥିବାରୁ ତିନି ରଥର ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି। ସେହିପରି ରଥଯାତ୍ରାରେ ପ୍ରବଳ ଭକ୍ତଙ୍କ ସମାଗମ ହେବାକୁ ଥିବାବେଳେ ରାଷ୍ଟ୍ରପତି ମଧ୍ୟ ଏହି ବିଶ୍ବ ପ୍ରସିଦ୍ଧ ରଥଯାତ୍ରାରେ ସାମିଲ୍ ହେବାକୁ ଯାଉଛନ୍ତି। ତେଣୁ ଜିଲ୍ଲା, ପୋଲିସ ଓ ଶ୍ରୀମନ୍ଦିର ପ୍ରଶାସନ ପକ୍ଷରୁ ମଧ୍ୟ ସମସ୍ତ ପ୍ରସ୍ତୁତିକୁ ଜୋରଦାର କରାଯାଉଛି।
ଅଧିକ ପଢ଼ନ୍ତୁ ଓଡିଶା ଖବର:
ବରଗଡ: ବରଗଡ଼ ଜିଲ୍ଲା ଭେଡେନ୍ ବ୍ଲକ୍ ତାଲମେଣ୍ଡା ପଞ୍ଚାୟତର ଦେକୁଲବା ଗାଁ। ଏମିତି ତ ଇଏ ରାଜ୍ୟର ଅନ୍ୟ ଗାଁ ଗୁଡ଼ିକ ଭଳି ଗୋଟିଏ ସାଧାରଣ ଗାଁ। ଏଠି ବି ଲୋକେ ନାନା ସମସ୍ୟାରେ ଜର୍ଜରିତ। କିନ୍ତୁ ଏ ଗାଁ ବାବଦରେ ଖାସ୍ କଥା ହେଲା ଇଏ ବିଜେଡି ବିଧାୟିକା ସ୍ନେହାଙ୍ଗିନୀ ଛୁରିଆଁଙ୍କ ଗାଁ। ଇଏ ହେଉଛି ଗାଁ ଭିତରେ ଥିବା ପାୱାରଫୁଲ୍ ବିଧାୟିକାଙ୍କ ବଡ଼ ଅଟ୍ଟାଳିକା। ଆଉ ଇଏ ହେଉଛି ଖାସ୍ କରି ବିଧାୟିକାଙ୍କ ଘରକୁ ସଂଯୋଗ କରିବାକୁ ସ୍ବତନ୍ତ୍ର ଭାବେ ନିର୍ମିତ ରାସ୍ତା। ଏହି ରାସ୍ତାକୁ ନେଇ ବିଧାୟିକାଙ୍କ ବିରୋଧରେ ଆସିଛି ସଂଗୀନ ଅଭିଯୋଗ। ତାହା ହେଲା ସ୍ନେହାଙ୍ଗିନୀଙ୍କ ବାସଭବନକୁ ସଂଯୋଗ କରୁଥିବା ଏ ରାସ୍ତା ନିର୍ମାଣ ପାଇଁ ସରକାରୀ ଜମି ଜବରଦଖଲ କରାଯାଇଛି । ଖାଲି ଏତିକି ନୁହେଁ ରାସ୍ତା ନିର୍ମାଣ ପାଇଁ ଏହି ଜମିରେ ଥିବା ହଜାର ହଜାର ଗଛ କଟାଯାଇଛି ।
ଖାତା ନମ୍ବର 1234, ପ୍ଲଟ ନମ୍ବର 4527 ଦେଇ ଏହି ରାସ୍ତା ଯାଇଛି । ସରକାରୀ ୱେବସାଇଟରେ ଏହା ଗୋଚର ଜମି । ସେହିପରି ଖାତା ନମ୍ବର 668 ପ୍ଲଟ ନମ୍ବର 20ର ଜମି କିସମ ହେଉଛି ଗ୍ରାମ୍ୟ ଜଙ୍ଗଲ । ଏହି ଜମି ଦେଇ ମଧ୍ୟ ଆଲିସାନ ମହଲକୁ ଯାଇଛି ରାସ୍ତା। ସ୍ଥାନୀୟ ଆରଆଇ ମଧ୍ୟ ମ୍ୟାପ ଦେଖି ସ୍ପଷ୍ଟ କରିଛନ୍ତି ରାସ୍ତା ଯାଇଥିବା ଜମିର କିସମ ଗୋଚର ଓ ଗ୍ରାମ୍ୟଜଙ୍ଗଲ। ଆଶ୍ଚର୍ଯ୍ୟର କଥା ଏପର୍ଯ୍ୟନ୍ତ ପ୍ରଶାସନ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ।
ଗୋଚର ବା ଜଙ୍ଗଲ ଜମିରେ ବ୍ୟକ୍ତିଗତ ବ୍ୟବହାର ପାଇଁ ରାସ୍ତା ନିର୍ମାଣ କରାଯାଇପାରିବ ନାହିଁ ବୋଲି କହୁଛନ୍ତି ଅଧିକାରୀ। ଏହାସହ ସାର୍ବଜନୀନ ଜାଗା ବକ୍ତିଗତ ଉଦ୍ଦେଶ୍ୟରେ ବ୍ୟବହାର ବେଆଇନ ବୋଲି ବି କହିଛନ୍ତି। ଏ ନେଇ କାର୍ଯ୍ୟାନୁଷ୍ଠାନ ନିଆଯିବ ନା ନାହିଁ ପଚାରିବାରୁ କଣ କହିଛନ୍ତି ଉପ ଜିଲ୍ଲାପାଳ ଶୁଣନ୍ତୁ ।
ପୂର୍ବତନ ବିଧାୟିକା ପୁଣି ପୂର୍ବତନ ମନ୍ତ୍ରୀ, ଜଣେ ଆଇନ ନିର୍ମାତା। ସ୍ନେହାଙ୍ଗିନୀ ଏମିତି ଆଇନ ଉଲ୍ଲଂଘନ କରିବା ଯେତିକି ନିନ୍ଦନୀୟ, ସେତିକି ବିପଜ୍ଜକନକ । ଆଉ ବିଜେଡି ନେତାଙ୍କର ଏମିତି ଆଇନ ବିରୋଧୀ କାମ ପାଇଁ ସାରା ରାଜ୍ୟରେ ପୂର୍ବର ଶାସକ ଦଳ ବିରୋଧରେ ଉଠିଲା ଜୋରଦାର ସ୍ବର। ଆଉ ସତ୍ତା ବିରୋଧୀ ଲହର ଏତେ ଇଠିଲା ଯେ ବରଗଡ଼ ଜିଲ୍ଲାରୁ ପ୍ରାୟ ପୋଛି ହୋଇଗଲା ବିଜେଡି।
ଆହୁରି ପଢନ୍ତୁ ଓଡିଶା ଖବର...
ସମ୍ବଲପୁର : ବଦଳିବ ଚିତ୍ର...ଖୁବ୍ଶୀଘ୍ର ସମ୍ବଲପୁର ହେବ ଆଧୁନିକ ସ୍ବଚ୍ଛ ସହର...ନିଜ ନିର୍ବାଚନୀ କ୍ଷେତ୍ର ଗସ୍ତରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ବଡ଼ ଘୋଷଣା...ପାନୀୟ ଜଳ, ସ୍ବଚ୍ଛତା, ଡ୍ରେନେଜ, ରାସ୍ତାଘାଟ, ରାସ୍ତାପାର୍ଶ୍ବ ଆଲୋକୀକରଣ ପାଇଁ ମାଷ୍ଟରପ୍ଲାନ ପ୍ରସ୍ତୁତ କରିବା ନେଇ ଜିଲ୍ଲା ପ୍ରଶାସନ ସହ ବୈଠକରେ କଲେ ସମୀକ୍ଷା...କୁଚିଣ୍ଡାରେ ବି ପାନୀୟ ଜଳ, ରାସ୍ତା, ସ୍ୱାସ୍ଥ୍ୟ, ଶିକ୍ଷା, ଜଙ୍ଗଲ, ଜଳସେଚନ, କୃଷିଜାତ ସାମଗ୍ରୀ ବିକ୍ରି ଉପରେ ପ୍ରଶାସନ ସହ କଲେ ଆଲୋଚନା ବଦଳିବ ସମ୍ବଲପୁରର ଚିତ୍ର। ଚିକ୍ ଚିକ୍ ହେବ ରାସ୍ତା ଘାଟ। ସବୁଠି ରହିବ ଷ୍ଟ୍ରିଟ୍ ଲାଇଟ୍। ଦୂର ହେବ ଡ୍ରେନେଜ୍ ସମସ୍ୟା, ପାନୀୟ ଜଳଠାରୁ ନେଇ ଲୋକଙ୍କୁ ମିଳିବ ସବୁ ସୁବିଧା। ଲୋକସଭା ସାଂସଦ ଭାବେ ଶପଥ ନେବା ପରେ ପ୍ରଥମ ଥର ନିଜ ନିର୍ବାଚନ କ୍ଷେତ୍ର ସମ୍ବଲପୁର ଗସ୍ତରେ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏ ସବୁ ବାବଦରେ ଜିଲ୍ଲାର ପ୍ରଶାସନିକ ଅଧିକାରୀଙ୍କ ସହ କରିଛନ୍ତି ଆଲୋଚନା। ସମ୍ବଲପୁରକୁ ଅଧିକ ସ୍ବଚ୍ଛ, ଆଧୁନିକ ଓ ବିକଶିତ ସହର କରିବା ପାଇଁ ଦୀର୍ଘମିଆଦୀ ଯୋଜନା ଉପରେ ଗୁରୁତ୍ବ ଦିଆଯାଇଛି। ଏବେ ବର୍ଷା ଦିନ ଆରମ୍ଭରେ ପ୍ରଶାସନର ପ୍ରସ୍ତୁତି ସହ ପାନୀୟ ଜଳ, ସ୍ବଚ୍ଛତା, ଡ୍ରେନେଜ, ରାସ୍ତାଘାଟ, ରାସ୍ତାପାର୍ଶ୍ବ ଆଲୋକୀକରଣ ପାଇଁ ମାଷ୍ଟରପ୍ଲାନ ପ୍ରସ୍ତୁତ କରିବା ଉପରେ ସମୀକ୍ଷା କରିଛନ୍ତି କେନ୍ଦ୍ରମନ୍ତ୍ରୀ।
ସମ୍ବଲପୁର ପରେ କୁଚିଣ୍ଡାରେ ପ୍ରାଶାସନିକ ଅଧିକାରୀଙ୍କ ସହ ବୈଠକ କରିଛନ୍ତି କେନ୍ଦ୍ରମନ୍ତ୍ରୀ । କୁଚିଣ୍ଡାରେ ବି ପାନୀୟ ଜଳ, ରାସ୍ତା, ସ୍ୱାସ୍ଥ୍ୟ, ଶିକ୍ଷା, ଜଙ୍ଗଲ, ଜଳସେଚନ, କୃଷି ଉତ୍ପାଦିତ ସାମଗ୍ରୀ ଉପରେ ଆଲୋଚନା ହୋଇଥିଲା । ଜନକଲ୍ୟାଣକୁ ଗୁରୁତ୍ବ ଦେଇ ଲୋକଙ୍କ ହିତରେ କାମ କରିବା ପାଇଁ ସ୍ଥାନୀୟ ପ୍ରଶାସନକୁ ପରାମର୍ଶ ଦେଇଛନ୍ତି କେନ୍ଦ୍ରମନ୍ତ୍ରୀ । ବୈଠକରେ ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀ ତଥା କୁଚିଣ୍ଡା ବିଧାୟକ ରବି ନାରାୟଣ ନାୟକ ଉପସ୍ଥିତ ଥିଲେ । କୁଚିଣ୍ଡାରେ ଆୟୋଜିତ ‘ବିଜୟ ସମ୍ବର୍ଦ୍ଧନା ଉତ୍ସବ’ରେ ଯୋଗ ଦେଇଥିଲେ କେନ୍ଦ୍ରମନ୍ତ୍ରୀ। କୁଚିଣ୍ଡା ଉପଖଣ୍ଡ ଚିକିତ୍ସାଳୟକୁ ଯାଇ ରୋଗୀଙ୍କୁ ଭଲମନ୍ଦ ପଚାରି ବୁଝିଥିଲେ ଧର୍ମେନ୍ଦ୍ର ପ୍ରଧାନ। ଏହି ଗସ୍ତ ସମୟରେ କେନ୍ଦ୍ରମନ୍ତ୍ରୀ କୁଚିଣ୍ଡା ସ୍ଥିତ ଦୁର୍ଗା ମନ୍ଦିର ଓ ହନୁମାନ ମନ୍ଦିର ଯାଇ ଆଶୀର୍ବାଦ ଲାଭ କରିଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
